المساعد الشخصي الرقمي

مشاهدة النسخة كاملة : ممكن مساعدة



نشمية بنت سونيته
26/07/2008, 08:15 PM
السلام عليكم

ما أعرف إذا كانت هاي مشكلة أو لا بس حبيت أسألج طبعا أنا تزوجت من 6 سنين ولين ألحين ما بتصدقين لو قتلج أني أحس ريلي غريب عني بصراحة أنا ما أحبه

أول سنة كنت طايرة فيه بس هو كله هلي وهلي أروح مكان هلي أريد أسوي شيء هلي وكان مانعني من كل شيء علشان هله وإستوت مشاكل لين ما إتفصلت ورجعت وهو مازال هلي أول كنت أحلم أسافر بس ألحين علشان هله بيحتاجوله ألحين لما ريحهم يقلي أفا عليج

ألحين بيت هله فضا كل خواته راحوا لنصيبهم وألحين وبعد 6 سنين من تعب صاير يهتم فينا وفي عياله بس بعد شو بعد 6 سنين مشاكل
بنا لأمه قصر ستر كل خواته إخته اللي معرسه وعندهم في البيت عدل بيتها
ما بصدقين لو قلت كيف صرت أكرههه وأسب الساعة اللي إرتبطت فيه كارهه ألمسه يلمسني دووم أقول في بالي بعد شو بعد شو ألحين صرنا الغاليين ألحين إهتميت في عيالك ألحين تذكرت إن عندك زوجه ( اللي كنت تباها جارية لأهلك) ما أحبه وأريد أبعد عنه بس والله بس لأنه عندي ولد و أريد يتربى عند ريال
ما بصدقين لو قلت لج إنه صار عندي إكتئاب 24 ساعة وأكره أحضر أعراس لأنها تذكرني بمشكلتي ما أحب أيلس مع الحريم لأن ريالهم مفرحينهم يدلعونهم
عياله اللي هم عيالي صرت ما أحبهم أتمنى أقتل واحد فيهم بس علشان أقهره أزعله
ما دري مادري وهاي المشكلة من سنه عندي يعني مب فضفضة :confused:

ساعة غروب
27/07/2008, 09:28 AM
عسى ان تكرهوا شيئا ً وهو خير لكم

شوفي حبيبتي انا حاسة فيج انج تعبتي في حياتج مع هالريال 6 سنين وانتي في مشاكل وهذا الشي مو هين بس عاد اللحين تغير كل شي وهذا نتيجه صبرج على المشاكل وياه تعرفين اللحين حس بقيمتج وقيمة صبرج معاه وحاب يعوضج لا تقولين بعد شنو اللحين خلاص القلب تسكر وطاب الخاطر لا حبيبتي ترى هالشي ينفعج بعدين مو اللحين ومن سوى سوي له وهو اذا يخدم هله حبيبتي ترى قاعد يعلم عياله انه لازم يخدمون امهم اللي هي انتي بدل ما تفرحين وتستانسن ان عندج ريل احسن من اريال الحريم كلهم واحد بار بامه وشايف متطلبات اهله وخادمهم والله هالشي يفرح انه عنده اعيال بيخدمونج وبعزونج مثل ما سوى حق امه

لا تزعلين منه ترى المفروض تفرحين حق هالشي وخلي نظرتج لقدام مو حد ريولج

حبيبتي الله يهنيج على هالريل الكفو والله وين تحصلين مثله بهالزمن واذا يات على اهله اشوى من الخيانه واللعب

اختي حمدي ربج والله واستوي عاقله ترى هالريال ما يتعوض

الله يوفقج ويسعدج معاه ومادام حس فيكم خلاص عيشي الحياة معاه وتهني ولا تتذكرين شي ماضيقنج في الماضي قطي كل شي ورا ظهرج وابدي صفحة يديده معاه