المساعد الشخصي الرقمي

مشاهدة النسخة كاملة : ضعف الثقه في النفس



تفاحه سعوديه
16/10/2008, 01:58 AM
السلام عليكم

نجلاء
22 سنه

مشكلتي ان عندي ضعف ثقه في النفس مع رهاب اجتماعي لكنه ليس شديد جدا...

وحاليا انا مخطوبه وخايفه كثير من مواجهة الناس والمجتمع والعزام والمواجيب....مااعرف اتكلم كلام مرتب مثل الحريم..يعني تحطيني مع بنات ممكن انفع ,, لكن حريم!! احس اني ماانفع معهم..

واذا تزوجت لازم اكون واثقه من نفسي والا هو بيستصغرني وبتتدمر حياتي...

مع اني ولله الحمد شكلي زين وجسمي زين..ويقولون عني مملوحه..وانا اشوف نفسي حلوه بالمكياج صراحه...

واكثر شي يضايقني هو ضعف الخبره الاجتماعيه عندي...لاني مااروح عزايم كثير ومااختلط مع ناس كثير..يعني اشوف جمعة الاهل الكبيره مرتين في السنه بالاضافه الى الدوام في الجامعه...مو مثل اللي متعودين من صغرهم على كثرة الجمعات عندهم...
وانا احس احيانا اني كثير اضحك وامزح, يعني ودي اكون عاقله اكثر مثل الحريم, وودي اكون خفيفة دم, يعني هذي هي الاشياء اللي تضايقني فيني ...اكثر شي الكلام...

وايضا اختي الكبيره (29سنه)تعلق كثيير علي وعلى تصرفاتي..وصار عندي عقده منها..كل شي افكر فيه تطرى على بالي تعليقاتها..يعني تقدرين تقولين هي مأثره علي بتعليقاتها من صغري فزادت ضعف الثقه عندي..لانها تدقق كثييير... فبسهوله تقدر تتصيد اخطاء الاخرين وتحرجهم...

وانا ناويه ازور دكتوره نفسيه ان شاء الله لكن اذا سمحت الظروف اني اروح بدون علم اهلي منعا للاحراج...

فياليت تساعديني بنصايحك
ويعطيك العافيه

ساعة غروب
05/11/2008, 11:31 AM
حبيبتي انتي سنك صغير

وهذا شي طبيعي وبعدين شنو اروحج لدكتور نفساني انتي طبيعية 100% ما تحتاجين دكتور

انتي لازم تختلطين مع الناس وتفتحين مواضيع معاهم في كل شي يعني المكياج والازياء في حال الدنيا بكل ما تعرفين عن الاشياء ممكن تشاركين فيها

الله يوفقج ان شاء الله