المساعد الشخصي الرقمي

مشاهدة النسخة كاملة : من ثاني شهر زواج



a7zan_leel
27/09/2008, 04:48 PM
من ثاني شهر زواج زوجي صار يحب يقعد مع اصحابه اكثر من قعدته وياي

رغم اني مو مقصره معاه باي شي وهو يشهد بكذا

بس من بعد الفطور مايصبر صار علا طول يروح عندهم ومايرجع الا مشان يشوف

المسلسلات ويتسحر وينام يعني احسه مو طايقني ويوم اتكلم معاه يزعل ويقول

سكري الموضوع مابي اتكلم وان تزاعلنا يطول خروجه من البيت ويقول انتي السبب

منكده علي...

يعني مو من حقي الاقي زوجي الوقت اللي ابيه مو من حقي يقعد معي يسولف معي

هي واحنا لسه اعراس جداد وهو ماعنده انشغالات اجل يوم يكون مشغول ويجيه ولد مني شو بيسوي

شورو علي لأني قررت اتطلق منه

درب الحياة
27/09/2008, 04:58 PM
انا مااعتقد المسالة توصل للطلاق
مدري انتوا سويتوا فترة خطوبة او لا؟
لانه اذا ماسويتوا فترة خطوبة وتعارفتم قبل الزواج هذا يخلي الرجال واقع في صدمة الزواج وانغلاق الحرية
عموما معروف ان الازواج يصير بينهم برود او فتور بعد فترة قليلة من الزواج كرد فعل طبيعي لانه اول شي وصل للهدف الي يبيه وابتدى يحس ان الموضوع عادي او ممل فياخذ فترة بريك

انا انصحك تخليه على راحته حاليا ولاتضغطي عليه عشان يجلس معك او يسولف يمكن تتغير نفسيته ويحس ان الزواج ماكان قفص زي مالبعض يتصوره بحيث ان الزوجة بس تتامر وارغب ان يجلس جنبها طول الوقت

وانا اعتقد لما بيستقر وضعه النفسي بيرجع لك طبيعي ترى صار كذا في ازواج كثيرة والحين ماشاء الله حياتهم استقرت

s-a-r-a
27/09/2008, 05:08 PM
لا يا أختي شو الطلاق هذه الكلمة كتير خطيرة وبتبين انك مو صبورة انتي ليسة عروسة الله يهديكي يا حبيبتي بس شو حقلك شي ممكن يريحك ويصبر بعد أمي الله يعطيها العافية بتقولي الرجال في الشهر الرمضان بيكونوا كتير بيتعصبوا على أي شي أو موعندهم مزاج والله ده الحقيقة هم قليلون الصبر مو مثل الستات لآنهم بيصبروا أما الرجال لآ
أما بما يخص خروجوا من البيت والله شيئ عادي لآنه قبل الزواج بيكون عاسش بحرية وعزوبية انتي فهمة صح مو مثل البنات يا حرام مافي لا خروج ولا شي بس انشاء الله بعد مرور شهور انتي حاولي تغيريه بدون هو ما يحس عليك بعدين اقولك كيف والله أنا ابوي بيخرج مع اصحابه ما بيرجع الي في فترة السحور أمي بتقول عادي اللاجال بيتغيروا في هذا الشهر وما بتحكي معاه بنوب
أنا عارفة انك عروس جديد بس حاولي ما بتبيني زعلك عشان ما يكبر مشكل انتي بس قوليلوا هيك بكلام فيه دلع قوليلوا انت مواشتقتلي حتى لوكنت لآ أنا اشتقتلك كتير لأنك حياتي ورحي ودنيتي وكل شي ياله حاولي قوليلوا متل هذا الكلام بس ما تقوليلوا ايه اصحابك احسن مني بعد هو بيقولك اوي ويكبر المشكل ما بقولك بعد بس حاولي باللطف وقوليلوا انا بعرف انك يتغير معاملتك لآنك طيب متل هذا الكلام
ارسليلي على الخاص وانا بقولك العبارات الحلوة الي بتلين قلب الرجل اوكي الله يسعدك ما بدي كلمة طلاق أوكي

a7zan_leel
27/09/2008, 05:13 PM
اولا مشكورات خواتي ماقصرتوا

بس زوجي مش حق رومسيات ولا شي

إحيانا كتير حتا وحنا نايمين اقولو مشتاقه لك يقول بجد زين لاتقولي لحد

بالنسبه للكلام الحلو مالاقيه يقولي بس حق اصحابه او حد تاني متل المطر ينزل عليه

واستغرب ليه مايعطيني كلام حلو يقولي مو متعود بس متعود يكون ويقول ويشارك

كل شي اصحابه ولا كأني زوجه.

توته توته555
27/09/2008, 05:14 PM
بسم الله عليج وأبعدي فكرة الصلاق من راسج حبيبتي

وهلا فيج بصراحه فديتج أحنا في لشهر الرمضان وكل وحد يطلع ويروح الدوانيه ويقعدون مع ربعها ومراة مايجون البيت إلى عند السحور بس الوضع بيتغير بعد الرمضان حياتي وأنشاء الله بتشوفين انه يرجع البيت حق الدوام بدري ويقعد معاج وعن أنج تزعلين مب من صالحج بلعكس بروح برع أكثر وبيلومج أنتي أنج نكديه وأنج ماتحبين وناسته أنتي في بداية حياتج وحطي في بالج عدل أول أسنين من حياتج بتكون في دوامه لين ما تعرفين طبايعه ويعرف طبايعج ولين ما يتأقلم ويعرف ويثمن عقب بيعتني فيج كيف ما تبين بس أنتي لاتضغطين عليه

وشي الثاني حياتي دير بالج على روحج واشغلي عمرج في شي ثاني ولا تتصلين فيه واجد واتغير علشان هو يحس انج متغيره واتتصلين عليه نفس قبل واتأذينه واذا التصل كوني مشغول في شي ثاني علشان يحس بغيره ويقول في نفسه بلاها زوجتى متغيره علي بس يوم يجي البيت أستقبليه بفرح ويقولي حمد الله على سلامتك حبيبي انشاء الله استانست وانشاء الله دايما والله يفرحك كل وقت ومن هل كلام الزين واضحكي وفرفشي
والله يكتبلج السعاده انشاء الله ويقري سورة رحمن وسورة الشرح وادعي الله يشرح صدر زوجي ويحببني يه ويحببه فيني وقولي دعاء اللهم سخر زوجي لي وواقري ياسين كل ليله وانا أمجربه وادعي الله يألف بين قلبج وقلب زوجج مثل اللهم ألف بيني وبين زوجي بلخير والحب والطاعه وعدم النكران واي شي انتي تحبين في الدعاء والله يعطيج ويحببه فيج ...........

a7zan_leel
27/09/2008, 05:18 PM
توته جزاكي الله كل خير كلامك ريح قلبي وخفف عني كتي

يارب مايحرمك من غالي

وكل واحده دخلت وتجاوبت معي يارب يوفقها لأنكم خففتو علي كتييير

mt3alyh
27/09/2008, 05:25 PM
وسعي صدرك وتعوذي من ابليس

عادي كل العرايس يمرون بنفس المرحله هذي

انا حصلت معي وعدت ولا كن صار شي

تحلي بالصبر والايمان ولاتخلين الشيطان يوسوس براسك

انتي قومي باللي عليك وبواجباتك

وغير كذا سلمي امرك لله عز وجل

وصدقيني كلها فتره ويرجع لك احسن من اول

بس ماعليك الا انك تسكتين عنه هاليومين لين هو يحس من حاله انه متغير عليك

وترا الشباب كلهم كذا وخاصه هالفتره اول الزواج يكونون بين البين يعني مو مصدقين انهم متزوجين هههههههههه

وترا المسؤليه صعبه خاصه شباب هالوقت فيمكن هالشي يكون مضايقه او فيه شي ثاني ويفضل انه يطلع احسن من انه يجلس قدامك ويضيق صدرك

وياقلبي لاتشيلين هم مثل ماقلت لك كلها مسالت وقت وتعدي

والله يهدي سرك ويوفقك ويتمم لك زواجك على خير

كثري من الدعاء وقراءة القرآن والاستغفار

سلام

a7zan_leel
27/09/2008, 05:41 PM
مشكوره يامتعاليه ماتقصرين والله يجزاكي كل خير

ويوفقك يارب

..Rajawi..
27/09/2008, 05:54 PM
حبيبتي ماقلتيلي قد إي فتره تعارفكم سواء خطوبه أو ملكه ..؟؟
يعني كم الفتره اللي كنتي تكلميه فيها قبل الزواج ؟؟

a7zan_leel
27/09/2008, 05:56 PM
رجاووي كنا نعرف بعض تقريبا سنه

بس الحين ناويه اصالحو لأن امس اجيت علا بيت اهلي

وقلت اني برجع اليوم ونتكلم بس يطلقني وهو واخذ علا خاطرو مني

قولولي ايش اسوي انا بعس ساعه راجعه

نزهة الزمان
27/09/2008, 06:10 PM
حبيبتي لا تفكري بالطلاق فكري بالحياه الحلوه اللي راح تكملوها سوااااااا
طيبي خاطروا لان هذا الشي طبيعي ويصير بين الازواج وخلي الزمن والايام تعلمكم شخصيات بعض
انتي ما تزوجتي عشان تطلقي
بالله عليكي تشيلي هالفكره الوسخه من راسك

الله يوفقك ويسخرلك زوجك ويسخرك له
اللهم اااااااااااااامين

a7zan_leel
27/09/2008, 06:15 PM
امين يارب الله يستجيب دعوتك

وان شاءلله مايصير الا كل خير مشكوره اختي

sarah_uk
27/09/2008, 06:24 PM
ان شاءالله يصير خير وتتصالحو ويكون يقعد فالبيت اكثر واكثر
وطمنينا عليك اختي

a7zan_leel
27/09/2008, 06:26 PM
مشكوره حبيبتي علإهتمام

الله يوفقج يارب

strong love
27/09/2008, 06:26 PM
ما اقدر ازيد كلام على كلام البنات قالو كلام كتير حلو بس لا تياسى حاولى وحاولى و حاولى قربى منة حاولى تعملى حاجات تخلية يحب يقعد معاكى وحاولى انتى كمان تشغلى نفسك روحى عنك اهلك اتصلين بصديقات
اشغلى نفسك وهو اكيد لما يحس انك بداتى تنشغلى شوية عنو راح يحس وان شاء الله تتصلح الامور بينكم الله يهدية
هذا الدعاء جميل ادعية علطول وان شاء الله تتحسن الامور
"اللهم يا مالك الملك ملكنى قلب من احوجتنى الية فانت تقدر ولا اقدر و تعلم ولا اعلم وانت علام الغيوب واسلك سخيمة قلبة واصلحة لى واجعلة لا يرى احد غيرى اللهم اصلح ما بيننا ولا تجعل بأسنا فيما بيننا واجعل باسك على عدوك وعدونا"

منيرة قطر
27/09/2008, 06:28 PM
عزيزتي مافيها شي الرجال يروح لاصحابه بالعكس الرجال اذا قعد معك طول الوقت راح يملك

وحطي ببالك شي ان كثير من الرجال يحبون يبينون لاصدقائهم انهم مازالوا على عهد الصداقة

وانهم ما تخفيهم عنهم ( حرمه ) ،،،،، هذا تفكير الكثير منهم

وصدقيني حلو الرجال يطلع باليوم كم ساعه من البيت

يمديك تتزينين وتتفنين وتجهزين له مفاجاه وترتبين له

ولا تقولين يجي ويشوف التلفزيون ويتسحر وينام

شفتي هالوقت هذا اللي يشوف فيه التلفزيون انتي قعدي معاه وحسسيه بحلاوة المتابعه هذي وشاركيه وتفاعلي مع كل المشاهد

ونفس الشي العشا خليه حلو بدلعك وتدليلك له

والنوم ماراح اوصيك لاتخلين النوم يكون بزعل

حلي اليوم عليه وخليه فعلا يحس بحلاوة ولذة الوقت معاك


والكلام الحلو منه والرومنسية عند بعض الرجال يكون قليل

لاسباب الخجل عادة

مع الايام بيتصلح انتي تجرأي معه اكثر وهو بيتجرأ

وصدقيني بكره اذا جاكم مولود راح تشوفين كثير اشياء بتتغير

a7zan_leel
27/09/2008, 06:36 PM
والحمدلله بس من جد انكم تنحطوا علجرح يبرا

تسلمون يارب علنصايح اللي تهدي بال الواحد والله لايحرمني من نصايحكم

واراءكم

..Rajawi..
27/09/2008, 07:17 PM
حبيبتي سنه كــامله تكفي انك تستحملي
يعني بالله مو لو كان انسان بطال كان استمريتي معاه ...؟؟؟
استهدي بالله وخفي عنه شويه :)

حياة رائعة
27/09/2008, 11:36 PM
انا جوزى كده
ومفيش فايدة ومش بيتغير
الله المستعان
يظهر اننا لازم نتاقلم على الوضع بتاعهم عشان نرتاح

Dubai123
28/09/2008, 12:49 AM
طلاق؟! شو هالرمسه!
لازم تستوي مشاحنات بين العرسان الجدد.. وبعدين نحن في رمضان،، واليلسات ويا الربع تحلو... يعني تبين تحبسين الريال في البيت؟؟؟ مايستوي! اعقلي يا اختي و شوفي عقب رمضان ان شاء الله اوضاعكم بتتحسن،، بس انتي لا تقولين له وين ساير ومن وين ياي؟؟ خليه على راحته،،،
وكوني دايما مستعده.... متعدله ومتسبحه ومتعطره،،،، واستقبليه بابتسامه حلوه وبأحضان دافيه.. وشوفي كيف بيتغير..... :)

قمر2008_1
28/09/2008, 05:14 AM
يمكن بس فترة رمضان ويرجع مثل أول

بعدين اقولك على شي

شوفي خليك مره ساكته وقابليه بالزينة وقولي اهم شي وناستك حبيبي وسع صدرك وخليك كذا معه

حتى لو مب من قلبك

تدرين ليش ؟؟؟؟؟!!!!!

عشان يرحمك ويحن عليك فهمتي

سوي اللي اقولك عليه وصدقيني بتشوفين نتيجة

كبريـ ـاء أنثـ ـى
28/09/2008, 06:16 AM
حبيبتي

صدقيني معظم الرجآل كذآ انتِ حآولي أنـك لو خرج مثلآ ترسلين له بعد مايخرج بكم سآعه رسآله شوق على جوآلـه

أكيد بيحس فيكى


والآ أكتبي له رسآله وخبيهآ بجيب ثوبـه وأكتبي له أنـك تحبينه بس في شئ مضآيقك منو خآرجته الكثير وأنك تحبين تجلسين معآه والوقت من غيرو مايسوي طبعآ باأسلوب حلو

ولو تخآفين أحد يشوف الورقه بجيب ثوبه غيرو حطيهآ بمكآن بآرز بالبيت ونآمي قبل يجئ وخليه يقرأهآ

وقولي لي أيش النتيجه؟

وبقولك نصيحه حبيبتي الرجآل ماينفع معآه العنآد تعآلي له بالدلع وشوفي

لعيونك
29/09/2008, 04:34 AM
حبيبتي لا تففكرين في الطلاق وشيلي هذا الشيء من بالج
اذا انتي حاسه انه متغير, طلعي معاه روحي اي مكان تعشي سولفي وياه تغشمري وياه يمكن هو تملل من الروتين الي انتو فيه يعني غيري الجو شوي وبتشوفينه كل يوم عندج

الحوراء07
29/09/2008, 09:28 AM
اختي ..
لا تتسرعين
هااي مشاكل عادية
ما تستدعي طلاق..
،
،
،
،
اممممممممممم
حاولي تراجعي شوي نفسك..
اممممم
المواضيع اللي تسولفين فيها خليها مشوقة اكثر..
تعليقاتك على كلامه حاولي تكون حمااسية حتى لو ماكنت متحمسة بجد..
اممممم
غيري ستايل شكلك باستمرار..:)
او تدري ..
فاجأيه يوم ..
ببارتي رومانتك.. :21_201:
و اكتبي له في لوحة كبيرة شقد هو مهم عندك..:21_186:

و لو حسيتي الوضع منااسب و هو راايق...
عاتبيه بس بأسلوب..
حاولي تحسسيه بالذنب بس بطريقة انثوية<<<<عاد انتي و شطارتك:87457:


و تقدري تطرحي عليه فكرة سفره ..حتى لو مكان قريب مو شرط سفرة سفرة ..
بس تكون فترة تقربكم من بعضكم:)


بالرغم اني مومتزوجة ...انا مخطوبة:o
بس انا متأكدة هالحلول بتجيب نتيجة
الله يوفقك يارب و اسمعي مني ...
خلي الطلاق آخر..آخر..آخر حلولك ...
*الله يفرج عنكـ يا قلبي*


اختك..
الحوراء..
:poster_dev:

!!.. Baby_CaT ..!!
29/09/2008, 01:53 PM
حبيبتي تدرين انج تذكرين بنفسي اول ايام زواجي فكرت في الطلاق مليون مرة وكنت اتهاوش معاه هواش مو طبيعي وحته هو كان يتقصد يزعل مني عشان يطلع مع ربعه وكنت احسة يكرهني ومايحب يقعد معاي وكنت دوم اروح اقعد بيت هلي ويجي ياخذني اخر الليل والله حياااااااااة عذاب

بس بعد مرور تقريبا 5 او 6 شهور بدات الحمدلله الامور تتعدل وبدينا نفهم بعض وقلة المشاكل بنسبة كبيرة وبدات يتاقلم على حياته معاي وصار مايحب يبتعد عني لانه صرت قد ماقدر لو ضايقني شي ماسوي مشكلة كبيرة وامسك اعصابي اكثر من قبل لانه كل ماتذكر اول ايام العرس تجيني حاله اكتئاب

نصيحة مني لو ضايقج شي منه تكلمي بهدوووء حته لو انتي من داخل ميتة لو كان بيطلع مع ربعة لاتزعلين وتتضايقين جدامة خلج طبيعية وقولي له ابيك تروح تستانس وتغير جوو واذا طلع طرشي له مسج اكتبي له مشتاق لك وحشتني لووووووووووول يعني من هاي الكلام الحلو حته لو مابين جدامج صدقيني من داخل راح يكون مستانس خلي قعدتج معاه سوالف وضحك حاولي تعرف شنو الاشياء الي يحبها تكلمي معاه عنها

صدقيني حبوبة هاي الوضع بيتغير مع الوقت بس حاولي تخلينه يتعلق فيج بحركاتج انا كنت نفسج بس الحين تغيرت 180 درجة صحيح فيه انتكاسات فيه علاقتنا بس الوضع الحين احسن


وبعد قريت في مواقع على النت في شي عن علم نفس الرجل انه الرجل بعد الزواج تجيه هاي الحاله ويبدا يحس انه يفقد حياته وتتغير تصرفاته مع زوجته واشياء كثيرة ماتذكرها بالضبط يعني الي تعيشينه شي طبيعي ^_^



والله يوفقج حبوبة في حياتج واي نصيحة احنا كلنا هني موجودين عشان نساعدج

حنين للقاء
29/09/2008, 02:47 PM
الحمد لله ان الله هداج و عقلتي
بس يا حلوة لا تيبين طاري الطلاق كل ما صارت بينج و بين زوجج مشكلة ترى يتعود عليها و تصير سهلة عنده و ما تشوفيه الا سواها ...

الله يهديج بهدايته

tamarah
29/09/2008, 03:04 PM
تعوذي بالله من الشيطان الرجيم الي يوسوسلك بالطلاق اختي انتي عبالك الطلاق لعبه ؟؟؟ حرام عليكي من اول موقف تطلبين الطلاق لسه ما شفتي شي من هالزواج صارحي زوجك وشوفي شو الي مو عاجبه فيكي او بالبيت وغيريه ولا تجيبين سيرة الطلاق علسانك نهائيا ان ابغض الحلال عند الله الطلاق وزوجك ماعمل شي اعذريه شوي

كلمات من قصائد
29/09/2008, 03:35 PM
السلام عليكم ورحمة الله وبركاته

اذكري الله يا اختي .. هذي مو نهاية العالم..

وانتي توج في بدايه حياتج لاتهدمينها بيدج..

شوفي اختي .. شوفي الشي اللي هو مايحبه لاتسويه

يعني اذا كان مايحب انك تقولين له ليش ماتقعد معاي او ليش انت كله برى

لاتقولين له :: بس جيبيها له بطريقه ثانيه

يعني ممكن وهو طالع مع اصحابه.. تبعثين له مسج.. ابدعي بالمسجات حتى لو كانت كلمات

بسيطه :: مثل : البيت من غيرك ظلام ، حياتي مالها معنى بدونك ، متى ترجع وتنور حياتي ،

أنا حزينه _ لانك مو معاي ... ويعني انتي تفنني بالكلام..

او ممكن تقولين له هالكلام لما يرجع ..

وهذا راايي والله يوفقكم ويسخركم لبعض يارب ويجمع بينكم على خير ويبعد عنكم الشر ويرزقكم

الذريه الصالحه

استغفر الله واتوب اليه
يامقلب القلوب والابصار ثبت قلبي وقلب زوجي على دينك
حسبي الله لا اله الا هو عليه تووكلت وهو رب العرش العظيم

girl_love4ever
29/09/2008, 03:54 PM
الله يهديك شيلي فكرة الطلاق طيب هو كان كذة أول شهر ولا كيف يمكن عشان رمضان يبغي يمشي الوقت وراح يتبدل الحال في الفطر مدام أنه مافي مشكلة غير أنه يطلع مع الربع مافي مشكلة يمكن ما أتأقلم بعد علي فكرة الزواج أنتظري فترة شهرين و أنت تقدري تعودية علي اللي تبينة

عيون_المهـــا
29/09/2008, 03:59 PM
الله يهديج الغاليه .. !!

هذا شي عادي الي يسويه ريلج ... ومب بس ريلج الي يحب يطلع مع ربعه ..اغلبيتهم يسون نفس الشي

وبعدين انتي لازم تكونين أعقل واذكى من جيه .. كيف من اول مشكله في حياتج تنهزمين وتطلبين الطلاق !!

يالغاليه .. الزواج ..وبناء أسره مب لعبه .. هذا اختيارج وهذا قرارج .. انتي اخترتي ريلج ولازم تتحملينه

لانج شريكة حياته .. بالحلوه وبالمره .. ! وبدال ماتفكرين كيف تهدمين حياتج . فكري كيف تبنينها صح

انتي لازم تكونين زوجه صالحه .. تقومين بكل واجباتج وماتقصرين وياه في شي عشان لما يرد البيت

يلقى مكان راحته وزوجته الي يحبها ويحس بحنانها وعطفها تترياه في العش الذهبي مكان راحته واستقراره ..

خليه يطلع ... بس في نفس الوقت خليه يشتاق لما يرد البيت عشان يشوفج ...

ومب كل المشاكل تنحل بالكلام الكثير .. لا يالغاليه .. في وايد مشاكل تنحل بالافعال . لانه مفعولها اقوى عالنفس..


الله ايسر امورج .. ويسعدج مع ريلج .. ويبعد عنكم المشاكل ...

بس للاسف بنات هالايام مايتحملن شي .. ومن اقل مشكله قالن بنطلق .. يتحسبون امر الطلاق هين !!

الزواج .. مسؤوليه .. واستقرار . وراحه للزوجين ... اتعوذي من الشيطان الرجيم .. واذكري ربج .. وابعدي عنج هالافكار السوده ..


واحمدي ربج واشكريه .. لو تشوفين مصايب غيرج بتهون عليج مشكلتج البسيطه جدا جدا ..

dalia_eg
29/09/2008, 05:10 PM
متكبريش الموضوع قوى كده العمليه اقل من انك تفكرى فى الطلاق
بس فى رمضان الموضوع بيختلف الراجل بيحب يخرج مع اصحابه
لو فى سبب تانى حاولى بالراحه تجذبيه ليكى ولو فى حاجه مزعلاه منك حوالى تصليحيه

lina84
29/09/2008, 05:29 PM
من حقك كل اللى قلتيه بس الرجال لسة متعودش على الزواج و لسة مرتبط بعزوبيته و ده دورك انك تطلعينه منها و انت و شطارتك …انتم لسة عرايس ادلعى و غيرى فى اكلك و لبسك و ثيريه بكل اللى يحبه و حاولى تهيئى له الجو ....و بشوى حيتعود و حينقص الطلعات…. و تحزمى و جيبيله البيبى عشان ينشغل اكثر بيه و يقعد فالبيت مدة اكثر….و متكونيش عصبية عشان ميعندش و انسى مسالة الطلاق خالص

israe
29/09/2008, 05:31 PM
لا تفمري في الطلاق عليك بالدعاء وان تصارحيه ما هو المشكل

::أمورهـ الصغيرونهـ ::
25/10/2008, 08:52 PM
شو تطلقي اتعوذي من بليس يا اختي الغاليه عيب هالكلام يمكن اهو شوي معصب او فيه شي يريد يروح للربع يعني شو اذا راح لربعه بتوصل المساله للطلاق ادعي لربج الله يهديه