المساعد الشخصي الرقمي

مشاهدة النسخة كاملة : مشكلتي ربيعتي



كلي شوق101
10/07/2008, 01:16 AM
http://www.m7shsh.com/vb/imgcache/21540.imgcache


هلا وغلا
ما اعرف اشلون ابدأ بس مثل ما قلت مشكلتي ربيعتي انا واااايد معاها وتقريبا اهي نفس اختي
نحن نعرف بعض تقريبا من ثمان سنين يعني من المرحلة الاعدادية لين الحين نحن بالكليه من دخلنا الكلية واهي متغيره علي ما تحب تيلس وياي و دووم تتهرب مني و انا ما اقدر استحمل وفي الوقت اللي ايلس عندها كله قالبه وييها وتتأفف وتقول ملل ......سالتها واايد شو فيج تقول ماشي بس انا اللي احسه انه في اشياااء وااايد
ومن ادخل وياها المسن تتعذر وتقول سوري انا مشغوله علما انه مرة ونحن يالسات ويا بعض قلت لها انا امس طرشت لج ايميلات واايد روعة قالت ما شفتها ارغمتها انها تفتح لاب توب مالها هذيج الساعة ورغم تهربها و تعذرها لكنها فتحته وانا يالسة عدالها ما تصدقون شو شفت ...... شفتها مسويتلي بلووك....بس خليت روحي مو ماخذه بالي..... وااايد تعبت ليش تعاملني بكل هذا الجفا ما اعرف انا اعرف انه اهلها ما يحبوني ممكن اثروا فيها بس ليش الحين موب من زمان او ربيعاتها اليدد ... لا تقولون انساها انا ما اقدر هذي ربيعت عمري محد فاهمني ......الا اللي يعيش ماساتي..انا الحين بديت اخليها ع راحتها مع انه نحن وااايد مع بعض ما نفترق الا وقت النوم
ما اعرف شو اكتب بعد انا حاولت كل الطرق معاها بس اهي ساده الباب بويهي وهذي اول مرة نفترق من ثمان سنين


ارجوووووووووكم سااعدوني

رحيل الحياة
10/07/2008, 02:02 AM
هلا الغاليه

وايد تصير هالحركه مع الصديقات خاصه لي دشوا الكليه

محتاجين لتجديد الصداقات

تركيها براحتها وصدقيني بترجعلج بترجعلج

انا صادفتني نفس المشكله لما كنت بالكلية

ورحت وسويت مثل صديقتي وصادقت بنات جدد بس ف الاخر رجعنا زي قبل واقوى

لا تصرين عليها لانها بتمل منج وراح تعتبرج ممله

هيه تبي شي جديد

شكلها صديقتج مودي وهاي فتره وبتعدي

ولا تحاتين الغلا

ترى كل اواتج بمنتدى عروس صديقتج وفضفضي

MIYA !!!
10/07/2008, 02:04 AM
اختي عملت لك بلوك وانتي سكتي؟؟؟؟؟؟؟؟؟؟ شو جابرك انك تتحملي فين كرامتك ؟؟؟
انا لو مكانك كنت اقولها عن كلل شي عن معاملتها وتغيرها علي واقولها اني عارفة انها عاملالي بلوك بس طنشت و و و ...... ليش تسكتي؟؟؟ لازم تنحط النقط على الحروف يااما توضحلي شو اللي صاير يااما فهميها انك مش تقدري تستحملي هالمعاملة منها
اختي مافي احسن من المواجهة ممكن تكوني غلطتي معاها فشي بدون قصد وانت مش حاسة خليها تفهمك واذا مارضت تتكلم بتكون باعتك بالرخيص خلاص خليها هي اللي خسرتك وراح تندم عليكي انا هذا رايي وربنا معاكي

dody mody
10/07/2008, 02:23 AM
أختى
إزاى عندك إستعداد تكملى معاها وانتى عارفة انها مبقتش قابلاكى لدرجة انها عملتلك بلوك
المفروض نفسك تصعب عليكِ وتعززيها مهما كان الشخص
ودى صاحبتك لا هى أمك ولا أبوك ولاأختك
إشترى كرامتك ودعى تمسكك بها اللى هيذلك
وبعدين أساس العلاقة غريب بتقولى حتى اهلها مش بيحبوكِ ليه ؟ وايه اللى يرغمك على كده؟
لعلمك ترددك عليها سيزيد من نفورها تجاهك أكثر وليس بصالحك

إتركيها ولا تصادقى إلا لما تتأكدى من أصل صديقتك وأسرتها الطيبة التى ترحب بكِ وتسعد برؤيتك

نصيحة منى لا تهينى نفسك أبداً مهما كان

نظرة امل
10/07/2008, 02:37 AM
انا من رأيي تخليها على راحتها بس اعملي الواجب معاها وهيا في النهاية اكيييييد راح ترجعلك لانها

ماراح تلقى اخت مثلك فاهمتها عدل ..والله يجمعكم على خير ولا يفرقكم..امييييين..

درب الحياة
10/07/2008, 03:22 AM
والله الي مايبيني ماابيه ليش احرق عمري على وحدة صحيح صارت ربيعتج ومعاج وماتستغني عنها لكن اذا لاحقتيها ترى بتتغلى عليج ويمكن بعد تاذيش بكلامها او فعلها
اتركيها وبتشوفين هي الي بترجع لك بس انتي اصبري واثبتي ع موقفج ان ماتنزلين نفسج لها
وبالتوفيق معاها

دلوعةحناني
10/07/2008, 05:29 AM
انا دوم استغرب وش هالاصرار على الارتباط اليومي والالتصاق بالصديقه؟
حبيبتي الصداقه نغم من التفاهم والقبول والمشاركات بكل شي.. والاحتكاك الزايد انا ما افضله بين الصديقات
لان بكره كل وحده فيهم بتتزوج فأتصور صعب التغيير العلاقه من لقاء يومي الى فترات متفرقه.
والانسان لا يبقى على حاله طول العمر .
الزوج وهو الزوج يتغير على زوجته الي تشاركه حتى فراشه وانتي مستغربه ومذهوله ان صديقتك تغيرت؟
اعتقد شفتي البلوك بعينك وما اتصور بعد البلوك يبقى تفكير او مشاورات.
ما بقولك الي باعك بيعه بس بقولك احشمي كرامتك ولا تهيني نفسك علشان لا تتعبين اكثر
اتركيها واذا هي اصيله مردها بترجع واذا ما رجعت فهذا من اصلها ومعدنها.
لا تفكري وتدوخي راسك ليش تغيرت وليش تبدلت يمكن اهلها يمكن صديقتها
مااعتقد لو هي تبادلك نفس هالمشاعر ان شي يأثر عليها.او يوصلها لهذا الجفاء معك....
تحياتي

انسان حسااس
10/07/2008, 09:43 PM
الله يصبرج بس حبيبتي وين كرامتج انتي كفايه عليج البلوك اللي كانت مسويته لج وما رح تموتين
الله يهديها

♥بنوته زايد UAE♥
10/07/2008, 09:59 PM
حبيبتي خليهاا اتولي ..

ليش مبهدلع همرج عليهاا وهي مسويتلج بلوك ،،

كان بإمكانج يوم شفتي على طول ،، اتقولين لهاا ليش سويتيلي بلوك ،،

اذا ماتبين اترابعيني قوليلي بويهي مب هالطريقه ..

كلي شوق101
11/07/2008, 06:54 PM
اشكر تفاعلكم وياي
انا امس رمستها و قلت حقها اني جفت البلوك اللي كانت مسويته حقي قالت بكل وقاحة خلاص كل هذا و ما فهمتي ما ابيج انتي انسانه تافهه وما عندج اي هدف انا مصدوووووووووومة واايد..قالت عني كلام وااايد يعور الراس
المشكلة ان ما عندي ربيعة غيرها كل ربيعاتي القدامه بعتهم والسبه اهي كانت ما تدانيهم ......والحين بعد ما كونت رباعه يديدة باعتني....انا ما اثق باي حد يقول كل ما كانت الرباعه اجدم كل ما كانت اقوى لا و ربي يشهد على رمستي انها كل ما كانت اجدم كانت اضعف و تملل انا مقهووووورة من كلمة وحدة قالتها حقي قلت لها بتندمين قالت طززززززززز خلاص احس اني كرهتها عمري ما توقعت هذا انا مكتأبه واكتب وانا في قمة احزاني .....

رجيمكو
11/07/2008, 07:43 PM
الله يكوووون بعوونج حبيبتي ,,,, انا اكثر وحدة ممكن تكووون حاسة فيج,, يمكن لاني اعرف يعني شو تحبين وحدة وتكون متمللة من وجووووودج ,,, والواحد دايما يحس حتى لو ما كان يبيييين,,,,


شوووفي اللي ما يبيني مرة ما اباه الف مرة,,,

اونو
11/07/2008, 08:01 PM
يابعد قلبي انتي ماعليج منها ولايهمج كلامها

صحيح انه يقهر بس الي مايبيني ماابيه وتركيها

shosho78
11/07/2008, 11:50 PM
حبيبتي ،، ما عليك منها خليها ،، عشرة سنين هانت عليها ،، وش تبين فيها ، شلون بتثقين فيها وتقولين لها اسرارك ،، ما تستاهل اللي تسوينه علشانها ، لا تضايقين روحك

بــاربــي
12/07/2008, 02:33 AM
لا تذلين نفسج لها وايد..!
وخليها براحتها .. واذا لج معزة بقلبها بترد لج..

calm night
12/07/2008, 10:14 AM
حبيبتي كلي شوق ..
يمكن ما ادري .. انا حاسة فيك بزيادة ..
عشت نفس نفس نفس التجربة ..
بس ياقلبي .. بعد فترة تغيرت الاحوال ..وابشرك بشارة تخلينها حلقة بأذنك وفانوس بحياتك ..
انا عندي صديقة ذحين لو ادور الدنيا كلها وابيع اللي قدامي واللي وراري مالقي زيها ..
قعد ثلاث سنين ما ناقادرة انسى جرح صديقة الاولى اللي باعتني وابكي ليل نهار.. الى الان وانا احس بالقهر .. لكن حبيبتي شوفي حالي الحين .. ما تصدقين والله ماتصدقين اذا اقلك احلى واغلى صديقة عندي الحين ..يعني الزبدة
الزبدة اللي ابي اوصلك هيا .. ان الله سبحانة وتعالى مايسوي شي اللا لصالحك وامر المؤمن كله خير .. صبرت وشفت ربي ويش عوضني ..
الله يعوضك صديقة مثل صديقتي .. ها وش رايك بهذا الدعوة :) والله ما في مثلها من دعوة خخخ
بالتوفيق يااااا رب

لفه
12/07/2008, 11:02 AM
حبيبتي ماعليج منها الدنيا دواره يووم لك ويووم عليك ومثل ما باعت عشرتكم برخيص باجر ربايعها بيبيعنها بتراب ولابيهمهن شي حتى لو صاحت دم مابيهمهن

ماعليج منها وربي يعوضج خيير ودامها مابغتج في الف غيرها واحسن منها وصدقينيه الا ربي يعوضج عوض خير ويبرد حرة فوادج بربيعه ما تبيعج خير شر

لا تشلين هم وادعي ربج وماعليج منها اسمحيلي على هالكلمه بس احسها هيه التافهه يووم تخلت عن عشرة عمر دامت 8 سنين بدوون تفكيير

ماعرف شوو اقوولج غير ربي يعوضج عوض خيير

rocky
12/07/2008, 01:46 PM
لا تركضين وراها وانسى حتى ذكراها...

بس مثل ماهي باعتج بسهولة وماقدرت السنين...راح اي اليوم الي هي تكون في موقفج


ولاتحاتين يالغالية كلنا ربيعاتج

انسان حسااس
13/07/2008, 01:54 AM
لا تعليق الخوات ما خلوا شي ما قالوووووووه بس اقولجالله يعوضج بربيعه احسن عنهاوالنسيان نعمة من رب العالمين

كلي شوق101
13/07/2008, 02:08 AM
اشكر تفااااااااااااااااااااااا علكم معي وانا خلاص اتهيت علاقتي فيها وصداقاتكم تكفيني عنها اشكر جميع الخوات اللي شااااااااااركوا ويااااااااااااااااااااااا ااااااااااااااي

ام رتيل1
13/07/2008, 07:01 AM
الله يعوضك باحسن منها