المساعد الشخصي الرقمي

مشاهدة النسخة كاملة : صديقتي تطلب حلولكم لمشكلتها الله يخليكم لاا تخذلونها



دلع الدلوعه ^_^
22/05/2003, 03:45 PM
السلاام عليكم ورحمة الله وبركاته
انا اليوم بكتب لكم مشكلة صديقتي واتمنى انكم تقترحون عليها الحل (خصوصا بعد ما قلت لها ان المنتدى في قسمم يحل المشاكل )
صديقتي هذي متزوجه من ثلااث سنين وعندها الحين طفله عمرها سنتين وهي الحين حامل بالشهر الخامس ومشكللة صديقتي انها من اول ماتزوجت وهي مخدوعه بزوجها يعني الواسطه اللي جاب هذا الزوج قدمه على انه انسان ملتزم وجامعي وعنده وظيفه محترمه وانه انسان كفو الخ المهم يوم تزوجت صديقتي اكتشفت ان زوجها عاطل وشهادته الكفاءه المتوسطه فقط (علما بان الواسطه هو خالها لكن للاسف خالها موب كفو) المهم عاشت صديقتي مع زوجهافي بيت شيه مستقل يعني لها بيت بالدور الثاني لكنها مجبوره انها تاكل مع اهل زوجها المهم صديقتي من اول اسبوع وهي تقول لزوجها انهم مايصلحون لبعض والافضل انه يطلقها لكن كل ما كلمته بالموضوع يتضايق ويزعل وما يرد عليها المهم استمرت حياة صديقتي مع زوجها وكانت ما تحبه ولاا تكرهه عادي لكن هو يموت فيها وكانت ذيك الفتره تدرس بالجامعه المهم بعدين حمالت ونجحت الخ المهم صديقتي زعلت من زوجها لاانها تبي تستقل بحياتها عن اهله وهو موب راضي يطلع ببيت لحالهم المهم راححت صديقتي لبيت اهلها ورجعها زوجها واصبحت شبه مستقله يعني الغداء فقط هو المشترك مع الاهل اما الباقي لاا المهم صديقتي كانت متضايقه من زوجها لاانه ضعيف شخصيه اذا اتفقت هي وهو على شي وقرروا يعملوه مثل طلعه او سفره او غيره ينزل هو ويقول لااهله وبعدين يرجع ويقول لها موب لاازم نروح وهكذا وبرضو صديقتي متضايقه من زوجها لاانه عاطل وما عنده شغل ولاا يبغى يدور على شغل ولاا يبغى يكمل دراسته المهم بعدين صديقتي صارت تتخانق مع زوجها وما تعطيه وجه لكن هو يحبها موت المهم زوجها عشان يلفت نظرها له تزوج عليها وحده اكبر منه هو وعندها عيال ,بعدين صديقتي راحت لااهلها وكانت حامل بالشهر الاول وقالت تخيلي ياريمونا حنا من ظمن مشاكلنا انه هو عاطل وما عندنا دخل ثابت يقوم يتزوج ويعالج الخطا بخطا وبعدين ليش يوم تزوج مايسكن زوجته عند اهله ولاا شاطر علي انا بس المهم بعدين عرفت من مصادر ان زوجها تزوج عشان يقهرها وانه ما يحب زوجته لثانيه ولاا يقعدد عندها ابد وانه نادم على لزواج هذى
عاد الحين فيه مفاوضات بين اهلها وزوجها وهي تقول اصلاا انا مليت منه وما ابغاه بس زعلانه على مصير عيالي لو تطلقنا وتقول انا مليت كل مره ازعل واروح الااهلي ويوعدني انه يغير اخطاءه وما يتغير

للمعلوميه زوجها هذى من اهم مميزاته انه ملتزم وطيب ويحبها مره ومتعلق فيها وعيوبه انه عاطل و ضعيف شخصيه وان امه مسيطره على العائله حتى على ابوه وان ماله سكن مستقل

اخواتي الله يرضى عليكم ترى صديقتي منتظره منكم حل او اقتراح لمشكلتها وهل الافضل انها تطلق او انها تر جع مع شروط وش الشروط اللي تشرطها على زوجها عشان ما ترجع تزعل عليه مره ثانيه

كتلة مشااااعر
23/05/2003, 12:37 AM
يالله:mad:

الله يبرد قلبهااااااااااا ويعينهااااا اولاا خدااع زوجهاا وخالهااااا لهااااا

وبعدين اهل الزوج والحين يعالج خطاااا بخطاااااا ويتزوج عليهااااااا

والله مادرى وش اقووول غير ان الله يصبرهااااا والطلاااق ماهو حل الواحد اخر شى تفكر فيه تحااول وتجاااهد نفسهاااااا عشاان بكره لو صااار شى
تقول حااولت ماتندم لاكن الى اشوفه ان الطلاق ماهو حل ومداام معاهاااا


اطفااال فهذااا يزيد هااا انها المفروض ماتطلب الطلاااااق ومره ثانيه

اقول الله يصبرهااااااا


وبس

_بنت الرياض_
23/05/2003, 01:39 AM
السلام عليكم ورحمة الللله وبركاته
اختي الفاضله ريمونا اللله يعين صديقتك على مصيبتها ويصبرها ويبدل حزنها بحسنات ..... اول شي انا ابغى اقولها انه لكل واحد اسلوب وطريقة بالتعامل ففي ناس باسلوبهم مايقدرون يوصلون الفكره الي عندهم مثال:_ زوجها وصلها فكرة حبه وتعلق فيها بالزواج من غيرها ليشعل نار الغيره في قلبها فلم تصل لها الفكره من قلبها بل من مصادر موثوقه كما قلتي فهذا خطاء من اسلوبه او من تقبلها واستجابتها .
ثانيا :_ اعتقد انه مواصفات جيده ماشاء الللله فما انه ملتزم وطيب وطيب القلب ويحبها صفات رائعه ماشاء اللله في هذا الزمن وكل انسان به عيوب واخطاء واذا المشكله بالشخصيه فالشخصيه تقوى بوثوقه بنفسه ا وايجاد ثقة الغير واذا كان عن الشغل والدخل ينحل ,,,واذا المشكله بيت اهله تحتسب الاجر وتتذكر انا في يوم من الايام بيكبر ولدها او بنتها والي كان في بطنها وبيعاملها بنفس الاسلوب والدنيا دواره فلتحتسب الاجر عند اللللللله ولترجع الى اللله في مشكلتها فلن تجد الحل الا عندما تتقرب الى الله من دعاء وصلاة استخاره والتكثير من الدعاء خاصه في الاوقات المستجابه باذن الللله.
_______ ___ ___ ___ _______
انصحك بعدم التسرع والبعد الالكامل عن فكرة الطلاق:down:
_ _ _ _ _ __ _ _ _ _ _ _ _ _ _ _
آسفه على الاطاله واتمنى انها تستفيد لو كلمه من الي قدمته لها:shy:

أم المثنى
23/05/2003, 02:07 AM
بالنسبه للمشكلة بصارحه انا مع أختي بنت الرياض زوجها به مواصفات مره حلوه يمكن هو ضعيف شخصية بس ايش تسوي 0لازم تضحي احنا في زمن التضحيات0
الحل الوحيد لها المشاكل هي الأستقلال في بيت خاص لأن هذا بيقربهامن زوجها ويبعد عنها الضغوط 0
ولا تنسى انه يحبها وهذا اهم شيء 0
وبالنسبة لأم زوجها هناك أمثلة كثيره لتحكم الأم في أولادها حتى بعد الزواج وهذا ابسط الحقوق التي تكون على الولدلأن الرزوج عليه بأمه وازوجه عليها بزوجها وهذي شريعتنا التي نستمد منها عزنا وقوتنا0

وأرجو من الله ان يزيح هذه الغمة عن صديقتك مع تحياتي للجميع0

دلع الدلوعه ^_^
23/05/2003, 02:03 PM
اخواتي

كتلة مشااااعر

بنت الرياض_

أم المثنى

شكرا لمشاعركم شكرا لاحساسكم بالمشكله شكرا لعواطفكم النبيله
شكرا لردودكم الرائعه


بصراحه ما تتخيلون قد ايش فرحت صديقتي بردودكم وتقول حتى لو ما نا سبتني الحلول يكفي اني لقيت احد يحس بمشكلتي ويواسيني وتقول لكم الله يوفقكم بالدنيا والاخره وجعلكم تعيشون بسعاده بحياتكم الزوجيه وعسى ما ينكتب عليكم الشقا يارب

وبالنسبه لمشكلتها تقول والله انا مدري وش اسوي خصوصا ا ن اهلي الحين يقولون لي انتي صاحبة القرار انتي قرري وحنا معك عاد انا يوم سالتها عن زرجها قالت بصراحه اعترف لك اني كنت ما اعطيه وجه وكان ما يسمع ضحكتي الاا بالتلفون مع صديقاتي ولاا اذا صرت عند اهلي ومره قالها زوجها يوم سمعها تضحك عند اهلها اتمنى اني اسمع ربع الضحك والوناسه هذي في البيت وعاد هي تقوله وش لون وانا ماني عايشه مثل النا س وما عندي استقلااليه مثل باقي البنات المتزوجات وزوجها دايم يقولها ليش ما تتتكلمين معي وليش ما تضحكين معي مثل باقي الزوجات وهي تقوله وانت ليش ما تصير مثل باقي الازواج ةيصير عندك شغل وبيت مستقل
عاد صديقتي تقول بصراحه اكثر شي يقهرني فيه تاثره بكلام خواته وامه وانه ما يسوي شي الاا يقولهم وهم الله يهديهم يتدخلون بكل شي تتصورون حتى شهر العسل سافروا معها ( على ان صديقتي ما خلت النقطه هذي ببالها ولاا حقدت عليهم علشان هذى الشي ) بس انا قلت خلني استشهد بهذا الشي واذكره لكم
عاد اللحين صديقتي تحاول تهرب من مشكلتها ودايم تقولي بعدين اذا ولدت افكر وش اسوي انا ماني مستعجله
يعني وش ابي القى عند زوجي الاا الهم والغم و24 ساعه عند اهله وما يجي الاا وقت النوم
وصديقتي تقول انا اذا نزلت عند اهله بس احط الغطا على وجهي انا مليت اتغطى حتى في البيت (لاان عندهم اخ اكبر منه ومتزوج وساكن عندهم بس على الاقل هذا الاخ عنده وظيفه ووضعه احسن من زوجها) واخ ثاني ما تزوج
تقول بصراحه ياريمونا احس اخوه الكبير نظراته لي جريئه وهذا اكثر شي يكرهني في النزله عندهم

عاد اللحين الله يرضى عليكم اللي عندها اي اقتراح او حل تكتبه او حتى مواساة

الله يوفقكم وجعلكم ما تصيرون بموقفها
:confused:

visitor
23/05/2003, 03:08 PM
السلام عليكم ورحمة الله وبركاتة
اختي ريمونا ماانصح صديقتج بالطلاق يمكن المده اللي تقعدها بيت أهلها لحد ماتولد بالسلامة تخلي زوجها يفكر في حياته ويا زوجته وعياله ويفكر انه يشتغل ويستقل في بيت مع زوجته وها المده ممكن تقنعه اذا كان هو يحبها ومايقدر يستغنا عنها بفكر فيها وعياله والله يوفقها بمافيه الخير ان شاء الله وشكراً

اسولة الامورة
24/05/2003, 05:27 AM
الافضل انها تسكن بمدينة او مكان غير مكان سكن اهل زوجها .

دلع الدلوعه ^_^
25/05/2003, 03:46 PM
شكرا اختي
أم الأشواق
شكرا اختي
اسولة الامورة

شاكره لكم مروركم على الموضوع والله يجزاكم الجنه

اتمنى القى تفاعل اكثر من اعضاء النتدى :

الرشيقه
25/05/2003, 11:14 PM
شوفي حبيبتي ريمونا

انتي قلتي ان صديقتك ماتضحك مع زوجها وان زوجها يتمنى ضحكتها

في نظري ان صديقتك ماقدرت تكسب زوجها وتضمه لصفها

من المعروف ان الزوجه ماتحصل الشيء اللي هي تبيه الا بالحنكه والذكاء

وفيه حريم تسوي بلاوي لزوجها موعلشانها تحبه لا بس علشان توصل للشيء اللي تبيه

ومشكلة الزوج اللي مالكينه اهله هذي كثيره

وصدقيني بذكاء الزوجه تقدر تخليه خاتم في اصبعها ولا يسمع الارايها

وبدايه الحل انشاء الله ان صديقتك تنظر لزوجها هذا انه حياتها كلها وتكرس كل جهدها لسعادته علشان تملكه

يعني تتجمل وتضحك له وتدلعه وتنفذ له جميع رغباته حتى لوكانت ماهي راضيه وتخليه الملك في حياتها

واذا حست انها ملكته وعلقته فيها

يعني مسكت طرف الحبل تبدى تصعد الحين

تبدأ بذكاء تطلب رغباتها حبه حبه

وصدقيني بيستحي منها وبينخجل من كرمها وماراح يرد لها طلب

والطلب الاول انها تطلع لبيت لحالها ولازم تطلبه بدلع ودلال

موبنزر وهواش

كذا بقول ليش اطلعها وهي تعاملني كذا اقعد اتقابل انا واياها على ايش

صدقيني الرجال مايهمه الا نفسه اذا حس ان زوجته بتدلعه وبتبسطه

طلع لبيت مستقل على طول

وخليها تفهمه بهدؤ وحنيه وهي تستعمل بعض الحركات

مثل المسح على راسه وغيرها

وتعلمه الامور اللي تنقال لأهله والامور اللي خاصه فيهم زي سفرهم وروحاتهم

صدقيني الاسلوب هو اهم شيء والله انه سحر سحر سحر

الزوج مايحب الزوجه اللي تعطيه اوامر كذا ماراح يطاوعها

لازم تحسسه انها تحبه وسعادتها معه وانه ابو عيالها وان من حقوقها

تطلع في بيت لحالها يمكن هي ماحسسته بالشيء هذا علشان كذا

مايطاوعها انا متاكده انه حاس انها ماتحبه واتمنى اكون غلطانه

واما من ناحيه انه تزوج عليها والله قهر بس مالي فيها اي تعليق

ومن ناحيه انها تطلب الطلاق لا ما انصحها خليها تجرب اول شيء

جميع الوسال من مكر وتمثيل وحب واقناع و.... و......

واذا مانجحت جميع الوسائل

الله يعينها تقرراللي يناسبها

لانها بعد استخدامها لجميع الاساليب ماراح تندم على اي قرار راح تتخذه

وفيه شيء مهم جداً الدعاء الدعاء

قوليلها كل يوم تدعي ان الله يسخر لها زوجها ويسخرها له

ويعينه على سعادتها ويعينها على سعادته

وخليها تكرر اللهم لاتسلط علي من لايرحمني

خليها تكرره في اوقات الاجابه والله مايرد احد

الله يكون في عونها واتمنى اكون افدتها لو بشيء بسيط

اختك/الرشيقه

دلع الدلوعه ^_^
25/05/2003, 11:32 PM
السلاام عليكم ورحمة الله وبركاته


اختي الرشيقه بصراحه ابدعتي

والله كلاامك جواهر :D

بس اكيد تنفيذه يبغى صبر الله يعينها ان شاء الله

ويوفقك ان شاء اله دنيا واخره