المساعد الشخصي الرقمي

مشاهدة النسخة كاملة : ارجو المساعدة



moonti
14/08/2008, 04:59 AM
السلام عليكم


قبل ما ااكتب هنا فكرت اتكلم مع استشارية نفسية او دكتورة بس مدري ليه جيت هنا..


اختي

انا كنت اعرف بنت وصارت صديقتي طيب..
وما كنت اعرف ان اهي تقربت مني لغرض ماا.. الا بعد فتررررة
البنت هذه قبل ما تعرفني كان بينها وبين اخوي رسائل
واكتشفوا اهلها وتوقفت هذه الرسائل
وتقربت مني لغرض اكون حلقة وصل..
المهم انا احب واحد واكلمه تليفون
في قررت اقول لها عن اللي احبه
فكنت احكي لها القصة وقلت لها بعدين تعرفين من هذه قالت لا قلت لها انا وانصدمت
وقالت حتى انا اكلم قلت لها مين قالت اخوك طبعا انصدمت لما قالت انو اخوي شاك فيني ومن هالكلام
المهم ظلت فترة علاقتنا بعدين مدري حسيت نفسي اللي اسويه غلط واني اساعدهم يلتقون ببعض واوصل الهدايا والرسايل
حسيت نفسي غلطانه وقرررت انسحت ونصحتهم بس ما سمعوا مني
في يوم سمعت انو هالبنت مو عذراء واللي ...... كان اخوها.. المهم دريت هالشيء منها واخوي كان عارف
مدري انا للحين مو مصدقة
المهم الحين اخوي جاد ويبيها للزواج
والكل رافض
اولا لأنو اهلها مش ولابد..
ثانيا ما يرتاحون للبنت
المهم اخوي نفسيته بالمررررررررررررررررررررة زفتة
والمشكلة لأني عارفة كل السالفه فيطلب مني اساعده اني اقنع ابوي او امي
انا مو قادرة اسويها لانو اصلا كرهت البنت
والحين نفسيته زفتة وصلت لحد الجنون
يبكي
يعصب على اتفه الاسباب
يتشنج نتيجة ارتفاع الضغط عنده
مدري شسوي
مدري كيف اقنعه انو مرح يكون مرتاح معها مدام امي وابوي مو راضيين
ارجو المساعدة لانو الموضوع بجد مضايقني

ساعة غروب
14/08/2008, 06:37 AM
انا من رايي انج تساعدينهم وما توقفين حجر عثرة في طريجهم خصوصا ً انها كانت صديقتج حتى لو لفترة

وانتي وحده تحبي يعني تعرفي نوعية شعورها وحطي نفسك مكانها شنو بيكون شعورك لو كان اللي يحبك اهله موراضين عليك حتى لو كنت ملكة جمال واصلك طيب وما تنعابين بس هم مثلا ً شايفين له وحدة من اهله

وبعدين الريال في مجتمعنا الشرقي ناقل عيبه البنت هي اللي تصير علج في حلوج الناس خله ياخذها ويشوف حياته معاها وبعدين يمكن البنت خوش آدمية والوحدة ما تنخذ على اهلها شنو هما ياما ناس بنات حمايل واصل وناس عارفين ربهم والبنت تطلع حالتها حاله من واحد لواحد عافانا الله

اختي اذا تقدرين على شي سويه يابخت من وفق راسين بالحلال

وبعدين الله امر بالستر ستري عليهم الله يستر عليج
ومن فرج كربة اخيه في الدنيا فرج الله عنه يوم القيامة

moonti
18/08/2008, 05:20 AM
لكن شلون اساعدهم


والكل رافض الفكرة ومش مرتاح للبنت


يعني فاهمه يعني البنت رح تدخل على بيت وهالبيت مش طايقينها ولا طايقين شوفة وجهها


مو قادرة اقتنع بنفس الوقت ابي اقنع اخوي يغير رايه


ماله ذنب ياخذ وحدة مش عذراء ولا بعد من اخوها


العرق دساس اذا خوال العيال بيكونون اعوذ بالله منهم

هم صح طيبين كثير وسمعتهم صحيح اشووي فيها غلط

بس مو كثير يعني مو لدرجة انو محد يناسبهم

لازم تصير مشاكل كل بيت من ذا النوع مغازل ومكالمات بس توصل لحد انو... اخوها يسوي فيها كذا هذه مستحيلة وقوية بالنسبة لي


افهميني

ساعة غروب
18/08/2008, 07:30 PM
حبيبتي انتي اعرف مني بأهلك واذا هم فعلاً رافضين البنت خل يقولون لاخوك ولا يروحون معاه عشان يخطبون

وخلاص ماله داعي انتي تدخلين في الموضوع خلي اهلك يقعدوا مع اخوك ويكلموه ويقنعوه بان هذي البنت مو من مواخيذكم وخلاص

moonti
19/08/2008, 01:41 AM
مو المشكلة اهو مو مقتنع من اهلي


ولا مني


ومصر اصرار غريب على البنت


اللي ابيه اعرفه شلون اتماشى مع نفسيته واقنعه بدون مشاكل وفضايح

ساعة غروب
19/08/2008, 04:03 AM
شوفي هديه وخليه يتريث شوي بحجة انه يمكن اهلك يرضون عنها

ولما تهدأ نفسيته بعد كم يوم تكلمي معاه بكل هدوء وشوفي شنو بالضبط اللي عاجبه في البنت وشنو ايجابياتها وسلبياتها وابدأي تكلميه عن رضا الوالدين وانه اذا هم مو راضين عن هالزواج راح يفشل لانه عصاهم وما سمع كلامهم ورضا الوالدين من رضا الله عليه

بس عاد خليه يهدأ شويه ولا تجيبون سيرة له في فترة راحته عن الموضوع كل اللي عليج انج تقولين له انج راح تكلمين اهلك على اساس يوافقون كحجة بس لما هو يهدأ وبعدين وضحي له اسباب رفضهم وجيبي له حجج من القرآن والاحاديث الشريفة عن عصيان الوالدين

الله يوفقك