المساعد الشخصي الرقمي

مشاهدة النسخة كاملة : زواجي والحفلة وامي الحبيبة ؟؟؟



Bahrain _Queen
17/09/2008, 12:33 PM
بنات مشكلتي مشكلة هي مو مشكلة هي تاااااااااااافهة لأبعد الحدود وانا ما اشوفها مشكلة بس الله المستعان انا انخطبت وماسويت حفلة ولا شيء مجرد ملجة بين اهلي وبنات خالتي وخيلاني وكانت في البيت كلش ضيقة الملجة، بسبب ظروف صارت حالات وفاة بين اهلنا واهله فأحتراما ماسوينا شيء.....

الحين بتزوج قريب وميزانيتنا ضعيفة اشوي احنا مخلين كل الميزانية حق السفر وخطيبي يبي يعوضني بيحتفل معاي في هالليلة على عشا في الرتز كارلتون مع اقامة وبعدها بيوم بنسافر،،، طبعا بسوي حفلة جلوة قبل الزواج وبلبس وبتعدل وبنسوي عشا ضخم للنساء في مدينتا وايضا لقرايب زوجي ومعارفهم،،، وبيكون في مكان بسيط جدا في ديوانية عم امي،،،

بس امي مو مقتنع تبي حفلة الجلوة وتبي حفلة العرس ضخمة ليش اني ما سويت حفلة خطوبة ولا ملجة عودة وتقول حتى لو اقترضتوا مو غلط اكو فلانة اقترض زوجها وعليهم قرووووووووض وايد هي الرابحة وهي العاقلة وانا الي بايعة نفسي ببلاش لااااااااء بالعكس خطيبي مدللني آخر دلال والله العظيم مو محتاجة ولا لشيء كل الي ابيه يشتريه حقي ولا محتاجة لشيء كل شيء يجيبه حقي يعني في اشياء وايد اهم من الحفلات والخرابيط والله والله لو سويت حفلة وخليته يآخذ قرض ما بحصل كل هالأشياء،،،

شنو رايكم شاسوي مع امي تعبت والله انا اشتغل الحين وقررت اخذ قرض من راتبي واسوي حفلة بس انا مقررة اني اخذ سيارة وخايفة اختل بالميزانيية وخايفة بعد اني اقص على خطيبي واقول ليه امي الي سوت الحفلة من ميزانيتها بس هي من ميزانيتي شاسوي خايفة عدل ومو عارفة شاسوي

ساعة غروب
18/09/2008, 10:35 AM
شوفي قدامج حل من اثنين


اول حل

تقعدين مع امج وتكلمينه وتخلينها تقتنع من حفلة الجلوة وانها راح تكون شوي كبيره شوفي لج صالة صغيرون وسويها فيها

الحل الثاني انج بعد السفر تسوين حفلة استقبال في صاله صغيرة وفيها كل مكملات العرس بس هي حفلة استقبال وامج تعزم اللي تبي من احباب واصدقاء

Bahrain _Queen
29/09/2008, 06:53 AM
اشكرج حبيبتي على الرد،،،، ويعطيج الف عافية،، الحمد الله لقد حلت المشكلة بإذن الله وبتوفيقه والحمد الله اني دعوت الله في شهر رمضان ويوم السبت بس الحمد الله رب العالمين مديرنا في الشركة عطاني اكرامية لجهودي ومثابرتي مبلغ من المال هدية منه للزواج لأنه مو عارف شنو يقدم لي جائزة والحمد الله عطيتها خطيبي وقرر انه تكون حقي وحجز لي صالة للزواج عشان امي تفرح فيني وبعد راح نسوي بهالمبلغ حفلة جلوة

والحمد الله رب العالمين اني ما تسلفت او تدينت لله الحمد في كل شيء....

اشكرج حبيبتي على الرد وسامحيني تأخرت عليج في الرد بسبب انشغالي

تحياتي يالغالية