المساعد الشخصي الرقمي

مشاهدة النسخة كاملة : الوحدة وماادرك مالوحدة



قلبي مهند
03/01/2009, 10:19 PM
مرحبا خواتي بدخل بالموضوع علي طول انا مطلقة وعندي ولد عمرة سنتين الولد كبر
وصار يحتاج لاطفال بسنة يلعبون معةانا عشت بطفولتي وحيدة واللحين ابني يعاني من نفس
الي كنت اعاني منة واللة ساعات ابكي لما اشوفة لوحدة ماتتصورون شلون يفرح لما نطلع
لان احنا نادر مانطلع واللة مادري شسوي شلون املي حياتة ومااحسساسة بالوحدة
اللة وكيلكم لما اشوف اطفال اختي يلعبون مع بعض واللة اني انقهر وتخنقني العبرة
ساعات لما نمر بالمنطقة الي عايشة فيها يشوف الاطفال يلعبون بالشارع يضل يطالع فيهم
بالموت ادخلة البيت يحب الاطفال اةاةاة يااخواتي اتمني انكم تلقون لي حل واللة يجعلة
في ميزان حسناتكم

شمعة جلاس
03/01/2009, 10:39 PM
السلام علكيم اختى
حاولى اتغيرين نمط حياتك انسى الماضى

أم كرومي
03/01/2009, 11:25 PM
لاحول ولا قوة الا بالله

دائما بالطلاق الاطفال هم الضحية

لكن الواحد شنو يقول قدر الله وماشاء فعل

اختي ليش ماتسجلينه روضة او دورات لعمره مثلا بس انا اشوف الروضة انسب شي

و اختي الله يقويج و يصبرج على تربيته و اذا اجالك نصيب زين لا ترفضينه اختي

خاصتا ان ابنج صغير و يقدر يتقبل الوضع بهالعمر افضل من لمن يكبر اكثر

و يارب يعوضك و كل مطلقه بالزوج الصالح التقي يارب

umjana79
03/01/2009, 11:26 PM
وديه روضه اختي ,, وان شاء الله مايصير وحيد هو ولد ,, والولد ما يقعد بالبيت وديه حضانه وبعدين روضه وبعدين يدش المدرسه ويصير عنده صداقات .. والله يفرج الهم ...

ام جنى

مملكة الجوري
03/01/2009, 11:35 PM
انا من راي الاخوات أنك تدخلينه حضانه لأن إحنا وإحنا كبار مااكتسبنا صداقات إلا في المدرسه وبالنسبه لي صديقاتي أقرب لي من خواتي وأتكلم معاهم أكثر

قلبي مهند
04/01/2009, 09:35 PM
مشكورات ياروحي علي تفكيركم فيني وشرفني مروركم

MiSs-GuCci
04/01/2009, 09:43 PM
انا بعد رايي من راي الاخوات دخلي حضانه يتسلى ويلعب مع اليهال حتى شخصيتة الاجتماعيه تتكون وتكون اقوى وباقي يومه سوي له برنامج مثلا كل يوم زوري اخت من خواتج خله يتقرب من عيالهم يلعب معاهم على الاقل ساعه اوساعتيين في اليوم ودييه حدايق وخله يختلط مع اليهال ويلعب معاهم وتره اليهال في هالسن ما يحسون بالوحده يعرفون شلون يتغلبون على هالشي انتي بس حساسه ومضايقه روحج زيادة عن اللزوم وولدج ان شاء الله انتي تمليين عليه كل حياته واهو يملي عليج كل حياتج وماتحسون بالوحده ابدا مع بعض وتره ياما ناس متزوجيين الله ماكتب لهم غير طفل واحد وقدر يتاقلم يعني المشكله مو الطلاق لكن حاولي شوي تغيريين من النمط اللي يعيشه وحاولي كله تطلعينه وتانسينه مع عيال خواتج واخوانج مثلا حتى لو تعذر كل يوم على الاقل تيمعو يوم واحد بالاسبوع يلعبون فيه اليهال ويتسانسون مع بعض طبعا غير الحضانه
والله يخلي لج إن شاء الله ويجعله من الذريه الصالحه ويكون بار فيج يارب بصغره وحتى لين كبر

aisha.. madam simo
04/01/2009, 09:57 PM
ليش ما تعملي ساعة باليوم تاخدية على حديقة عامة أو حديقة الحيوانات حتى يلعب مع الأطفال؟

ومثل ما قالو الاخوات سجليه بروضه أو حضانة

Soft Touch female
06/01/2009, 07:26 AM
خلييه يلعبب مع بنات اخوااتج او ودييه روضة كمااان حق يكون صداقات وربي يوفققج

بنوته وشفايف توته
06/01/2009, 08:35 AM
انا مثلك مطلقه ومعي بنت ودامن بلحاله تقعد عند التلفزيون تناضر كراتين انا عمري مقارب لعمره يعني العب معه انا عمري 19 وبنتي عمره 3 انشالله تتزوجين وتجيبيله اخوان وخوات والله يعوضنا ياليت تسرين صاحبتي وبنتي تلعب مع ولدك

أميرة الصمت
06/01/2009, 03:01 PM
يا ويل حالي من وضع المطلقة وعيالهم الله يصبركم يا رب

دخليه الحضانة
سيريبه الحديقة
سيروا الملاهي
تسوقي معاه
طلعي مع أهلج

اتصلي بأم طليقج وخليه شوي عندهم يطلع مع أبوه

ما أقدر أفكر علشان أعطيج حلول لأني حاسه فيج متشوشه *_*
إذا إنتوا بلأصل ما تكثروا طلعات كيف نقترح عليج بالطلعات!!!!!!!!!!!
وإذا ولدج دخل الحضانة إنتي بتروحي فيها لأنج متعلقه فيه وااااااااااايد
حاولي تحصلي الحل اللي يناسبج إذا شفتي كلامي غير مرتب تراني تشوشت بحال المطلقة ومعاناتها

عروس.
16/01/2009, 08:59 PM
الله يسهل عليك وضعك ويسلي وحدتك اني وولدك ,انا عانيت نفس معاناتك لكن احمدي ربك انتي اهون ,,انا ولدي بعد ماربى في حظني وصار عمره اربع سنوات جا ابوه واخذه مني بدون مقدمات وهو مايعرفه من طلقني وكان عمر ولدي 3 شهور ,, والحين انا وحيده ,,حسبي الله ونعم الوكيل والله لايحط احد بالوضع اللي انحطيت فيه,,, وانتي مالك الا انك تسجلين ولدك بالحضانه وتروحين انتي معه يمكن تتيسر امورك وتتوظفين بنفس الحضانه,,,

احلى مشمشه
16/01/2009, 10:59 PM
انا شايفه انك تقدميلوة ف حضانه ونوادى يلعب اى لعبه رياضيه يروح الجامع يحفظ قران
قومى بزيارات لأمك واخواتك واقارب زوجك حاولى تخرجى من القمقم دة وتخرجيه منه