المساعد الشخصي الرقمي

مشاهدة النسخة كاملة : معاناة مطلقـــة



أم كرومي
24/09/2008, 12:02 PM
السلام عليكم و رحمة الله و بركاته

اختي غروب مو عارفة من وين ابدي

بس احب اذكر بالبدايه ان قبل فترة اختي ام عمار القمر نزلت موضوع بركنك يخصني

اتمنى لو ترجعين للموضوع علشان تتذكرين قصتي والله يجزاج كل خير

اللي صار يااختي ان طليقي رجعني خلال فترة العدة و بدون موافقتي و بما اني بغربة و ماعند اب

فاستغل هالشغله و قال ماارجع اطلقك الا تدفعيلي كل تكاليف العرس و المهر و الشبكه

و دخلنا شيخ و الشيخ قال ادفعله نص كل شي و المبلغ اللي دفعته لطليقي مبلغ 7 الالاف دولار

هو اثبت حقارته و انانيته بجداره يعني حتى لمن رجعني مو لسواد عيوني رجعني علشان الفلوس الله ينتقم منه

طبعا المبلغ كللله بالدين انا بعمري مااخذت فلس من احد الحين احس بهم كبير من هالدين

الحين يااختي غروب مشكلتي اني احس اني محطمه من الداخل بشكل كبير

وصايره مثل الطفل الصغير اي احد يقولي كلمة حلوة اتعلق فيييه

يعني مو افكر بتفكير وسخ او حرام لا سمح الله افكر اني بس محتاجه كلمة حلوة او احد يحضني و ينسيني اللي مريت فيه

مثلا اعطيج مثال اذا اشوف احد شجعني او قالي كلمة حلوة و محترمه ماابين قدامه اني فيني نقص او شي لكن لمن اقعد مع نفسي اقول ان شاء الله هذا يكون من نصيبي و الله يعوضني فيه

لكن الصدمه لمن اعرف مثلا ان متزوج و اب و اقعد الم جروحي و حيلتي بس البكاء علشان ارتاح

اختي اتمنى انج تكونين فاهمتني انا والله مو مفكره اني اسوي حرام او اسرق رجل من زوجته او اب من بنته لا والله

بس ماادري شفيني انا محطمه بكل معنى الكلمه هل حالتي راح تستمر جذي و لا شلون

انا محتاجة لحنان الاب و الاخ و الزوج و للاسف كلهم فاقدتهم و ماعمري شفتهم و احس اني راح يصير فيني شي بسبب هالحرمان و هالنقص

اختي الله يوفقك ساعديني او ادعيلي بدعوة تبرد قلبي المكسور :confused:

استغفر الله ياربي و اتوب اليه

ساعة غروب
05/11/2008, 12:03 PM
انتي في صدمة عاطفية بكل ما تحملة الكلمة من معني

احبي نفسك ودعي التفكير في الماضي عنك واهتمي بالحاضر والمستقبل

اخذي وقتك في الراحة انتي ليس لديك استقرار عاطفي

اهتمي بنفصسك ودلعيها حاولي تنسين كل الاشياء الماضية وابدأي من جديد