المساعد الشخصي الرقمي

مشاهدة النسخة كاملة : الحقونى حماتى واخت خطيبى2



bosy24
20/07/2008, 08:47 AM
السلام عليكم ورحمه الله وبركاته
قبل كده قلتكوا مشكلتى اللى حصلت مع حماتى واخت خطيبى لما شدينا مع بعض ونصحتونى اكلم حماتى وابعد عن اخته والكل نصحنى هنا ووالدتى انى ماجبش سيرة لخطيبى وفعلا ده حصل بس المهم حماتى واخت خطيبى بعد ماعدى يومين او تلاته لقيتهم حكوله وجه يسالنى ولما حكتله كل حاجه لقيته بيقولى انا مااعرفش كل الموضوع ده هما قالولى اوله وبس وانا حكتله ع اساس انه عارف كل حاجه الطبيعى بقه سمع من الطرفين ويراضى كل واحد وقالوا نهدى شويه بعيد عن بعض والعائلات مايتكلموش فترة عقبال ماكل واحد يهدى وده حصل فعلا لكن انا كمان كنت رافضه تماما اكلم مامته وهو فضل يتحايل عليا قالى كلميها المهم كلمتها مرة وكلمتنى بطريقه وحشه وقلتله وتقريبا شد مع مامته واخته لان بعد كل ده انا اتصلت برده وكلمتنى مامته مش كويس المهم قالى مش تتصلى الا لما انا اقولك بعدها بيومين قالى اتصلى بيها قلتله حصل ايه شويه اتصل وشويه لا قالى لا بس كان هو شد معاهم وخاف اكلمها تتعصب عليا بكلمه ولا حاجه واضايق وقلتله طلبتها لحد دلوقتى 3 مرات ومامتك مش بتسال خالص مش مفروض هى كمان تتصل قلتله علشان خاطرك بس حعمل كده ولو مش اتصلت حتصل برده بيها بس كل فترة مش كتير زى دلوقتى مش حفضل انا اتصل وماحدش يسال عليا المهم كلمتها وازيك ياماما مش بتسالى عنى لقيتها ماصدقت واتفتحت فيا وبتقولى انتى حاطه بنتى فى دماغك ليه هى بنتها مطلقه قلتلها ازاى هو المشكله كلها اتسابت وطلعت انا فى الاخر حاطه بنتك فى دماغى وبتقولى ماانتى شايفاها عقبه فى طريقك قلتلها ليه وانا حتجوز ابنك بس ولا ابنك وبنتك وقلتلها ماانتى ياماما مش ينفع بنتك تقولى كذا وكذا تقولى لا بنتى كلامها عادى انتوا كلامكوا كله غلط وقالتلى احنا عايزين واحده تجمع مش تفرق قلتلها انا بفرق المهم فى الاخر بتقولى مامتك وجدتك شاحنينك قلتلها لا بقه لحد كده ولا امى دى اللى ربتنى وماحدش يكلم عنها شاحنانى ازاى هى اصلا اكلمت خالص وطلعتوها غلطانه المهم بعد ماسمعتنى بقول كده قالتلى بقه كده طيب مع السلامة...خلصت معاها وكلمت خطيبى قلتله كل حاجه لسه بقوله ايه دخل فى دماغ مامتك انى حاطه اختك فى دماغى يعنى هى سابت كل المشكله وغلطتهم فينا وبرده تغلط اكتر اول ماسمع كده قبل ماكمل كلامى قالى اقفلى قفل وكلم مامته وشد جامد معاها ورجع قالى مش تتصلى بيهم خالص تانى قلتله سبنى بقه ويومها بجد حسيت ان كرامتى انجرحت وقررت اسيبه ونفسخ الخطوبه وقلتله وبلغت مامتى هو بقه ماستحملش وكلم ماما وقالها انا والله حاخد حقها وحيحاول ينزل من شغله اجازة صغيره علشان يحاول يقنعنى ودخل ناس بينا علشان يقنعونى نهدى الاول وبعدين الطرفين يهدوا ويشوف حيعمل ايه....لحد دلوقتى عدى ع الموضوع اهو4 ايام وماعملش حاجه وماما بتقولى حيعمل ايه مع مامته واخته هما مالهمش الا بعض وكمان باباه متوفى من زمان .......انا بصراحه محتاره وخايفه هو بيقولى مش حيحصل كده تانى ابدا وهو نفسه مايعرفش مامته قلبت كده مره واحده ليه مع انها واخته هما اللى اختارونى ليه والراجل اللى وسطه بيقول لما قعد مع مامته لقى كل كلامها انها خايفه تموت وبنتها مطلقه حتعمل ايه لوحدها واخوها حيبقى ليه حياته مع ان والله يشهد انى لحد قبل المشكله دى كنت انا واخته اصحاب اوى وبنتصل ببعض علطول وكانت اخته بتحكيلى ع كل حاجه مااعرفش حصل ايه
انا محتاره اوى هو كويس اوى وبيحبنى جداااا الحمدلله وانا كمان بس مش عارفه استمر واهله كده يفضلوا يتعاملوا بالطريقه دى ومن اولها مامته تغلط فيا وفى اهلى ولا اسيبه من دلوقتى بجد محتاره هو بيقولى اوعى تتخلى عنى وازمه وحتعدى بس حاسه ان مامته بجد جرحتنى بكلامها طيب هى خايفه ع بنتها انا دخلى ايه فى ده وخطيبى بيقولى والله غيره مش اكتر بيقولى الغيره ظهرت ونستحمل بس شويه غيره ازاى دول ناس كبار حيغيروا منى دول مامته واخته كل مايكلمونى يقولولى اتكلموا وخدوا ع بعضكوا انتوا مالحقتوش علشان اتخطبنا وسافر لشغله علطول بعدها ساعدووووووووووونى

umjana79
20/07/2008, 09:09 AM
السلام عليكم ورحمه الله وبركاته..

اختي .. كان المفروض اول ما شفتي .. خطيبك شد مع مامته .. كنتي تحاولي تهدي الموضوع معاه وتحاولي تتوصلي لحل ....

يعني مب معقوله .. تخليه يشد مع امه .. دي مهما كانت أمه... ودلؤقتي .. انتي زدتي الطين بله .. وحتبئى فاكره انك بتحرضي ابنها عليها .. وكل المشاكل الي حصلت بسببك انتي ...

تفسخي الخطوبه ..ليه .. هو حد لأي ..وخطيبك ما شاء الله تبارك الله مش يرضى حد يدوس لك على طرف ... زي ما ألت امك هي امه حيعملها ايه ..

اسمعيني يا اختي .. اتصلي بيه وهدي الموضوع .. , ارجعي لخطيبك ومتبئيش ... تدخلي اهله .. في موضوع الخطوبه .. ألاختلافات تحصل كتير ,, ,مافيش بيت يخلى من المشاكل ..

بئه لو كان عندك حماتي ماعرفش كنتي حتعملي ايه .. ولا حموات اخواتك بالمنتدى .. :كنتي أطلقتي بئه ...

اسمعيني يا اختي . مهما امه عمليت ..,أو غلطت .. سواء في حقك او في حق اهلك .. دائما احتسبي الاجر عند ربنا . وبما ان خطيبك اخذ حقك .. وكلم مماته .. اتصور مالوش داعي بئه تفسخي الخطوبه ...

مماته متعاطفه مع بنتها وده شيء طبيعي .. وموال الحماه ... ده مش حتخلصي منه ابدا ..لان ياما حتشوفي منه ككتير سسسسسواء معاه او غيره .. بس الست الذكيه هي الي بتعرف تهدي الوضع .. وتطنش ,,,, وتكسب قوزها ...

وبدايه الخطوبه .. يمكن خطيبك يؤف معاكي...بعدين . حتسي ان بدأ يكره الموال وده وحيغير الموضوع كل مره يسمعه .. وحيطفش .. ومش حيئعد معاكي بالبيت ... يعني ما ينفعش يا اختي .. تئولي مماتك عمليت ومماتك ماعملتش .. كان المفروض تسكتي عن الموضوع .. ولو همه وصولولو الكلام .. تشرحي الوضع .. غير كده ..أنتي ماكانش لازم تفتحي الموضوع ابدا عنو ..

وحتى لو كنتي عايزه تشرحي الموضوع كان لازم تفهمي خطيبك انك مش زعلانه .. من والدته ,, وتحرصي عليه ما يزئعئش عليها ابدا .. مهما عمليت ..

كما تدين تدان ,, حتى لو هي غلطت فيحقك... تسامحي معاها ,, وحتعرف معدنك .. بعدين .. مش دلؤت ..

تقبلي مروري

ام جنى

bosy24
20/07/2008, 09:31 AM
يشهد ربنا انى ماحرضته ده فى الوقت اللى كان بيشد فيه معاهم انا كنت بهديه هو خطيبى طبيعى عصبى ولما كان بيكلمها كنت بحاول اهديه ع اد مااقدر وبقوله الوقت ده بالذات حتى لو اتعصبت وانت اتعصبت قبل كده معاهم يعنى ده طبيعى برده قلتله دماغهم حيقولوا انى السبب كنت بحاول اهديه على الاخر واقوله بلاش تشد حييجى فى دماغهم انى انا السبب والله كنت بقوله كده
بس اخر مرة لما اتصلت بحماتى وغلطت فيا وفى اهلى مااستحملتش وهو قالى ابطل اخبى عليه واى حاجه تحصل تضايفنى اقوله وهو يتصرف
ده حتى حاله عائلتى كلهم مضايقين مستغربين ليه مامته واخته قلبوا كده مرة واحده مهما اوصفلكم مش حتتقدروا تتخيلوا كنا كويسين ازاى مع بعض الحمدلله مااعرفش حصل ايه بجد مش عارفه
بس والله ماكنت بقومه عليهم هو قالى كذه مره انا عارفهم بس اعمل ايه وده اللى خايفه منه انى اعيش فى نكد باقى حياتى هو انا برده مطمنه لاننا حنعيش بره انشاالله مكان شغل خطيبى بس عارفين الواحد دلوقتى لما المشاكل ظهرت دماغى بتيجى فى مليون حاجه
وكمان اخت خطيبى مطلقه ومامته خايفه عليها وعارفه ان بنتها غلطانه ومامته اتاسفتلى قبل ماالموضوع يكبر الاقيها فى الاخر بتقولى لا بنتى صح وانتوا كلكوا غلط وانتوا مالكوا ومالها حتفضل معاملتهم معايا مرتبطه بحياه بنتها
وكمان مش انا اللى فتحت الموضوع مامته واخته حكولوه وهو جه سالنى فشرحتله بس مش انا اللى ابتديت وقلتله

bosy24
20/07/2008, 01:37 PM
انتوا فيــــــــن

MIYA !!!
20/07/2008, 10:31 PM
شوفي انت لازم تهدي شوية وتحاولي تنهي الموضوع
كلام مامتك صح مهما قال دول اهله ومالهم غير بعض يعني حتى لو قالي حعمل معهم شي لاتخليه لانهم في الاخر حيرجعو لبعض وتطلعي انت الغلطانة احسن شي انك تحاولي تنهي الموضوع باقل الخساير يعني انا لو مكانك اروح عند حماتي واكلمها بهدوء وافهمها ان الموضوع كبر جدااااا مع انه من الاول مش كبير وتحاولي تفهميها انك بتعزيهم ومش مرتاحة لانكم متزاعلين مع بعض وان رضاها يهمك وان كلامها جرحك لانك عمرك مافكرت تحرضيه عليهم او انك تفرقي بينهم لان اهل زوجك اهلك انت كمان
وفي الاول والاخير هيفمقام امك لازم تستحمليه وتكسبيها فصفك , ممكن تكون اخته بتملا دماغها انت حاولي تبيني عكس الكلام اللي بتقولو اخته , ومش عيب انك تتنازلي شوية عشان الموضوع مايكبر زيادة ومش لازم تكوني عنيدة اصبري واستحليها مهما كانت ست كبيرة , انت لما بتزعلك مامتك مش بتحاسبيها صح؟ خلاص اعتبريها زي امك مع انه فعلا الكلام من الام مقبول ومن حد تاني لا بس انت مصلحتك رضاها عشان خطيبك يكون مرتاح وانت كمان
وفكرة الانفصال شيليها من راسك خطيبك بيحبك وانت بتحبيه ليه تخسرو بعض وتشمتو الناس فيكم؟؟ خليكي ذكية واعرفي مصلحتك وربنا يعدلهالك اختي

Boody we zady
21/07/2008, 01:31 AM
عزيزتي أنا عايزة أعرف لما انتي كنتي و أخته صحاب قوي ايه اللي حصل ؟؟؟؟؟؟؟؟؟ ليه هي و انتي بقة فيه مشاكل؟ اذا كان مامته قلقانة علي بنتها ده شيئ طبيعي أنا حماتي بتحبني و كويسه جدا لكن أنا أكيد عارفة انها بتحب بناتها أكتر و بتكون خايفة عليهم و قلقانة... أنا رأي تكلمي أخت جوزك أو تروحي لحماتك و بكل هدوء كدة تقوليلها يا ماما احنا كنا كويسين و كل حاجة تمام ... الظاهر ان احنا اتحسدنا أو حد بيحاول يوقع بينا ليه انتي حاسة اني حاطة أخت جوزك في راسي؟ حد وصلك كلام مش صحيح لا سمح الله؟ ازاي أحطها في راسي و هي صحبتي و أختي كمان و كلام كدة يعني و ان شاء الله تكون سحابة صيف و كل حاجة ترجع لطبيعتها... دي فيه يا بنتي حاجات أنيل من كدة بتحصل و في الأخير بتتحل و كله بيبقي تمام ان شاء الله.

دلوعةحناني
21/07/2008, 03:10 AM
بوسي يا حبيبتي
انتي باين عليك متضايقه جدا من الوضع المتوتر والي كان هادي وجميل
طيب ليه ما تقطعي عرق وتسيحي دمه
كوني ذكيه جدا واثبتي لخطيبك انك طيبه وبنت اصول
انتي الحل بايدك
بقولك على الحل ولو كنت بمكانك والله حعمله واحتسب اجري عند الله .
المشكله الرئيسيه عندك هي اخت خطيبك
انا اقترح انك تتصلي بيها وتواعديها تخرجي معها او تروحي لهم البنت وتتكلمي معها
وتفهميها انك تعبانه جدا من الوضع هذا وانك تعتبريها اختك والمفروض توقف جنبك مش تنكد عليك وعلى اخوها في غربته وتكسبيها لصفك يعني بكل الطرق ((شيلي الكرامه على جنب علشان مصلحتك)) حاولي تزيلي الحقد
والزعل الي بقلبها وقولي لها اخوكي مسكين وانا مش عايزاكم تخسروه لانه راجلكم الوحيد بهالدنيا
وهو كمان خطيبي ومش معقوله نجلس نتخانق كل شويه ونحول حياته حجيم.
صدقيني كذا بتكسبي ام زوجك واخته وترجعي حياتك هاديه وتفرحي بعرسك والكل سعيد ومبسوط
ولا تخلي المشكله تتراكم وتتحول لعقده صعب حلها بالمستقبل..
المسأله عاوزلها مجرد صبر وذكاء ولكمه طيبه ومسايره لدول النسوانيتن هههههههه
يعني باين عليهم عقلهم صغير فأنتي سايريهم وخذيهم على قد عقلهم علشان تكسبي كل شي
تحياتي

رحيل الحياة
21/07/2008, 07:15 AM
انا رايي من راي الاخت دلوعة حناني

كلامها عين العقل

وربي يوفقج اختي