المساعد الشخصي الرقمي

مشاهدة النسخة كاملة : لدي زائده لحميه في المهبل هل أصارح الخاطب أم لا ..؟؟



..Rajawi..
13/08/2008, 04:06 AM
السلام عليكم ورحمة الله وبركاته ,,

مشكلتي كالتــالي ..

أنا عمري 20 سنه وآنسه

قبل شهــر ظهرتلي زوائد لحميه بمنطقه المهبل .. طبعاً ماكنت عارفه إيش هيا إلا بعد ما رحت لدكتورة نساء وولاده مع الوالده الله يحفظها
وسويت أشعه وكشفت عليا ,, وكانت زوائد لحميه مالها أي مضره وتجي لنساء كثير
بس المشكلي إني بنت ,, والعمليه صعبه بسبب غشاء البكاره
مع العلم إن الغشاء ما تأثر الحمد لله

المهم ,,
رضيت بالأمر الواقع
لكن المشكله إني أنخطبت من العيله من شخص فيه مواصفـات رضيتلها وأرتحت الحمد لله
وصار الفحص قبل الزواج ,, وباقي الشوفه ..

كنت زمــان أمي تقولي اني لو أنخطبت حسكت عن الموضوع وكأني ما أعرف عنه شئ
لحد الحين لمن صار الموضوع واقع ..
أقنعت أمي أنه مايصير أتزوجه ببدايه كذب ,, فحابه أبينله كل شئ

الموضوع محرج جداً
وفي كذا محور أبغى رأيكم فيه

1- مين تفضلو يقوله الموضوع ,, أمي أو أبوي ,, أو نكلم أمه وهي تقوله ..؟؟
2- كيف نقله ..!! أخاف يشك أو يخاف ,, والموضوع جداً تافهه لكن عشان مكاانه المحرج ماحبيت أخبي عليه
3- رأيكم في الموضوع بشكل العام
4- هل أخبي عليه ..!! ( مع العلم إن الدكاتره قالو مو لازم يعرف .. بس نفسياً ماني حابه أدخل على حياه جديده بكذب

أنتظر ردكم بسرعه ,, قبل لاتصير الخطبه الرسميه اللي موعدها بعد الشوفه على طول بإذن الله

أعطيتكم المختصر المفيد وأي إستفسار أنا حاضره

في أمان الله

ساعة غروب
14/08/2008, 06:58 AM
حبيبتي اول شي مبروك على الخطبة

ثاني شي انا حابة استفسر هذي الزوايد منها مضرة في المستقبل ولا لاء يعني اسم الله عليج اسم الله عليج وبعيد الشر ممكن تتطور لشي خطر ؟؟؟

وانتي ذكرتي انه لازم العملية بس الغشاء ما تأثر والحمدلله يعني انتي عملتي العملية ولا لاء؟؟

..Rajawi..
14/08/2008, 07:09 AM
أولا الله يبارك في عمرك يارب

.
.

الزوائد مامنها أثر والحمد لله ,, خصوصاً إنها مو خبيثه
وهي تزيد وتتضخم مع زيادة وزني فقط لاغير ,, وطالما اني محافظه على جسدي النحيل ( 38 كيلوا ) ومااشيل اشياء ثقيله ومجهود عالي )
يعني مضرها الوحيد ممكن إنسداد المهبل .. ( هذا في حال لو أتضخمت لاسمح الله )
وطبعاً غير الإفرازات والدم والريحه اللي بعاني منها على طول
لكن مع الإحتياطات قدرت اتفاداها

.
.

لا أنا ماعملت العمليه
والسبب إني بنت ,, لاني لو بسوي العمليه يسدعي الموضوع إزالة البكاره وبعدين ترقيعها
وهذي العمليه لو بسويها لازم أسويها في جهة حكوميه عشان يكون معايا تقرير شرعي بالموضوع
أنا ماسويتها لان الغشاء للحين ماتتضرر الحمد لله ,, واللحميه مو كبيره مره
والدكاتره نصحوني أشيلها بعد الزواج ,, لانه مو حلوه اتزوج وانا معمول ليا عمليه في المكان هذا
وكلهم قالولي مافي مانع اتزوج وهي عندي ,, بس حتعبني بإفرازات الدم عند الضغط
وممكن اذا اتضخمت ماتتم عمليه الجماع بسهوله

.
.

أمس فكرت ,, إن الخطبه تتم بشكل رسمي وانا ايام الملكه افهم العريس الوضع
خصوصاً انه امر تافهه جداً ونص المتزوجات عندهم الشئ هذا ومايعرفــوا ,, ويتم إزالتها في الولادات(على كلام الدكاتره)
لانها تعتبر ثنايا جلديه مامنها خوف وطبيعيه جداً
بس حظي ونصيبي جاني وانا بنت ..!!
زحفهمه اني ماسويت العمليه عشاني بنت ..!!

ساعة غروب
16/08/2008, 05:29 PM
هلا اخي

رأيك سديد

الله يوفقك