المساعد الشخصي الرقمي

مشاهدة النسخة كاملة : هواش هواش



عيناويه مووت
04/01/2009, 02:24 AM
انا وحده مخطوبه وكل يوم نتهاوش ونتراضى انا وخطيبي بس هواشنا زاد وكل يوم هواش

انا احبه وايد بس لصبر حدووود ياريت فيني ابعد عنه مشكلتي احبه اخر مره كلمته فيها قلتله لا تسافر قال ليه ليش؟؟؟

قلت بس ابيك قريب مني... وقال ليه لا انتي ولا عشره من اشكالج تتحكم فيني انا استغربت لانه عمره ما قالي هذا الكلام صح كنا نتهاوش وهو يرمي كلام قاسي بس مثل اخر مره لا ما صارت بينى ...وبعدها بخمس دقايق اتصل انا عبالي بيراضيني رديت قالي شفي من بعد اليوم لا تتصلين ولا انا بتصل ولا تراسليني ولا انا برسلج وسكر ....

انا من اتهاوش معاه اضايق وايد واقعد مضايق حتى نرد لبعض واهو عارف هذا الشي والله مو بايدي لا اضحك ولا افرح

شو اسوي ؟؟؟؟ ابي منج حل

ساعة غروب
04/01/2009, 10:59 AM
انا من رايي انج تخلين الموضوع يهدأ شوي

بعدوا عن بعض فترة وعشان كل واحد فيكم يشتاق للثاني

لا تتصلين فيه ولا ترسلين له مسج مثل ما قال بس خليه على راحته

لما يهدأ ويرجع مرة ثانيه

عيناويه مووت
06/01/2009, 02:11 AM
انا ما بتصل ولا برسل بس والله خايفه انه ما يتصل على طول

والله ما اقدر على بعده

ساعة غروب
06/01/2009, 10:08 AM
دامه يحبج بأذن الله بيرجع

عيناويه مووت
09/01/2009, 03:26 AM
اليوم خطيبي اتصل اضهر وما رديت وبعدين اتصل بليل اتصل اكثر من عشرين مكالمه وانا ما رديت بس ارتجفت وايد ماادري ليش ؟؟؟:21_214:

انا والله ما ابي اكلمه بس ارتبشت لاني اسبوع كامل ما كلمته:888345:

شو اسوي ارد عليه ولا اطنشه ؟؟؟؟؟:think:

ساعة غروب
11/01/2009, 11:10 AM
ليش ما رديتي عليه

اول ما يتصل ردي عليه وسوي روحج عادي كلميه ولاكأنه صار شي واذا سألج ليش ما تصلتي قوليله انك كنتي تمري بظروف وما قدرتي تكلميه

الله يوفقج ويحنن قلبه عليج

عيناويه مووت
17/02/2009, 05:46 AM
وربي اني محتاره عندي مشكله واااايد تعبتنني خطيبي طلع عنده فيروس الكبد سي

انا نفسيتي تعبانه من هذي السالفه سالت اكثر من دكتور ودكتوره مختصين في امراض الكبد وكلهم قالو لي ماله علاج ولا له تطعيم ومرض خطير ويعدي

وكل الي اسالهم يقولي اتركيه وحتى الدكاتره وربيعاتي واهلي يقولون فكري بعقلج انا احبه واحبه بجنون ما اقدر اتركه وفي نفس الوقت خايف من المرض ياربي انا محتاره بين نارين يا الحب ويا المرض شو اسوي ابي حل انا صدج صدج تعبت

ابي حد يفهمني انا احبه بس في نفس الوقت خايفه من المرض بليز ريحيني حطي نفسج في مكاني.

ساعة غروب
17/02/2009, 02:20 PM
اول شي ابيج تقرين هالمقال

الكبد الوبائى،فيروس س،أعراض الإصابة بفيروس س،علاج الكبد الوبائي (http://go.3roos.com/qhXzDdYJtCT)

وبعدين لو انا مكانج اتبع نصيحة اهلي وصديقاتي والدكاترة وابتعد عنه حتى لو اني احبه واموت فيه بس شنو ذنب عيالي اللي راح انجبهم من اب مريض بمرض قد ينتقل لهم بالوراثة

خلي نفسج وتعرضج للاصابة بعيد الشر والخطر اللي راح يصيدج وفكري في مستقبل اطفال راح تنجبونهم مالهم ذنب انهم جاو للحياة وهم ابناء شخص مريض ويعدي


الله يوفقج