المساعد الشخصي الرقمي

مشاهدة النسخة كاملة : الله يخليكم لا تبخلوعلي



عيون الامل
12/06/2003, 09:22 AM
انا صراحه زوجي مسافر للدراسه وامه وابوه متطلقين وابوه متزوج ومستقل وامه متزوجه ومستقله لاكن امه متزوجه من شاب عمره 34 سنه وهي اكبر عنه 15 سنه وهو سوري الجنسيه وهي مواطنه وهو ما يشتغل وهي تشتغل وتصرف عليه انا ابا حل لانها دائمه الاتصال لزوجي تطلب منه فلوس عشان تصرف علي زوجها وهذا حرام لان هي ما تستاهل او زوجها ما يستاهل وزوجي ما يعرف انهي تاخد الفلوس وتصرف علي زوجها هو يعطيها لان امه بس لا كن هي مو المفروض اتحس انا ولدها متغرب وهي تاخذ الفلوس وتصرف علي زوجها انا ابا حل عشان انبه زوجي بدون ما احرجه او بدون مشاكل اتمني انكم اتساعدوني والله يعيني علي هذي المصيبه والحمد لله علي كل حال

sad memories
12/06/2003, 01:02 PM
اختي العزيزه لازم تصارحين زوجج و تقولين له ان امه ايش سوي بالفلوس
لان مثل ما قلتي حرااااام يعني هي تاخذ الفلوسس من عنده على شان تصرف على زوجها العاطل ما يصير لان انا برايي زوجها يستغلها و بس و اكيد زوجج لودرى ماراح يسكت عن الموضووع
اختج
وردة الحب

هدب نجد
12/06/2003, 07:00 PM
أنا مع رأي وردة الحب لااااااااااااااااااااازم تعطين خبر لزوجك بإلي يصير لأن بسكوتك تضرينه وتضرين نفسك معه ...وأنصحك نصيحه علشان تبتعدين عن المشاكل في الوقت إلي راح تعلمينه خليه بالليل وإسأليه إذا فاضي ولا لا وقبل ماتحكين فهميه إن إلي بتقولينه فيه مصلحه له وتبين له المخفي وإلي مايعرفه ومن خوفك عليه وانتم في غربه ومحتاجين لهالفلوس وبيني له الحاجه لها وبعدين إبدي بصوت واطي ومن غير إنفعاال مهما قال ورفع صوته لأن اذا شافك منفعله بقول هذي ماتبيني أعطي أمي ولاااااااااااااااااازم تعلمينه من وين عرفتي وايش الدليل على كلامك حتى لو كان بسيط ولما تتناقشون ويفكر ويقرر قبل ماتنامون قولي له إنك آسفه اذا ضايقتيه بكلامك اليوم لكن كل املك راحته مو اكثر .......وصدقينييييييييييييييي يييييييييييي راح يتفهم الوضع واذا مافهم لا ترجعين تعيدين له الموظوع المهم يكون راضي عليك ومازعل وانتي عطيتيه خبر


(هدب نجد)

عيون الامل
13/06/2003, 04:13 AM
مشكورين اخواتي علي هذا الرد صراحه ردودكم مره اتريح البال والعصاب مشكوره اختي هدب نجد وورده الحب وايد افتوني ادعولي

sad memories
13/06/2003, 07:30 AM
اختي عيون الامل حااضرين في اي وقت احتجتي لاي مساعده اذكريني انا معاج اوكي

كيفي متسببه
13/06/2003, 07:44 AM
ما ادري موضوع يحير لكن زوجك ايش بوسعه يسوي هذي امه .....

وانتي المحتارة كلمي زوجك وتناقشوا بالموضوع......


لانه انتوا الي بالاخير الي بتلقون الحل ؟؟؟ ان شاء الله ....


الله يساعدج حبيبتي ع غربه زوجك عنك ...


ان شاء الله يرجع بالسلامه......



................. في امان الله ...................




تحياتي المتسببه..

قمرالليالي
13/06/2003, 11:10 AM
الله يساعدك

انصحش انك تكلميه وتقوليه على كل شيء اتسوي امه

عيون الامل
14/06/2003, 04:55 AM
مشكورين مره ثانيه علي الردود الطيبه

لميس
14/06/2003, 12:44 PM
السلام عليكم ورحمة الله وبركاته

اختي لا تجين لزوجك وتقولين له ترى امك تاخذ الفلوس وتصرف على زوجها.. جذي اول شي بيقوله "هذي امي وواجب اعطيها"
قولي له ماتدر تشوف وظيفه لزوج امك.. حرام قاعد بدون شغل ولا دخل.. كيف يقدر يصرف على نفسه وعلى بيته.. مو حلوه في حقه قاعد وامك الي تصرف عليه
لو على طول قلتي له ان الفلوس امه تصرفها على زوجها بيقول تبخلين على امه بس لو قلتي شوف له وظيفه بيقول تبين مصلحتهم


ربي يوفقج ويسعدك ويهون غربة زوجك

تحياتي

عيون الامل
15/06/2003, 05:16 AM
صراحه فكره مره حلوه واسلوب راقي افدتيني وايد صراحه