المساعد الشخصي الرقمي

مشاهدة النسخة كاملة : طلق زوجته وشوه سمعتها



حياة رائعة
28/08/2008, 07:41 PM
اخواتى الفاضلات انا عايزة اخد رايكم فى حاجة
من كام يوم اتفقت مع صديقتى تيجى تزورنى
واتصلت بيا وقالت ان بنت خالتها معاها واستاذنتنى تجيبها عندى البيت تقعد معانة شوية لانها تعبانة نفسيا ومالهاش اصدقاء
قولتلها خليها تتفضل
واخدنا الحديث وحكت لى قصة طلاقها
هى حالتها النفسية سيئة وقالت لى هل اجد عندك حل لقضيتى
قولت لها انى هستشير ناس اهل خبرة وطبعا كنت اقصدكم انتو

هى بتقول انها عمرها الان 32 سنة وعندها ولد وبنت
وجوزها بيشتغل فى الصحراء مهندس بترول وهى عايشة فى اسكندرية
هى بتعانى من وحدة فظيعة سببت لها حالة نفسية سيئة
حتى اولادها مش بيحبو يقعدو معاها دايما بيروحو لجدتهم ام امهم عشان هناك فى اطفال تبع اخوها الكبير وبيحبو يلعبو معاهم
وهى بتفضل طول الوقت فى البيت لا تجيد استخدام الانتر نت
تقضى وقتها كله امام التليفزيون او تتفرج على المجلات
حتى تحولت حياتها لجحيم بسبب الوحدة
دائما تتخيل ان شخص ما يختبا خلف الباب ليقتلها
او تتخيل ان فى شخص قاعد فى الظلام بجوار الانتريه ليرعبها
والشئ الغريب انها اوقات تخاف من دخول التواليت اعزكم الله
لانها تتخيل ان فى شخص غرقان فى البانيو
وزوجها عودها ان لا تقيم علاقات مع الجيران لان ازواجهم شباب وهو يغار عليها
حتى زيارة امها لا ترغب فيها لانها تقول امى دائما تؤنبنى على اختيارى لزوجى وتعطينى كلام لا اطيقه
زوجها يجلس معها خمس ايام فقط من كل شهر
حتى الخمس ايام لا يقضيهم كلهم معها بل يريد رؤيا اصدقائه وزيارة اهله
هى تقول انا شعرت انى لست امراة كباقى النساء
اريد حقوقى الشرعية
اريد رجل يشعر بى وينام بجوارى كل يوم
اريد زوج يشاركنى حياتى ياكل معى ويعيش معى ويربى معى الاولاد
المهم فى اخر زيارة لزوجها
حكت له كل ما يدور بعقلها
وقالت له اريد رجل يعاشرنى كزوجة وليست مربية اطفال امينة على اولاده يتركها ويمشى
اريد رجل ياكل معى وينام بجوارى
وبعد ما انتهت من حديثها الهادئ قام زوجها وقال لها انتى طالق
وبعدها عرفت انه يشك فيها ويشك انها تعرف رجل غيره يفعل معها كل هذا ولذلك تطلب هذه الطلبات منه
اخذ شنطته وترك البيت قبل ان يكمل ثلاث ايام واتصلت باهله تبلغهم بتهور زوجها وطلاقه لها
والان اهلها يقولون لها انتى خربتى بيتك ووصل الى اسماعهم ان زوجها شك بها
فتخيلو الام التى رربت وكبرت وتعبت وتثق فى بنتها تعاير بنتها من حين لاخر وتقول لها يمكن جوزك كان عنده حق واحنا منعرفش
انا طولت عليكم
المهم ترك لها الشقة منذ سنة لم تراه
وعندما ياتى زيارات لاهله يطلب من اخته ان تذهب لتحضر اولاده ليراهم
وهى الان تعانى من وحدة افظع مما كانت فيها
فتقول اننى امر بحالة ستوصلنى الى التفكير فى الانتحار
ماذا فعلت فى حياتى لاجد زوجى يهجرنى اكثر من اربع سنوات وفى النهاية يطلقنى ليهجرنى تماما ويخلى اولادى يكرهو البقاء معى
ماذا فعلت لامى كى تبكتنى بحديث يذبحنى الست انا بنتها لتفعل بيا هذا
ماذا فعلت فى حياتى غير انى صبرت على هجر زوجى طيلة هذه السنوات وتحملت غيابه عنى
وعندما حدثته عن ما بداخلى وبمنتهى الهدوء اخذ قرار الطلاق فى لحظة
وطعننى بكلمة انتى طالق
وفى النهاية اخته تتصل بيا لتطلب منى ان احضر الاولاد ابوهم عايز يشوفهم
وعلمت فى النهاية انه سوف يتزوج من امراة عرفها من قبل طلاقى
شعرت باننى اريد الانتحار
انهارت حياتى اخذ اولادى منى رغم وجودهم معى الا انهم دائما يقولو لى عايزين بابا مش عايزين نقعد معاكى
وكان سكين تنغرس فى صدرى
فكرت فى حياتى وفكرت فى ان اشتغل
لا يوجد شهادة عالية فشهادتى دبلوم تجارة
لا يجود لغة
لا يوجد خبرة بالكمبيوتر لا يوجد اى شئ سوى اربع حطان يطمنونى على نفسى
حتى اخت طليقى قالت لى دبرى امرك لان اخويا هياخد الشقة بعد ما الاولاد يكبرو
اين اذهب وماذا افعل امى لا تطيقنى خمس دقائق فى بيتها
اولادى لا يرغبون فى العيش معى لم يتقدم لى اى احد حتى الان لان زوجى شوه سمعتى


والله يا بنات بكيت وانا اسمع حديثها
انا نقلت ليكم المشكلة على اساس اجد عندكم حل انقله لها

وربنا يهدينا ازواجنا جميعا

Lily_of_the_Valley
28/08/2008, 08:36 PM
لا حول ولا قوة إلا بالله

الله لا يعطيه عافيه

الناس غريبه

الله عنها و يصبرها

اسمي في دقات قلبه
28/08/2008, 08:40 PM
لا حول ولا قوة الا بالله
والله مدري شقوووولك ما عليها سوى الدعاء لانه الله مستحيلللل يتركها وهي كذا ..
الله يفك كربها

imglad1981
28/08/2008, 08:42 PM
لا حول ولا قوة الا بالله ... معقولة في ناس ما بتخاف ربها هالقد ؟ الله يصبرها وياخد بيدها

اجرح على كيفك
28/08/2008, 09:26 PM
والله قصة تبكي من جد

الله كريم اختي والله معها ومستحيل يتخلى عنها

يارب تفرج همها وتسعدها يارب

واختي خليها تعتمد على الله ولعى نفسها وتحاول تدور شغل وتتعلم شوي شوي وتعتني بنفسها وتلجا لربها دايما والله كريم ان شاء الله

اغلاهم ويسواهم
28/08/2008, 09:50 PM
حسبنا الله ونعم الوكيل
الله يعينه وييسر اموره ويرزقه بالزوج الصالح اللي يعرف قدره ان شاء الله

بسمـة أمـل
28/08/2008, 09:56 PM
والله مشكلتها كبيرة اله يكون في عونها


اطلبي منها اختي تدعي الله وتصلي صلاة الحاجة وتتضرع لله وتبكي له

وتدام على قرآة سورة البقرة كل يوم وقيام الثلث الاخير من الليل

وان شاء الله ربي ييسر أمورها على خير

ويفرج همها

انسان حسااس
28/08/2008, 09:58 PM
لا حول ولا قوة إلا بالله

دانهـ الدنيا
28/08/2008, 11:02 PM
حسبي الله ونعم الوكيل

راميها ولا يدري عنها وكمان عينه قويه ويشك فيها؟؟ الله يصبرها ويعوضها خير

العتب
28/08/2008, 11:40 PM
جزاك الله خير الدعاء على الثقة الرائعة التي منحتينا اياها ... لا حرمنا الله منك

رائعتي فعلا مشكلة ... ويُستحق التفكير بها ... والله لا ادري ماذا أقول لكِ فمشكلتها تحطم القلب وتحزنه ...
رائعتي ... عليها بالدعاء ... [وبشر الصابرين الذين إذا أصابتهم مصيبة قالوا إنا لله وإنا إليه راجعون ] ... [وَاصْبِرُوا إِنَّ اللَّهَ مَعَ الصَّابِرِينَ] وسيرزقها الله من حيث لا تحتسب إن شاء المولى بخيرا منه ...

لن أوجهها للمحاكم ... فالمحاكم في مصر كما سمعت انها تكلف ثروة وايضا تأخذ سنين ودهور
... رائعتي اجعليها تطور من نفسها وأول خطوة لذلك العمل ... عسى ان تجد عمل مناسب
لها ... واتمنى ان تحاول الاختلاط بالمجتمع الذي حولها ...لتنسى الهموم قليلاً ولو لثواني ...
تجدد علاقتها بصديقاتها ... وتجدد حياتها ... دعيها تحاول ان تبتسم للحياة ... وتتذكر دائما بأن
الله معها ولن يضيع عملها ... رائعتي أعانها الله وسدد خطاها لما هو خير ... رائعتي يجب ان تحاول
سد اذنيها لمن يريد ان يزعزع ثقتها التي منحتها زوجها ... فهي لم تخطأ بذلك واجعليها الا تشعر
بالندم فهي كانت تبغي رضى الله وقد حازت عليه بصبرها ان شاء الله

رائعتي ... الظاهر زوجها كان يخطط من زمان بذلك ... وصدقيني اجعليها تؤمن بأن الله لن يدعه ..
وسوف يحس بفعلته ... وسوف يرجع لها نادماً لان طبيعة عمله لن تجعل الأخرى تتحمل وتصبر


بارك الله فيك ... ولا تدعوها رائعتي ..علموها على النت ودعوها لمنتدى عروس او اي منتدى
آخر ان رغبت وسوف تجد من يواسيها هنا ويشد من اسرها


العتب

tuba nona
28/08/2008, 11:46 PM
لا حول ولا قوة إلا بالله
حسبي الله ونعم الوكيل
:angry::poster_vt::poster_oops:

حياة رائعة
29/08/2008, 12:43 AM
والله انا كنت متاكدة من ردودكم الطيبة دى
وانا اتصلت بصديقتى واخت منها رقم تليفون البنت
وكلمتها عشان تحس ان ليها اصدقاء بيسألو عنها
وهى كانت مبسوطة اوى انى اتصلت بيها
وهحاولى اكون جمبها انا وصديقتى
وربنا ما يحرمنى من كرم اخلاقكم واستشارتكم ابدا

ســوار
29/08/2008, 01:15 AM
لا حول ولا قوة الا بالله...اسال الله العلي القدير الرحمن الرحيم ان يرفع عنها ويصبر قلبها ويثبت فوأدها...اولا شكرا لك اختي العزيزة انك بتفكري فيها وحامله همها في هالزمن اللي الناس صارت فيها ما تشيل الا هم نفسها...وانا بطلب منك تفضلي معها للنهاية..واسيها وصبريها..وقولي لها ان هذه الدنيا دار ابتلاء واختبار وخليها تقرب لربنا اكتر وتستغل فرصة الفراغ هذا وتبدأ في حفظ القرآن الكريم والاستعانة باخوات صالحات ومصر ماشاءلله بلد خير وبلد ايمان وممكن تطلع تروح لاي مسجد وتتعرف على رفقة صالحة..وصدقيني هالشيء راح يساعدها كتير تخرج من حالة الوحده وتحتك ببيئة صالحه ونافعة خصوصا في شهر رمضان شهر البركة والرحمات...خليها تكثر من الاذكار والاستغفار وان شاءلله ربك كريم...يجبر كسرها ويعوض صبرها ويرجعلها اولادها لحضنها..صبرا جميل والله المستعان...والله يوفقك ويوفقها لما يحب ويرضى

نوارة الحياة2
29/08/2008, 02:07 AM
والله قصتها تعور القلب

الله يكون في عونها

ويعوضها خير منه

وانتي خليك جنبها لين تتعافى

عيون الفهد*
29/08/2008, 02:51 AM
الله يعينها ويستر عليها وحسبي الله ونعم الوكيل

انا مااقدر اتكلم في موضوع كبير لدي الدرجه

بس كل الي عندي اقولو انو المفروض تطور من نفسها وتعتمد على نفسها ساعديها وخليكي معاها

عيون الفهد

عيون روحي
29/08/2008, 04:42 AM
لا حول ولا قوة إلا بالله

عاشورهن بالمعروف او سرحوهن بالمعروف حسبي يالله عليه حرام الي يسويه فيها

خليها تصلي الصلاه وبوقتها وتقرى القراء ن وتستغفر الله وتدعي با ن الله يفرج عنها ويرزقها زوج صالح

او يهدي زوجها ويعاشرها بالمعروف ..

والله قلبي عورني عليها اختي الكريمه لا اتخلين عنها خليكِ معاها .

الاسلمية
29/08/2008, 05:38 AM
وين يروح الظالم من ربه ؟ هو ظلمها ورماها رمى مؤمنة محصنة .. يعني اللي سواه من الكبائر .. نسأل الله العافية

الظلم ظلمات يوم القياامة .. ربي ينصرها ويعينها .. وقولي لها تستعن بالله وتتقرب الى الله سبحانه ..

وماازيد اكثر على اللي قالته اختي فراشة القنديل هو الصواب بإذن الله ..

العتب
29/08/2008, 01:24 PM
رائعتي حياة رائعة ...

نشكرك جل الشكر والتقدير

وطمنينا عليها بين الحين والحين ... ونتمنى أن تكون تنظم الينا عما قريب فستجد ما يواسيها
ويلم فتات قلبها إن شاء الله



العتب

NO-WAY
29/08/2008, 01:52 PM
السلام عليكم ورحمة الله وبركاته

قوليلها تنسى اللي مضى

وتكون قريبة من رب العالمين

وخليها ديما تدعي وتقول الاذكار

وتدعي بان ربنا يهدي مامتهااا

وخليها تصلي قيام الليل (الشفع والوتر)+طبعا مع الصلوات المفروضة

وتقرأ قرآن

مع انها تكمل دراستها او تاخد دورات في حاجات معينة

مثل دورة لغة انجليزية ودورة اي سي دي ال او سكرتارية

يعني تبدا خطوة خطوة

الدورات دي هتفيدها اوي في العمل مستقبلا

خليها تقدم لعمل معين اي عمل تمشي نفسها بيه

وتدرس لغة انجليزية مع بعض عشان تقدر تصرف على الدورة

ومنها تسلي وقتها

وبعد ماتخلص دورة الانجليزي تسجل لدورة اخرى مثل سكرتارية اوي اي دورة هتفيدها

الله يرزقها من حيث لاتحتسب وينولها اللي في بالها وينصرها على كل من ظلمها اللهم امين

وشكرا لك اختي على انسانيتك والله يوفقج ويرزقك من حيث لاتحتسبين

توتى وشيكو
30/08/2008, 03:13 PM
القصه توجع القلب اوى لان فيها افترا وظلم
بصى عشان حياتها تنتظم لازم تبص لقدام هى عماله تقول عيالى مش بيحبوا يقعدوا معايا لانها قاعده ليل ونهار تنوح وتعيط لا بتلاعب والا بتدلع هى تحاول تستقطب عيالها احسن ما مرات ابوهم تكسبهم والعيال لو ابوهم اتجوز اكيد مش هيحبوا يقعدوا عنه هى تشد نفسها وتطور من نفسها
كورسين كمبيوتر وهتدخل الانترنت وتجيب عيالها وتعلمهم كمبيوتر وتحاول تدور على شغل اى حاجه تشغل بيها وقتها اما مشكله ان امها بتهزئها محدش والله مرتاح كل واحد على ضهره جبل
اما حكايه السمعه السيئه فدى بقا اللى هيحلها رب العالمين واقسم بعزة الله وجلاله انه يمهل والا يهمل ودعوة المظلوم لا ترد وبكره تتجوز سيد سيده

ليلى الجزائريه
01/09/2008, 03:38 PM
لاحول ولا قوة الا بالله معقول في ناس كده
الله يكون في عونك اختي الكريمه

Batta_Fares
01/09/2008, 06:24 PM
ايه الكلام ده...... انا مش مصدقه ان فى ناس كده. اعوذ بالله
بصى قوليلها هى مينفعش تكون سلبيه كده هى تحمد ربها انها دلوقتى عارفه راسها من رجلها و الامور عندها بقت واضحه و مش متعلقه.... لازم تبتدى تكون ايجابيه... اولا لازم تبعد عن كل حاجه بتضايقها
و تبتدى تخلى اولادها يحبوا يقعدوا معاها... شئ طبيعى انهم يزهقوا منها عشان هى اكيد عمله جو اكتئاب فى البيت و الاطفال مش بتحب كده... لازم تبتدى تخرجهم تفسحهم تشوف مثلا اى نادى و توديهم فيه.. حتى لو توديهم المنتزة تلعب معاهم و تجرى و تجيبلهم ايس كريم... هم ملهومش ذنب... و واحده واحده حيحبوا يقعدوا معاها.....
و لازم تبتدى تطور من نفسها و تشتغل و تحوش و مليون خط تحت تحوش...
و لازم تهتم بنفسها و يكون ليها حياة اجتماعيه
و تتقرب جدا من ربنا و انا متأكده ان ربنا حيعوضها بشخص ينتشلها من كل الى هى فيه... ربنا بس بيحب يختبر صبرنا و قوة ايماننا.... و ربنا معاها
و يا ريت لو هى انضمت للمنتدى خليها تراسلنى ...قوليلها حبيبه مستنياكى و بتدعيلك