المساعد الشخصي الرقمي

مشاهدة النسخة كاملة : ساعديني الله يستر عليكي بيتي بينخرب



اميرة زوجي
09/07/2008, 07:40 PM
السلام عليكم ورحمته الله وبركاته
بصراحه مشكلتي مشكله عويصه تاعبتني
زوجي هو المشكله
زوجي خاين وعنده علاقات كثيره با النت
وحتى على الجوال ما اعرف كيف اتصرف معاه تعبت واجهته وصارت مشاكل كثيييييييير ه وصل لحد انه مد يده عليا ضربني وفي بداية زواجنا اتهمني با شرفي اني مو شريفه عشان اهله كانو مفهميني انه لازم وقت الاتصال ينزل دم وانا ما نزل مني دم ومن بعدها الرجال متغير
صار يخونني كثير وطعني في شرفي مره وحده
وبعدها صار يهملني وعلاقته مع البنات زادت المهم في كل مره اواجهه فيها يتهمني اني شكاكه ومريضه صرت اثبت له واوريه عمايله
يرجع يقولي انا حر خلاص ايش عندك
تبغي تعيشي معايا اهلا وسهلا ماتبغي تعيشي اوديكي بيت اهلك وانا عندي طفلين منه
من اخر مشكله سويتها معاه قبل شهر لما كشفته يطلب من بنت تعرض جسمها على الكميرا بشرط انه يشحن لها قومت الدنيا عليه ما سكت وطلبت منه اروح لبيت اهلي وهددته با الانتحار بعدين اتعدل معايا شوي وصار يعاملني احسن واقسم ليا انه يحبني ومافيه اي وحده تحل مكاني بس انا اشوف غير كذا شوي شوي رجع اتغير صار يكلمني من طرف خشمه صار مايعاملني با طريقه طيبه كاني خدامه او جاريه مشتريها بفلوسه دائما بره البيت عنده اهله ياخذ الكمبيوتر ويجلس على النت با الساعات وينزل اخر الليل يتفرج على فيلم وينام اهملني لدرجة اني افكر اتعرف على اي احد عن طريق النت افكر اخونه بس عشان مشاعري انا انسانه مو حاسس فيا انا انثى ولله الحمد انا حلوه وخلاقي طيبه وبنت ناس وهو عارف هذا الشي بس انا تعبت والله تعبت كل يوم تصوري كل يوم ابكي والله كل يوم وهو يعصب عليا لما يشوفني ابكي بهذلني مع البنات ابغى اشوف له حل وصرفه كل يوم مع بنت كل يوم مايطفش ما يمل ايش اسويله كيف اتعامل معاه
وابغى اقولك علىشي امه من النوع المتسلط اللي تدخل في كل شي يعني ياويله لو خرجنا انا وهو اتمشينا لوحدنامن غيره ياويله لوجلس معايافي البيت كثير تبغاهم اربعه وعشرين ساعه عندها
وياويله لو قالي كلمه حلوه قدامها
صرت احسه يفضل الحلال على الحرام لان الحرام في متناول يده لاكن انا حلاله مايقدر يقرب مني
الله يخليكي ساعديني لاتقولي هذه مشكله عاديه
انا ليا اربع سنيني على هذا الحال وراح انجن صار لي انهيار عصبي بسببه كم مره ساعديني والله انا ما اتحمل انا انسانه ضعيفه
ساعديني انتي اخر امل ليا بعد الله والله اخر امل ليا

ساعة غروب
10/07/2008, 10:22 AM
الحل انكم تطلعون في بيت لحالكم بالطيب بالغصب لازم تستقلون في مكان بروحكم

وانتي دليما خلي املج بالله اكبر من جذي لا تقولين اني انا آخر امل لج لا يا حبيبتي الله اكبر مني ومنج وهو القادر انه يغير حالج
بس عاد لا زم تلجأين له

اميرة زوجي
11/07/2008, 03:59 AM
مشكوره وما قصرتي
بس فكرة اني استقل ببيت بروحي هذه مستحييييييييييييييييييييي يييله ابدا
لان هو ساكن في بيت ابوه في شقه مستقله بس في نفس العماره اللي ساكنين فيها اهله
وابغى اقولك كمان ان هذا مو حاله اهو بس هذا حال حتى اخوانه اللي اكبر منه

ساعة غروب
13/07/2008, 01:27 PM
شنو يعني هذا حال اخوانه بعد شنو تقصدين

اميرة زوجي
14/07/2008, 05:57 AM
ياغاليه انا اقصد
ان كل اخوانه يكلمون بنات على النت
بس حريمهم مو عارفين
وانا كنت دائما اسمع زوجي وهو يتكلم مع اخوانه عن هذا الشي
وكمان ياقلبي انا كم مره فتحت كمبيوتر زوجي وشفت محادثات اخوانه الاكبار مع حريم

ساعة غروب
17/07/2008, 08:51 AM
شوفي اختي انتي ما عليج منهم عليج من زوجج وبس

ما عليج الا بالصبر والدعاء له بالهدايه وعليج بسورة البقرة اقريها كل ليله لمدة اسبوع وشوفي النتيجه

اميرة زوجي
18/07/2008, 08:23 PM
انشالله حبيبتي والله مالي غير الله بس تدرين ابغى اقراء سورة البقره
تصدقين حبيبتي غروب
في اشياء الواحد يكون ناسيها او ماتخطر على فكره
ويمكن مو عارف ايش الفايده منها
يعني ذحين انتي فتحتي عليا شي الله يفتح ابواب الجنه كلها لكي امين يارب
لما ذكرتيني با سورة البقره
انشالله من اليوم الساعه وحده انشالله ابغى اجلس اقراءها
وابغى اجلس اللين يوم الجمعه
يارب يارب والله اني تعبت الله يعينني يارب مشكوره ياغاليه وماقصرتي وانشالله اقولك على كل اللي يصير معاي