المساعد الشخصي الرقمي

مشاهدة النسخة كاملة : ×× نفسيتي تعبانه ××



ريمي H
21/07/2008, 11:02 AM
السلام عليكم

بصراحه أول مره أشتكي و أكتب عن نفسي لأني من النوع الكتوم والي تحب تحل مشاكلها بنفسها .
دكتورة ان شاء الله بعد شهر راح أكمل 3 سنوات على زواجي ،، وحمدلله للحين الله ما رزقنا بالعيال
مشكلتي يمن تكون بنظر البعض بسيطة ولكن نفسيتي تعبت كثر ما تتكرر .
دكتورة في البداية راح اتكلم عن زوجي ،، إنسان حنون ، طموح ، إجتماعي ، مرح ، عصبي ، وايد غيور ، مزاجي وايد. زوجي غريب عني ما يقرب لي وكانت أول سنة من زواجنا مثل غيرنا فيها مشاكل ولكن حمدلله بعدها حبيته وتعلقت فيه ،، حرمت نفسي من وايد أشياء عشان رضى زوجي
يمكن تقولين هالاشياء مو مهمه ،، مثلا لو تجمعوا صديقاتي ..والمشكله هالتجمع في مكان نسائي جامعه والا حديقه نسائيه مايخليني اروح ,, مع ان صديقاتي كلهم متزوجات ,, وانا خذت زوجي وعمري 21 سنه ,,, خلصت المرحله الجامعيه قالي مافي شغل ,,,قلت مو مشكله بعدها بديت احس بفراغ كبير كله قاعده بين اربع طوف مافي شيء يشغلني حاولت اشغل نفسي بقدر الامكان ،،، كان زوجي يشتغل باماراة ثانيه بعيد عني وماكنت اشوفه الا بنهاية الاسبوع ،، لكن الحمدلله على شهر 8 راح ينتقل عمله باماراتنا الي نحن ساكنين فيها ،،،
زوجي كان يشتغل من الصبح للظهر ومن الظهر لين بالليل بالجامعه اقول مو مشكله هذا زوجي ولازم ما اكدره ولا اضايقه والله اني مو مقصره معاه ،،،صح اني ماكنت اشوفه ولا يوم يومين وكله مشغول عني ،،، المهم بدت الكآبه والملل والحزن يسيطر علي ، اتصلت عليه وهو كان بالاماره الثانيه ابكي منهاره من الضيقه الي بداخلي قلت له الحين مافي شيء يسليني والمفروض من تحس انك مشغول عني عالاقل ادور لي على شغل اتسلى وانسى همي واذا راض فكرة الشغل عالاقل تخصص لي يوم واحد مو بالاسبوع بالشهر وانا راضيه تكون معاي تمشيني ,,,انت من تفضى كله مع اصدقائك ,,,انا بهم بسبب سالفة العيال كيف تبيني انسى وانا كله بروحي ومافي شيء يشغلني ،،، من سمعني ابكي حن قلبه وقالي هالاسبوع اخر اسبوع بالجامعه وبعدها راح يكون عندي اجازه الي هو شهر 6 ،،، اول مابدت اجازته تخيلي دكتوره اليوم خلص الامتحان وبكرا مسافر عني ،،، مو سفر عمل ولا دراسه ،، لا وناسه مع اصدقائه بالبدايه تضايقت وبعدها قلت مو مشكله لازم ياخذ فترة نقاهه بعد تعب دراسه وعمل ووعدني لما نرررجع راح نسافر قلت ان شاء الله رجع وقالي راح نسافر دوله عربيه لان ظروفه ماتسمع بسبب بناء الفيلا وهو مسؤول عنها يعني المهندس للفيلا ويتابع العمال ،،، اول مارجع من السفر والله باليوم الثاني الصبح رايح موقع الارض وعلى هذه الحاله ليومك هذا ،،، طول اليوم من صبح للظهر مع العمال والفيلا ومن العصر لين بالليل بالمكتب الخاص فيه ،،،اقعد ابكي اقول له حرام عليك عليك طيب مابي اسافر بس خلنا نطلع نتمشى برا ساعه ساعتين ونرجع ،،،انا مو فاضي والمفروض تحسين فيني قلت له طيب انا ما اقول لك كل يوم والا كل ساعه عالاقل الجمعه ...اخر شيء قلت له طيب انا ماودي نطلع مكان بس انت دور لي على معهد او شيء اشغل نفسي عشان انسى سالفة الاطفال يقول طيب بعدين مو فاضي الحين ،،، قلت له وين وعودك قلت لي راح اطلعني وتفضى لي وادور لي على شيء يشغلني يسكت مايعرف شو راح يجاوب ،،
بدت اجازته من شهر 6 و الحين 7 واول 8 راح يستلم الوظيفه الجديده ,,,وهو لا حاس فيني

اقوله مابي اسافر مابي فلوسك بس حسسني انك زوجي وتحبني والله كم مره بكيت قدامه يكتني يوم يومين يوعدني وبعدين يطنش ،،

المشكله صارت مشكله ببيت اهلي من اسبوع وانا دايما مضايقه وحالتي النفسيه تعبانه ما فكر يسالني اشفيك ،، وامس سمعني اكلم ابوي عالتلفون وبعد ما اغلقت المكالمه حس اني مضايقه ومهمومه قالي اشقيج قالت ل ولا شيء بس تعبانه ودي اطلع اشم هوا طنشني وطلع

الساعه 5 العصر اتصل فيني يقولي رايح دبي مع اصدقائه والله ماقدرت امسك نفسي من الضيقه والعصبيه قلت له عراحتك واول ماصكرت قعدت ابكي قلت يقول مو فاضي ومشغول والحين فضى لربعه ,,دزيت له مسج من الحره الي فيني قلت له :
حسبي الله ونعم الوكيل انا دايما نفسيتي تعبانه وعمرك مافكرت فيني كل همك الا نفسك واصدقائك ليش صاير اناني ،،، نصيح لما ترجع مابيك تكلمني لان وايد كلام بقلبي عليك وعشان تتحاشى المشاكل لا تكلمني ،،

طنشني ومارد علي ،، ريلي ما يحب يكتب شيء بالمسجات ولما رجع هم بعد طنشني عارفه بتقولين انا طلبت هالشيء بس انا مرات اطلب هالشيء ويكلمني ..

مشكله ريلي في طبع اناني ومتكبر يعني لو تزاعلنا حتى لو هو الغلطان دايما يبي انا الي اراضيه واقول اسفه هو عمره ماتأسف على شيء هو غلطان فيه ,,, اناني كل مابي شيء يقول بعدين اقصد الشيء من ناحيه المعنويه بس من ناحيه المدايه مو مقصر ،،، وهو يتحسب ان التقصير بالامور الماديه دايما يذكرني ان مو مقر معاي ويشتري الي ابيه ودايما افهمه ان مقصر معاي من ناحية الاخرى ،،،
اذا قلت له خلني اروح مكان فلاني يقول لا ممنوع كله ممنوع والله ما اطلع الا من بيت زوجي الا لبيت اهلي هالمكان الوحيد الي اروح له ،،،

الحين مشكلتي يا دكتوره ابيه يتغير ويحس فيني ،، بكيت له ما في فايده ،، طنشته مافي فايده ،، جبت له باللين والكلام الحب مافي فايده ،،
الحين انا وهو من امس ما نكلم بعض ،،، ومابي انا اروح اكلمه واعتذر لانه اهو يبي هالشيء ولو رحت راضيته بيقول انا مو حاسه فيه وانه مشغول بالعمل مو يلعب كالعاده ..

والله اني مو مقصره معاه ،، البس له واتعدل له ,,, واسوي الي يبيه تنازلت عن وايد اشياء عشان اصدقائي صارلي فتره طويله ما شفتهم ولا تواصلت معاهم ،، كل هذا عشانه

شو الحل يا دكتوره سامحيني عالاطاله ،، والله اكتب الموضوع وعيوني تبكي من الضيقه منها المشكله الي صارت بعائلتي ومنها مشكلتي مع زوجي ومنها مشكلة الاطفال ومنها الملل والضيقه

وآسفه مره ثانيه

ساعة غروب
22/07/2008, 11:48 AM
حبيبتي ادري ان ردي بكون قاسي عليج بس لازم اقوله

الخطأ فيج انتي من البداية وانتي تقدمين التنازلات وترضين وبعدين اللحاح على الطلعة والتمشي كان بشكل زايد عن اللزوم ادري انج متملله

ببس حبيبتي انتي لازم تقعدين مع زوجج وتتفاهمين معاه على كل الاشياء اللي مضايقتج ولازم يسمعج الى النهاية وبعدين لازم ينحط حد وتبينين له انج مستحملة وقاعدة معاه لانج تحبينه ولا وحدة ثانية ماراح تتحمل انها تقعد بين اربع اطوف

ادعي له بالهداية ولا تنسين صلاة الليل والاستغفار

ريمي H
22/07/2008, 02:38 PM
دكتوره

أنا لما بكيت له عالتلفون وضحت له شو سبب ضيقي وقلت له ساعدني عشان ما ارجع مره ثانيه ونقعد
نعيد موال ،،، انا مقدره ظروفك ومابي كل ساعه او كل يوم او كل اسبوع ,,,واقترحت عليه اقتراح
قلت له خلنا نتفق على تاريخ معين وبهالتاريخ يكون مخصص لي بس ليوم ,, مشكلة زوجي صايره ان يقول كلام بعدين يرجع بكلامه مو قده ...ويقولي مو سالفة اني مب قد الكلام سالفة الظروف تغيرت قلت له مو مشكله الظروف تتغير بس عوضني بيوم ثاني .

الغاليه امس كنت تعبانه من الالام الدوره ورحت قلت له اني مو قاصده بالكلام اذا في تجريح
وروح نام بالغرفه بدل ماتنام بالصاله قالي مالك شغل وروحي عني حاولت معاه خفت امه تدخل عليه الصبح وتلاقيه نايم بالصاله قلت له مو حلوه احد يشوفك وبعدين صوت المكيف للصاله شغال راح تعرف ان في حد للحين صاحي ...قالي بصراحه انا مرتاح اني ما اكلمج ..انصدمت وخليته قلت يمكن يهدأ

اليوم الظهر نفس الشيء قلت له انت تعرف انك مقصر معاي بس مو راضي تعترف وانا اعترف ان طريقة عصبيتي كانت مو حلوه ..وهذه ثاني مره أجيك اتحب تتكلم معاي قال لا مابي اسولف معاك قلت لك مرتاح جذي حاولت معاه يمين شمال وبالنهايه خليته على راحته .
حسيت كرامتي راحت مع ان شخصيتي قويه والكل يشهد

مشكله دكتوره مرات انا اطنشه بس امه تجبرني مثلا اسوي له تلفون اساله اذا بيجي عالغدا او مرات اروح اناديه او اي شيء وهو حسباله اني ضعيفه وودي اكلمه ....

دكتوره انا من اول ماخذته اذا مقصر علي انصحه واقول له مره اقعد قدامه واقول له اسمعني وامسك ايده يقول زين زين يطبق هالشيء مره ويرجع يعاند ,,, ومرات ادز له بالايميل قصصص ونصائح بين المتزوجين

تخيلي دكتوره مرات قبل لا ننام اقول له حبيبي ماودك نغير الروتين ليش مانروح مكان فندق نغير الجو والله مستعده اسوي لك ليلة ولا احلى حتى احلى من شهر العسل يقول طيب بعدين

دكتوره انا ما كنت الح عليه بس انا مقهوه ان يقول مو فاضي وفجاه يطلع مع اصدقائه

والحين قالي خلاص مايبيني هو مرتاح جذي

دكتوره شنو الحل ,,, زوجي مستحيل يتغير من النوع الي كلمته تمشي اهله عودوه علىهالشيء
حتى امه واخته يقولون صعب يتغير حتى لو رايه خطأ يا يصر على راييه او يسكت ويطنش ما يحب يعترف يقولون راسه يابس

شلون اخليه هو يرجع يكلمني مع ان مستحيل يسويها زوجي واعرفه لان مستحيل اروح اكلمه بعد محاولتين

ساعة غروب
23/07/2008, 09:13 AM
لا تكلميه ولا تترجيه خلاص اذا هو مرتاح جذي على راحته مرده بيرجع بعد اسبوع بعد شهر بيرجع لج اهم شي انج تعرفين انه يحبج

بعدين اذا امه قالت لج كلميه او اتصلي فيه او ناديه قولي لها الصراحة ما يكلمني وما اقدر اتصل اتصلي انتي احسن انتي امه وما بيرفض لج طلب خلي الكرة في ملعبهم وانتي لا تكلمينه خله على راحته وانتي لا تبيني له انج مضايقة سوي اي شي شغلي فراغج تعلمي الخياطة ( الكروشية ) مثلا ً الرسم اي شي حسسيه انج بعد مرتاحه جذي انه ما يكلمج وحسسيه انج مرتاحه ومو معوره قلبج بلا حنه بلا هم

خلج قويه وصدقيني راح يرجع ويشوفج غير

حطي في بالك انالله لا يغير ما بقوم حتى يغيروا ما بأنفسهم

غير من اسلوب الدلع هذا موايد منزله نفسج له زوجج وتحبينه على عيني وراسي بس طنشيه شوي واذا رجع يكلمك كلميه عادي بس غيري في اسلوبك معاه لما يزعل لا تراضينه اذا كان غلطان خله على عناده مرده بطخ ويرجع

ريمي H
24/07/2008, 07:02 PM
مشكوره دكتوره
وان شاء الله راح اطبق الكلام الي قلتيه
انا طبقت هالشيء من قبل واعتذر لاني كنت ناسيته ولاهيه بالدراسه
والحين نفس الشيء راح ابين له ان في اشياء تشغلني عنه ومو مهتمه فيه
وتسلمين ربي يخليج