المساعد الشخصي الرقمي

مشاهدة النسخة كاملة : أبحث عن حل



قلب عدولي
19/11/2008, 05:21 AM
السلام عليكم ورحمه الله وبركاتة
كيف حالك ياأخت ساعة غروب أنا لدي مشكلة وأريد حلها ضروري

أنا متزوجة من ثلاث سنوات وعمري الان 23 ولدي بنت عمرها تسع شهور المشكلة بدأت بعد ولادتي بكم شهر كرهت زوجي وبيتي وماصرت طايقة أحد حتى إني اهملت نفسي ماصرت البس واكشخ لزوجي ولا أبي أشوفه أو يلمسني لدرجة إني حرمته من حقه الشرعي في كزوجة كنت اتخاصم أنا وياه على اتفه سبب وازعل واروح بيت أهلي وهو يحاول يراضيني وماأرد عليه وللعلم أن زوجي شغلة في منطقة بعيده عني ونتقابل في الأسبوع مرة واحدة فقط وكان يوم يتصل علي كنت اكلمة عادي بس نهاية المكالمة لازم يقفل زعلان أنا الحين أنتبهت لنفسي وتصرفاتي بس متأخر لإني من شهرين أكتشفت إن زوجي يكلم وحدة وفتشت السجل حق المكالمات الاقي مكالماتها بعد مايقفل مني وهو زعلان وأنا الحين خايفة وندمانة وداخله على الله ثم عليك إنك تلاقيلي حل لاني بنفجر ودي افاتحة بالموضوع تكفين ردي علي وقولي لأختك وش الحل وأنا بنفذ كل الي بتقوليه وللعلم أنا ماعندي أخوات أكبر مني عشان استشيرهم وأنتي أختي وأبي الحل منك

ساعة غروب
19/11/2008, 01:16 PM
كلميه وحسسيه انك مهتمه فيه ولا تجيبين طاري حق الشيء اللي عرفتيه

حاولي تتغيرين معاه تكونين افضل كلام حلو معامله حلوة ودلع قربي منه لا تبعديه عنج اكثر حاولي قد ما تقدرين

لا تهدمين بيتج بيدج وتطفشين الرجال منج

خليك الواحة اللي يستريح فيها