المساعد الشخصي الرقمي

مشاهدة النسخة كاملة : مشكلة ومش عارفة احلها



أساور الجراح
24/08/2008, 09:48 AM
السلام عليكم

والله مشكلة بدأت من ساعة لما سافرت مصر بقالي سنتين هناك كنت عايشة في السعودية مع والدي ووالدتي وانا اكبر واحدة في اخواتي خلصت الثانوية العامة وكان لازم اني اسافر مصر عشان اكمل مشوار مستقبلي التعليمي هناك والحمد لله دخلت الكلية اللي كان نفسي فيها الا وهي الهندسة

للأسف والدتي منزلتش معايا بسبب ظروف مالية حصلت معانا ولم تقدر على النزول معي وليس هذا السبب فقط وانما لرعاية والدتي واخوتي في الغربة المميتة

بابا الحمد لله رباني على الخلق والدين و الادب وبصراحة كان حجابي كويس جدا الحمد لله

نزلت مصر بعد مدة لم انزلها من 10 سنين ولم اكن اعرف العادات والتقاليد هناك وطبعا هنا اختلاف شاسع بين مصر والسعودية وبذات في العيشة واختلاط بالناس

عشت مع جدتي وجدي وخالي لم يتزوج بعد تصرفت معاهم بكل ادب واحترام وخلق وكنت اساعدهم واعمل كل شئ ترضيهم وتسعدهم

وبدأت المشاكل من يوم ما دخلت الكلية شكو فيا اني بتعرف على الاولاد في الكلية وبجلس معاهم وتلفونات وهكذا واني بمذكيرش ولا بصلي وبتأخر برة البيت الساعة 7 وانا في الكلية

بس والله انا مش كدة خالص كنت كل ما اجي الكلية احكيلهم كل حاجة واللي بيحصل معايا عشان اشوف انا بتصرف مع الناس صح ولا غلط .....

بس للأسف كان كل كلمة بقولها كنت قلاقي خالاتي واولادهم عارفين مع ان المفروض تكون الكلام ده بيني وبين جدتي .....

بداو ينقدوني في تصرفاتي وكلامي واني فلاحة ومش عارفة اعمل حاجة ..... واني لبسي عوجيزي قال ايه اني اتمتع بشبابي وحياتي وانوثتي ..... وليه معملش زي البنات قال يعني اني بدور على عريس يشيلني ويخلصو مني ..... طبعا اترنفزت منهم وبقيت اقولهم حرام ومينفعش الكلام ده وكلام مش حقدر اقولها ابدا لانها غلطو في حق بابا جامد جدا .....

وبعد كدة لما كنت بقولهم انا خارجة مع صديقاتي اللي في كلية يقولو طبعا مش بنات بس دول ولاد كمان..... وبدأو يشتموني ويهزقوني في الرايحة والجاية وخالي بدأ لدرجة انو بيضربني وقال ايه انه بيهزر معايا وانا عمري مكنت اخلي احد انه يتجرأ يمد ايده عليا وهزار وشتائم للأسف مش اي حد يقولها .... بقيت خلاص مش طايقة نفسي وكانت كل ما امي تكلم وتسأل عليا كنت اعيط من كتر ما بيعملو فيا مع ان المفروض معملش كدة بس والله غصب عني امي حتفهمني وحتقدر مشاعري واكيد عمري ما اقول لأي حد اعرفه في الكلية ......

جه يوم رحت لعماتي وكنت سايبة كل شي في غرفتي زي ماكانت وكنت حاطة صورة اهلي عشان اشوفها كل ما يوحشوني رجعت ملقتهاش سألت فينها ومحدش رد عليا تأكد ان خالي هو اللي اخد سألت ولا كأني بكلمه وراح متنرفز عليا تخلي رما عليا مكوة وكل اللي على المكتب كان عليا انا اتصدمت وكنت حموت لما عمل كدة وقالي مش حتشوفي الصورة دي ابدا ......

وكل ده وقالولي اني غلطانة بجد قوليلي انا كدة غلطانة في حاجة

وكل ما اعمل حاجة تخص مذاكرتي او اي حاجة او اني اتعرفت على كان جديد في مصر بيقولو عليا الفاظ بذيئة جدا واني خلاص العملية سايبة واني يعني قاعدة بعيدة عن والدي خلاص اني حمل اللي في دماغي مع اني والله بحكي كل حاجة ليهم واني قبل ما اخطو خطوة بقولهلهم

سكت كتير لدرجة انه تأثر على دراستي وشلت مواد وحصل معوقاتي في دراستي مش عارفة اكمل فيها ولا لأ ...... كنت بسكت وبكتم جوايا لدرجة وصلت اني اغمى عليا ورحت المستشفى كان اول مرة في حياتي ان ضغطي ينخفض بانخفاض شديد وكانو الدكاترة بيقوللهم دي حلة نفسية بسبب شئ هي زعلانة منها جدا .... ومقدرتش اقول حاجة

وغير انهم طلعو عليا كلام كتيير جدا واني مبذكرش واني مبصليش وبرجع البيت متأخر مع ان والله هم عارفين ان مواعيد الكلية كدة

بتهان وبتهزأ يوم ورا يوم مش عارفة اعمل ايه


وبدأت اقعد لوحدي كتير لدرجة كنت متكلمة مع صديقاتي استغربوا اني مبكلمش معاهم ادرجة وصلت اني مبقدرش استوعب كلامهم واقولهم يعني ايه ولو قالولي موضوع وعايزين رأي فيها مبقاش عارفة اقول ايه بجد والله لدرجة بقولهم معرفش مش عارفة ارد اقول ايه بجد مش عارفة

وبحس اني متلخبطة واني ش مركزة خالص وبقيت مليش نفس في الاكل ممكن يعدي يوم ومأكلش وجالي انيميا وحالتي حالة

ولما اقعد على النت ازاي وليه اقعد على النت وبعمل ايه وليه بسهر باللليل وبقولهم تعالو اقعدوا معايا وشوفو انا بعمل ايه
شوفي الشك وصلت لايه وانا مبحبش حد يشك فيا

لما سافرت لأهلي بقى والدي ووالدتي عايزين يعرفو كانو بيعملو معايا ايه ولكن حاسة اني بنسى او اني مقدرش اقولهم

بصراحة كل اللي بيحصلي خلاني مش عارفة اذاكر ولدرجة اني بنسة كتير وبهرب منهم يعني اني مقعدش معاهم اني ادخل انام ممكن توصل 15 ساعة نوم متواصل وعارفة انو غلط بس مش قادرة
(في مصر)

بجد قوليلي اعمل ايه انا مش عارفة افصل بين المشاكل دي وبين مذاكرتي وقوليلي اعمل ايه اتعامل معاهم ازاي ارجوكي عارفة اني طولت بس دا يمكن المختصر من اللي بيعملوه فيا
وازاي اتعامل مع الناس واللي بيشكو فيا ومفيش حد بيصدقني في اللي بعمله

ولكي جزيل الشكر

ساعة غروب
01/09/2008, 10:18 AM
هلا اختي
افضل حل لمشكلتك ان تحولين دراستك من مصر إلى السعودية
وتخلين ابوك الله يعطيه العافية يجيك مصر وياخذك ويرجعك معاه