المساعد الشخصي الرقمي

مشاهدة النسخة كاملة : تتهاوش مع امها كنها (ضرتها)



Om Arawy
31/08/2008, 09:39 AM
السلام عليكم
اختي المشكلة ابد ماهي سهلة
راح اختصرها لك
انا وبنت عمتي قراب من بعض مع انها اصغر مني ب3 سنوات هي عمرها 18 تقريبا
المشكلة امس كنت بيت عمتي
وهي (بنت عمتي )راحت تجيب لي ماي
وأمها قربت مني بتقول لي على شغلة (استغلت الفرصة ان البنت قامت)
حسيت ان عمتي مسكينة مقهووورة من بنتها
مع العلم ان امها ماهي كبيرة عمرها تقريبا 37 سنة
والبنت هاذي بكرها
المهم تقول لي عمتي ..انتي قريبة منها
ماتحسين ان تصرفاتها هالفترة مادري شلون صايرة!!
قلت لها :يعني شلون مافهمت؟
قالت كل يوم كل يوم نتهاوش انا وهي ..ليه؟؟
قالت هي عنييييييييييييييييييييييد ة بقوة
نتهاوش على اقل شي مثلا لو اقول لها قومي من الكمبيوتر صار لك 5 ساعات او اكثر تعاااااااند
يعني حتى ماتجامل امها
وصايرة تمشي خلف اللي يمشون بالبيت يعني ينامون اهي تصحى..ويصحون اهي تنام
ماتلتقي فيهم الا شوي واذا التقت بأمها على اقل شي يتهاوشون
تقول لي عمتي انا تعبت نفسيا منها
مع العلم ان البنت مخطوبة لولد عمها( خطيبها وخطيبي اخوان) لكن ماملكنا يعني مافي تواصل الى الان بينها وبين خطيبها

حتى تقول عمتي ودي اجلس كذا معها اسولف كني صديقتها لكن ابد مكشرة بوجهي كني ضرتها ..تقول ودي حتى اسولف لها عن العرس ..لكن مدري شلون تصرفاتها
من كل النواحي عنيييييدة

انا ماعرفت وش لون ارد على عمتي
هي تقول بما انك قريبة منها حاولي تعرفين الاسباب ليش اهي صايرة كذا؟
وحاولي تغيرين منها

مع اني انا اشوف ان الخطوبة مالها اثر كبير عليها من هالناحية
يعني هي اساسا عنيدة
وهي احيانا تسولف لي عن امها
تقول
امي طفشتني اليوم جالسة تقول لي ليش تنامين متأخر وليش تسهرين على النت؟
وتقول :وانا اسوي نفسي مااااااااسمعت شي
اطنشها>>يعني تطنش أمها ولاترد عليها او تقول :كيفي زهقانة ..ماترد بأسلوب لبق ابدا

واحيانا تقول :زهقتني امي تهاوشت معها ..تقول لي البسي دلاغات اذا بتطلعين البسي دلاغات عدلة وتغطي عدل..تقول :تقهرني ليش تقول لي كذا

يعني هذا اختصار للموضوع اختي
اتمنى اني اغير من البنت لان من جد امها مقهورة منها

ساعة غروب
28/10/2008, 11:41 AM
شوفي اختي
كلمي البنت وفهميها انها لازم تحترم امها وترد عليها بأسلوب افضل

وكلمي امها انها تحاول انها ما تثقل على بنتها بالاسئلة والاوامر يعني لا تقعد لها على الوحدة

وان شاء الله الله يوفقج لما هو خير لهما