المساعد الشخصي الرقمي

مشاهدة النسخة كاملة : ردوا علي و انصحوني ارجوكم



3roosa amoorah
11/06/2003, 03:33 AM
مرحبا بنات

انا ما رح اطول عليكم ولكني اريد الرد من اخواتي المجربات

في شخص تقدم لخطبتي وانا حبيته و عجبني من اول نظره و لكني خايفة من امر وهو العمر

فهو اكبر مني ب سنتين .. امي قالت انو الافضل لو انه اكبر مني ب خمس سنوات مثلا

وبعد السؤال عنه و عن اخلاقه عرفنا انه لا غبار عليه والكل مدح فيه ؟؟
هو عمره 24 سنة و حالته ميسورة و متعلم

ارجو من جميع الاخوات الي مرو بتجربة مماثلة يعطوني رأيهم

وشكرا للجميع

:shy:

ليل الهجير
11/06/2003, 03:43 AM
هو الافضل انه يكون الفرق بينكم اكثر
بس ما أشوف انه سبب لرفضه :)
هو يقول لك الافضل يكون فيه فرق حتى يصير الرجل عاقل
مع انه مو شرط
ولأن الحرمه تبين أكبر من الرجال .. بس طبعا هالكلام من زمان
اللحين الكل يهتم بنفسه .. حتى لو كانت الخرمه كبر الرجال تبين
أصغر من بـ 10 سنوات
انتي استخيري يا بنت الحلال .. واللي فيه الخير الله يقدمه

المخمرية
11/06/2003, 03:46 AM
سلام عليكم

هلا الغاليه
اول شي الف مبررروك

وعقبالنا ان شاء الله

ثاني شي...الزواج قسمة ونصيب فحتى لو كان الريال اصغر منج
فمادام مكتوب النصيب راح يستوي

...وتأكدي ان نصيبج هو اللي بيصيبج...حتى لو العالم كلهم منعوج

لان هالشي بيكون مقدر ومكتوب من عند رب العالمين

3roosa amoorah
11/06/2003, 04:16 AM
شكرا اخواتي على الرد .. والله مو عارفة كيف اتشكركم ..

ياريت اسمع كلام وحدة لها نفس التجربة..؟؟ يعني شو الصعوبات ؟؟

ما هي ايجابيات الفرق الصغير بالعمر وما هي سلبياته ؟؟

انا صليت الاستخارة مرة واحدة .. احسست بعدها بارتياح ..
ولكني اخاف من كلام الناس .. فالكل قالولي انو لازم الفرق يكون اكثر من 5 سنوات

يا ريت اسمع المزيد من الخبرات و التجارب

مع السلامة

العيناوية
11/06/2003, 06:02 AM
حبيبتي خلك من كلام الناس و لا تسمعين لهم لأنهم مابينفعوك في شي هذي حياتك وانت حرة فيها وصدقيني اذا هو عمره مثل ما اتقولين 24 وفارق العمر سنتين هذا شي عادي ما دامت إخلاقه زينه و هو متعلم و انا صديقتي عمرها 21 واتزوجت واحد عمره 22 فرق سنه لكنها الحمد الله مستانسه وألحين عندهم بنوته صغيرونه :shy: ، اذا كان هو ما عليه كلام وزين وافقي عليه و ماعليج من كلام الناس :up: وفي مثل اقول (رضا الناس غاية لا تدرك ) :eek2: في النهايه أقولج انه عمره زين وأخلاقه زينه و متعلم و ما عليه كلام فوافقي عليه وطبعا الراي الأول و الأخير راايك :up:

غديران
11/06/2003, 06:08 AM
اولا مبروك اختي 3roosa amoorah

:flower:



احب اقولج انه عادي انا زوجي اكبر مني بسنة وحدة بس
والحمد لله مرتاحاة وايد معاه

العمر مو شي اساسي وكل شي قسمة ونصيب والله يوفقج ممكن انتي تتزوجين واحد اكبر منج بخمس سنين وما ترتاحين ويمكن تتزوجين واحد كبرج او اكبر منج بسنة او سنتين وترتاحين معاه وايد



ومرة ثانية اقول الله يوفقج:clap:

3roosa amoorah
11/06/2003, 07:43 AM
شكرا لكم يا اخواتي على اراءكم و على الرد السريع ايضا

و ارجو ان تقبلوني صديقة جديدة للمنتدى

:shy::shy::shy:

louloum
11/06/2003, 08:04 AM
السلام عليكم ورحمة الله وبركاته
فى البداية اقول لك مبروك سلف وساقول لك تجربتى عندما تقدم زوجى لخطبتى كنت ابلغ 19 عاما وهو كان 23 سنة اى الفرق تقريبا اربع سنوات خطبنا لفترة ثلاث سنوات ونحن الان متزوجين منذ اكثر من ثلاث سنوات والحمد لله التفاهم والحب موجودين على شرط انى انا دايما بادير بالى عليه وعلى حالى اى على مظهرى امامه لان المراة بعد فترة من الزواج وخصوصا بعد انجاب الاولاد حتما ستتغير اشياء من ملامحها لذلك لا بد من تدارك هذا الوضع وما عدا هذا كل شىء عادى

visitor
11/06/2003, 01:22 PM
ابوي اكبر من امي بعشر سنوات :D
والله يوفقك ويباركم لكم ان شاء الله
ومنه المال ومنك البننين
تحياتي لك

كيفي متسببه
11/06/2003, 01:33 PM
هلا عزيزتي ....
لا توافقي الا اذا كنتي انت بنفسك مقتنعه ولا يهمك الشكل ولا حتى حالته الماديه ....
الراحه النفسيه هو اهم شي للموافقه والاقتناع ....
واتمنى لك التوفيق حبيبتي.....:)

تسواهن
11/06/2003, 02:07 PM
وافقي فلا اهميه للعمر هنا
الان قلما نجد الرجل المناسب في هذا الزمن

عيوني حزينه
11/06/2003, 02:15 PM
اول شئ استخيري


والفرق بينك وبينه مو سبب انك ترفضينه


والله يوفقك

همسة نغم
13/06/2003, 02:20 AM
مرحبا اختي
انا مراح اقولك اسمعي كلام فلانه وعلانه ليش تتعبي وتحتاري وافضل الخلق حلها لك من زمااااااااااااااااااان
قال رسول الله صلي الله عليه وسلم(اذا جائكم من ترضونه ديننا فزوجوه)
وخير الكلام ماقل ودل;) ;)

قمرالليالي
13/06/2003, 11:26 AM
اختي

مدام ان الشاب خلوق ومحترم مافي اي سبب انك ترفضينه

اذا مايعيبه شيء

عروس المحبة
13/06/2003, 11:38 AM
اختي 3roosa amoorah
انا الفرق بيني وبين خطيبي سنتين ونص بس ........

وبالصــــــــــــــــــــ ــــراحة ........

لما تقدم لي خطيبي ترددت وقلت نفس كلامج بالضبط .....


وقلت لو كان فرق السن اكبر كان احسن ........



لكن ........





الحين ........













مستــــــــــــــــــــــ ــــــــــــحيل أفكر في واحد تاني غيره :o

ومستحيل أندم في يوم اني وافقت عليه ........


وبالصراحة احس ان كلما يكون عمر زوجك قريب من عمرج احسن .......



توكلي على الله اختي 3roosa amoorahوخصوصا زي ما قلتي انه رجال زين .......


ومبــــــــــــــــــــــ ــــــــروك مقدما ........


:clap: :flower: :clap: :flower:

موعود باحساس
13/06/2003, 12:35 PM
:) سلالالالالالالالام ..

والله لو تبين رايي فالعمر مو مهم اختي .. لان الواحد هالايام ماينقاس بالعمر ياما ناس بال40 و عقولهم مثل الي اعمارهم 18 و فيه العكس الي ماشاء الله صغار و لكن عقلهم يوزن بلد;)