المساعد الشخصي الرقمي

مشاهدة النسخة كاملة : يمني ؟ عماني ؟ بدوي ؟ عيمي؟ بلوشي ؟ لين متى



@ألماسة@
28/09/2008, 09:22 AM
السلام عليكم ورحمة الله وبركاته



السلام عليكم ورحمه الله وبركاته ..

الموضوع هذا جديييم واايد .. بس للحين موجود في مجتمعنا وامبينا ...
لين متى .؟.؟ بنتم ع هالحاله ؟.
الكل نفس الطينه .. وانا مثلكم والله .. صرت يوم اسال يكون سؤالي ؟.
شو من طبش .. عيم ولا يمن ولا عمان ولا بدوو ولا بلوش ؟.

ليش ؟.
ماعندنا جوااب ؟.

يعني لو مثلا حد قال انا اصلي اماراتي الطرف الثاني يقوله .. لالا عن الجذب انته شو من الاصل
يمني , عماني , بلوشي , ولا عيمي , ولا بدوي ؟

ليش يعني هالسؤال ؟. ليش هو قال اماراتي .. ليش جذب هو اماراتي صدق
والجواز والجنسيه ومقر الولاده تثبت هالشى ؟.

ماله داعي هالحساسيات .

بقولكم موقف وانتوو شوفو ؟.

كان شي مجموعه من الشباب يضاربون جدام بيتنا .. وكانت صدق ضرابه
انا سرت فوق اطالع من الدريشه .. وشفت الضرابه ..
الطرف الاول: جب جب يايمني سير عند قوم علي عبدالله صالح يمينه اخر زمن
الطرف الثاني : احسن منك يالعماني يالزطي ..
الطرف الاول : سلام عشانه صالح .. عاشق كيانه صالح ****> هاي نشيد اليمني
الطرف الثاني: من زين شكلك والى ماله نهايه

شفتوا كيف يغايضون بعض ؟.



يعني نحن اماراتين .. وتربينا في هالدوله
وعندنا جواز واثبات يدل على هالشى ليش هالنعصريه
؟.

وبعد نقطه ثانيه..
يوم واحد يبى يخطب .. بيطالعون ع قولتهم شومن الطبش
وطلع عيمي .. لا ماياخذ بنتنا .. نحن ماناخذ العيم
ولا بلوشي نفس الكلام ولو عماني نفس الكلام

والدليل اربيعتي .. خطبها واحد ابوها رفضه ليش ؟ عشان الاصل الاصل يمني
ليش هو ماعنده جواز انه اماراتي؟ ماعنده اثبات بانه هو اماراتي
ليش تحكمون باصل اجداده


حتى بين البنات مثلا او الشباب .. يوم وحده تقول باخذج حق اخويه
شوترد البنت خسي والله اخذ عماني ولا يمني ولا بلوشي ولا عيمي ولا بدوي

ليش ؟.؟ هالرمسه هو هب من البلاد ؟.

يعني لين متى ع هالحاله ؟.

ليش هالعنصريه؟.
ليش يكرهون بعض ؟. ليش هالعداوة ؟.

ياجماعه نحن ناس متعلمين هب جاهلين ؟.
لين متى بنتم ع هالتفكير ؟

متى بيتفتح عقولنا متى ؟

ماخذين شهادات ع الفاضي يوم هذا تفكيرنا

والسموحة لو طولت ؟

بس الموضوع قهربي ؟ والله

بس لين متى ؟.

نقلته لكم للعضوة

||:|| سمسومه حلوة ||:||

صوصة
28/09/2008, 10:38 AM
شكلج وايد محمقة هدي يالغالية
ترا هذا حال البشر في كل مكان صدقيني وحتى عند الاجانب اللي عندهم كل شي عادي
بس الواحد يقول الله يهدينا ويهديهم

@ألماسة@
28/09/2008, 11:16 AM
صدقتي
لج الف شكر
منورة الموضوع

خطيررره
28/09/2008, 11:25 AM
الله يهدي الجميع دام رسولنا الكريم نهى عن هذا الشي مادري ليش الاهل مب مقتنعين

بس لا حد يزعل مني .. ساعات يكون في اختلاف كبير في طريقة التربيه و العادات بين الشعوب و يمكن هذا سبب رئيسي للرفض

@ألماسة@
28/09/2008, 11:31 AM
الله يهدي الجميع دام رسولنا الكريم نهى عن هذا الشي مادري ليش الاهل مب مقتنعين

بس لا حد يزعل مني .. ساعات يكون في اختلاف كبير في طريقة التربيه و العادات بين الشعوب و يمكن هذا سبب رئيسي للرفض



يمكن عشان جذي

لج الف شكر

عروس الحب
28/09/2008, 11:47 AM
الماسه هذا حال كل دول الخليج

نشوف اصل الشخص قبل الزواج

هذا عرف مانقدر نغيره الحين اتوقع راح يتغير مع الزمن مع ان فيه تغير الحين صاير بس مو بالقوة اللي انتي تبينها

انا وحده اؤيد سالفة معرفة اصل الشخص فبل الزواج به

لان سبحان الله كل اصل له بيئه متربي عليها و لهم عادات تختلف عن الباقي البنت راح تتعب بأول حياها حييييل

وماراح تقدر تتكيف معاهم

علشن جذي الواحد ياخذ من نفس اصله احسن

بس انا ما اؤيد سالفة السب و المعاير اللي قاعده تصير عندكم

وسالفة ان صديقتي تقولي انا باخذج حق اخوي و اقولها تخسي؟؟لا عيب اقدر اردها بطريقه ثانية ذربه اقولها انا

مخطوبة او محجوزة وغيره من الكلام الذرب بدون الماير و لاغلط على الناس

فرحت دنيتي
28/09/2008, 12:10 PM
هلا والله اختي وانا معاج ف هذه النقطه وانا كعمانيه وعندنا هذا الشئ بس شو المشكله اذا نصف الاماراتيين كلهم من اصل عمان اساسا او اناس من الدول العربيه وتزوجوا من الدول الخليج والحمدلله عايشيين ومافي فرق بين العجمي او العربي وهذا يعتمد ع العادات والتقاليد في كل دوله مو يعتمد ع اصل اذا كان عماني او يمني لان في النهايه نحن ناس عرب والحمدلله واسفه اذا كلامي ثقيل شويه

@ألماسة@
28/09/2008, 02:22 PM
الماسه هذا حال كل دول الخليج

نشوف اصل الشخص قبل الزواج

هذا عرف مانقدر نغيره الحين اتوقع راح يتغير مع الزمن مع ان فيه تغير الحين صاير بس مو بالقوة اللي انتي تبينها

انا وحده اؤيد سالفة معرفة اصل الشخص فبل الزواج به

لان سبحان الله كل اصل له بيئه متربي عليها و لهم عادات تختلف عن الباقي البنت راح تتعب بأول حياها حييييل

وماراح تقدر تتكيف معاهم

علشن جذي الواحد ياخذ من نفس اصله احسن

بس انا ما اؤيد سالفة السب و المعاير اللي قاعده تصير عندكم

وسالفة ان صديقتي تقولي انا باخذج حق اخوي و اقولها تخسي؟؟لا عيب اقدر اردها بطريقه ثانية ذربه اقولها انا

مخطوبة او محجوزة وغيره من الكلام الذرب بدون الماير و لاغلط على الناس

صدقتي لج الف شكر

@ألماسة@
28/09/2008, 02:25 PM
هلا والله اختي وانا معاج ف هذه النقطه وانا كعمانيه وعندنا هذا الشئ بس شو المشكله اذا نصف الاماراتيين كلهم من اصل عمان اساسا او اناس من الدول العربيه وتزوجوا من الدول الخليج والحمدلله عايشيين ومافي فرق بين العجمي او العربي وهذا يعتمد ع العادات والتقاليد في كل دوله مو يعتمد ع اصل اذا كان عماني او يمني لان في النهايه نحن ناس عرب والحمدلله واسفه اذا كلامي ثقيل شويه


هيه نعم مافرق بينهم

لكن تعرفين لازم الاختلاف

والله ويوافق الجميع

nhoof
07/03/2009, 12:09 PM
هلا والله اختي نحن كلنا بشر ومخلوقين من \يف ما في احسن من الثاني او من الغني عن الفقير كلنا بنروح فالتراب فكروا يا ناس لا تباغضوا بعضكم بعض الدنيا ما ساوية ما نعرف شو يصيرلنا فالساعات القادمة بس الله يهدي الناس

wdy bak
07/03/2009, 03:00 PM
الله يهدينا ويهديكم
ميرسي ياعسل