المساعد الشخصي الرقمي

مشاهدة النسخة كاملة : محتاجة ردكوا بسرعه جدا



محتارة اوى
07/10/2008, 04:58 AM
بسم الله الرحمن الرحيم

فى الاول كده احب اعرفكم بيا انا اول مرة اشترك بالمنتدى واتمنى اكون دايما معاكم
وياريت كلكم تساعدونى وتقولوا رايكم

انا عندى 21 سنة متقدملى واحد انا معرفوش خالص وحصل وشفته مره واحده بس المهم
حصلت حاجات كتير اوى هحكيلكوا عليها علشان تقولولى انى اكمل معاه ولا لأ

اولا هو اقل منى فى المستوى التعليمى وكمان المستوى الاجتماعى
ولكن ولنظرة اهلى المستوى المادى مهم جدا وعلشان ده وافقوا عليه وانا كنت رافضه وبشده
وقعدت فترة شهرين برفض وهو قاعد مستنى موافقتى
وبعد كده لما اقتنعت ان ممكن ارتبط بيه
طلع كلام كتير واتقالى منه:-
اهم حاجة من الكلام اللى بيوصلنى ان والدته سمعتها مش كويسه
وانا بصراحة اترددت تانى ورجعت فى كلامى وبعدين مع الضغط وانا بيقنعونى بسهولة
وافقت تانى
دلوقتى بقى اتفقوا على دهب وشروطهم وقراءة الفاتحة اللى حصل انه بعت يقول مش هيجيب الدهب كله وهيجيب نص اللى اتفقنا عليه ولما سألت ليه يقولولى انه خايف ارجع فى كلامى تانى
معنى كده انه مش مطمن ليا واللى بيخوفنى اكتر انه يكون هو بينتقم منى وعايز يسبنى بعد
مااوافق عليه ردا لكرامته ورفضى ليه
انا دلوقتى محتارة
مش عارفه اوافق ولا لأ وخايفة اوى
قولولى اعمل ايه؟؟؟؟

shiryqueen
07/10/2008, 05:02 AM
بصى صلى صلاه استخاره الاول

بس واضح من كلامك انك مش مقتنعه نهائي طيب ليه توفقى اصلا

حاولى انك لو اتخنقتى اوى ماتوفقين

بس معلش فى نقطه مهمه انتى ذكرتيها عن مامته :
هل انتى اتاكدى؟
هل اهلك عارفوا بنقطه ديه وبرضه موافقين؟؟؟

نجمة حرة
07/10/2008, 05:06 AM
الله يسهل امورج ويقدم لج اللي فيه الخير
اختي كثري من الاستخارة والاستغفار
واذا ماكنتي مقتنعه فيه اخذي وقتج اكثر لان هذا زواج مو لعب .ولازم انج تتأكدي من الكلام اللي سمعتيه عن امه طبع بشكل سري ومن غير تشهير بأعراض الناس
الله يقدم لج اللي فيه الخير ويسعدج يارب

ظبي الجنوبqtr
07/10/2008, 05:16 AM
لاتنسي الاستخاره

فالخيره فيما اختاره الله ..

محتارة اوى
07/10/2008, 05:29 AM
شكرا ليكى يا shiryqueen و نجمة حرة و ظبي الجنوبqtr

بالنسبة لكلامكم انا بصلى استخارة مش بشوف حاجة ولا برتاح
وبالنسبة للكلام عن السمعة دى كل مااقول لحد يقولوا لا بس ساعات اقول مفيش نار من غير دخان
وكمان ساعات اقول سهل اوى ان حد يتهم حد ويشهر بيه ومكمان الناس ما بتصدق

sarah_uk
07/10/2008, 05:32 AM
اختي صلي استخاره اكثر من مره
واذا شفتي روحك لسه مامرتاحه توكلي على الله
بس عن الام حاولي تتاكدي قبل لان حرام تظلميها

ســوار
07/10/2008, 05:38 AM
فعلا شكلك بالمره مو موافقه ومو مرتاحه للشخص استخيري ومو شرط على فكره تشوفي منام من علامات الاستخاره انه الامور تتيسر واذا مو من نصيبك الامور تفشل وما تمشي ....
وبالنسبه لامه ما تستعجلي هذه اعراض ناس حرام وممكن يكون فيه دخان من غير نار ياما ناس اتهمت بشرفها بسبب ناس ما تخاف ربها وقيسي على ذلك السيده عائشه رضي الله عنها في حادثه الافك ...
خلي اهلك يتاكدو ...ربنا يوفقك ويهدى بالك

اللهم اهدنى وثبتنى
07/10/2008, 06:14 AM
بصى يا اختى اولا زى البنات ما قالوا الاستخارة ومش شرط تشوفى حلم ولا رؤية الاستخارة نتيجتها حاجتين التيسير فى الموضوع وتانى حاجة هى الراحة
على فكرة انتى شكلك هتعملى زيى انا بردو اتخطبت بس مكنتش مقتنعة بيه واهلى يقنعونى بس هو كان مناسب من النواحى التانية التعليم كده بس عدم راحة عندى من بداية الموضوع هوه السبب فى رفضى واتخطبت وكل حاجة وخلاص كنت هتجوز الشهر ده بس عدم اقتناعى بيه خلانى افسخ الخطوبة بلاش تعملى زيى طالما مش مقتنعة خلاص متوافقيش وانتى لسه صغيرة الفلوس مش كل حاجة
ثاني نقطة انه اتفق على حاجة ويرجع فيها علشان خايف منك دى متنفعش ، واكتر حاجة بتضايق هى الرجوع فى الاتفاق صدقينى انا عانيت منها كتير بس الحمد لله ربنا نجانى منها على خير
بلاش تستعجلى بدل ما تتحسب عليكى خطوبة والسلام وانتى لسه على البر
وبصى بلاش تتكلمى فى نقطة امه تانى انتى سمعتى حاجة بلاش تقولى سمعت كذا او كذا انتى خليها فى سرك وبس وعلى اساس النقطة دى تفكرى لان ممكن تكونى ظلمتيها
معلش لو ردى ليكى جامد بس صدقينى انا خايفة عليكى الفلوس عمرها ما بتسعد الانسان اهم حاجة ارتياحك وبس معلش لو اهلك ضغطوا عليكى استحملى واثبتى على موقفك متعمليش زيى انا استسلمت وفى الاخر ندمت
وربنا ييسر لك اللى فيه الخير

الإمبراطورة لي.لي كوتوموتو
07/10/2008, 07:09 AM
بصى يا اختى اولا زى البنات ما قالوا الاستخارة ومش شرط تشوفى حلم ولا رؤية الاستخارة نتيجتها حاجتين التيسير فى الموضوع وتانى حاجة هى الراحة
على فكرة انتى شكلك هتعملى زيى انا بردو اتخطبت بس مكنتش مقتنعة بيه واهلى يقنعونى بس هو كان مناسب من النواحى التانية التعليم كده بس عدم راحة عندى من بداية الموضوع هوه السبب فى رفضى واتخطبت وكل حاجة وخلاص كنت هتجوز الشهر ده بس عدم اقتناعى بيه خلانى افسخ الخطوبة بلاش تعملى زيى طالما مش مقتنعة خلاص متوافقيش وانتى لسه صغيرة الفلوس مش كل حاجة
ثاني نقطة انه اتفق على حاجة ويرجع فيها علشان خايف منك دى متنفعش ، واكتر حاجة بتضايق هى الرجوع فى الاتفاق صدقينى انا عانيت منها كتير بس الحمد لله ربنا نجانى منها على خير
بلاش تستعجلى بدل ما تتحسب عليكى خطوبة والسلام وانتى لسه على البر
وبصى بلاش تتكلمى فى نقطة امه تانى انتى سمعتى حاجة بلاش تقولى سمعت كذا او كذا انتى خليها فى سرك وبس وعلى اساس النقطة دى تفكرى لان ممكن تكونى ظلمتيها
معلش لو ردى ليكى جامد بس صدقينى انا خايفة عليكى الفلوس عمرها ما بتسعد الانسان اهم حاجة ارتياحك وبس معلش لو اهلك ضغطوا عليكى استحملى واثبتى على موقفك متعمليش زيى انا استسلمت وفى الاخر ندمت
وربنا ييسر لك اللى فيه الخير

صح لسانج (y)

محتارة اوى
07/10/2008, 07:35 AM
يابنات هما عايزين منى الرد النهارده الليل ومش قادره اعمل استخاره دلوقتى بسبب الظروف
يعنى حتى اليوم كده ضايع وموضوع والدته ده انا مش متأكده وفى نفس الوقت كتير يقولى وافقى هترتاحى
واكتر منهم معترض وانا ضايعة اوى وخايفة فعلا ونفسى فى حاجة تطمنى

اللهم اهدنى وثبتنى
07/10/2008, 07:47 AM
اقولك انا على الحل النهائى بس والله انا رايدالك الخير
والله العظيم انتى بتفكرينى بنفسى صدقينى والله طالما بدات كده مش هتنفع اقولك على حاجة انتى حاسة انك مبسوطة ان العريس ده جالك حاسيت بفرحة العروسة وحد جاى يخطبها صدقينى يمكن حاجة بسيطة بس صدقينى ليها تاثير جامد جدا عليكى بعد كده والله اصحابى كلهم قالولى بلاش انتى مش مرتاحة واهلى قالولى بكرة ترتاحى بس اللى فى القلب فى القلب وفى الاخر سمعت كلام اهلى وندمت ندم عمرى اتحسبت على خطوبة والسلام على فكرة انا كنت بتلكك له على اى حاجة هو بيعملها علشان انا مش مرتاح صدقينى والله دى نصيحتى ليكى بس بج عن تجربة انا بقلك علشان تبقى فى السليم
ونقطة الفارق دى صعبة اوى فيه ناس بتتقبلها وناس لأ وواضح على فكرة انه حاسس بالفرق ده وباين من التصرفات
مش شرط تصلى استخارة ادعى على الاقل بدعائها لو حسيتى انك لسه مشمرتاحة خلاص متدخليش نفسك فى موال تانى انتى فى غنى عنه انا دلوقتى بندم ندم عمرى انى وافقت وكلامى ده من خوفى عليكى
انتى ادعى بس واستغفرى بنية ان ربنا ييسر لك امرك وشغلى سورة طه وركزى اوى فى الجزء بتاع ربى اشرح لى صدرى وحسيه اوى طول اليوم لو لاقتيك مشمرتاحة خلاص بلاش منها لو حسيتى ان الارتياح بدا انتى ساعتها اللى تقررى وانا هدعيلك اوى النهاردة وطول اليوم
بس طمنينى عليكى عملتى ايه

محتارة اوى
07/10/2008, 09:18 AM
شكرا يا .. اللهم اهدنى وثبتنى ..
على كلامك واهتمامك بيا أنا هحاول النهارده اقرا الدعاء كتير وبتمنى ان ربنا يوضحلى الامور دلوقتى
قبل فوات الاوان وكمان ادعيلى بجد من قلبك
وكل اللى يقرأ كلامى ياريت تدعولى ان ربنا يبعدنا عن الشر
وهرد تانى اخر اليوم وهقولكوا على اللى حصل بعد رجوعى من الكلية

الإمبراطورة لي.لي كوتوموتو
07/10/2008, 10:31 AM
ننتظرج خيتووو :)

الله ييسر لج ويبعد عنج الشر (f)

محتارة اوى
08/10/2008, 07:58 PM
يابنات
قرارى النهائى النهارده انى مش عايزة ابدا اتجوز الشخص ده طالما مش مستريحه له
والحمدلله على كل شىء
وشكرا لكل من اهتمت منكم بمشكلتى

lina84
08/10/2008, 08:03 PM
صلى صلاه استخاره الاول
و بعد الخطوبة حتتاربو من بعض و حتعرفيه اكثر و بكدة ممكن تحكمى عليه و على اهله ...مش بكلام الناس..و لو كان عايز ينتقم حيبقى هو الخسران يا قمر

NaaaN
08/10/2008, 08:04 PM
ربنا يوفقك ويعوضك بابن الحلال عاجلا غير اجلا يا اختى انتى لسه صغيره وما تستعجلى النصيب جاي باذن الله

ghadghoda
08/10/2008, 08:53 PM
بصى يا حبيبتى مدام مش مقتنعة بيه اصلا ومترددة كدة يبقى بلاش خاااااااااااااالص لانك لو مقتنعة بيه مش هتترددى وعلى فكرة التردد مش حلو ابداااااااااااااااااااااا ااااااااااااااااااااااا فا بلاش احسن وبرضة صلى صلاة استخارة وربنا يقدملك اللى فيه الخير

http://www5/2008/09/21/04/635173201.jpg (http://go.3roos.com/dwDlqNKsCTl)