المساعد الشخصي الرقمي

مشاهدة النسخة كاملة : ابوي تبرا مني



روحي حمود
07/09/2008, 07:27 PM
مرحبا دكتوره

انا محجوزه لاولاد عمي من يوم كنت صغيره.. على اساس اول ما اخلص الثانويه اتزوج على طول .. انا وحيده امي وابوي وعندي اخت صغيره وجيت على الدنيا بعد 10 سنين انتظار..

لما خلصت الثانويه خطبوني اولاد خالتي واولاد الجيران واخ صديقتي بس ابوي دايما يرفض ويقول انتي لولاد عمج وبس.. وكل بنات خالتي وصديقاتي عرسن الا انا .. ودخلت الجامعه وقريب بتخرج منها ونفس الشيء انا محجوزه لعيال عمي .. منو فيهم .. اي واحد يبوني اساسا ولا لا ما اعرف عنهم اي شي علاقتنا فيهم مقطوعه امهم هنديه وامي اماراتيه فما نحتك فيهم ابدا الا ابوي يزور اخوه بالمناسبات بس ..

خطبني واحد اخو صديقتي وقالت لي صديقتي ابوج ما فتح لج موضوع خطبه ترا اخوي اتقدم لج من اسبوع قلت لا.. وعقب اسبوع فتحوا الموضوع مره ثانيه لابوي قال بكل برود البنت ما تبا تتزوج لين ماتخلص جامعه وبعدين هي محجوزه لولد عمها..

واتصلت فيني صديقتي وقالت لي انتي رفضتي اخوي قلت حشا انا ما اعرف شي عن الموضوع

كان دايما يرفض اي واحد يتقدم لي عشان عيال عمي .. عيال عمي اكبر مني بكثير واللي كبري ما يفكرون بالزواج مأجلين فكره الزواج ولا في اي خطوبه رسميه او مشاعر بيني وبينهم

عقب لما شاف ابوي خطابي كثار راح كلم عمي قال بنتي تنخطب اذا تبونها اخطوبها رسمي بعدين عمي سال عياله تبون بنت عمكم اولاد عمي قالو لا نحن ما نفكر بالزواج.. واللي في مثل عمري قال انا ابيها بس بعد 5 سنوات الحين لا اشتغل ولا اقدر اصرف عليها

ابوي قال اوكي نسوي خطبه رسميه.. وخطبني رسمي والعرس عقب 5 سنوات اي عرس هذا.؟؟

انا كنت ابدا مب موافقه وكان معروف عند اهله انه كسول ودلوع ابوه وصغير ع الزواج

ابوي وافق عليه لانه ولد اخوه وبس بدون مايحسب حساب الاخلاق او المسؤوليه..

وقالوا لي كلميه بالتلفون يمكن ترتاحين له.. وقبلت وقمت اكلمه.. كنت احس انه هو في عالم وانا في عالم .. افكارنا غير كل شي غير عن بعض كنت يوم ابند التلفون اصيييييييييح وابكي ساعتين اقول شو هالحظ العاثر

بعدين رحت لابوي وواجهته قلت له ما ابا هالانسان ما احس اني اتقبله

وكل العايله قلبت علي امي وابوي ويدتي وكلهم

كلهم يقولون لي خذيه ولا ما بنكلمج هذا ولد عمج احسن من الغريب

وانا كنت اموت ع البطيء

ابوي قال لي خلاص ماتبينه بنقول له ومن يومها ابوي تغير علي 360 درجه صار يكرهني ودوم انا العاصيه في نظره بنفس الشهر اللي تركت ولد عمي اتقدم لي شاب يكون ولد جيران ولد عمي

ابوي رفض بشده يقول انه عايله هالشاب من مستوانا
ونحن فوق فوق وهم ابوه كان يشتغل عند ابوي ومن هالكلام

مع انه الشاب يشهد الله عليه راعي واجب ومسؤوليه ويشتغل في الجيش وسمعته طيبه الكل يمدح فيه ..

انا وافقت على هالشاب وابوي رافض .. وحاولت اقنع امي واهلي فيه واقتنعوا كلهم الا ابوي..

وبعد فتره طويله وافق.. وبالخطبه قام يعاير الولد قدام ربعه انت ما فيك اصل وكيف تخطب بنتي دور بنت من ثوبك وانت لعبت بعقل بنتي وانت اكيد قصيت عليها بكلام معسول.. قدام الشباب كلهم..
الشاب عصب وقال ليش تتكلم عني بهالطريقه وعصب وقال انا بتزوج البنت غصبن عنك

وطبعا هو قالها بلحظه غضب وابوي طرد الولد واهله مع انه استلم المهر منهم وطلب عليهم مهر 120 الف درهم اماراتي

والشاب دفع وما قصر وتدخلو الاهل وهدأو الوضع بينا لين يوم المجله

يوم الملجه رد ابوي يشتم الولد واهله ويسب في اصلهم وانتو مش من مستواي وانتو تحت نعالي وانا بكسر رجلكم اذا وطيتو داري .. وتدخل الشهود وهدأو الموضوع.. وابوي من يومها قال لي اذا تبين هالانسان لا انا ابوج ولا تعرفيني فضلتيه على ولد عمج الشيخ من اصل وفصل

ورحتي لهذا اللي كان وكان.. مع ان كل الناس تمدح في الولد واهله..

وطردني من البيت .. رحت انام بيت خالتي كم يوم لين ما يهدا.. بس مافي فايده امي حاولت تكلمه وزوج خالتي والناس ماشي فايده قال مستحيل ترجع البيت.. وعدا شهرين واتزوجت.. وما خلى امي تحضر عرسي ولا يخليها اتزورني ولا اتشوفني .. اتشوفني بالسر..

والله يحسسني كاني استغفر الله هربت معاه وارتكبت فاحشه

اهلي دايما يقولون ابوج عنيد و100 شور ورأي عنده بكره يرضى انتي بنته وحيدته ما تهونين عليه

والحين مر على زواجي 8 شهور .. حارمني من امي ومن بيتنا ومن اختي الصغيره ما اقدر اشوفهم ولا اكلمهم.. يوم اتصل يبند بويهي ما يبا يسمع صوتي

اقوله الزواج مب غصب.. والحمدالله انا اتتزوجت هالانسان ومرتاحه معاه مب مقصر علي بشي

بس هو يحلف ما يكلمني لاني ما تزوجت ولد عمي .. وتزوجت هالانسان اللي رد عليه بلحظه غضب وقال له بتزوج هالبنت غصب طيب..

والله يا دكتوره ساعديني شو اسوي

اشتقت لقعده بيتنا ولاختي ولامي ولغرفتي
ولاكل امي .. وسوالفنا ..

خالتي راحت كلمته قالت له هالشهر فضيل وبنتك ما غلطت خلاص اللي صار وهو مقفل ما يبا يسمع شور اي حد

وما في اي حد يأثر عليه ويمكن ياخذ برأيه لان هو قاطع علاقته بالجيران وماعنده اصدقاء
وحاولت اتقرب منه اطرش له سلام بس مافيه فايده اول ما يسمع صوتي ولا سيرتي يقوم الدنيا فوق روس اهلي

شسوي يا دكتوره ابوي مهما كان .. ودايما احس بالذنب لاني ما اتزوجت ولد عمي وارضيته وتزوجت انسان على قولته مب من مستواه

الله يخليج ساعديني

ساعة غروب
16/09/2008, 11:24 AM
الله يهديه ان شاء الله

والله يوفقج ان شاء الله ويهنيج مع زوجج وما عليج من ابوج مهما ان كان هذا ابوج وانتي بنته

ومثل ما قولولج اهلج مرده بيرضى