المساعد الشخصي الرقمي

مشاهدة النسخة كاملة : الحقوني.....



مجننة زوجها
24/08/2008, 08:16 PM
انا عمري 19 سنه اتزوجت ليا اربع شهور اسمعو حكايتي للاخير الله يخليكم
اتزوجت اخو صديقتي انسان عمرو 32 مثقف عندو ماجستير وراتبو كويس وحلو المظهر وكان من شروطهم اعيش مع اهلو بنفس البيت وكان المهر 20 الف ريال سعودي
وافقت وصارت ملكة خلال شهر والشهر اللي بعدو اتزوجت يوم 2/5/1429
انا اليوم اكتب وفي عيني الدموع والالم والحسرة والندم (انا في بيت اهلي)
اهلو يكرهوني ويجلسوا يضايقوني بكلامهم على كل شي
ويسبوا اهلي ويتكلموا عليهم ويتبلوا عليا قدام ولدهم
وانا والله اربع وعشرين ساعه تحت الخدمه شايلتهم في عيوني والابتسامه في وجهي
واسلم على رؤوسهم في الريحه والجيه واسوي الاكل والحلى وغرفتي داخلين خارجين عليها عادي
ولمن اخواتوا يطفشوا يصحوني من نومي عشان اجلس معاهم
وهو معايا زي السمن على العسل ايامنا كلها حب ورومنسيه وكلام حلو
عيبو متعلق في اهلو
كل شي نسويه يقولو لامو واي فلوس يعطيني اي مكان اروحوا يقول لامو
امو حتى صحباتي تكرههم عشانهم سود
وفي يوم من الايام قبل 7 ايام بالضبط جا اخذني من بيت اهلي وجلس يخاصمني على صحباتي لاني كنت جالسه معاهم في بيت اهلي ووصلوا خبر من اهلو
يقولي انتي حره كيف تصاحبي عبده (تخيلوا)
انا طبعا للأسف حامل في ثلاث شهور ونفسيتي تعبانه ويكفي مااستحملت انهرت بكى قولتلوا انا تعبانه مع الحمل
قاللي كل الحريم يحملوا جات عليكي انتي
قلتلوا خلاص مو انت تبغى ولد رجعني بيت اهلي لمن اولد تعال خذني
قال طيب وبعدين قال لا عيب من عمي وعمتي
انا منهاره قلتلو انا ماراح ارجع معاك رجعني بيت اهلي
وصلني البيت وقاللي ارجعلك بكره والا خلاص
قفلت الباب ومشيت وانا منهاره
وامو دقت على ماما وصارت تقولها بنتك تسوي وتعمل وتسبنا ولسانها طويل و و و............طبعا كلو تبلي وظلم فيني
بعدها بيوم ماما دقت عليه مارد
دقيت عليه اعطاني مشغول اكثر من مره طبعا
بعدها بيوم اتصلت عليه مارد
ارسلتلو انا مااجري وراك انا ابغى اغراضي وماابغى اللي في بطني يصيرلو شي
رد عليا بعد ثلاث ساعات بعد مااستشار اهلو
يققول لا تجري ورايا ولا اجري وراك ملابسك تعالي خذيها
رحت انا واهلي كنت جالسه في السياره
بابا طلع وماما فجأه نزلو مصدومين بأكياس زباله
تقول ماما ملابسك واغراض في اكياس زباله جنب بابا البيت
حتى مافتحولنا الباب
انا صرت ابكي واصرخ مصدومة من زوجي حبيبي يسوي فيني كذا
المهم صرت ارسلو مسجات في الفجر والظهر والمغرب واتصل مايرد
وفقدت الامل


دلوني ايش اسوي ياناااااااااااااااس دلونييييي
انا حمووووووووووووووت
ساعدووووووووووووني

ساعة غروب
28/10/2008, 09:27 AM
هلا حبيبتي

شوفي اذا انتي لما اللحين على ذمته وحابة ترجعي له خلي ابوك يروح له البيت او يكلم ابوه او عمه وشوفوا الموضوع معاه

وانتي حبيبتي بعدج صغيرة لازم تتحملين شوي

الله يسر امورج