المساعد الشخصي الرقمي

مشاهدة النسخة كاملة : هي ليش تعامليني بهاذي الطريقة



ღدآنــ?آلدنيــآღ
02/01/2009, 09:39 PM
سلام عليكم
بقولكم مشكلتي

مشكلتي هي ام زوجي تعاملني كاني عدوتها قبل ما كانت جي
يعني في فترة الخطوبة واول ايام الزواج تعاملني مثل بناتها واحسن بعد
بس عقب كم سنه تغيرت وصارت تكرهني و مع ان بيتنا منفصل عن بيتهم

مثلا قبل اسبوع صرنا بيتهم وكل عيالها و زوجاتهم كانو هناك قالت لي بصوت عالي وهي رافعة خشمها سيري يبي لي كوب ماء قلت ان شاء الله خالتي
والله من كثر ماكنت معصبة ومتوترة الكوب طاح من ايدي وانكسر ما حبيت حد يعرف وبسرعة شليت ونظفت ووديت لها كوب ماء ثاني خذت الكوب وحطته عالطاولة وقالت بصوت عالي جدام الكل ما طلبت منج تبنين لي قصر كل الي طلبته منج كوب ماء وقامت وراحت غرفتها وانا صرت لها واعتذرت منها
و موقف ثاني كلنا كنا يالسين على طاولة الطعام ونتغدى في بيتنا ووالله كنت ناشة من النوم من الساعة 6 وانا اطبخ وانظف واغسل وسويت لها احلى اكل
خذت شوي من الاكل وكلت وقالت بصوت عالي شو هذا الخدامة تعرف تطبخ احسن عنج تخيلوا جدام عيالها والله ماحطيت شىء في الاكل وكلهم كلو وماقالو شىء بس هي مااادري بلاها شايفة عمرها عليه

وتتصل عليه وتقول طرشي الخدامة انا استغربت ( هي عندها خدامتين شو تبا في خدامتي) قلت خالتي شو تبين فيها وصارخت وقالت بسم الله كليتيني تعالي اضربيني بعد واهلج ماعرفو يربونج والشرهة مو عليج على هذا الي ماخذج انا مارديت عليها
وكل يوم اقول لزوجي ليش امك تسوي فيني جي هي ليش تكرهني لهدرجة رد عليه وقال انا مايخصني فيكم حلو مشاكلكم بروحكم
و اذا تكلمت معاها على طول تغير السالفة


تكفون قولو لي شو اسوي وياها والله تعبت

ايلافووووو
02/01/2009, 10:11 PM
ما ادري اش اقول لكن ممكن زوجك اغلى اولادها على قلبها
لكن حاولي تهدينها في المناسبات وتلاطفيها
لان الهدايا تجلب المحبه(تهادو تحابو)

ღدآنــ?آلدنيــآღ
02/01/2009, 10:15 PM
مشكورة اختي ايلافوووو على الرد الجميل

ساره 2011
02/01/2009, 10:22 PM
الله يكون بعونك ياقلبي...ومو عارفه ايش اقولك !!بس ليه مايتدخل زوجك ويكلمها على انفراد ويبين لها انه هو شايف معاملتها القاسيه لك من غير مايبين لها انك انتي شكيتي له علشان الامور ماتكبر بينكم....ولايقول لك زوجك حلي مشاكلك معاها لاتدخلوني بينكم..قولي له هي تجرحني بالكلام قدام الكل وانا ماقدر استحمل اكثر.....
الله يكون بعونك ياقلبي ويساعدك..وان شاء الله البنات يعطونك حلول افضل..

ღدآنــ?آلدنيــآღ
02/01/2009, 10:26 PM
تسلمين سارة بس انا حاولت مع زوجي بس يقول انا مالي شغل
بس بحاول معاه مرة ثانية

عروسة جدة عن قريب وزوجها قمر
02/01/2009, 10:33 PM
يمكن اغلى اولادها على قلبها اهديها وتقربي منها وحتى لومانفع فيها بتاخدي اجرك من ربك

everyday-tears
02/01/2009, 10:47 PM
أهليــن أختي الله يعينكـ والله بس اصبري إن الله مع الصــابرين و إنتي شو ما قالت قوليلـها حاظر وما تفكـري بالي تقوله إنشاء الله بتكون بتجـربك وتشوف ردة فعلك وبس إنتي حاولي تتقربي منها قدر المستطاع وبدعيلك أختي في صلواتي وما تنسي تطمنينا تحيــاتي

everyday-tears

فرروحه عروس
02/01/2009, 11:11 PM
طنشي
طنشي
طنشي
والله يهديها ويحببها فيك
خليها تتكلم زي ماتبغي
اعتبريها مثل امك

Soft Touch female
03/01/2009, 02:11 AM
اختتي انتي شكللج هدية رضيية ... وهي تحب المشاااكل فانتي كلشي قولي حاضرة او انشاء الله لان باييين عليها لسانها طوييل فانتي سكتي عنها لان اهي كبييرة وربي يوفقج ويسعدددج ..بس انتي بعد عطييها لسااان حلو وربي يوفقققج

rozarita
03/01/2009, 02:28 AM
حبيبتى معلش ادعي ربنا يهديها ويصلح الاحوال بينكم بس ما ينفعش تردى عليها لان هى زى مامتك وربنا اكيد هايجزيكى خير

ام اريام العوبة
03/01/2009, 04:30 AM
الله يعيننا على امهات ازواجنا
اصبري وتحملي اختي

بحرينية كيوت.
03/01/2009, 03:57 PM
الله يساعدج اختي

بس من رايي هالنوعية يا تحقرينهم يا تتقللين من تعاملج معاهم
لكن الاهم ما تسكتين عن حقج بأي طريقة لكن باحترام حتى لا تقول انتي عايلة عليها و طريقة تبين غلطها
و الاحسن ان زوجج قال مالي خص فيكم هذا احسن شي لان لو صار تدخل من الزوج بتكبر المشكلة
اهمشي زوجج معاج زين و ما في مشكلة بهالشي فحلي مشكلتج في هالشي بينج وبينها
و صبري لمدة بتفوزين عليها لازم اهمشي تصبرين و انتي تتعاملين بالطريقة اللي تبينين لها رافضة تعاملها
و ان عندج كرامة لو شنوما بترضين تعاملج جدي بدون زيادة او نقصان بس اهمشي لا تبينين انج كارهتها بس رافضة هالتعامل الا تسويه حتى تحس لنفسها و اهمشي لا تحسسينها انج متأثرة منها او زعلانه
و خلج قوية انتي صبري و ان شا ءالله بتنحل مشكلتج
و من رايي ما ييون الا بالعين الحمرة هالنوعية لان تستغل انها عمة وتسوي هالفعايل
وو اذا حاولت تفشلج قدام الكلو تقولج ييبي ماي قوليها حاضر عمة وابتسمي قهريها انج كلش مومهتمة بتاتا ولا مفتشلة من احد


هذا من رايي بس لا تسكتين وتخليج تنقهرين على شي اهي غلطانه فيه
ولازم تتحركين على هالشي

وعسى الله يوفقج و يحل مشكلتج معاها

ملكة الشمع
03/01/2009, 04:23 PM
يااااقلبي عليك تصدقيييين ذكرتيني بوحده كذااا اسلوووبهااا

شوووفي حياااتي انتي اهم شي حطي فبااالك اكثر المشاااكل تكووون من ام الزوووج واللي يقهر انك ماتقدرين تردين عليها وتهزئينهااا عشااان زوووجك
لا يقووولك شي ولا تصير بينكم مشكله..

فأناا نصيحتي لكـ

اول شي كثرري من الاستغفااار ورالدعااء وربي بتشووفين العجب

ثاني شي عامليهاا احسن معاامله ودايماا خليكي مبتسمه فوجهها واضحكيلهاا

واذاا صرخت او رفعت صووتهاا عليك ردي عليهااا بطريقه تحرجينهاا


يعني مثلا على الاكل كاان ابتسمتي بكل عذوووبه وبصدر رحب قلتيلهاا
ولااا يهمك عيوووني المره الجاايه بخلي الشغاااله تطبخلك





عااااااااااااد شوووفي انااا قلت اللي عندي بس كثيير يقوولون عني متهوووره يعني خذي من كلاامي الشي الصح وبس.



والله يهديهاا لك يااااااااارب



امييييييييييييييييييييييي ييييييين

إيفيان
03/01/2009, 05:20 PM
الله يهديها تحمليها عشان خاطر ريلج

**لوجين**
03/01/2009, 05:45 PM
الله يعينا عليهم صراحة حتى انا متاذية منها ماعلينا الا الصبر

ღدآنــ?آلدنيــآღ
03/01/2009, 09:02 PM
مشكورين يا خواتي و الله يسمع منكم ويحن قلبها عليه

hibi
04/01/2009, 01:57 AM
ربي معاك الله يكون فعونك

لوافي
04/01/2009, 02:02 AM
تدرين ريلج ليش ما يبا يتدخل ف المشـأكل ،
لأنه مايبا يخسرج
هاييج أمه و انتي مرته
و اذا رمسها بتقوله انته ليش واقف ويا مرتك و انا ام و انا اولى و من هالرمسه
طبعن لو صار هالشيي هو بينجلب ضدج
لانه ف باله انه انتي بتخربين علاقته بـ علاقه امه
فـ خلي ريلج بعيد عن الموضوع أخير لج
أمـأ عمتج ( ام ريلج )
عامليها احسن مما هيه اتعاملج ، و لا تبينين لها انج منقهره او شي
يعني يوم تقولج طباخج مب حلو
سكتي و اكلي و اضحكي ويا اللي ينبج جنه ما سمعتي شي
تقولج هاتي كوب ماي : قوليلها من عيوووووني اييب لج
تقولج ليش و ليش \ قوليلها حاضر مره ثانيه ما اسوي جي
و الابتسامه شاقه ويهج والله هي بتنقهر و بتموت قهر بعد
و تالي بتمل من حركات اليهال اللي هي اتسويها

المؤمنة دائما
04/01/2009, 01:34 PM
يمكن حد قالها كلام عنج او سمعت شي زعلها
انتي حاولي ترمسينها و اذا ما رضت طنشيها
انتي فبيتج رووحج عيشي حيااتج و اهتمي بريلج و عيالج اهم شي

العطر الدافي
04/01/2009, 01:59 PM
طنشي والله ترتاحي لا تحطي ببالك شي ابد ..

اذا سمعتي شي كانك ماسمعتي...

وصدقيني والله بترتاحين ولا تفكرين باللي يصير ابد ...

واهم شي زوجك مادامه راضي عنك وعلاقتهم ممتازه ومايحب يتدخل انا اشووووووف هذا كاااافي بالنسبه لك .......

والله يعينك عليها من جد بس والله احلى حل الطناااااااش ....

موفقه عزيزتي ...........

ساترة العيوب
04/01/2009, 02:11 PM
طنشيها ولا تعطينها ويه والله بتربع وراج العمات جذيه اذا عطيتيهم ويه وايد يبطرون عليج ما عليج منها الله معاج والله يصبرج ..

♥بنوته زايد UAE♥
04/01/2009, 03:24 PM
يالغاليه طنشيهاا ،، وحاولي انج تقعدين معاهاا وتفمينهاا بطريقتج ..

واكسبيهاا بطيبتج واهديهاا هدايا مثل ماقالو الخواات ..