المساعد الشخصي الرقمي

مشاهدة النسخة كاملة : احتاج مساعدتج اختي ساعة غروب؟,,,



بقايا جروح لم تندمل
07/07/2008, 03:12 PM
السلام عليكم
اشلونج اختي ساعه غروب انشالله اتكونين بخير وبصحه
انا فتاه عمري 28 سنه مشكلتي باختصار اعاني من الرهاب الاجتماعي وبعد تردد فتره طويله رحت للدكتوره نفسيه وعرضت عليها حالتي وشخصت حالتي المرضيه بالرهاب الاجتماعي والقلق والاكتئاب
اعاني اختي الكريمه من الخوف من الناس ومن التجمعات حتى هلي اذا تجمعوا مااقدر اقعد معاهم اخاف انحط في موقف محرج ومااعرف اتصرف فيه وبعدين يبين علي اثار الرجفه والرعشه والتلعثم واتعرق وعطتني الدكتوره علاج وصار لي شهرين استخدمه وماحسيت بفرق والعلاج ماجاب معاي فايده يئست من الحياه والدنيا معاكستي اختي الكريمه حتى في مجال شغلي اللي كان هو مصدر رزقي الوحيد انظلمت فيه وانهوا خدماتي ظلم بس توكلت على الله واكتفيت بجمله حسبي الله ونعم الوكيل والله كبير وانا متأكده انه بيعوضني خير لكن الامور كل مره تزيد سوء طلعت مديونه من الشغل وبطلوع الروح اسدد القسط الشهري والله يعيني على باقي الايام حتى هلي عارفين ظروفي وكل واحد يفكر في نفسه ويقول يالله نفسي وللاسف حتى صديقتي الوحيده اللي ماقصرت فيها يوم كانت محتاجه ومااحد يعطيها كنت مااقصر فيها واسوي لها اشيا والله مااحد يسويها حتى حق اهله اللي من لحمه ودمه وتخلت عني وماهان عليها تسالني لما نزل راتبها قاصرج شي او تبين شي ؟
بس يالله هاي الدنيا ولا حول ولا قوه الا بالله اختي انا مؤمنه بالله بس انكسرت كسره كبيره وخايفه من بكره في زمن لا اب ولا ام ولا اخوان ينفعون اتمنى انهي حياتي بس اخاف من الله احس اني انخلقت عشان اتعذب بس احس اني مهمشه وانطوائيه ومافي احد يرغب بصحبتي يمكن بسبب خوفي من الناس خاطري اتعرف واطلع بس اخاف احرج نفسي واتندم بعدين واتمنى اني ماطلعت من الاساس قولي لي اختي الكريمه شتنصحيني فيه ؟؟؟

ساعة غروب
08/07/2008, 08:51 AM
خلي امانج بالله اقوى من جذي

بعدين خلج واثقة من نفسج ودايما قولي لنفسج انا قويه ولا شي يقدر يهز فيني شعرة

حبيبتي انتي قاصرتج الثقة في النفس تكون اكثر

حاولي تدورين لج شغل ثاني وتخلصي من الخوف اللي من الناس مثلا ً اجلسي مع اهلج لما يتجمعون واذا تعرضت لموقف او كلام محرج لا تردين عليهم او بدبلوماسية يكون الرد ( لعدم الاحراج امتنع عن الاجابة )

الله يوفقج اختي ويحفظج من كل سوء