المساعد الشخصي الرقمي

مشاهدة النسخة كاملة : السلام ليكم ورحمة الله وبركاته ..أرجو الدخول ضروري



فلوه الحلوه
26/07/2008, 10:06 AM
عضوات المنتدي الفاضلات انا سبق لي كتابة مشكلتي بركن السمنه
لكن انا موب قصدي احل مسالة سمنتي لان هالمشكله مسببتها مشكله أكبر وهي حياتي الزوجيه المبنيه علي الضرب والتخويف ومعاملته لي باسلوب نفسي الاوهو اقناعي باني قبيحه وفاشله وهز ثقتي بنفسي غير الضرب والسب بأقبح الالفاظ وأوصخها وهما (قح)و(شر)وقدام ولدي اوبناتي وعددهم 5وعشره من عام 1407هجريه راح اتقولون اش سكتك أمي وابوي الي باعوني وماانتقمو لكرامتي وأقتناعي بأني فاشله خبله غبيه واحساسي بالخوف بدونه اللحين بعد هالعمر استخرت الله بالطلاق بس ابي المشوره منكم خصوصا انه بناتي مقطعين قلبي يقولون ماما خوذينا معك يبون الفكه منه لاخلاقه الجافه وعدم عطفه عليهم لانه مايفهم الابس بالاكل يدلعهم يوفر كل الاكل لهم بنات انا اللي حصلته منه حقد وكره لنفسي وله كسر بخشمي وانحرافات وقطع باوتار أحدي اليدين لاتبخلون علي بنات بالمشوره

رنو *
26/07/2008, 10:21 AM
هلا حياتي
شوفي الطلاق ممكن يكون حل ولكن في سنوات زواجك الاولى
اما الان وانت ام لاطفال ؟؟؟
غير كذا واضح من كلامك انه اهلك لهم نفس التفكير
يعني الحياه اللي راح تعيشيها مو افضل من اللي انت فيها اللحين
فالافضل بالتفكير بطرق اخرى
يكون انت فيها الاهم واطفالك فانتم الاولى بحياه افضل بجوار بعضكم
والله لا يفرق بينكم
ولك ظالم يوم
واحنا كلنا معاك وان شاءالله مانقصر بالنصح والعمل معك على تطوير الذات وتقويه ثقتك بنفسك ...
دعواتي لك

هنادي 2007
26/07/2008, 10:39 AM
الله يكون في عونك
ومثل ما قالت لك الاخت رنو
المفروض انك تركتيه في سنوات الاولى لكن الان مع هالعدد من الاطفال ما راح احد يستحملهم خاصة ان اهلك مثل ما قلتي نفس التفكير 0
انتي اهتمي بنفسك واطفالك واعتبري اللي عايشه معاه مريض نفسي حاولي تتجنبينه بقدر الاستطاعة
اهم ما في الامر ان عيالك يعيشون في بيت ابوهم ولا يتشتتون ولا احد في هالزمن مسؤول عن غيره

فلوه الحلوه
26/07/2008, 12:16 PM
شكرا لخواتي رنو وهنادي لكن حبيباتي زوجي لماأكون مش موجوده يعاملهم احسن معامله يمشيهم يقضيلهم ينبسطهم انا موجوده لا يحرني فيهم صدقوني لو الرجال صاحي كان ماحاول يطفشني من البيت وبعدين انا اول سنوات زواجي تركته وطلبت الطلاق وتركت ولدي معه لكن فيه ناس ادخلو غصب وغصبوه يردني كان تاركني 4 سنين عايش لوحده وامه ولا فكر فيني بنات الوحده تفهم اذا الرجال يبيها لو بس لتربية الاعيال هذا لا الود ود يعيش لوحده بنات انا لي 14 سنه اهلي يصرفون علي واهو فقط مره بالسنه اذا كلف عمره وبرا ذمته وصرف 2000 ريال انا زهقت مو طايقه روحي بنات فهمو سالفتي عدل ربي يخليكم الرجال بايع دائما يقولي جزمتي اكرم منك

حلم السعادة
26/07/2008, 12:34 PM
انا بصراحه ماعندي شي اقوله بما انج تفكرين في الانفصال ما بقول غير الله يهدي ريلج
ويسخره لج بس نصيحه اختي من عندي لا تطلقين لا تضيعين عيالج دامج صبرتي طول هالسنين
صبري بعد عليه الله يمهل ولا يهمل راح تنفرج باذن الله صبري ومن صبر نال يا اختي
خصوصا عندج بنات بعدين من بعد ماتنفصلين شنو راح يكون وضع بناتج هذوله بنات واحنا
بزمن غريب عجيب راح يضيعون بناتج من بعدج وحرام صراحه انهم يضيعون اهما مالهم ذنب

فلوه الحلوه
26/07/2008, 01:15 PM
يعطيك الاعفيه حلم السعاده كلامج صح لكن احس بكره وحقد مو قادره عليه لما أفكر بلي سواه وصبري وحلمي يصير العرق يصب صب من راسي مرات أفكر أذبحه لكن اتعوذ من بليس وقول أضيع نفسي بواحد تافهه ماله هم بهدنيا غير يحرني ويثبت شخصيته علي أعذروني بنات علي صراحتي لكن وربي طقيت حتي الصبر اشتكي من صبري وليتني عرفتكم من زمان ليت

أموله الدلوعه
26/07/2008, 01:18 PM
حببتي
اكثري من الاستخاره وان شاء الله ربج ما بيضيعج
توكلي على الله واكثر من الدعاء

دبي سايلنت
26/07/2008, 01:47 PM
هلا بأختي الغالية

حياتي لا تفكرين في الطلاق دام عندج 5 أطفال..مثل ما قالو الأخوات اذا تبين تطلقين في السنة الأولى من الزواج..وعليج في صلاة الاستخارة..وأدعية الفرج والهم..الله بفرجها لج انشاء الله..الله يعينج..اذا محتاجة شئ احنا تحت أمرج..

تاج المحبة
26/07/2008, 01:56 PM
حبيبتي الله خليكي على يقين ان الله هو القوي والقادر على كل شي

ادعي ..واستغفري وخليكي عند بناتك ما تدري ايش راح يسوي فيهم

انتي امهم والأمان لهم بعد الله وربي يفرجلك همك ...

حنين الامس
26/07/2008, 02:12 PM
اختي اصبري مادام صبرتي كل تلك السنوات الحين انتي عندك بنات إذا الاب ضايع من يحمي تلك البنات ما لهم غير الله ثم انتي استخيري الله في موضوع طلاقك وكرري الاستخارة ولاذمي الاستغفار واطلبي له الهداية
لو تميتي واضعة في عقلك كلمة الطلاق سوف لا تقدري تحلي مشكلتك لانة عقلك مترسخ فية الطلاق وبس فانتي صبرتي كل هسنين وجبتي منة بنات وانتي ادرة بوضعة القاسي انا اقولك لكي تصبري علشان بناتك وليس علشانة هو هو اعتبرية حائط في البيت لا تحملي لة الحب لانة لا يستحقة اعطي الحب والحنان لبناتك اهملية ولا تردي علية عطية بو لباس وفي نفس الوقت ادعي الله بان يهدية في هذا الزمن كثرة المشاكل من الريايل الله يهديهم
وحتي اختي لو تطلقتي سوف لا ترتاحي ستظلي تعاني اقرائي سورة البقرة او شغليها في المنزل اخبري احد قريب منه هو علشان ينصحة يمكن يستحي شوية علي دمة ولو تسكرت عنك كل الابواب تذكري باب الله مفتوح ورحمتة الله فوق كل شي والله يمهل و لا يهمل

نبضات الأمل
26/07/2008, 02:45 PM
حبيبتي الصبر مفتاح الفرج00
ومن صبر نال00
عليج بالاستغفار00
فهو مفتاح من مفاتيح السعاده00
خلي ايمانج بالله قوي وربي بيسر امرج00 اكثري من الدعاء في جوف الليل00

فلوه الحلوه
26/07/2008, 03:18 PM
ربي يعطيكم العافيه بنات ويوفقكم ويشرح صدوركم وربي انا لي 14 سنه أشكي ولا حد طيب خاطري بكلانه مثلكم صح عليكم انتو قلتي صبرتي اصبري بعد بس اهو لايستحي ولايقدر احد أبوي اهلي أخواني جماعتي كرهوه من كثر ماينصحونه ويطنش لكن مااقول الا جزاكم الله خير وحسبنا الله ونعم الوكيل

A7la nofa
26/07/2008, 03:40 PM
الله يكووون بالعوون
نصيحتي لك ..
كل يوم قوومي بالليل وادعي وصلي ... "سهام الليل"
وخلي امرك بيد رب العالمين ..
صدقيييني الدعاء له اثر وفضل كبير ..
ممكن يغير زوووجك كثير ...

الله يسهل امرك .. ويحليييلك عيالك

عيون الفهد*
26/07/2008, 05:32 PM
الله يعينك وييسر امورك

انا مواضيع زي كدا مااقدر اتكلم فيها

ماحبيت ادخل بدون ماارد
عيون الفهد

نزهة الزمان
26/07/2008, 06:45 PM
حبيبتي

اتمنى ان تكوني قد جمعتي فكره عن الاصلاحات الممكنه من البنات في المنتدى هنا ومن الردود الي تشرح الصدر واتطيب الخاطر اتمنى انك تكوني على هدى وان تضعي قلبك بين يدي الله وان تستدعي ليل نهار وان تشغلي القران ليرتاح قلبك واصبر ان الصبر مفتاح الفرج ...ليس الطلاق بحل في بعض الاحيان نضطر لان نرضخ للواقع وان نرضى بقدرنا ...والدعاء خير لك اختي من اي شيء ...

نورا83
26/07/2008, 07:46 PM
بصي انتى صاحبه القرار لو قدرتى تصبري وتحتسبي كان بها والله يعينك وادعيلوة
واذا حسيتى انك جبتى اخرك وانك حتكلفى نفسك فوق طاقتها يبقى الطلاق هو الحل
ربنا ييسر لكى امورك

دفاية زيت
26/07/2008, 08:02 PM
حبيبتي
لله يعينك
ماراح اقول ليه ماتطلقتي قبل لانه شي وراااااااااااااااح
ولاراح اقول تحملي عشان عيالك لانك كمان تعبتي وماعاد تتحملي واذا انتي نفسيتك كذا ماراح تتحملي اولادك وممكن تطلعي غظبك فيهم
واحس من كلامك انك تبي تعيشي حياتك
وما راح اقول مين يصرف عليكم بعد الطلاق لان اهلك الله يجزاهم الف خير ماقصرو قبل ولاراح يقصر بعد
بــــــــــــــــــــــــ ـــــــــــــــس
هل لديــــــــــــــــــــــ ك قدره البعد عن اولادك؟؟
راح تتحملي تعيشي بــــــــــــــــــــــــ ــــــاقي حياتك بدون ماتشوفيهم؟
الواضح ان زوجك مريض او يتعاطى شي لان هذي مو تصرفات انسان طبيعي ابد
الجئي لرب العالمين
استخيــــــــــــــــــــ ـــــــري
استغفــــــــــــــــــري
قومي اليــــــــــــــــــــــ ــــل
ابكي بين يدين رب العالميـــــــــــن
وتاكدي ان الله ارحم بعباده من الام على ولدها
والله يفرجها عليك ويجعل صبرك اجر لك
تحياتي

سفيرة فوق العاده
26/07/2008, 10:17 PM
إدعوني أستجب لكم

اختي أكثري من الدعااااااااااااااااااااا اااااء والصلاه

الله يهديه ويصلحه،، اختي لازم تغيرين من نفسج

الله يعينج والله يثبتج ، بس لا تفكرين في الطلاق

موفقه الغلا

فلوه الحلوه
28/07/2008, 09:17 AM
الله يعطيكم العافيه بنات علي ردودكم اللي تشرح الصدر واحلا مافيها أنها طالعه من قلب ولا حتي خواتي تفاعلو معاي مثلكم بنات انا تعبت عمري كله شايله همي وهم غيري بس والله لوفيني أصبر لأصبر لكن والله العظيم وربي أنه يحاول يطفشني ولا يتركني بحالي خصوصا عارف اني عصبيه وامرض وطيح بفراشي تعبانه احس بمتعه بعيونه بلذة انتقام لمن امرض انا عارفه انا غلطانه اللي صبرت من اول بس شسوي اذا ماكنت ادري وين ربي حاطني فيه واللوم علي والديني ابوي بالذات يلي ماحماني لكن ماضاقت الا فرجت شكرا لكم بنات