المساعد الشخصي الرقمي

مشاهدة النسخة كاملة : امس كنت بنتحر ارجوكي ساعديني انا بحالة يأس



..لمعة عين..
13/07/2008, 08:15 PM
السلام عليكم عندي مشكلة ياريت تساعديني فيها
المشكلة هي مع
خطيبي.. بحكيلك من الأول
انا و هو نحب بعض من 5 سنوات لا يروح بالك بعيد ماكان في بيننا علاقة بس كنت اعرف انه يحبني و هو يعرف اني احبه..قبل سنة تقريبا حصل على رقمي و بدينا نتكلم بس بالتلفون و قلتله ما يصير كذا لازم تخطبني عند اهلي و قال انه مو مستعد يعني اموره المادية شوي صعبة لانه بعده طالب و ما يبي يعتمد على اهله
المهم فالنهاية جا يخطبني و اتفقنا انه ما رح نتزوج لحد سنتين
الحين في بيننا اتصالات كثيره و طبعا مو من ورا اهلي
المهم ان احنا نحب بعض كثيييير بس دوم نتهاوش و دوم في بيننا مشاكل
و هذا كله بسببي..هو طيب كثير و حنون ما في مثله
بس انا عصبية وايد و ابسط شي ممكن يضايقني
هو دايما يقول اني حساسة واني ما اقدر ظروفه
و من يومين انفصلنا بدون سبب مجرد انه سألني سؤال عادي و انا جاوبته بس هو قال احس فيكي شي قلتله لا ما فيني شي وشوي شوي بدينا نتضارب و قال ما اقدر استحمل اكثر
و انا طول اليوم ابكي والله مو قادرة استحمل اعيش من دونه
ابي اراضيه بس قبل كذا ابي اتغير بليز ساعديني ابي طريقة اكون فيها اقل حساسية و عصبية
هو ما يبيني الحين
هذي مو اول مرة ننفصل بس حاسة انه خلاص ما رح يرجعلي هالمرة و كله من عصبيتي الزايدة
والله حالتي لا تسر عدو ولا صديق
بموت من دونه متعودة اكلمه 24 ساعة والحين حاسة بفراغ كبير وهذا بس يومين و امس خذيت 7 حبات بندول لاني كنت بحالة يأس بس الحمدلله ما صارلي شي بس حسيت بدوار
طلبي انك تساعديني اتغير و علميني كيف ارجعه لي
لا تقولي اذا هو بيحبني بيرجعلي انا ابي ارجعه عشان نتزوج ونعيش حياتنا مع بعض
املي فيكي كبير لا ترديني

ارجوكي ابي حل

ساعة غروب
14/07/2008, 06:26 PM
هلا اختي

اهم شي انج مستعده للتغيير

اول شي شوفي انتي ليس عصبيه وبعدين لما تتكلمين معاه او قبل لا تبدي اي موضوع راح يخليك عصبيه عدي من واحد إلى عشرة وبعدين ردي عليه

وانا انصحج انج تتصلي او ترسلي رساله اعتذار له وتحكي له عن الايانم الحلوة اللي مرت عليكم وانج مستعده للتغيير بس عشان انج تبين تكملين معاه المشوار

والله يساعدج دايما ً طلبي من الله ان يرده لج وان الله يهديج