المساعد الشخصي الرقمي

مشاهدة النسخة كاملة : عندي مشكلة بالبيت مضايقتني



أم نونه
22/12/2008, 08:51 AM
السلام عليكم (f)

أنا أول مره أفكر أكتب مشكلتي

والبارحة وانا متضايقة قلت مالي إلا أكتب مشكلتي بالمنتدى علشان أكيد خواتي الغاليات مابيقصرون

أنا حبيباتي أسكن في بيت مستقل مع زوجي وأطفالي ، بجنبنا بيت أهل زوجي يعني فلتين

في كمبوند حوالينا سور واحد

بنتي الله يحفظها من يوم كانت صغيرة يعني لما كانت عمرها 3 شهور تركتها عند جدتها (أم زوجي) علشان ترعاها وقت اللي أنا بالدوام، ماقصرت وكانت جدتها تهتم فيها وتحبها كثير

ألحين بنتي عمرها سنتين و9 شهور الله يخليها، لكن متعلقة بجدتها لحد ممل وبايخ

يعني تصوروا لما أرجع البيت ماألقاها إلا عند جدتها في بيتهم، ولما أبغي أغديها أو أعشيها دووم هناك حتى علاقتي بزوجي أحس أنها صارت ممله لأن مو عارفين كيف ننظم حياتنا لأنه دوم هناك وياها قاعد مايتركها لأن يقول بتتعب أمي أبغي اعلم بنتني تنام من وقت بالليل مو قادرة لأنها دووم في بيت جدتها وخصوصا أن عماتها يجون بيت أمهم وتبقى بنتي هنام مدة طويلة لي نص الليل وأنا وراي دوام وطفل صغير يقعدني بالليل.
وبنتي تحب تقعد هناك معاهم لأنهم يدلعونها كثير ، لدرجة لما تكون عندي وأسألها تحبيني تقول لي ماأحبك، أدري أنها طفلة ماينوخذ عليها لكن أنزعج وأتضايق أقول ليش بنتي جذيه، يعني الدلع اللي مدلعينها أحس أنه بيخربها حتى أن جدتها دوم تقول لاتردون لها طلب لو شو يكون، أحس لما بتكبر مابقدر عليها اللي تبيه لازم يتنفذ، هذا كله من تدليل جدتها أحس بنتي مالي سيطرة عليها تصوروا حتى البامبرز مو قادرة أقطعه عنها لأن يوم اللي باعلمها تقعد بدونه بتروح بيت جدتها وبتلبسها إياه .

شاسوي كنت فرحانه بالبيت اللي أنا ساكنه فيه لكن أتمنى في نفس الوقت لو كان بعيد عن أهل زوجي علشان أعرف كيف اربي بنتي بالطريقة اللي تعجبني وأخليها تحبني وتتعلق فيني أنا وأبوها وبس.

دلوني خواتي

يمكن تشوفون مشكلتي صغيرة لكنها كبيرة في نظري لأنها مأثرة على علاقتي بزوجي

دووم أحس أني تعبانه

شاسوي أنتظر رايكم ومواساتكم لي خواتي.

*بيبي فيس*
22/12/2008, 09:13 AM
ياختي هذي نعمة ماتقدرها إلا اللي محرومة منها وملايين يتمنونها

حمدي ربج إن عندج من يرعى بنتج في غيابج بدون ماتشحططينها من بيت لي بيت ولا تحتاجين خدامة تأذي البنت أو تقصر في رعايتها

أنا أداوم وبنتي في البيت مع الخدامة لأني مجبورة ماقدر أشحططها بيت أمي كل صبحية وهي راقدة ودافية خصوصاً إني بنات أختي في رعاية أمي لأن أختي تشتغل

هو في بعض الشي اللي يضايق في مشكلتج لكنه مب مصيبة وطالعي الجانب المشرق في الموضوع

البنت في الحفظ والصون عن يدتها وحلو على قلبها وإنتي تشتغلين الله يعطيج العافية عوضيها ودلعيها لين رجعتي عشان تتعلق فيج مثلهم

وإذا طلعتي في بيت بروحج بعيد عن بيتهم بتعرفين قيمة هالشي وعندج يهال في سن الرعاية والحضانة

توته احلى بنوته
22/12/2008, 09:18 AM
شوفي حبيبتي انا من وجهة نظري كلمي جدتها باسلوب ودي حتى لو عن طريق المزح
وهو انكم تتعاونون في تربيتها

bent el ba7rain
22/12/2008, 09:40 AM
انا بعد اجوفها نعمة يمكن صج ساعات يضايقج بس انتي بروحش تشتغلين وعندج طفل صغير يعني تحتاجين احدج يساعدش وام زوجش اولى من غيرها ولخرتها البنت بتكبر وهالشي بيتغير

.. لوليـ ..
22/12/2008, 09:51 AM
ما عندك الا حل واحد اذا انتي مو عاجبك الوضع مع انه كثيييييييييير بنات يتمنون في احد يهتم بعياله وهو بالدوام .... (( هو انك تتركين الدوام وتهتمين ببيتك وبنتك وزوجك )) بس ..

أم نونه
22/12/2008, 09:52 AM
صح خواتي أشكركم على ردودكم صح خواتي أنا محتاجه حد يمسك أطفالي الحمدلله أنا أداوم ومتطمنه أن بنتي عند جدتها

لكن أبي أعلمها تنام بالليل من وقت وأعطيها أكلها وأدربها على الحمام بس موقادرة

يعني مشكلتي فيها شي ايجابي وشي سلبي

مشكورين كثير خواتي

الجزوع
22/12/2008, 09:54 AM
قولي الحمدلله على النعمه

واذا تبين بنتج تتعلق فيج عوضيها يوم تردين من الدوام اشتري لها هدايا

اطلعي انتي وياها ومشيها ودلعيها

ياريت بنتي متعلقه في جدتها وظروفي مثل ظروفج


بنتي متعلق في خدامتها لحد الجنون الله يعين

Ba7reneyah
22/12/2008, 10:14 AM
كل طفل يتربى في حضن أحد يتعود عليه ، انا بنتي لما اروح الشغل كنت اتركها مع امي ، البنت الى عمرها 3 أو 4 سنوات تناديني بإسمي ، و تنادي أمي ماما ، و تبي طول الوقت تكون مع امي حتى بوقت النوم .. لكن هذي ضريبة الشغل ، ما بيدنا شي ، احسن من نخليهم عالشغالات ..
واذا تبين ، لما تردين من الشغل اخذي بنتج معاج لين ما تتعود كل يوم ، بتعرف انها الصبح مع جدتها و العصر معاج ..
على فكره لما تكبر شوي وتدخل الروضة بتشوفين هالطبع يتغير ..

شذى الورد الجوري
22/12/2008, 10:44 AM
قووووووووولي حقك جدتها انك تبين تعودينها ع الحمام عشان الحفاظ موزين لها

وخليها عندي بالليل تنام عشان ماطفشك\

دمتي بود

لوافي
22/12/2008, 10:58 AM
أحم ،
شـوفي . .
أول ما تردين البيت من دوامج شلي البنت من بيت أهل ريلج
و خليها عندج
أول أيام ما بترضى
بس انتي قوليلها انج يايبه الها لعبه يديده و بتلعبون
او بتشوفون رسوم معينه
تمي ع هالحال اسبوع
عقب بتتعود انه من تردين انتي تكون عندج و بـس
و قوليلها لـو رقدتي اليوم هنيه باجر بنروح الالعاب
و فهميها
و رمسـي عمتج بأسلوب ودي
قوليلها انه انتي ما تقصرين و جـيه
و انا لأنـي مابا اتعبج
ابا اخلي البنت عندي من ارد الدوام لـ الليل
و مب مشكله تروح عندج العصر شويـه و ترد ع المغرب
المهم تتعود عليج (:

أمـ بشاير
22/12/2008, 11:45 AM
صح هي نعمة و هم نقمة في نفس الوقت إنت محتاجة للوقت فإن كنتي مو محتاجة للشغل كثير تركية و خلي وقتج لاولادج أما إذا كنتي محتاجة له فما يضر لو أخذتي إجازة و عودتي بنتج على رتم حياة معين مثل النوم في الليل و تعوديها على الحمام و انت بكرامة و تعودينها على اسلوبج لان البنت بعيدة عنج أهلها محتوينها فما يضر شوية وقت تعطينها اياه عشان تاخذ اسلوبج و تتقرب لج فيه انصحج باجازة تكرسينها بس لبيتج و عائلتج بعدها بترجعين الشغل و انت مطمنه

الله يوفقج

مــيمــو
22/12/2008, 01:57 PM
اختي الحبيبة ... الحمد لله ان طفلتك تعلقت بجدتها ولم تتعلق بخادمة غريبة الطباع والمبادئ فأنا رأيت ماهو مخزي ومبكي .. خذي ابنتك حال قدومك من العمل وكثفي لها الحب والحنان لتعلم انك امها وابنتك مازالت صغيرة وسوف تفهم لاحقا انك امها التي لا تستغني عنها ... ودمتي

israe
22/12/2008, 02:04 PM
ما عندك الا حل واحد اذا انتي مو عاجبك الوضع مع انه كثيييييييييير بنات يتمنون في احد يهتم بعياله وهو بالدوام .... (( هو انك تتركين الدوام وتهتمين ببيتك وبنتك وزوجك )) بس

ميزان العدالة
22/12/2008, 02:08 PM
انا سمعت من داعية ان الطفل لابد من عشرة اشخاص يشتركون في تربيته مب مثل هذا الوقت الاب والام فقط :(الحمدلله ان بنتج عند جدتها مب عند الخدامة بروحها مادري شتسوي فيها هذه نعمة لا تقدر بثمن و لاتنسين انج شاركتي في ابتعاد بنتج عنج الدوام يخلص الظهر او بداية العصر مب لازم تنامين لما ترجعين و ماتشوفين بنتج الا المغرب خصصي وقتج كله لها هذا دور الام العطاء و التضحية والجدة لازم دلل انا مثلا عيالي لما يشوفون امي مايبوني :eek::eek:مع اني دوم اقعد معاهم لكن الجدة سبحان الله غير خلها تفرح بجدتها (y)و جدتها تفرح فيها (y)واذا حابة تسيطرين على بنتج شوي اخذيها انتي ويا ابوها و طولوا في الطلعة وخلال الطلعة اغرسي القيم الي تبينها فيها و شوي شوي ان شاء الله بتقرب منج بس لاتنسين كل شي يجي بالين و الصبر ولا بتفضل جدتها عليج لاحظي احنا الكبار نحب الي يعطينا كل شي فما بالج بهذه الطفله والله يخليهم لج ولا تبتعدين عن اهل زوجج لان لهم فضل عليج و على بنتج ما راح تحسين فيه الا اذا ذقتي مررارة التعامل مع الخدم :sm215:واسفة على الاطالة

عيون الفهد*
22/12/2008, 04:39 PM
فكري في المثل الي يقول

الام هيا الي تربي مو الي تولد

أناناس & فرولة
22/12/2008, 04:57 PM
الأخوات مايقصرون انا ما عندي خبره بليهال بس الله يعينك اختي احس فيك وايد يأذي اذا الطفل متعلق بغير امه وابوه

قطـــرية
22/12/2008, 05:10 PM
لوافي كلامها صح

كلمي ام ريلج وقوليلها تساعدج ع البنت

يعني تقول لها يله حبيبتي الحين بتروحين عند ماما عشان تناميين وباجر بتيين عندنا جي يعني

لازم يكون لج دور انتي امها والزم وحده فيهاا

واللي تجوفينه صح سويه بخصوص التربيه

اجرح على كيفك
22/12/2008, 05:16 PM
صحيح انها نعمة بس انتي معاج حق وانا انصحج اول ما تردين من دوامج اييبيها عندج اشتر مرة لها حلاوة او لعبة خليها ننتظرج دايم لاعبيها واهتمي فيها

ربي يوفقج يارب

أم نونه
23/12/2008, 08:30 AM
ماشاء الله ردودكم مثل الماي البارد اللي برد على قلبي

كلامكم اثر فيني بصراحة

بحاول أطبق اللي شرتوا علي به

والله كريم

Soft Touch female
23/12/2008, 08:46 AM
اختتتي لازم اتشديين على بنتج وتمشيين راييحج عليها طبعا مو بالقوسسةى اخذييها بالحنانا والدللع او سوي لها في البيت اشياااء حللوة حق تتحمس وتجي معااج لازم اتربيينها حق اتحس بالعاطففة ويياج وتخصصين لها ساعة باليوم اتروح بيت جدتها وربي يوووفقج او بنت اتيي لج انشاء الله

نسمة الحياه
23/12/2008, 11:16 AM
معلش استحملي الوضع كل متدخلي على بنتك ادخلي عليها بحاجه تفرحها قربيها منك ومتزعليهاش كل ماتلاقي فرصه انك تبيني انك الاحسن عند بنتك اعمليه وان شاء الله تتحل مشكلتك قريب اللهم امين