المساعد الشخصي الرقمي

مشاهدة النسخة كاملة : عاجل للأهميه رايك يهمني



@الصابره@
24/07/2008, 05:42 AM
السلام عليكم
بصراحه حبيت استشيرك واخذ رايك بشي يخصني لاني تعبت من التفكير ومو عارفه اقرر صح

انا مطلقه وماعندي اطفال لم يتقدم لخطبتي احد وفكرت اروح اكلم خطابات قلت يمكن الاقي ولد الحلال بس كلهم لديهم شروط معينه وبصراحه انا ابداً مو مقتنعه بفكرت الخطابات المهم بعد فتره خرجت ورحت زياره لوحده شافتني واعجبت فيني وبعد فتره جات تخطبني لأخو زوجها هوا مو متزوج وماعنده وظيفه كل ماتوظف ترك الوظيفه بعد فتره ......



سألنا عنه مدحو اخلاقه بس عيبه ان شهادته رابع ابتدائي وان ماعنده وظيفه
انا عندي شهادة دبلوم من الجامعه وقاعده ادور على وظيفه بس الى الان مالقيت
مره اقول عزابي ومره اقول من وين راح نعيش وكيف راح تكون حياتنا تعرفين الايام هذي الحياة تتطلب مصاريف
ومره اقول ماقد احد تقدم لي
ومره اقول كلمت خطابات وماشفت شي
حتى الخطابات قالولي اللي مطلق مايبغى الا بنت قليل جداً جداً تلاقين مطلق يرضى بمطلقه
واللي متزوج تلاقينهم من50 وفوق

وانا بصراحه لسا شباب عمري 26 سنه
والعريس اللي تقدم لي عمره 30 سنه

بصراحه مره محتاره واستخرت بس مو حاسه بشي عادي
امه واخته شافوني وعجبتهم وكل يوم يتصلون علينا بس انا طلبت مهله افكر

ما ابغى استعجل كفايه تطلقت مره ما ابغى اتطلق مره تانيه

قلت خليني اخذ رايك ممكن تقدرين تساعديني وتفيديني برايك
يمكن انتي تشوفين شي انا ماأشوفه أو ممكن تلفتين نظري على شي انا مافكرت فيه


وجزاكي الله خير


في امان الله وحفظه ورعايته

ساعة غروب
24/07/2008, 10:47 AM
انا من رايي ترفضين الزواج بهذا الشخص

والاسباب كالتالي:

اول شي شهادة رابع ابتدائي وانتي جامعية يعني فرق في الناحة الفكرية

ثاني شي هو عاطل وحتى لو فكر يشتغل شنو الشغلة راح تكون وشهادة رابع ابتدائي

ثالث شي انتي توج صغيرة 26 سنه مو عانس يعني ان شاء الله الله يرزقج بالزوج الصالح

رابع شي وهو الاهم انتي حبيبتي مطلقة وما تبين تتطلقين مرة ثانية صح فلما تتزوجينه علشان انه عمرة قريب من عمرج وهو ما يشتغل طبعا ً الوحدة منا تبي تتزوج لاسباب منها الستر وانها تحس بالامان وتحس انه وراها ظهر بيسندها لا تزعلين مني بس كلمة حق لازم تنقال اي امان راح تحسينه مع واحد كل يوم بوظيفة شكل واي استقرار تناشدين وهو اصلا ً مو مستقر

هذا الزواج فاشل بكل المقاييس

اعذريني بس انا ابي مصلحتج بس بعد هذا رايي انا وانتي فكري اذا تحسين انه سعادتج معاه وان الله كاتب لج الخير وياه ما عليج من كلامي كل اللي انا ابغيه اني انور لج الصورة واقربها لج اكثر عشان تشوفينها واضحة والقرار الاخير بيدج انتي

@الصابره@
25/07/2008, 12:54 AM
تسلمين على ردك يا اختي
وصدقيني ماعرضت مشكلتي الا اني احب اسمع رايك ويهمني الكلام اللي راح تقوليه لي
عشان كذا مستحيل ازعل من صراحتك

جزاكي الله خير


والله يرزقك يا اختي بكل خير


مشكوره