المساعد الشخصي الرقمي

مشاهدة النسخة كاملة : تعرفون شو سوى ريلي قبل الفطور بشوي ... ظربني



um_salama
14/09/2008, 06:05 PM
اتخيلوا بناااااااااااات اتخيلوا بس

ريلي والله مب انسان مايحس ... قبل الفطور بشوي نش من الرقااد ويلس فالصاله


قلت بسير اسولف ويااه انا و بنتي الصغيره يلسنا وقمنا نسولف عن العيد و وين بنسير


وهوو مووول ساكت مايرد علينا بكلمه .. بس يالس يطالع التيلفزون ..


جاان اقوله يا بو قلاان عطناا ويه ولا ترا بنبد عند التيلفزون ... وتم ساكت

المهم الريموت كان عند بنتي وجان تبند ... قالها شغلي .. قلتلها لا لا لاتشغليين (سوالف)


والله مب قادره اكمل السالفه ايدي ترتجف .. قاام وشل الريموت عنها و فره وكسره


وعقب قاام يرفسني و انا صايمه وتوني راده من المطبخ تعبانه ... وبنتي اصيح من الخوف


وقام يظربني ع راسي .. وانا مب مستوعبه شو السالفه


حرااااااام عليهم الرياييل والله .. الله عاطنهم القوه ويستغلون ظعف الحريم


حسبي الله ونعم الوكيل فيك ... والله لا فطرت ولا شئ يالسه اصيح من ساعه

بس شربت ماي و صليت ودعيت ربي ياخذلي بحقي منه


حسبي الله ونعم الوكيل فيك .. حسبي الله ونعم الوكيل فيك .. حسبي الله ونعم الوكيل فيك

افرودييت
14/09/2008, 06:22 PM
لا حول ولا قوه الا بالله .........
معلش ياحبيبتى ممكن قوى يكون كان متدايق ولا حاجه هدى نفسك عليكى ده بايه؟
هدى نفسك وسيبيه لحااااد مايكلمك هو ويصالحك مش هقولك روحيله صالحيه ,, لانه غلط ولازم تاخدى منه موقف بصراحه بس لما يجى يعتذر متشديش معاه خللى دايما فى فرصه للتسامح .........

وربنا يهديه يارب والله ماعارفه اقولك ايه بجد صعبانه عليا
بس لازم موقف معاه .........

✿.زهور الريف✿.
14/09/2008, 07:06 PM
لا حول ولا قووته الا بالله


الله يهديكي يا اختي



يعني هذا وقته تسألي ريلتج وين بتسيرون في العيد


لسه باقي 15 يوم او اكثر ومحد يدري شو يخبي لكم الاقدار


يعني واحد صايمه وتوى ناش من رقااااااااده اكيد بيكون متضايق وتعبان


وعلة فكره دائما حطيها على باللك 3 لا تلوميهم عند الغضب المسافر والمريض والصاااااااائم

يعني من صبح يكرف كراف في الدوام ونام ونش قب فطور واشوي فتحتي انتي موضوع غلط في غلط

السموحه على صراحتي يعني والله ما اكذب عليتج اخواني اعوذ بالله عصبيه فضيعه والله ان زوجاتهم مووووووول


ما يكلمونهم الا بعد فطور واهم هادييييين وشابعيييييييين ويفتحوا موضوع ؟؟؟كذا المفروض


افرضي صار شي له بدوام كذا فجر فوقك معروفين الرجال طبعهم عصبي وما يتحملون مثلنا


يعني اممممم لا تزعلي الغلط منك والسموحه


كان المفروض تفتحي الموضوع بعد الفطور لما يشبع ويتسولف معاكي افتحي هذاك الوقت


لكن قبل غلطااااااانه وانتبهي لان لا تلومي الرجل عند الغضب المسافر والمريض والصاااااائم

الله يهديكم ما اعرف وانتي لاحظي اهو طنشك اول مره لان سكت بس الله يهديكي انتي اصريتي


ادري ان كانت سوالف بس ساعات المزاح وسوالف تقتلب على شخص نفسه


يعني المفروض واكيد انتي تعرفي ان لما نش ريلج من رقاد اكيد بيكون وجهه يعني معصب ولا تعبان

فالمفروض ما تفتحي معا اي موضوع ابدا لين يهدأ.......وكمان لما يرد من برا واهو معصب ولا زعلان كوني


اسكتي يعني لا تتكلمي معاااااااااااااااه لان اي احد بيتكلم معاه بينفجر فوقه على طول امه ولا اخته ولا زوجته



الله يهديه ياااااااااارب
وانتي اهدي اشوي وشوفي شو بصير معاكم


الله المستعان


ولا تدعي عليه مهما كان هذا ابو بنتك ولما ضربك اكيد كان معصب مب عنادا فيتج ولا على كيفه يضربك

ميثه
14/09/2008, 07:10 PM
اختي الله يعينج بس ياليت ما سولفتي جيه وياه لان الواحد يوم يقوم من الرقاد عدا خاصه رقاد العصر يوتر بالاعصاب انا يوم برقد العصر اقوم اعصابي متوتره ومعصبه فخلي بالج الله يصلحه لج وبنتج
وانتي قصدج كان المزاح
الله يفرج همج

عمة حامد
14/09/2008, 07:37 PM
لله يهديه ،، حرام عليه والله
بس مثل ماقالن البنات في ناس يوم ينشون من الرقاد يكونون معصبين مب طايقين يشوفون احد ،، ادري طبع بايخ بس الناس اطباع بس ابصراحة هو مصخها وايد ،،
الله يهديه وان شاءالله يرد لعقله ويستسمح منج ادري صعب تسامحينه بس عالاقل احسن من ولا شي
تحياتي

miss moooood
14/09/2008, 07:46 PM
حبيتي الله يعينك،،، مثل ماقالوا الاخوات المفروض ماتنااااااقشينه بهالوقت لان توه صاحي ويمكن عنده مشكلة
او متابع شئ بالتلفزيون وانتي قطعتي عليـــــــــــــه,,, العصبية فيهم شئ طبيعبي خصوصا اذا الرجال يدخن وصائم لااااااااااااااااحد يكلمه العصر تحضر كل شياطينه هههههههه
لاتدعي عليه يالغلا وخليها عادة عندك اختاري الوقت المنايسب لمناقشة اي موضوع مع زوجك مو وقت يكون راد من العمل او صاحي من النوم

ربي يوفقك ويهدي بالك

sarah_uk
14/09/2008, 08:20 PM
الله يهديك يااختي الغلط منك الرجال جاء من الشغل تعبان وفاق من النوم وصايم وانتي تفتحين له سوالف العيد ووين بتروحين وتقولي لبنتك لاتشغلي اكيد بيعصب صح غلط يمد ايده بس انتي الله يهديك عصبيته المهم انتي تهدئي الان وان شاءالله راح يصير خير بينكم
وحرام عليكي تدعي مهما كان هذا ابو بنتك وزوجك كيف تقدري تدعي عليه مستحيل ادعي بخطيبي لو شو مايحصل بينا ربنا يهداء سركم

أمانيـــز
14/09/2008, 09:04 PM
لا حول ولا قوة الا بالله...

خليه عزيزتي على راحته وانت هدي نفسك عزيزتي وما تشيلي هم بتصير في اغلب العائلات...

اكيد هو نادم على فعلته واكيد رح يتأسف لك..بس بدي اسأل هو دائما يمد يده والا اول مرة....؟؟

ويا عزيزات.. مايصير نتعذر للرجال لما يضربوا زوجاتهم مهما كانت الحالات....

لانه كان يقدر يقوللها اجلي الموضوع بعد الفطور انا شوي متضايق وهي اكيد رح تفهم ...اما اننا نتعذر

له ونقول انه صائم فهذه حجة واهية لان الشخص لما يكون صائم من المفروض يكون في اعلى مراتب

الايمان والحكمة يعني هو الصيام بس صيام عن الاكل والشرب ....

اين صيام الجوارح؟؟؟؟؟؟

samsoma
14/09/2008, 11:07 PM
أختي الكريمة

مهما يصير ما تدعي عليه .. ترى والله الرجال يقلبوا وحوش وقت الصيام خاصة لو كانوا مدخنين .. معليش أصبري وأعذريه

بس كله إلا الدعاء عليهم أختي وأفتكري له الشي الطيب

بس شي تاني .. لا تحاولي تراضيه .. خليه هو يراضيكي كله إلا الضرب

¤*~Caramella~*¤
14/09/2008, 11:20 PM
انا مع البنات اللي قالو يمكن طبعه اول مايصحى يكون معصب
لان هالطبع فيني

وقبل كم سنة صار تقريبا نفس الموقف بس مع اخوي الصغير كان عمره (7 سنين)

ضربته بدون مااحس
مادري كيف
وبعد ساعتين تعالي شوفي تأنيب الضمير لليوم وبكره

والحين تعلمت من اجلس من النووم مااكلم احد واحبس حالي على الاقل نص ساعه في الغرفه كان شوي الاخلاق تعتدل ...طبع مو زين ابد

انتي اصبري عليه وكلها كم ساعه وبيجي يعتذر و بتشوفين كيف قلبه يعوره على اللي سواه فيك

angel eyes
14/09/2008, 11:29 PM
اخواتي

الريال ماله عذر ابدا انه يضربها و بهال طريقه !!! حتى لو كان صايم!!! يعني الصيام بس امتناع عن الاكل و الشرب...؟؟؟؟ استغرب من اللي يعذره...و بعدين هي حرمته يعني ادرى الناس بطباعه و اذا كان في مزاج يسمح بالمزاح ولا لا...فما يصير تلومونها...

حبيبتي ...
ريلج غلط و ان شالله يكون ندمان على غلطته...بس نصيحه يوم بيي يعتذر خلج ثجيله شويه عشان ما يستسهل السالفه...صح يمكن يكون متكدر او تعبان او غيره بس الضرب المفروض يكون اخر رده فعل تصدر منه...
والله يصلح امبينكم...

كنافه بالقشطه
14/09/2008, 11:35 PM
شوفي الحين بنتك المهم شافتكم واكيد بترسخ ببالها الحادثه فحاولي ان شاءالله لما يتعذر لك ابوها انكم تسوون مزحه تمثلوا فيها يعني لاتحس انه كان يضربك وخليه يبوس على راسك قدامها عشان لاتكره ابوها والله يوفقكم ويسهل امركم والعفووووووووووووو عند المقدره وهو غلط عليك .... !!
لكن الوقت اللي نام فيه مو زين حااااااااااولي لاعاد تخليه ينام العصر مو كويس والله تصدقي زوجي لما ينام العصر يصحى معصبببببب مره لكن اعرف له لما اشوفه معصب ابعد عنه واخليه لليوم الثاني واذا رجع من الدوام اقوله ... هيا بالله لاتنام العصر مافينا للعصبيه حقتك تنام انت وتنكد علينا على الفاضي ,,,, يرجع يضحك ويندم ... <<< حكيت قصه حياتي اسفه بس حبيت افيدك واهون عليك الله يفرج همك ولاتفكري بالعيد خليها على الله عيشي كل يوم بيومه عشان لاتفتحي لنفسك دروب للمشاكل انتي في غنى عنها

tuba nona
14/09/2008, 11:42 PM
لا حول ولاقوة الا بالله
ربي يهدي زوجك ويعطيك القوة والصبر حتي تتحملي
ورجال مايتحملو صيام ماعندهم صبر متلنا احنا

وبعدين بلكي فيه طبع لما يصحي يعصب


الله يكون معااااااك سلااااام

ranad
14/09/2008, 11:48 PM
لا حول ولا قوه الا بالله

هدي حالك حبيبتي وان شاء الله بيتعذر منك و ما يعيدها ابد

خلي بالك ع بنتك والله يحفظها

Dubai123
14/09/2008, 11:55 PM
لاحول ولا قوة إلا بالله... الله يهديه

عيون الفهد*
15/09/2008, 12:27 AM
لاحول ولا قوه الا بالله

الله يهديه ان شاء الله

عيون الفهد

بيانسيهq8
15/09/2008, 01:06 AM
بصراحه اختي

ومع احترااااااااااااااااااااا مي لكل ردود البنات
لا تحطون له اعذاااااااااااااااااااااا ااااااااااار


انتي ما غلطتي بشي ابد

اهو الغلطاااااااان


زعلي عليه وشيلي بخاطرج ولا تكلمينه
ليما يحس على دمه ويجي يعتذر لج

لأن الزوجه اذا سكتت عى ضرب زوجها
راح يتمادى ويكررها ... وهالشي معروووف


والضرب مو شي سهل !! خصوصاً ان
ضربج جدام بنتكم !!
وهالشي واااااايد راح يأثر على نفسيتهاا


وما في سبب اصلاً يخليه يضربج
وحتى لو في سبب .. الرجل اللي يحترم
زوجته ما يضربها ابداً حتى لو كانت غلطانه



فنصيحتي لج ... اخذي موقف .. ولا تتساهلين
مع مسألة الضرب ابداااااااااااااااااااااا اااااااااااااااااً

عشان لا تندمين بالمستقبل
ويكون هالشي عادي عنده



والله يهديه ..




.

أمونة القمر
15/09/2008, 01:19 AM
لا حول ولا قوة الا بالله


الله يهدي زوجج يا رب




هو ماله حق يضربج ابد



لانها مو طريقة ولا اسلوب




حتي لو كان ابو العصبية كلها




المفروض لج احترامج




وانتي ما سويتي شي غلط




والله يعينج حبوبة وازعلى علية وخلية يراضيج ويحس بغلطتة

توتو29
15/09/2008, 01:46 AM
حبيبتي اذا هذه اول مرة يسويها اكيد فيه سبب والشيطان شاطر اما اذا دايما فلا حول ولا قوة الا بالله عليك بالدعاء ونصيحة لكل زوجة اذا شفتي زوجك معصب باي وقت ابعدي عنه حتى يروق حتى لو تكلم خليك ساكته وبعد مايروق خذي حقك (تجربة ناجحة)

بحرينية أصل
15/09/2008, 01:51 AM
كل شي ينسكت عنه الا انه يضرب ويشتم,,, اذا اهو ولد ناس انتي بنت ناس وماله حق يضربج الا اذا سويتي شي منكر لا سمح الله


واذا سكتي الحين على هالتصرف خلاص اقولج اياها عيشي حياتج معاه بذل

sweeet_rahaf
15/09/2008, 01:56 AM
الله يهديه


ويصبرك


ويصلح بينكم

مسافات
15/09/2008, 02:09 AM
الله يهديه يااارب ... ويحفظج ..

يمكن عشان كان مضايق من شي ؟؟ ولا فيه شي .. وبعدين اول مره يسوي
جذه .. يعني يعاملج جذه ؟؟

وبعدين حاولي تختارين الوقت المناسب للمناقشه ,,

والله يهديييكم يااارب ويصلح بالكم

عبير إلياس يوسف
15/09/2008, 02:09 AM
السلام عليكم انا قرات رسالتك و اتاثرت كتير صدقي جوزي عمل اشياء كتير زي هيك حتى كل رمضان في مأساه لكن بالصبر والدعاء بتغير لحد هلا ما صار إشي إتوكلي على الله

حبيبه رائد
15/09/2008, 04:28 AM
لاحول ولاقوة الا بالله ...

الله يعنيك اختي .. الرجال اللي يستخدم يده هذا ضعيف ومريض نفسي .. مهما وصلت درجه ضقته او جوعه او او مايرفع يده ابـــــــــــــــــــــــ ـــــد.... هذا مو مبدء ...

اصبري حبيبتي وخلي ايمانك بالله قوي ... والموقف اللي سواه واجد بايخ .. وانتي ماسويتي شئ ...

الله يكون بعونك ويهون عليك ويغفر لك ....

نوقطه

وصال الرحمة
15/09/2008, 05:59 AM
لا حول ولا قوة الا بالله...

خليه عزيزتي على راحته وانت هدي نفسك عزيزتي وما تشيلي هم بتصير في اغلب العائلات...

اكيد هو نادم على فعلته واكيد رح يتأسف لك..بس بدي اسأل هو دائما يمد يده والا اول مرة....؟؟

ويا عزيزات.. مايصير نتعذر للرجال لما يضربوا زوجاتهم مهما كانت الحالات....

لانه كان يقدر يقوللها اجلي الموضوع بعد الفطور انا شوي متضايق وهي اكيد رح تفهم ...اما اننا نتعذر

له ونقول انه صائم فهذه حجة واهية لان الشخص لما يكون صائم من المفروض يكون في اعلى مراتب

الايمان والحكمة يعني هو الصيام بس صيام عن الاكل والشرب ....

اين صيام الجوارح؟؟؟؟؟؟

كلامي من كلام الأخت
الله يهديـه, و يحفـظك أختي

تيميــة
15/09/2008, 06:12 AM
لا حول ولا قوة الا بالله...

خليه عزيزتي على راحته وانت هدي نفسك عزيزتي وما تشيلي هم بتصير في اغلب العائلات...

اكيد هو نادم على فعلته واكيد رح يتأسف لك..بس بدي اسأل هو دائما يمد يده والا اول مرة....؟؟

ويا عزيزات.. مايصير نتعذر للرجال لما يضربوا زوجاتهم مهما كانت الحالات....

لانه كان يقدر يقوللها اجلي الموضوع بعد الفطور انا شوي متضايق وهي اكيد رح تفهم ...اما اننا نتعذر

له ونقول انه صائم فهذه حجة واهية لان الشخص لما يكون صائم من المفروض يكون في اعلى مراتب

الايمان والحكمة يعني هو الصيام بس صيام عن الاكل والشرب ....

اين صيام الجوارح؟؟؟؟؟؟

ما شاء الله أختي كلامك صحيح
(y)

ام قصايد@
15/09/2008, 06:21 AM
لا حول ولا قوة الا بالله حبيبتي الله يهديه اصبري ان الله مع الصابرين واكيد بيعتدر وبيبرر تصرفه الله يصلح الحال

دقات قلبFي
15/09/2008, 06:21 AM
لاحول ولاقوة الا بالله 000

ادعي له دايما"

((( اللهم الجم فاه بلا اله الا الله واسكن غضبه بلا حول ولاقوة الابالله )))

بس توصل للضرب !!!!!!!

حطي حد لهالسالفه لانك زوجته انســانه قدامه 000

سالفة الضرب لاتمشينها بالساهل مهما كان وضعه وتعصيبه ماتصل للضرب 000

حافظي على كرامتك

وماننسى انك استفزيتيه وبوقت المفروض تتلاشين تعصبينه يعني انتي غلطتي بوقتك وبسالفتك وبمزحك معاه بوقت قعدته من النوم 000

بس حتى لو غلطتي هو الرجال اللي يتحمل مالمفروض يمد يده 000 اوكي يهزأ يصارخ هذا اكثر شي ممكن يسويه لكن ضرب ورفس لاتمشينها بالساهل حفاظا" على كرامتك

واكثري من الدعاء اللي كتبته لك فوق والله يهديه يارب ويهدي باله وبالك ويسعد بينكم يارب 00

تقبلي مروري

لمُور
15/09/2008, 06:23 AM
حبيبتي الرجال ما ينقرب قبل الفطور أعوذ بالله لازم يملي الكرش أول وبعدين يروووق أنصحك لا تكلميه قبل الفطور ثاني مرة قبل الفطور إجلسي إقرئي قرآن أحسن لك من إنك تقابليه ويآذيك..

رزان00
15/09/2008, 08:55 AM
من كلامك ماهو طبع وحلو بحيث مالك الا تصبرين عليه عمر كامل اذا ماتعدل ولافكر...

لكن مادام جوعان وايمانا نحن بالتحمل والتحلي بالأخلاق في رمضان بضبط النفس ماهو مره...
وتو جاي من الشغل كان عليك تفهميه وأحب الزوجه اللي تفكر بزوجها وخلقه وتوجيهه كابنها أو كصديقه ان احتاج نصح وله من الأصدقاء مايكفيه...
لكن البنت أقرب أو أكثر اهتمام به وقرب منه فتفهمه أكثر...
وسالفة الضرب بلا رحمه هالانسان وعندك بنت قربيها منه وخليه يصادقها وكان المفروض من زمان هالحكي ومالك داعي بالجلوس معه وحده تعبانه ..كان خليتي بنته اللي من زمان صديقته والصديق غير وكلمتي وحده من صديقاتك أو قعدتي مع التلفزيون وهو مع بنته صديقته.....
أحيانا نثور ونتمنى القتل لكن القلب مايطاوع يعرف الرحمه......




وتمنياتي لكي بحياة سعيده....

مدلعه نفسي
15/09/2008, 04:30 PM
ماله اي عذر لو شنو سويتي المفروض مايمد ايده عليييج

احس الي يضرب المراه مريييييييييض نفسي بي له علاج لان الله سبحانه وتعالى عطاه قوه واهو يستخدمها

على كائن ضعيف نفس المرأه.... واكبببببببر من هذا ان ضربج جدام البيبي اختي لا تسكتين عنه ... اذا صايم دام انه بيضرب قولي له لاتصوم افطر لان صيامك باطل الانسان مب صيام عن الاكل والمشرب صيااام عن كل شي وهذا من المعاصي يعتبرررررررررر اخخخخخخخخخخ اشلون انقهررررررررررررررررررررر رررت وترفزت اعصاااابيييييييييي اشلون يمد ايده عليج على سبب تافهه جذي ياعل كل واحد يمد ايده على زوجته مايتوفق بحياته

بدر 14
15/09/2008, 05:12 PM
آآآآآآآآخ ذكرتيني بنفس الشي حصلي من سنتين!! اول يوم رمضان وقت الإفطار وقدام بنتي بعد :(

لكن محسوبتك شوفي شو عملت.. من قهري وديت بنتي غرفتها مع الخادمة واتصلت بالشرطة على طوووووووووول كانوا عندي بثواني..
هو لما درى بإتصالي لبس ثيابه وجهز نفسه للإستقبال وشايفته على اعصابه :21_195:
سألوني لو كنت حابة اوديه الحجز قلتلهم لأ بس انا كنت حابة أأدبه شوي وأخليه يعرف انه ماله حق يضربني قالوا صحيح وخذوا عليه تعهد انه ما يكررها ومن وقتها كل شي محسوب..
مثل ما احترمه لازم يحترمني.. صحيح انه ظل فترة يعاتبني لكن الأمور بعدين صارت احسن من الأول..

انا بس حبيت اعرض تجربتي مع الموضوع واقول للأخت يمكن انا اكتر وحدة فاهمة شعورك الحين بس ما بقدر انصحك عشان الرجال اطباع وانتي اكتر وحدة لازم تعرفي كيف تروضي زوجك بطريقة ذكية

بنووتة خياال
15/09/2008, 05:31 PM
طمنينا عنك ان شاء الله مشت الأمور وهدت النفوس
الله يسخر لك زوجك

ام عمـار
15/09/2008, 06:32 PM
اخواتي

الريال ماله عذر ابدا انه يضربها و بهال طريقه !!! حتى لو كان صايم!!! يعني الصيام بس امتناع عن الاكل و الشرب...؟؟؟؟ استغرب من اللي يعذره...و بعدين هي حرمته يعني ادرى الناس بطباعه و اذا كان في مزاج يسمح بالمزاح ولا لا...فما يصير تلومونها...

حبيبتي ...
ريلج غلط و ان شالله يكون ندمان على غلطته...بس نصيحه يوم بيي يعتذر خلج ثجيله شويه عشان ما يستسهل السالفه...صح يمكن يكون متكدر او تعبان او غيره بس الضرب المفروض يكون اخر رده فعل تصدر منه...
والله يصلح امبينكم...

انا مع ام حمود بكل كلمة قالتها

يعني شنو تلومونها شنو غلطها فوق ما هو نايم و مرتاح و هيه اللي بالمطبخ من الصبح منو اللي المفروض تعبان؟؟؟؟؟؟؟؟؟؟؟؟؟؟؟

انا ما اشجع على المشاكل بس الحق لازم يقال

israe
15/09/2008, 06:39 PM
زوجك تحمليه حبيبتي ولك الاجرولا تدعي عليه

ريمي H
15/09/2008, 10:04 PM
لو مهما سوت الحرمه ماله عذر يضربها
سواء كان معصب صايم نايم ياكل الخ
فمبالكم ان الحرمه انها ماسوت شيء غير انها حبت تلاعب بنتها وتمازحه
عمره ماكان الضرب عذر لتبرير الموقف
وانا استغرب من البنات الي ددافعوا عنه لو كانوا مكان الحرمه شو كان يكون موقفهن ؟

غناتي حاولي استغفري ربج وطنشيه لين تهدأ الاوضاع
ولو يا استسمح منج وتعذر حاولين تكونين قويه عشان مايعيدها مره ثانيه

umjana79
15/09/2008, 10:29 PM
اختي لا ابرر ضرب الرجل للمرأه ابدا .. ولا اقف في صفهم ..ابدا ..

لكن اختي دائما رمضان يختلف مزاج الصائم ومن رجل إلى رجل وخصوصا الرجل المدخن إن كان زوجك منهم..

يعني اختي .. لا اعلم يمكن هذي اول مره يسويها زوجك .. ولا ابررها لكن اختي يمكن كان زوجك مشغول باله بشي وحاط التلفزيون عذر عشان يفكر على راحته .. وانتي قطعتي حبل افكاره ..

ما اعرف طبيعه حياتكم بس اختي .. التمسي العذر .. وعشان .. تعرفين .. بادري بالاعتذار ..
وبرري تصرفج وشوفي رده .. صدقيني اكيد كان مشغول باله بشي

وحاولي تختارين وقت هو مب صايم فيه تتناقشين معاه وتخلينه يصالح بنته .. اليهال ينسون اختي


تحياتي

أم جنى

صمت العيونA
15/09/2008, 10:29 PM
لاحول ولا قوه الا بالله..

بنت البحرين 25
15/09/2008, 10:46 PM
اختي الكريمه

هونيه وتهون ما عليه يا ااختي ترا الرجال كان يالس من الرقاد اكيييد الكل اذا يلس من رقاده يكون معصب متضايج

واكيد هو مو قصده يضربج ما عليه يا اختي انتي اذا عندج سالفه لا تتقولينه لريلج اذا جفتيه يالس من الرقاد عندج شي قوليه بعد ما تجوفينه قعد وما عنده شي يالس متفيج هني كلميه وطلبيه له الهدايه

مو تدعين عليه حبيبتي ما عليه واذا صبرتي لج الاجر

طلبي له الهدايه


والله يهديه ان شاء الله يارب

عدنية
15/09/2008, 10:57 PM
شوفي يا اختي الريايل لهم وقت تتكلمين معاهم اني زوجي لما يكون قايم من الرقاد او راد من الشغل ما اتكلم معه حتى ابعد الاود عنه لما يرتاح هو يبداء بلكلام ويسولف معي وانتي اكيد عارفه حال زوجك والله يهديه اما الضرب ماله اي عدر يمد ايده عليك مهما سويتي

-ام البنين-
15/09/2008, 11:23 PM
طمنينا عليج ياختي
والله يكون بعونج

حلا الخبر
15/09/2008, 11:32 PM
الله يهديه ان شاء الله

روح الفراولة
15/09/2008, 11:34 PM
اخ والله الرجاجيل ماينعطون وجهة بروحج قلتي توج كنت طالعة من المطبخ ااانصحج ااااذا زوجج طبعة خايس مامنة رجى صدقني سفهية احسن شي وخلي الخدامة تبطخ احسن والله ترى لو شسوين بيقول مقصرة على الاقل خلج مقصرة من صج احسن عشان ماتموتين من القهر والله ---انا امي كانت تسوي لابوي كل شي وكان مب شي تميت تتمنى يموت ومامات لين هدتة وهجت كل شي وراها وراحت بعيد عنه عند اهلها عن كبر بس خلاص شرت راحتها ومحد من اعيالها قال لها شي خلاص ---اااذاا رجال مب شي ومايقدر بيتم جذي ---

بحرينه
16/09/2008, 12:25 AM
لله يهديه ،، حرام عليه والله
بس مثل ماقالن البنات في ناس يوم ينشون من الرقاد يكونون معصبين مب طايقين يشوفون احد ،، ادري طبع بايخ بس الناس اطباع بس ابصراحة هو مصخها وايد ،،
الله يهديه وان شاءالله يرد لعقله ويستسمح منج ادري صعب تسامحينه بس عالاقل احسن من ولا شي
تحياتي

الله يهديه لج

ايسكريم مشوي
16/09/2008, 01:41 AM
ماهو عذر انه صايم

الصيام ماهو ترك الاكل والشرب بس؟؟

هو اخلاااااق

الله يسخره لك

+ shoOoshoOo +
16/09/2008, 01:48 AM
الله يهديه :(

أم تيما
16/09/2008, 01:49 AM
لا تساليه وهو لسه فايق من النعاس يكون مزاجه معكر خليه حتى يفطر ويكون مبتهج وكلميه في هده الامور الله يسخر زوجك لك لا تخليه مرة ثانية يضربك والله انت سمحتيلو اول مرة يضربك فضروري ما يمنع نفسه من تكرارها وقت ما يعجبو ه عضلاته الله يكون في عونك وعون كل واحادةيضربها زوجها

الدماني عسل
16/09/2008, 02:03 AM
الله يصبرج اختي

ميم
16/09/2008, 05:06 AM
انا اقول حتى لو قايم من الرقاد ما ليه حق يضربها وصايم وتعبان
عجل شوله الله خله الصيام مو لتهذيب النفس وعلو الاخلاق هذا مو صيام ترى مو كل من صام يعنى كتب ليه الصيام

وانى انصحك توقفينه عن حده علشان لا يكرر الضرب حتى لو اطرتى تدخلين احد بينكم

قال صايم قال

استغفر الله العظيم واساله ان يتوب علي

white soul
16/09/2008, 05:46 AM
معليش حتى لو صايم وصاحي من النوم ولو هموم الدنيا كلها فوق راسه
ماله اييي مبرر يضربك كذا ؟؟ خير إن شاء الله !!!
يقدر يقول انا طفشان ,,, مالي خلق ,,,, اسكتي ,,, اي شي بس مو يمد يده

ما ودي اشيشك عليه بس لا تعدين الموضوع بالساهل إذا هي اول مره
خلي لك موقف علشان مايكررها مره ثانيه ... لأنك لو رضيتي بسرعه والله بيصير عنده الموضوع زي السلام عليكم
يدري انه لو وش مايسوي بتسكتين

الله يآجرك ويسخره لك

ღஜ دلوعةٌ زوجهـا ٌஜღ
16/09/2008, 06:03 AM
لا حول ولا قوة الا بالله حسبي الله عليه

sheri2007
16/09/2008, 06:47 AM
أختي قلبي معاك والله

لا حول ولا قوة الا بالله

وكلي أمرك لله أختي واتحملي من خاطر بنتك

الأطفال مو طيب يشوفون المشاكل بتأثر عليهم

ولاكن لازم تتأخذين موقف حتى مايكررها ثاني مره

لأن في حدود الزوج لازم مايتجوزها

يعني هذا خط أحمرررر

والضرب مايجوز وإذا الزوج مده يده بيستاهل تتردله

الرجال ماينفع لهم الإستضعاف

لازم تدخلين أحد كبير يفهمه حدوده اللي مايتجوزها

اليوم عندك بنت ومد يده أجل بكره ايش بيسوي !!!

وأنتي تعرفين زوجك إذا شفتي أنك إذا دخلتي أحد من العيله بتفتحين أبواب على نفسك

ماأنصحك أبتعددددددي وحاولي تحلين الوضع مع زوجك وتفهمينه أنك ماترضين بالشي هذا

وطنشي الرجال مايبغالهم الا طولت البــــــــــــــــــال

الله يعيننا عليهم

ودعواتي لك أختي براحه البال يـــــــــــــــارب

طُهْر النّدَى ,.
16/09/2008, 10:51 PM
الله يعينج !! :(

أم طروقي وهنوفه
16/09/2008, 11:01 PM
واااااااااااااااي والله عورتي قلبي ...واعتقد البنات قالو كل الكلام اللي ابي اقوله .....بس حطي في بالج اذا كان ريلج من المدخنين حزه لصيام يسوى (شخص ثاني ) بس مره ثانيه عندج اي مواضيع فتحيها له بعد الفطرو بعد مايترس دبته الاخ ......بس بغيت اسالج اهو اول مره يضربج والا متعود يضربج ...بس حطي في بالج لاتسمحين له ان يضربج لو شنو كانت المشكله ....وتقبلي تحياتي


هنوفه الحلوه

أم طروقي وهنوفه
16/09/2008, 11:08 PM
آآآآآآآآخ ذكرتيني بنفس الشي حصلي من سنتين!! اول يوم رمضان وقت الإفطار وقدام بنتي بعد :(

لكن محسوبتك شوفي شو عملت.. من قهري وديت بنتي غرفتها مع الخادمة واتصلت بالشرطة على طوووووووووول كانوا عندي بثواني..
هو لما درى بإتصالي لبس ثيابه وجهز نفسه للإستقبال وشايفته على اعصابه :21_195:
سألوني لو كنت حابة اوديه الحجز قلتلهم لأ بس انا كنت حابة أأدبه شوي وأخليه يعرف انه ماله حق يضربني قالوا صحيح وخذوا عليه تعهد انه ما يكررها ومن وقتها كل شي محسوب..
مثل ما احترمه لازم يحترمني.. صحيح انه ظل فترة يعاتبني لكن الأمور بعدين صارت احسن من الأول..

انا بس حبيت اعرض تجربتي مع الموضوع واقول للأخت يمكن انا اكتر وحدة فاهمة شعورك الحين بس ما بقدر انصحك عشان الرجال اطباع وانتي اكتر وحدة لازم تعرفي كيف تروضي زوجك بطريقة ذكية


والله مره عن 10 ريايل زين سويتي فيه الريايل لين شافو المره سهله يلبعون فيها لعب مثل الكوره بس زين سويت عجبني تصرفج ...

بنووتة خياال
18/09/2008, 02:08 PM
طمنينا عنك يالغالية
ترانا نحاتيك

أوراق الخريف
18/09/2008, 02:40 PM
http://www.3roos.com/uploaded2008/45375/01206792182.gif

السلام عليكم ورحمة الله وبركاته

http://www.3roos.com/uploaded2008/45375/01206792334.gif

http://www.3roos.com/uploaded2008/45375/01206792334.gif

دعواتي ان الله يهديه وتصالحون يا رب..

وشـــــــــــــــكرا

http://www.3roos.com/uploaded2008/45375/11206792182.gif