المساعد الشخصي الرقمي

مشاهدة النسخة كاملة : طيبي بخاطري لو بكلمه



لا تلوموني
03/08/2008, 02:04 PM
السلام عليكم اختي في الله

ببدى في مشكلتي بسرعه لاني محتاجه حل لها في اسرع وقت لو سمحتي

اختي انا ورا باجر بروح العمره وبنتم هناك عشرة ايام ومجموعه كبيره من الاهل بتروح وكلهم اوزانهم عاديه ماعدى انا, انا وزني 39 وطولي 158 وعمري 21 المهم اخاف اي حد يقولي اني ضعيفه جدام الكل والله لانجرح وبعطيج معلومه انا لو طفل قالي هاذا الكلام ازعل منه وما احب حتى اشوفه فتره بسيطه وبعدين اكون عادي

والشي الثاني انه امي ما بتروح وهي وايد تحاتيني معنه عندي اخت اصغر مني بسنه لكن امي تثق فيها اكثر مني وتحملها المسؤوليات وانا لا عشاني شكلي اصغر منها

والحين امي تبى اتروح بس عشان تمسكني هناك عبالها اني طفله والله تعبت :mad:
ولمعلوماتج نحن قبل سرنا العمره ثلاث مرات وامي كانت كلها تمسكني وتفشلني جدام الناس وتحسسني اني طفله واذا ما شافتني جنبها تكون خايفه

وللاضافه انا عندي 11 اخت و3 اخوان وانا ترتيبي بينهم قبل الاخيره

والله احس اني معدومه الثقه بعد هاذا كله:oبالرغم من اني فيني جمال وادب شخصيه طيبه لحد ما تتصورينه
والله يخليج ردي عليه لو بكلمه تطيب خاطري لحد ما ارجع وترفعين من معنوياتي

ساعة غروب
06/08/2008, 01:58 AM
والله شا قولج عاد

انتي شكلج طبيعي وعادي جدا ً في ناس اضعف منج بس انتي حساسة زيادة عن اللزوم شوفيها لو قالولج ضعيفة عادي لانج صج ضعيفه بس ما تخرعين

وامج تحاتيج لانج انتي السبب تعرفين ليش من حساسيتج الزايدة خليتيهم يحسون انج صغيرة وماتعرفين تتصرفين يعني وحده مثلج مؤدبة وخلوقة ياهل صغير عشان قالها ضعيفة تزعل منه شالكلام

وتقولين ما بي امي تفشلني جدام الاوادم لا تلومينها خايفة عليج وهدا اللي انتي نقلتيه لها بحساسيتج

يبى روحي العمرة ولا تحطين في بالج انج ضعيفة ووزنج مو طبيعي بالعكس انتي طبيعية جدا ً

لا تلوموني
17/08/2008, 01:24 PM
مشكوره اختي على ردج والله انه ريحني واايد

على العموم انا رحت العمره ورجعت والحمدلله ما حد قالي شي

شكرا لانج طيبتي خاطري ياليت لو واحد من إلي حوالي نفسج عشان اطلع الي في خاطري

ساعة غروب
18/08/2008, 07:09 PM
الله يتقبل منج

العمرة ان شاء الله

واي شي بخاطرج وتبين احد يسمعه ما يردج إلا السانج انا بعد اختج