المساعد الشخصي الرقمي

مشاهدة النسخة كاملة : زوجي ذبحنــي بتلفوناته



تعبت أكااابر
28/12/2008, 09:49 AM
السلام عليكم يا بنات
انا اول مرة احط موضوع بهالقسم واعذروني اذا اسلوبي مو مرتب :o
بدش بمشكلتي على طول
زوجي صدمني أنه يكلم بنات أول مرة صدته كان عقب سنة من الزواج بس طبعا كان في شغلات تبين انه راعي سوالف وبنات بس انا من غبائي ما اتشفته كان عنده تلفونين ومسجات بالهبل تييه وانا اقول لا يمكن ربعه ما ابي اظلم الريا وكان كله مقفل تلفونه
يوم صدته ان نايم عند التلفزيون وخذت تلفونه بحطه على الشحن لقيته مبطل قلت هاذي فرصتي وفتحته وليتني ما فتحته اسامي بنات بالهبل مو وحدة ولا ثنتين يمكن اكثر من عشرين وحدة ومسجات استحي حتى اقولهم طبعا انا انصدمت سكرت تلفونه ورجعته يوم قعد من النوم عرف اني فتحت تلفونه هاوشني في البداية يبي يحط السبب علي ويقلب السالفة طلبت الطلاق مارضى قام يبجي واول مرة اشوف دموعه كسر خاطري وقلت بسامحه عشان بنتي مو عشانه..

ثاني مره صدته عقب سنة كنت ابطل لاب توبي واتعبث فيه وإلا ألقى ان عنده ايميل ويكلم وحدة عل المسن هنيه قلت خلاص ما اقعد دقيقة وتهاوشت معاه ما لمته اسبوع وقعد يتأسف لي ويتعذر ويوعدني إنها آخر مرة وطبعا الغبية اللي هي انا سامحته لأني ما ابي مشاكل ؟..

والحين صار له 3 شهور من اخر مرة صدته ومن يومين كنت ابي اسوي بحث عن البلوتوث اب اشوف شنو حاط نك نيم لقيته حاط رقمة :eek: قلتله بطرش لك صورة بطل بلوتوثك قال لحظة انا مسكرة وسويت بحث ثاني مرة قالي يالله طرشي انا حاطه رقم واحد:ss:
طبعا ما كلمته بالموضوع قلت استشير خواتي أول واشوف شنو تنصحوني فيه
واعذروني اذا ما رديت لأني بروح الكلية وما راح أدش للمغرب ..

ليتها تقفي
28/12/2008, 09:57 AM
امممممم


شوفي اذا شاكه البالرقم اتصلي من رقم غريب ومن الصوت بتعرفين اذا هو زوجج ولا لا


بالنسبه للخيانه اذا كانت تلفووون ومسن ما تعدا كذا حولي تغيرين من طبعه ولا تخربين بيتج


اذا الشي تعدا التلفون والمسن !!

بصراحه ما اقدر اقول الا الله يعينج على ما ابتلاج هذا يبيله تدخل من صوب اهله او اهلج


الموضوع كبير ما ينسكت عنه


(( في ريايل طبعهم يحبووون يكلموون بنات اذا هو من هنوع تقدرين تغيرينه ** لا كن اذا هو يحب ينام مع بناااات !! لا ماظن انه بيتغير ))


بس دام انه صاح يوم صدتيه مناته انه يحبج ويمكن يتغير عاد هالشي انتي تعرفينه

العطر الدافي
28/12/2008, 10:18 AM
الله يكون بعووونك يااارب ويعينا على ازواجنا اللي مدري شيبوون

مدري شقوووولك بس ادعي له بالهدايه والله يهديه ويبعده عن الحرام ياااارب

تعبت أكااابر
28/12/2008, 10:26 AM
هلا اختي ليتها تقفي
اهو حاط رقم تلفونه بدال النك في البلوتوث يعني هذا رقمي دقو علي
وما اظن انه تعدى التلفونات لانه كان يقولي كله مو صج الظاهر بس يحب يتسلى
وانا مو مقصرة معاه بأي شي ..

نور الخرج
شاكرة لج مرورج
الظاهر لازم نصبر على هالبلوة

ليتها تقفي
28/12/2008, 10:45 AM
هلا اختي ليتها تقفي
اهو حاط رقم تلفونه بدال النك في البلوتوث يعني هذا رقمي دقو علي
وما اظن انه تعدى التلفونات لانه كان يقولي كله مو صج الظاهر بس يحب يتسلى
وانا مو مقصرة معاه بأي شي ..

نور الخرج
شاكرة لج مرورج
الظاهر لازم نصبر على هالبلوة




دام بس على التلفووون تقدرين تغيرينه خلج وياه 24 وكله سالي عنه وخلج معاه غامضه


بوضح اكثر ::

(( تخيلي نفسج وحده من اللي متعرف عليهم توقعين شنو بيسولف معاهم فيه وسوي نفس الشي خلج رفيجته غلي عليه تدلعي ))

خليه لما يتصل على وحده يسولف وياها هو بحس انج انتي احسن منها بخليها ** عرفتي شلوون املي عينه


فاجئية بمسجااات اتبعي اكثر من طريقه معاه

ليتها تقفي
28/12/2008, 10:51 AM
في شي نسيت انبهج عليه (( انتي قلتي انه يكلم بنات يعني اكثر من وحده )) اغلب الرجال يسون هالشي ترى عندهم فراغ


زوجج عنده وقت فاضي .. انتي املي وقته مو طرشينه الجمعيه ولا هالسوالف لا


كل ماتشوفينه فاضي اخذيه وطلعوا تمشوا حتى لو انتي ما عندج وقت وبنتج ملعوزتج لا

مره اخذيها ومره لا طلعوا بس انتوا


طلعوا بالليل الفجر مثلا روحوا شربوا كرك خخخخخخخخخخخ


المهم وفنفس الوقت عطيه وقت يروح عنج لا تمللينه خليه يقارن بينج وبين البنات اللي يكلمهم يشوف اسلوبج طالع من حب واهتمام واسلوبهم باخي و مضيعت وقت


(( وووووو في شغله بعد لا حسيتي انه جي رايق وتسولفون قولي له سالفه انتي الفيها ان مثلا وحده معاج بالدوام ام عيال تطلقت والسبه مثلا :: زوجها خانها ++ يعني سوي اكشن خرعيه شوي ))

بسمة أطفالي
28/12/2008, 11:15 AM
الله يعينش صراحة وضع لا يحتمل

حاولي تتقربين منه اكثر

دلعيه واهتمي فيه اكثر

<< لعل وعسى يحس باللي فيه ويرجع لصوابه

وادا مانفع كلمي احد من اهلش لو اهله يكلمه

لان الزوجة عمرها ماتحب تقعد وية زوج مخه وقلبه وية وحدة ثانية

ليتها تقفي
28/12/2008, 11:19 AM
الله يعينش صراحة وضع لا يحتمل

حاولي تتقربين منه اكثر

دلعيه واهتمي فيه اكثر

<< لعل وعسى يحس باللي فيه ويرجع لصوابه

وادا مانفع كلمي احد من اهلش لو اهله يكلمه

لان الزوجة عمرها ماتحب تقعد وية زوج مخه وقلبه وية وحدة ثانية





انا مو مع ان الوحده كلم اهل زوجها او اهلها وطلع عيوب ريلها بتم في بال زوجها ان المرته ما حافظت عليه وختحز بالخاط ترى


وهو صج غلطان بس يبيلها صبر انتي حاول بكل الطرق واخر حل تحطينه انج تدخلين حد من العايله

ملكة الغروب
28/12/2008, 11:30 AM
هلالالا عزيزتي
مادري شنو اقول بصراااحه
قلبي عورني عليج
يعني مو وحده الاشاغله باله
بناااااات واجد وهذول لا حيا ولا مستحى
حسبي الله ونعم الوكيل
واالحل بيدج لا تخربين بيتج ولالاشي
ما نصحج هو اللى يطلع من البيت
انتى عندج بنت والحق لج ولبتنج اذ بغى هو يطلع
من البيت خيووو لا تتضايقين وفكري قبل لاتتاخذين
قرار والخااينه موجود بكل بيت الله كريم بسسسس
من كثر ما ااسمع راسي يعورني وقلبي يفكر وياكم
لكن اقولج كوني ذكيه وحذره يعني اخذيه بالسياسيه
لا تعصبين ولاشي لان يمكن يزيد ولان بكى فعلا متمسك فيج
صح لكن بسالج شلون كان ايام الخطوبه ؟؟؟ معاج
يزعل بسرعه يعني راجعي تصرفاته قبل ؟؟ غريبه كااااانت
المهم عليج تفكرين شلون تتعاملين معاه
يعني لا تفتشين ولاشي لانج بتتعب نفسيتج اكثررررر
وخلج كووووول ادري الكلام سهل لكن ما باليد حيله
عزيزتي بعض الرجال يبون الوحده البارده
وانتى دريتي الحين حاولي تقربين منج بطريقه
حلوووه يحس ان هو محتاج لج مو انتى
وخبريني شنو يصير معااااااااج

دلوعة قيصر
28/12/2008, 11:30 AM
اختي نوعية زوجج هو انه يحتاج مو بس زوجه يحتاج وحده مثل الصديقه يعني يتسلى معاها
مزح ومسجات ومن هالنوع!!

الزوج مايحتاج بس زوجه تلبي رغباته
يحتاج زوجه وام وصديقه واخت وكل شي عشان مايدور له على وحده برا البيت

يحتاج ازيد شي صديقه يقول لها اسراره واشياء ترا لا يمكن الزوج يقولها حق زوجته بس اذا صارت مثل صديقته يقول لها كل شي

ادري بتقولين انتي مو مقصره !!

بس لا تنسين عندج بنت وشكلج تدرسين يعني اكيد انتي مشغوله وايد وهو يلاقي وقت فراغ

اذا انتي حاولتي وانتي في الجامعه مثلا انج تدزين له مسجات..
مثلا تطرشين له وانتي بوسط المحاظره ( حبيبي اموووت فيك وااحشني موووت ابي تخلص المحاظره بسررعه عشان ارد والمك .. الخ ) يعني جذي..

بالعربي دلعييييييييه ..

والله الريال اذا لقى هالكلام وهالمسجات بينسى كل البنات الي يعرفهم ويبوس التراب الي تمشين عليه

هو مو قصده يخونج بس يبي يسمع كلام حلو يبي يحس اني في وحده مهتمه فيه على طوووول

حتى وانتي وياه في البيت حاولي تشغلينه عن النت تمي سولفي معاه سوالف حلوه مو نكد يعني!!

حاولي دووم تلطفين الجو وتصيرين مرحه لان الريااال يموووت في البنت الي تخليه يضحك دوووم

انا قلت لج الي عندي وصدقيني اذا حاولتي تصيرين صديقته قبل ماتكونين زوجته وام عياله راح تشوفينه ينسى الاولي والتالي وبتشوفينه يجي لج ويتصل لج كل حزه وحتى تلاقينه يقول لج اسراره وكل شي

وربي يوفقج ان شاء الله ويسخر لج زوجج :)

ام وسن*
28/12/2008, 11:40 AM
انا مع الاخت دلوعة قيصركلامها صح 00الله معك

أم عبادى00
28/12/2008, 12:23 PM
ياااااااقلبى لاتشكين ولاتبكين عندى وعندك خير والحمدلله انا كنت غبية تعرفين ليش لانى خليتة يدرى انى اعرف انه يخوووووووووونى لانى كنت امكس جوالة وافتش فية ولقيت بلاوى على قولتك مسجات استحى اقولها هوه ماعمره قالها لى انصدمت وتحطمت وصحت وضرخت وفى يوم واجهتة واقسم بالله قالى كلام ماصدقت انه اللى احبة وابو عيالى يقولى كذاوعلشان مين وحده ماقول غير حسبى الله ونعم الوكيل فيهم ولا الله يهديهن وكمان مو وحده لامن كذا دوله يعنى صدمة شلون اتفاهم معاهن انتى البنات من نفس بلدك
وصارت حالتى حاله لدرجة يجى وينام وهو شايف دمووووووع ولا يفكر حتى اشبك شغتى يعنى ماهميتة ابد لكن جوالة حتى وانتم بكرامة فى الحمام معه تصدقين تمنيت اكون يهتم فينى مثل جوالة لانة غريب جلست فتره ما انام الليل قمت وصليت صلاة الليل ودعيت ربى يرده ردا جميلا ويكرهنى فى جوالة ماابى صدمات زياده لانى مانى مستحمله ولله اخاف انهار تماما00
نصيحتى اليك وللجميع الدعااااااااااااااااااااا ااااااااااااااااااااااااا ااااااااااااااااااااااااا ااااااء الدعااااااااااااااااااااا ااااااااااااااء ولاستغفاركثيييييييييييييي يروالصببببببببببببببببببب ر الصبر مالناغيره 00 بتشوفين ان الله بيعوضك بشى ثاااااااااااانى اسال الله العظيم رب العرش العظيم ان يرد الية زوجك وزوجى وازواجكن ردن جميلا عاجلاغير اجل انة قادر على كل شى اختى اصبرى واحتسبى ولاتعلمن احد من اهلك صدقينى الله مايرد احد دعااااااه وثقى تماما انة عارف وشايف ايش يسون وعارف ايش فى قلبوبهم فلاتتضايقين وتهدمين بيتك بيدك لا خليكى عاقلة واصبرى انا صاااااااااابره ومحتسبة كل شى عندربى وش بينفعنا هالازواج بدنياء اهم شىء الاخره هى السعااااده الحقيقية وهى دار البقاء وتاكدى هذا اختبار من الله بيشوفك ويشوفنا نصبر ونشكر وندعية انة يفرج علينا ولا راح نيئس ونجزع فحمدى الله على كل شى اعطاكى فهوه الوحيد القادر على تغييره سبحانة وتعالى يغير من حال الى حال
اعذرينى اختى على الاطاله فاوالله انى اكتوين بنار الخيااااااانة والى الان اكتوى بة وزوجى ليس صغير لاوالله بل تعدى الاربعين ومافوقها وانى صااااابره والحمدلله واثقة ان ربى مايرد دعاااااااء ويعوضنى فى عيالى

اعتذر مره ثانية جزاك الله خير وفرج همى وهمك وهموننا جميعاعاجلاغير اجل قادرياكريم

ღღ دريـــم ويــب ღღ
28/12/2008, 01:14 PM
حبيبتي إلا اهلج لا يدرون عن المشكلة بعدين بتعدى عليج اكثر..
انتي بس هاوشيه وزعلي عليه .. بس اياك تتركين له البيت بيستانس اكثر..

والمشكلة انتي سويتيها انج في كل مره تسامحينه وريلج مبسوووووط .. يرجع للوضع السابق.. المفروض تعطينه العين الحمراء
وتصدين عنه وحتى بغرفة النوم تعتزلين لين خلاص يجي يبووس ريولج ذيك الساعة حلفيه على المصحف انه لو رجع مره ثانيه لخرابيطه انج بتخبرين ابوج او ابوه يتصرفون معاه وبعدها يمكن يخاف منج..
وانتي بعد ذكريه ان اللي يسويه حرام وبكره ربي بيحاسبه على كل شي يسويه..

قطـــرية
28/12/2008, 01:37 PM
هلالالا عزيزتي
مادري شنو اقول بصراااحه
قلبي عورني عليج
يعني مو وحده الاشاغله باله
بناااااات واجد وهذول لا حيا ولا مستحى
حسبي الله ونعم الوكيل
واالحل بيدج لا تخربين بيتج ولالاشي
ما نصحج هو اللى يطلع من البيت
انتى عندج بنت والحق لج ولبتنج اذ بغى هو يطلع
من البيت خيووو لا تتضايقين وفكري قبل لاتتاخذين
قرار والخااينه موجود بكل بيت الله كريم بسسسس
من كثر ما ااسمع راسي يعورني وقلبي يفكر وياكم
لكن اقولج كوني ذكيه وحذره يعني اخذيه بالسياسيه
لا تعصبين ولاشي لان يمكن يزيد ولان بكى فعلا متمسك فيج
صح لكن بسالج شلون كان ايام الخطوبه ؟؟؟ معاج
يزعل بسرعه يعني راجعي تصرفاته قبل ؟؟ غريبه كااااانت
المهم عليج تفكرين شلون تتعاملين معاه
يعني لا تفتشين ولاشي لانج بتتعب نفسيتج اكثررررر
وخلج كووووول ادري الكلام سهل لكن ما باليد حيله
عزيزتي بعض الرجال يبون الوحده البارده
وانتى دريتي الحين حاولي تقربين منج بطريقه
حلوووه يحس ان هو محتاج لج مو انتى
وخبريني شنو يصير معااااااااج

تعبت أكااابر
28/12/2008, 10:49 PM
هلا اختي ليتها تقفي ..

حاولت معاه هالطريقة مانفع
كل شوي ادق عليه إما مايرد ولا الخط انتظار واذا دق علي اقوله ليش مارديت يقولي مشغول بالدوانية
ولا يكلم واحد من ربعه
واطرشله مسجات مايردلي
واذا قلتله شفت المسج يقول ايه مشورة ويعطيج العافية وأدري انج تحبيني ومن هالكلام

وإذا على الطلعات كذا مرة أقوله أنا عازمتك نبي نطلع يقولي مشكورة انا مشغول ولا معزوم
وانا مو صاكة عليه بالعكس طالع 24 ساعة واذا سألته وين بتروح يقولي مالج شغل اروح وين مابروح
ومشكورة حبيبتي




أختي بسمة أطفالي ..
الصراحة ما ابي ادخل اهلي ولا اهله بالسالفة اخاف تكبر وتصير مشاكل خاصة واحنا قرايب




هلا بملكة الغروب ..
ايام الخطبة ولاشفته ولاشي ولاحتى كلمني يعني ما اعرف طبايعه بس أظن البنات اللي يعرفهم من قبل العرس
وراح احاول اني ما ادور وراه بس مو بايدي ما اقدر خلاص طبع بمخي إنه خاين ووراه سوالف
ومشكورة ياقلبي



اختي دلوعة قيصر ..
راح اطبق نصايحج بالحرف الواحد وان شاء الله تييب نتيجة وياه
ومشكورة ياقلبي

تعبت أكااابر
28/12/2008, 10:57 PM
أم وسن شاكرة مرورج


هلا أم عبادي
والله كلامج ريحني صج مالنا غير الدعاااااء
مشكورة ياقلبي والله يردهم لنا ردا جميلا


هلا اختي دريم ويب
لا انا كلش مو ناوية اعلم اهلي ولا اهله وصح كلامج انا الغلطانة لاني من البداية سامحته بسهولة
شاكرة مرورج


هلا اختي قطرية
مشكورة عل المرور

::أمورهـ الصغيرونهـ ::
28/12/2008, 11:00 PM
الصراحه يا اختي الطبيع مايوز عن طبعه وكل مره بيقلج سامحيني وبيبكي دمعتين مال تمساح وبتسامحينه بس لازم اذا عادها تصدين وتبينين قيمتج عشان يحرم وصلي واستخري ربنا واقري قرآن عشان تتحسن حالتج وحبيبتي انا بكرج في شي يوم تدعين صلي ع النبي عشان يستجاب دعائج وقبل كل هذا قعديه جمبك وكلميه وقولي له انت مافكرت في يوم ان اللي تسويه فيني اللهسبحانه وتعالى بيبليك في خواتك ولا بنات لان الله سبحانه عزيز ذو نتقام ليش الولد يقولون له لا تسوي شي في بنات الناس عشان الله مايسوي في ولاياك ف قولي له خاف ربك واحشم

مشاعر مجهولة
28/12/2008, 11:02 PM
الله يكون في عونج ان شاء الله

تعبت أكااابر
28/12/2008, 11:04 PM
هلا اختي أموره الصغيرونه
أنا ما اسامحه عشان سواد عيونه ماأبي بناتي يضيعون بسبب اسنهتار أبوهم
ولا ابي اضايق أهلي واعيش عالة عليهم
ومشكورة عل المرور

تعبت أكااابر
28/12/2008, 11:05 PM
مشاعر مجهولة
مشكورة عل المرور

aisha.. madam simo
28/12/2008, 11:12 PM
حاسه فيكي حبيبتي
بس انشالله افيد نفسي قبل ما افيدك
وانا كمان بستفيد معاكي من كلام البنات

تعبت أكااابر
28/12/2008, 11:22 PM
هلا اختي مدام سيمو
ما اقول غير حسبي الله ونعم الوكيل في هالبنات اللي ماكو شغل غير المغازل

عيون غاية
29/12/2008, 10:13 AM
الله يصلح حاله يارب ويبعد عنه بنات الحرام

والله احنا الحريم مساكين

نشيل همهم ندور رضاهم وتتعب نفسيتنا عشانهم

وهم ولا همهم شي غير مصلحتهم وبس

لا والقهر انهم ينامون ولا في بالهم شي

والله مادري شو استوا في هالدنيا

الله يعينا ويصبرنا يارب

احن ام
29/12/2008, 03:10 PM
الله يهديه ويصلحه

Soft Touch female
29/12/2008, 06:56 PM
اختتي اتصلي على الرقم من رقم غرريب وبتعرفيين الصوووت بس انتي لا تتكلمي بس اسمعييه ..او اتمنى يكوون مو اهو او حتى لو اهو شنو بيستفييد يمكن زوجج ما يفتح بلوتوثه بالمجمعات

اجرح على كيفك
29/12/2008, 11:49 PM
والله الوحدة بتنفجر من اللي تسمعه ومن اللي يسويه زوجها

مدري الرياييل شو يبون تعبنا والله

الله يعينج اختي ويهديه لج يارب
واذا كنت من الامارات وتعرفين الدكتورة ناعمة الهاشمي كلميها او روحي لها لانها تعرض دورة بعنوان استراتيجية التعامل مع الزوج الخائن

تعبت أكااابر
30/12/2008, 12:27 AM
عيون غاية
شاكرة مرورج والظاهر ريايل هالايام ما تملى عينهم وحدة


la fleur
آآآمين يارب ومشكورة عل المرور



soft Touch female
هلا اختي إذا مابيفتح بلوتوثه ليش حاط رقمه ,انا اساسا سويت بحث وكان توه جاي من برا
وحاط رقمه بدال النك
ومشكورة يا قلبي



اجرح على كيفك
لا والله مو من الامارات
بس الظاهر مكتوب لنا نعيش الهم والخيانة
ومشكورة

غرور بنات
30/12/2008, 01:49 AM
عمري ادعيلة بالهداااية
وصبري أن اللله مع الصاابرين

فرروحه عروس
30/12/2008, 02:37 AM
اازمي الاستغفار وصلاة الليل وربنا يفرجها عليج

تعبت أكااابر
30/12/2008, 02:42 PM
غرور بنات مشكورة ياقلبي


فروحة عروس الله يهديه بس

tamarah
30/12/2008, 02:50 PM
اختي الحل مو انك كل مرة تزعلي وتطلبي الطلاق انتي هيك بتقدمي زوجك للبنات التانيات على طبق من ذهب انا لو مكانك اضل افتش جواله بدون مايعرف مو عشان ازعل واطلب الطلاق لا بس اشوف شو هي المواضيع الي يتكلم فيها مع البنات اشوف شو الي عاجبه ومو لاقيه بالبيت واحاول اوفرله اياه اختي هذا زوجك وبيتك لازم تدافعين عنهم وما تسلمين زوجك لاي وحده ادري كرامتك فوق كل شي بس كرامتك انك تكسبي المعركة مو تستسلمي من اولها وتروحين بيت اهلك وهو ياخذ راحته مع البنات اكيد هالبنات الهن اساليب بجذبه الهن وانتي لازم تعرفيها بطرقك .. حاولي تجددي في كل شي بيتك شكلك سلوكك نمط حياتكم وشوفي النتيجه ولاتنسي كثري الاستغفار والدعاء لزوجك بالهدايه وربي يسخره الك وطمنينا شو يصير معك

تعبت أكااابر
30/12/2008, 07:40 PM
هلا اختي تمارة
الكلام سهل بس الصدمة غير

تعبت أكااابر
30/12/2008, 08:39 PM
امس قعدت افتش بتلفون زوجي لقيت الرسائل المرسلة فاضية ورحت ادور في التقارير لقيت رقم 4 مرات مطرشله مسج خذيت الرقم واليوم دقيت عليه ردت علي وحدة قلت لها انتي منو فاطمة بس جذيه طلعت الاسم سكرت التلفون
ما ادري اواجه زوجي واقوله اني دقيت على الرقم وطلعت لي بنت ولا اسكت وابلع السالفة
ارجوكم ردو علي اليوم قبل الساعة 11
وادري اذيتكم بمشاكلي

سماهر1
30/12/2008, 08:52 PM
اختي بنصحك نصيحه لوجه الله فيه وحده كانت عندها مثل المشكله هذي راحت دكتوره اجتماعيه بتلقين في اي مستشفى بيساعدوك لانهم متخصصين لحل المشاكل ويعرفون شخصياتهم وكيف تتعاملي معهم لانهم دارسين نفسيه

تعبت أكااابر
30/12/2008, 08:58 PM
هلا اختي سماهر 1
اروح مع منو مع زوجي يعني عشان يحلون المشكلة ما اظن زوجي بيوافق
ولا اروح بروحي ماعندي حد يوديني غير زوجي لأن أهلي بديرة ثانية

تعبت أكااابر
30/12/2008, 09:06 PM
بنات الله يخليكم تساعدوني لأني ما اعرف اتصرف
وما ابي اقول حق امي لأنها بروحها تعبانة وفيها السكر
وانا تعبت من كثر ما اسامح واسكت
شوفولي حل الله يجزاكم بالخير
واكون حيل شاكرة لكم

الحبُ الكبير
30/12/2008, 09:12 PM
اختي نوعية زوجج هو انه يحتاج مو بس زوجه يحتاج وحده مثل الصديقه يعني يتسلى معاها
مزح ومسجات ومن هالنوع!!

الزوج مايحتاج بس زوجه تلبي رغباته
يحتاج زوجه وام وصديقه واخت وكل شي عشان مايدور له على وحده برا البيت

يحتاج ازيد شي صديقه يقول لها اسراره واشياء ترا لا يمكن الزوج يقولها حق زوجته بس اذا صارت مثل صديقته يقول لها كل شي

ادري بتقولين انتي مو مقصره !!

بس لا تنسين عندج بنت وشكلج تدرسين يعني اكيد انتي مشغوله وايد وهو يلاقي وقت فراغ

اذا انتي حاولتي وانتي في الجامعه مثلا انج تدزين له مسجات..
مثلا تطرشين له وانتي بوسط المحاظره ( حبيبي اموووت فيك وااحشني موووت ابي تخلص المحاظره بسررعه عشان ارد والمك .. الخ ) يعني جذي..

بالعربي دلعييييييييه ..

والله الريال اذا لقى هالكلام وهالمسجات بينسى كل البنات الي يعرفهم ويبوس التراب الي تمشين عليه

هو مو قصده يخونج بس يبي يسمع كلام حلو يبي يحس اني في وحده مهتمه فيه على طوووول

حتى وانتي وياه في البيت حاولي تشغلينه عن النت تمي سولفي معاه سوالف حلوه مو نكد يعني!!

حاولي دووم تلطفين الجو وتصيرين مرحه لان الريااال يموووت في البنت الي تخليه يضحك دوووم

انا قلت لج الي عندي وصدقيني اذا حاولتي تصيرين صديقته قبل ماتكونين زوجته وام عياله راح تشوفينه ينسى الاولي والتالي وبتشوفينه يجي لج ويتصل لج كل حزه وحتى تلاقينه يقول لج اسراره وكل شي

وربي يوفقج ان شاء الله ويسخر لج زوجج :)


اتفق معاها

كوني زوجته وحبيبته وصديقته وعشيقته وكل شي جذبيه صوبج بأي طريقه حسسيه انج دوم جنبه كوني مثل ظله نسيه هالبنات هالخمه سوي لج كل شهر ليله رومنسيه شكل البسي له كل شي يعجبه ويجذبه.. ارسلي له رساله تبينين له حبج وشوقج له.. اكتبي له رساله تعبرين فيها عن مشاعرج وحطيها عند مخدته.. لين شفتيه نام اخذي ورقه وكتبي عليها احبكم يا اغلى الناس والله يحفظك يارب.. حطيله ورده بسيارته.. اكتبي له اي شي حلو حطيه له في ثوبه او في بوكه .. جهزي له حمام دافي رغوه وحطي له عصير ودخلي وسوي له مساج وجهزي فوطته وعطري له ثيابه خليه يستخف يستغرب وش اللي صاير..حتى الكمبيوتر سوي له خلفيه كتبيها بالرسام كلام حلو منج عشان لين افتحه يشوف الي تسوينه له ينسى البنات وتكونين انتي ماي عيونه وانتي في تفكيره ..

اتمنى اني افدتج(f)

والله يهديه ويصلحه يارب..

الطائعة لله
30/12/2008, 09:18 PM
اختى تعبت اكااابر لو واجهتية هيهرب من الموضوع ويدخل فموضوع انك ازاى تفتشى تليفونة ويجيب الحق عليكى ثم انة اذكى من انة يسيبلك الرقم كدة علنى وميمسحوش يمكن النمرة غلط وهى لما لقت راجل بيرد قالت تعاكسة او هو سايب الرقم متعمد عشان يعرف انتى بتفتشى وراة ولا لا فقط اصبرى والله قادر يخيب ظنك ويسخرة ليكى

تعبت أكااابر
30/12/2008, 09:19 PM
الحب الكبير مشكورة ياقلبي عل النصايح
وشسوي بالبنات اللي عرفت انه يكلمهم اواجهه ولا اسكت

تعبت أكااابر
30/12/2008, 09:21 PM
بنات لو سمحتو اللي بترد ترد في هالموضوع


http://www.3roos.com/forums/t415472.html

تعبت أكااابر
30/12/2008, 09:24 PM
الطائعة لله
شسوي ما اقدر اسكت لأني لو سكت راح يكمل
ويقعد يلعب على كيفه
وصبر انا صار لي سنتين صابرة اقول يمن يتعدل وينسى هالبنات
لكن الظاهر متعلق فيهم حيل

الحبُ الكبير
30/12/2008, 09:30 PM
انا اقول اسكتي عنه ولا تبينين له انج تعرفين شي عنه سوي روحج ماتعرفين شي وبيني له انج واثقه فيه وسوي اللي قلت لج عليه وشوفي يستعدل والا لا.. واذا شفتي مافي فايده بعدين تصرفي معاه تصرف ثاني..

بسمة أطفالي
30/12/2008, 09:34 PM
اختي من رايي انش تقعدين وتتكلمين معاه بكل هدوء والافضل بكل رومانسية

وتخلينه ياخد معاج في الكلام ويسترسل معاج وينفعل منج << بشطارة منج

وبعدين في وسط الحديث اساليه تحبني ؟ وتحب احد غيري؟ ولو صادني شي ( الله يحرسك ياعمري) تتزوج علي؟؟

ولو عرفت انك تلكم بنات وش ارح يكون موقفك؟ ومن هذا الحديث

ان شاء الله يفيد

اماراتية حيل
30/12/2008, 10:03 PM
شوفي ..انا متاكدة زوجك يحبك بس بعضهم الله يعافينا عندهم مرض البنات ..ربي يهديه ..
زوجك يبغاله صبر ..أنصحك تلجئي لله عزوجل ....صلي صلاة الليل وربي يسهل عليكي ...
صدقيني ...
أستشيري دكتور نفسية ..يمكن تساعدك كمان ...
الله يهديه .....
لاتطلبي الطلاق ..أصبري ....أصبري .وأدعي ربك ...

(احساس قلب)
30/12/2008, 10:03 PM
انا من رايي انج تسكتين وتحاولين تخلينه يرد لج ! بس بدون تهديد وتكلمين صديقاته

ترى صدقيني اي واحد متزوج لما يتعرف على بنت مايقولها انه متزوج

وان العيب من زوجته .. او انه منفصل وحتى لو كان معاها

تعبت أكااابر
30/12/2008, 10:38 PM
الحب الكبير
ان شاء الله يتعدل ومشكورة حبيبتي


بسمة أطفالي
انا كذا مرة جبتله الموضوع يقلبه ضحك وغشمرة
وبحاول فيه لعل وعسى ينفع معاه

اماراتية حيل
انا ادري انه يحبني وهذيلا البنات يبي يتسلى وياهم لأنه أكثر من وحدة ومافي شي بينهم
ومالي غير الصبر
ومشكورة



احساس قلب
من اللي فهمته انه قايل انه متزوج وعنده بنت يعني عادي عنده مو خاش الموضوع

monyfofo
30/12/2008, 10:58 PM
حبيبتى اقرى الموضوع ده ممكن يفيدك

http://www.3roos.com/forums/t194685.html

سمراءالسودان
30/12/2008, 11:35 PM
الله يهديه يارب ويسخره لك

hibi
31/12/2008, 02:40 AM
الله يهديه ياربي

تعبت أكااابر
31/12/2008, 09:13 AM
monmon
حبيبتي يعطيج العافية على هالقصة وان شاء الله راح اطبقها
ومشكوووووووووووورة


سمراء السودان

hibi

آمين يا رب يسمع منكم

*بيبي فيس*
31/12/2008, 11:42 AM
والله ياختي مابي أزيدج بس ريلج صج يقهر ويرفع الضغط وينزل السكر زين إنج صبرتي ومانفجرتي والله يعينج عليه

مادري لو كنت مكانج ماعرف شلون أتصرف لكن مابيدي شي غير أدعي لج الله يهديه ويسخره لج ويبعد عنه بنات الحرام

مادري شفيهم البنات موضة عندهم يمووووووووتووووووووون على الريال المتزوج

تحب تحس بروح المنافسة والمقارنة بينه وبين زوجته وطبعاً المقارنة بتكون خسرانة ولصالح الزوجة بالحق

كفاية إن بنت إبليس قبلت تلعب دور العشيقة في مسرحية الخيانة وهذي بروحه يخليها منحطة وسافلة ورخيصة ولا يهونون الخوات

هـذيـان
31/12/2008, 12:22 PM
اختي ، ما احب احبطش
بس مو معقولة واحد سنتين صار له يكلم بنات
وهو وسط بنته وزوجته ما بتجيه الجرأة انه يطلع مع وحدة من هالبنات الي يكلمهم او يقابلها
حاولي تتقربين منه وتسالينه، اذا حسيتينه ماتغير كلمي ابوه او امه فقط يكلمونه
لاتدخلين ناس في السالفة حتى لاتكبر

rose_rose7788
31/12/2008, 04:43 PM
الله يعينا على الرياييل .... شو بسويييين .. ما شاء الله البنات ما قصروا معاج بالنصايح ... الله يهديه يا رب ويعرف قدر حرمته وبيته ...