المساعد الشخصي الرقمي

مشاهدة النسخة كاملة : سويت فتنة بين اشخاص قراب لبعض بس والله ماقصدت اني افتن ما بينهم شو الحل



شيخة الخليج
08/10/2008, 03:30 PM
مراحب

امس جاني اتصال من قريبتي وانا وهي ما نخبي على بعض تقولي حماتك وخوات زوجك زعلانين منك وانا زوجي اللي هو اخو زوجي وصاني اتصل بك واخبرك وليش زعلانين
1-لاني اخذت البنت من اييد حماتي وليش والله لاني بغيت اعطيها حليب وهذا شي جدا عادي
2-ليش سكبت الحليب اللي سوته اخت زوجي مو لشي لاني عطيتها مقادير واهي خبصت وانا من باب الحرص سكبته وسويت غيره

طيب انا اتصلت بأخت زوجي اليوم قلتلها خير انا اي سويت قالتلي انا لازعلانة ولا عندي خبر وقريبتك ما كان المفروض تخبرك كذا هي بتسوي فتنة انا قلتلها هي زوجها طلب منها تكلمني واللي هو اخو
طيب سكرنا رحت اتصلت بقريبتي وقلتلها كل شي بحكم ان احنا ما نخبي شي على بعض بس بعد ما خبرتها قلت لنفسي لا انا تماديت مهما كان مو كل شي نتلم فيه بس خلاص لا مفر انا تكلمت عاد.
راحت قريبتي واتصلت بأخت زوجي وتنازعوا وصار زعل راحت اخت زوجي متصله فيني تقولي انتي الشيطان بنفسه وسكرت بوجهي ما عطتني فرصة اتكلم بس هي عارفة انها غلطانه عشان كذا عصبت كثير بس مع ذلك انا سببت فتنه بينها وبين اخوها اللي هو زوج قريبتي وقريبتي نفسها وانا الله يشهد نيتي ابد ما كانت شينه والقهر اني من كلمت زوجي وقف مع اهله وقالي انتي دفشة ليش اني اخذت بنتي من اييد حماتي وانا نيتي صافيه بغيت اعطيها الحليب ما بنتي دوم مع يدتها وعماتها ويوم قلتله عن اللي قالته اخته لي قالي هي كانت تريد تصلح وانا هذا ما جازيتها مع العلم هذول بنات عمتي وحماتي عمتي اخت ابوي وهي اللي راحت تتكلم عني قدام اخو زوجي وهنا الغلط حتى بنت عمتي قالتلي امي غلطانة ومسحيها بوجهي


احس مو طايقة زوجي من اول بينا مشاكل ولا يوقف جمبي يوقف جمب اهله وهم غلطانيين وانا غلطتي اتمنى الله يسامحني عليها قبل ما حضراتهم يسامحوني عليها بس ساعدوني اشلون اصلح من هالوضع وانا ما قصدته وانما الاعمال بالنيات

حلوه حيل راكبه خيل
08/10/2008, 03:48 PM
أختي المفروض يوم دقت عليك قريبتك داقه على أخت زوجك جس نبض بس المفروض ماقلتيلها ان قريبتك تقول انكم زعلانين داقه ومسلمه عليها وجايبه سوالف عاديه وهي اذا جد زعلانه وبخاطرها شي بتقولك
وطريقة اخذ ولد المفروض يكون فيها نوع من اللباقه مثلا تقولين فلانه ياعمري ابي الولد ابي ارضعه
ونصيحه مني لاتدققين على كل شي بعدين تتعبين واذا سمعتي شي من قريبتك تجاهلي يمكن تكون كذابه او تبغى تخرب علاقتك مع حمولتك والله يزين اموركم ان شاء الله وسيري لحالك لعمتك وزوجك مو معاك خليه ينزلك ويروح وادخلي على حمولتك وسلمي عليهم وبوسي راس عمتك وقوليلها ياعمه انا كلام وصلني واذا انا زعلتك بشي انا اسفه وتري زعلك مايهون وانتي الغاليه ام الغالي وانتم اهلي وحنا بيت واحد وقلوبنا لازم تصير وحده وانا بنتك واللي تبغينه انا مستعده ومن هالكلام الين ترضى والله يااختي الدنيا ماتسوى زينتها ان الواحد يترك الزعل وينبسط وصدقيني راح تكبرين بعين زوجك والله يوفقك ويسخر لك زوجك وحمولتك ويخلي لك عيالك ولاتنسيني يالغاليه من دعواتك لي بالزوج الصالح اللي يسعدني وربي مليت من الوحده وصرت عانس

لولية
08/10/2008, 04:44 PM
أختي شيخة الخليج ترى مثل ما قالت أختي حلوة حيل راكبة خيل أهم شيء التراضي وهذه عمتك يعني أكيد ما تهونين عليها والله يوفقك يا رب ويخليلك زوجك

NaaaN
08/10/2008, 08:09 PM
الموضوع بسيط وما يستاهل هالحجم هذا من التهويل والزعل والي كبرها نقل الكلام بين النسوان ما كان المفروض يوصلك الكلام من طريق قريبتك وزوجك ومستغربه انه رجال يدخل اصلا ويطلب هالطلب هالامور عاديه بين النسوان وتمشي عادى ....الله يصلح الاحوال

عيون الفهد*
08/10/2008, 08:09 PM
المفروض ماتتصلي بس خلاص الي فات مااات

رأي

تروحي لبيت عمتك مع زوجك

وتكون في قريبتك واخت زوجك

وتقوليلهم انا اسفه لو غلط عليكم وتبرري موقفك

وتقوليلها انا ماكنت عارفه اني لو اخذت البنت اني حزعلك خاصا اني كنت ابغى اشربها حليبها

خلاص مره تانيه لو كانت معاكي انتي الي تشريبها وسلمي على راسها

واخت زوجك برضو برريلها موقفك

ومو اي شي ينقاااااال انتبهي مره ثانيه

امكن هما ماازوعلو امكن اتضايقو من تصرفك بس

وفي فرق بين الاثنين

عيون الفهد

lina84
08/10/2008, 08:13 PM
أختي المفروض يوم دقت عليك قريبتك داقه على أخت زوجك جس نبض بس المفروض ماقلتيلها ان قريبتك تقول انكم زعلانين داقه ومسلمه عليها وجايبه سوالف عاديه وهي اذا جد زعلانه وبخاطرها شي بتقولك
وطريقة اخذ ولد المفروض يكون فيها نوع من اللباقه مثلا تقولين فلانه ياعمري ابي الولد ابي ارضعه
ونصيحه مني لاتدققين على كل شي بعدين تتعبين واذا سمعتي شي من قريبتك تجاهلي يمكن تكون كذابه او تبغى تخرب علاقتك مع حمولتك والله يزين اموركم ان شاء الله وسيري لحالك لعمتك وزوجك مو معاك خليه ينزلك ويروح وادخلي على حمولتك وسلمي عليهم وبوسي راس عمتك وقوليلها ياعمه انا كلام وصلني واذا انا زعلتك بشي انا اسفه وتري زعلك مايهون وانتي الغاليه ام الغالي وانتم اهلي وحنا بيت واحد وقلوبنا لازم تصير وحده وانا بنتك واللي تبغينه انا مستعده ومن هالكلام الين ترضى والله يااختي الدنيا ماتسوى زينتها ان الواحد يترك الزعل وينبسط وصدقيني راح تكبرين بعين زوجك والله يوفقك ويسخر لك زوجك وحمولتك ويخلي لك عيالك ولاتنسيني يالغاليه من دعواتك لي بالزوج الصالح اللي يسعدني وربي مليت من الوحده وصرت عانس

(y)

شيخة الخليج
09/10/2008, 12:40 AM
يا خواتي هذي حماتي اعرف طبعها زين اذا قلتلها ليش قلتي وليش سويتي بتقول اني سبيتها هي فيها مرض تأليف القصص تخيلوا انا او يوم عيد تنومت بنتي بالمستشفى كان ناقصها اكسجين تدرون شنو قالت لامي وفي شاهدة ع كلامها قالت ماحد قال لبنتك تنام بالمستشفى ماحد بيزورها وفعلا هذا اللي صار ماحد زارني وبنتي عمرها 4 شهور يعني مو شي سهل انها تتنوم بالمستشفى ولا قلبت السالفة على امي وقالت ان امي قالت بنتي مرضت لاننا طلعنا نسلم بالعيد امي قالتلي اساسا بنتك مريضة من قبل العيد وانا شو دراني انك طلعتي تسلمي والاخس من كذا تقول انها شافت شخصية مهمة في الحج وسمعته يبكي وهي اساسا ماتعرف شكله و و و و بس انا اطنش وللعلم انا يوم ولدت وهذي اول بنوته اجيبها حماتي وبناتها زاروني مرة بالمستشفى ومنها الين ماطلعت من ال40 ماشفت وجههم ولا اتصلوا يجاملوا حتى انا اللي رحتلهم والله مش هينين وهي مهما كان مالها الحق تقولي اني الشيطان اساسا تشبيه مكروه انا مسلمة تشبهنب بهانجس الملعون والله اني مايوم غلط عليهم واحترمهم رغم اللي فته اشلون اروح اعتذر والقهر متصله بام قريبتي تقولها اني كذابه هي لو مب غلطانه ماكانت اتصلت بام قريبتي الين والله فكرت اتطلق وارتاح منهم ومن زوجي اللي عمره مادافع عني

ملكة الصمت
09/10/2008, 01:16 AM
السلام عليكم.. الغلط منك ومن قريبتك.. ليس كل ما يعرف يقال.. يعني طنش تعش تنتعش.. وحتى لو جابت لك اخبار انتي انهى السالفة بجملة الله يهديهم.. وصدقيني بتنتهي كل مشاكلك.. الي عبارة عن قالت وقال..

ROSE3ROOS
09/10/2008, 02:34 AM
ماشاء الله البنات كفو ووفو الله يجازيهم الف خير

الي اقدر انصحك في
انه انتي تروحين لخالتك بيوم مايكون في احد غيرك وهي وزوجك وتستسمحين منها مهما يكون هي مثل امك ولها الحق تزعل منك ولو ماتحبك ماخذت بخاطرها ونصيحه اقولها لج حطي حد لاي انسان يحاول يدخل بينك وبين زوجك او اهله او اهلك وحتي مثل ماقلتي " امس جاني اتصال من قريبتي وانا وهي ما نخبي على بعض"

وايظا " وقلتلها كل شي بحكم ان احنا ما نخبي شي على بعض "

حبيبتي انتي نقدتي على عمتك يوم قالت قدام ولدها طيب انتي المفروض تقولين لقريبتك عمتي وتمون اكيد انا غلطانه وتحاولين من جهه اخرى تستسمحين منها ويكون كلام قريبتك الي هي زوجة حماك لصالحك مو تخلينه ظدك ولازالت الفرصه قدامك والبنات ماقصرو بطريقة التصالح

والله يصلح بينكم ويهدي سركم.

توته توته555
09/10/2008, 05:13 AM
حبيبتي اهم شي اهي عمتج قبل لتكون ام زوجج خذي زوجج وروحي عند عمتج وقولي أنتى عمتى قبل لا تكوني أو زوجي انتى اخت ابوي ما بتسامحين بنت أخوج انا غلط بس والله بدون قصد وزوجج معاج لأنه ما بتقدر تتماده بلكلام لأنه اهني وزوجج بيشوف أنتى ما قصرتي أو أري تصرف ثاني من ام زوجج بتشوفين ززوجج بيتكلم وبيقول أهي إلي عليها سوت بسكم وأنتو أتذلونها وصدقيني ما بيتكلمون

مرموم
09/10/2008, 07:25 AM
طيب يا أختي لو هم مثل ما تقولي مش هينين...ليش تدخلي معاهم في نزاعات ؟

قريبتك اللي قالت لك على زعلهم منك...كنتي ما أعطيتيها المجال أصلا...ردي عليها و قولي لها أنا بتصرف معاهم...

مش تروحي تتصلي في أخت زوجك...

و ترجعي تتصلي بقريبتك...

هنا الحق عليكي طبعا...و راح يغلطوكي...

بعدين اللي عملتيه مع أم زوجك مش صحيح أيضا...رحتي شلتي البنت من يدها...يعني البنت لو إنتظرت كمان ربع ساعه و بعدها شربت الحليب بيصير لها شيء !!!!!

أو كنتي خليتي أم زوجك هي اللي تشربها الحليب...يعني حركه مش حلوة فعلا...و حقها تزعل...

أيضا تكبي الحليب اللي أخت زوجك عملته !!...هي كتّر خيرها إنه عملت لك حليب...لو مش عاجبك...بينك و بين نفسك رحتي كبيتيه من غير ما الكل يعرف...

أعذريني أختي شيخة الخليج...من خلال متابعتي لمواضيعك...إنتي محتاجة الكثير من الخبرة و الحنكة في التعامل مع أهل زوجك...يعني فكري و إسألي نفسك قبل ما تقبلي على أي فعل...

قولي لو أمي مكان أم زوجي كنت عملت معاها نفس الشيء؟...لو أختي مكان أخت زوجي كنت عملت معاها نفس الشيء ؟

أختي حافظي على بيتك...يعني بنفسك شفتي كيف كانت حالتك النفسيه لما زوجك تركك بعد الأربعين....

و ما تنسي كل هالمشاكل تؤثر على حياتك الزوجيه...و زوجك ما بيصفى لك مثل الأول...لأنك بالنسبة له سبب مشاكل مستمر ...و طول اليوم شكوى من اللي صار مع أهله...ما في واحد يحب هالكلام....

أيضا أختي...لا تنظري لكل تصرف تعمليه على إنه صح...و كل تصرف أهل زوجك يعملوه على إنه غلط...هذه الطريقه بتخليكي تتعبي...لأنك كمان تغلطي...و هم مرات كتير يكونوا على حق...

و لو أم زوجك و أخت زوجك حبّوكي و إعتبروكي أخت لهم...صدقيني دايما بيوقفوا في صفك و يعتبروكي ملكة...و بتشوفي زوجك كيف وقتها بيعاملك...

الله يهديكي بس

شيخة الخليج
09/10/2008, 02:15 PM
الله يهدي الجميع انا مااشكي لزوجي عن اهله لاني مب هبله بس لما تعدوا حدودهم كلمته وشو قالي قال انا الغلطانه وعمري ما شفت نفسي الصح دوم هذا مب منطق

لوزة الدلوعه
09/10/2008, 02:25 PM
انا حاسه فيك اختى وصدقيني قريبتك ماقالت لك شئ من الهوى هم تكلمو فيك بس فيه ناس طبعها النفاق لما تواجهينها وتقولى ليش زعلانه تقول لا ومن وراك تقطع جلدك واحس هذا الى حصل معاك قوى قلبك انتى ماغلطتى والله اعلم بنيتك اهم شئ الى كانت تبي خير وهي قريبتك لاتزعل ووضحي الصورة لها ولهم بقلب قوى انتى ماغلطتي

sarah_uk
10/10/2008, 11:17 PM
طيب يا أختي لو هم مثل ما تقولي مش هينين...ليش تدخلي معاهم في نزاعات ؟

قريبتك اللي قالت لك على زعلهم منك...كنتي ما أعطيتيها المجال أصلا...ردي عليها و قولي لها أنا بتصرف معاهم...

مش تروحي تتصلي في أخت زوجك...

و ترجعي تتصلي بقريبتك...

هنا الحق عليكي طبعا...و راح يغلطوكي...

بعدين اللي عملتيه مع أم زوجك مش صحيح أيضا...رحتي شلتي البنت من يدها...يعني البنت لو إنتظرت كمان ربع ساعه و بعدها شربت الحليب بيصير لها شيء !!!!!

أو كنتي خليتي أم زوجك هي اللي تشربها الحليب...يعني حركه مش حلوة فعلا...و حقها تزعل...

أيضا تكبي الحليب اللي أخت زوجك عملته !!...هي كتّر خيرها إنه عملت لك حليب...لو مش عاجبك...بينك و بين نفسك رحتي كبيتيه من غير ما الكل يعرف...

أعذريني أختي شيخة الخليج...من خلال متابعتي لمواضيعك...إنتي محتاجة الكثير من الخبرة و الحنكة في التعامل مع أهل زوجك...يعني فكري و إسألي نفسك قبل ما تقبلي على أي فعل...

قولي لو أمي مكان أم زوجي كنت عملت معاها نفس الشيء؟...لو أختي مكان أخت زوجي كنت عملت معاها نفس الشيء ؟

أختي حافظي على بيتك...يعني بنفسك شفتي كيف كانت حالتك النفسيه لما زوجك تركك بعد الأربعين....

و ما تنسي كل هالمشاكل تؤثر على حياتك الزوجيه...و زوجك ما بيصفى لك مثل الأول...لأنك بالنسبة له سبب مشاكل مستمر ...و طول اليوم شكوى من اللي صار مع أهله...ما في واحد يحب هالكلام....

أيضا أختي...لا تنظري لكل تصرف تعمليه على إنه صح...و كل تصرف أهل زوجك يعملوه على إنه غلط...هذه الطريقه بتخليكي تتعبي...لأنك كمان تغلطي...و هم مرات كتير يكونوا على حق...

و لو أم زوجك و أخت زوجك حبّوكي و إعتبروكي أخت لهم...صدقيني دايما بيوقفوا في صفك و يعتبروكي ملكة...و بتشوفي زوجك كيف وقتها بيعاملك...

الله يهديكي بس

ماشاءالله الاخت مروموم كفت ووفت وانا رائي من رائيها