المساعد الشخصي الرقمي

مشاهدة النسخة كاملة : شكلي ما برتاح من حركاتهم



سماري0
06/07/2008, 01:19 PM
قريتووا موضوعي قبل عن المواقف اللي اتصير لي ف االاماكن العامه يوم اكون ويا ريلي

المهم ان شاءالله ما طول عليكم
صار لي فتره تقريبا شهر اجهز لطلعه ويا ريلي لليوم الاثنين يعني باجر
فيه منااسبه وخبرت ريلي قبل وكنا نخطط وبالاخير اتفقنا خلاااص
امس رمسته وكان مستانس ويقول خلاص ما باقي شي
والله هالشهر انا ما ارتحت كل يوم اروح السوق واشتر له شي واشووف الاماكن والمراكز الحلووه اللي اقدر اروح لها
وقررنا ان الطلعه اتكون من وقت الصبح 8 ليين المغرب تقريبا
المهم اتصل فيني ريلي اليوم الساعه9 وقال لي انه بيتأخر يمكن امممم الساعه10 و11
سألته لييش قال عندي مشووار قلت ما تقدر اتقضييه عقب
قال لا بس ادري انج اضايجتي حتى انا انصدمت باخر لحظه والله صار هالشي حاولت اجله بس ما قدرت وانا والله اتريا هاليوم قبلج وانتي تعرفين هالشي والصراحه صح
هو كان متلهف اكثر حتى اني مره سويت فيه مقلب وقلت ما بروم اظهر هاليوم عصب واايد
المهم وحليله قال بيحاوول ويي من وقت
انا اللي قاهرني انا حاسه ان بنت خالته ورا هالموضوع
من اسبوع صارت سالفه ابينها وبيين ريلي والسبه انا
هي كانت تحبه قبل والحين الحرمه متزوجه الله يستر عليها بس ما عرف شو تبا من ريلي
اتصلت بيتهم (لان اهلهم كلهم كان مجتمعيين يين من عمان)رمست ريلي عقب سألته ليش ما يزوورهم عيمان
قال ان شا ءالله جريب عقب قالت له اوكي انت معزووم يوم الاثنين رد عليها ما قدر متفق ويا ام العيال ساير عندها
تعرفون شو ردت عليه ( خير يعني الا هي وحده خااايسه) ريلي عصب (هو من النوع العصبيه خاصة اذا السالفه تمسني وصارت مواقف مره ويا اخوه بعد قال كلام اخف عن هذا ما رمسه ليين من يي عندي وانا رمست ريلي عقب رمسه والحين الحمدلله الامور طيبه )المهم سووا سالفه حتى اخته اتصلت فيني قالت هدي ريلج امعصب
انا اعرف انه ريلي يحبني وااايد واثقه من هالشي بس هالمواقف اللي اتصير لي اتغث وتقهر
ريلي امسجل بيتنا باسمي وشركته لي نصيب (ماعرف بخرابيط الاسهم) المهم هذا كله عسب يثبت وخاصة لهله وهلي انه يحبني لانهم كانوا معااارضيين ومش رااااضين وانا اعرف ان في نااس مش راضيين
وانا اللي امخوفني اكثر بناات خالته عندهم سوالف وخرابيط اكرهك اسحرك واخرب بيتك
قبل بعد وحده رمست عني يدام اخته واخته خبرت ريلي (بنت عمته ايام المراهقه حبها وهي بعد وانتهت العلاقه من زمااان وقال لي عنها)
انا احمد ربي ان ريلي ما يخش عني شي حتى لو الموضوع يغثني ع اساس محد باجر يسوي منه قضيييه وهذا كلامه
هاي بنت عمته قايله حق اخته هو شو شايف فيها انا احلى عنها والله ما كنت اعرف اخوج ما عنده ذووق لهدرجه اخته راده عليها انا اعرفها فديتها ما ترضا علي ومخبره ريلي بعد
الحين هاي كل ما تشوفيني لازام اتسوي حركه ريلي راد عليها رد قهرها ويدام اخته
(طبعا اخته قالت لي ما قصرت) ارتحت وخبريني ريلي قال انتي لاتسوين شي بالعكس كل ما تسكيين
هي بتأكل بعمرها وخلييج اكبر عنها بعقلج وباخلاقج

انا ما ابيين ان هالاشيا تقهرني يدام ريلي عادي اسوولف حتى مرات اضحك ع مواقف بس من داخلي مقهوور
ماعرف شو اسوي وياهم اذا سكت بموت من الغييظ؟
وحليلها اخت ريلي شافت هداياي لريلي اتقول بصورهم وبطرشهم مسجات حق الاثنين غيااظ فيهم ليش يقهررونج
شو تشوورون علي واباكم اتخلون عمري مكاني
هل الحل السكوت عنهم ؟

هيتاف
06/07/2008, 01:28 PM
اختي لو ان بمكان احاول اوصل هل سالفه لزوج بنت خاله علشان اتلم نفسها شوي وزوجها يشوفلها صرفه بحركاتها هل قليلت ادب الي ماتستحي الله ياخذ حقج منها حسبي الله ونعم الوكيل

حبيبة بوغيث
06/07/2008, 01:39 PM
يوووولوووووون انزين
ما الووومج حركات تقهر والكلام اللي انقال اكثر

انا برايي اتسوي مثل ما قال لج ريلج
ماعندج غير هالحل والله يكون ف عوونج اختي

♥بنوته زايد UAE♥
06/07/2008, 03:21 PM
خلهم يولون ..

فديتج ربي يحفظج ويسعدج انتي وزوجج ..

وربي يرزقكم بالذريه الصالحه . .

بــاربــي
06/07/2008, 04:46 PM
هههه
عادي حبيبتي لا تهتمين..!

ترى مشكلتج مثل مشكلتي تماماً..!

انه الحمدلله
ام خطيبي وخواته يحبوني والحمدلله
وما يرضون علي ابداً..

بس في شلة بنات بعائلة خطيبي ما يدانووووني ابداً
يعني كذا مرة اشوفهم بمكان يحتقروني.. او انهم يسوون حركات تبط الجبد
او حتى ساعات يجون يزورونا يسلمون على وحدة وحدة وانه يطوفوني ما يعطوني فيس يعني حتى ما يسلمون ع اساس انهم ما يحبوني يعني حتى ما يقدرون يجاملوني ههه..!

يمكن في البداية كنت احط بخاطري
بس بعدين خطيبي وامه كلموني والحمدلله الحين صرت ما اهتم
حتى ان قررت حتى لو يوم شفتهم ومدو يدهم يسلمون انه ما امد يدي لهم..!

خلهم على حركاتهم
مردهم بيتعبون..
:D

انه علي من خطيبي وامه واخواته
والباقين خلهم ..!

يعني باختصار خلج ولا تهتمين هع هع

رونق روحي
06/07/2008, 05:39 PM
ربي يحفظج ويسعدج انتي وزوجج وطنش تعش

كلارنس
06/07/2008, 05:50 PM
اختي لاترسلون الصور لهم ولا شي حافظي على زوجك وبيتك لاتقهرينهم زيادة (خاصة ان هم اهل سحر )
اشتري حرص زوجك عليكي وحبه لكي بكل كنوز الدنيا
حاولي لا تثيرينهم او تدفعينم للانتقام او تخريب حياتكم
وانصحك باذكار الصباح والمساء والمعوذات على طول وعلمي زوجك يقراها في كل مرة يروح لهم
طمنينا عليكي يالغالية

بكيفي أحبه
06/07/2008, 09:47 PM
اختي الحقران يقطع المصران
طنشيهم ودوم اقري على روحج وعلى زوجك
ترا كل المتزوجات عندهم حد ما يدانيهم
بس وش على الذيب
لا يهمج حد ريحي بالج

Boo0ooBle
06/07/2008, 09:57 PM
اختيه هاذيلا اللى داخلين فى حياتج شيز ومالهم خص ..طنشيهم لأنهم ماعندهم سالفه ..ويبون يسون أكشن فى حياتهم..
دام أنتي وريلج مرتاحين ..وعلاقتج مع هله زينه والحمدلله .. لاتعطينهن ويه ..
ولاتخلينهم ينغصون عليج حياتج ..استانسي ولاتسمعين كلامهم ..والمفروض ريلج مايعطيهم مجال حق الرمسه..
بالتوفيق ..

lovely rosy
06/07/2008, 10:40 PM
أختي العزيزة
مثل ما قال لك زوجك طنشيهم ( ريلي قال انتي لاتسوين شي بالعكس كل ما تسكيين هي بتأكل بعمرها وخلييج اكبر عنها بعقلج وباخلاقج )
وشو أكثر من هذا الكلام وزوجك أدرى بهن ويعرف أخلاقهن
لا تنزلي نفسك لمستواهم ولو رديتي عليهن بتسعديهم ويستانسوا إنك صرتي مثلهن بالمستوى ولا تتصلي بزوج فلانه أو علانه (كما نصحتك أحد الأخوات ) ولو أنقلب الموضوع عليك وكذبوك أو صار مشاكل بينهم وتطلقوا بتزيد من إلتصاقها بزوجك وبتحاول تحطمك وبتطيح بكبدك
أهم شيء زوجك وأهله رأضين عنك وصلي قيام الليل وكثري من الدعاء والأستغفار والصدقة ولا تنسي من أذكار الصباح والمساء يبعد عنك السحر والعين والحسد
وأنصحك لا تذكري زوجك بخير أو بشر أمام أحد ولا تدعي أخته ترسل وتخبر لهن عن سعادتك وتفاهمك مع زوجك لا أمامهن ولا أمام غيرهم
والله يسخركم ويوفقكم لبعض ويسهل وييسر أموركم يا رب العالمين

Um.Abdullah
06/07/2008, 10:57 PM
اختي لا تخلين بينهم وبينج اي شي، لا تحرينهم ولا تغيضينهم، بالعكس لو طرشتي لهم الصور بيستانسون لانهم بيعتقدون انج دخلتي وياهم في المعركة << شدعوة داحس والغبرا
لو تسكتين عنهم بيغتاضووووووووووووون، صج هم ببينون للكل العكس، وانج ضعيفة وانج ما تردين ووو، بس في داخلهم نااااااااااار تاكلهم كلاهم الدود
والمهم زوجج حبيبتي، عندج البيت باسمج شتبين بعد هههههههههههه، امزح جبيبتي، صج المهم زوجج يحبج ويعزج وحاطج في عينه، شعليج من كلامهم وخرابيطهم،،
وما عليج من احد انتي احلى منهم<< صج ما شفتج بس دوم الناقص يعيب عالكامل والكامل الله
الله يوفقج ويا زوجج ولا تهتمين لهم حبيبتي

كلمات من قصائد
06/07/2008, 11:15 PM
سماري حبيبتي.. اذكري الله ولاتخلين ناس مثل هذولا يخربون حياتج

مثل ماقلت لج قبل.. انتي دايما حصني نفسج وزوجج بالاذكار وبالرقيه..

وباذن الله مايقدرون عليكم لابسحر ولا بغيره والله يرد كيدهم في نحرهم

حبيبتي اهم شي زوجج انه مقتنع فيج ويحبج والباقي خليهم يولون يشربوووون من البحر



والله يسخركم لبعض ويرزقكم الذريه الصالحه يارب

لا اله الا انت سبحانك اني كنت من الظالمين
استغفر الله واتوب اليك
يامثبت القلوب ثبت قلبي وقلب زوجي على دينك

MIYA !!!
07/07/2008, 02:23 AM
طنشيهم هم اصلا كل هدفهم يعصبوكي ويخربو علاقتك بزوجك انت خليهم يموتو من قهرهم ولا تهتمي بيهم مدام زوجك بيحبك وبيموت فيكي خلاص هو ده المهم وربنا يسعدكم

دلوعةحناني
07/07/2008, 03:41 AM
هههههههه
والله يا سمارى ضحكتيني
انتي بطلة القصه من كل النواحي والمنتصره ليش القهر؟
او الضيق
صدقيني سكوتك وحكمتك بتخلي زوجك خاتم في اصبعك وهو الي يدافع عنك ويثلج صدرك وتحسين
شكثر هو يحبك ويموت فيك وكل ما هم سووا كذا وانتي سكتي الخير بيجيك من تحت الارض
وبتزيد معزتك بقلب زوجك لان طيبه وبنت اصول مش سوقيه ومنحله مثل عالبنات خرابات البيوت
انتي بس ادعي دوم الله يشغلهن بنفسهن وتفتكين من شرهم
تجاهليهم نهائيا ونصيحة زوجك لك هي الكلام السليم
اسمعي كلامه واستمتعي بحنانه ووبسماع قصص الغيره الي توصلك وحطي رجل على رجل واستانسي
تحياتي

حبيبة بوغيث
08/07/2008, 07:27 AM
مـــاقصررررن البناااااااااات

والله يوفقج

men_gady
08/07/2008, 08:38 AM
طنش تعش تنتعش

طنشي فديتج اصلا باين من كلامج انهم مقهورين منج وكل ماتسكتين عنهم كل مايزيد القهر اللي فيهم ويحسون ان ولا همج

المهم علاقتج مع ريلج زينه وهيوول نادر ماتشوفينهم ف ليش اذا مجرد التفكير فيهم ....... خلهم يولووون وعيشي حياتج ولا ع بالج

سماري0
08/07/2008, 09:20 AM
اختي لو ان بمكان احاول اوصل هل سالفه لزوج بنت خاله علشان اتلم نفسها شوي وزوجها يشوفلها صرفه بحركاتها هل قليلت ادب الي ماتستحي الله ياخذ حقج منها حسبي الله ونعم الوكيل

هلا الغاااليه .. المشكله اني ما اقدر
حرااام اخرب بيتها ما اقولج مرررات افكر بس عقب اقول ما ينفع

الله يهديهاا ..

سماري0
08/07/2008, 09:23 AM
يوووولوووووون انزين
ما الووومج حركات تقهر والكلام اللي انقال اكثر

انا برايي اتسوي مثل ما قال لج ريلج
ماعندج غير هالحل والله يكون ف عوونج اختي

هيه والله حبيبووو
والمشكله اووونه شو شو شايفه فيها :eek:

سماري0
08/07/2008, 09:26 AM
خلهم يولون ..

فديتج ربي يحفظج ويسعدج انتي وزوجج ..

وربي يرزقكم بالذريه الصالحه . .

الله يسمع مننننج ...وياااج

سماري0
08/07/2008, 09:36 AM
هههه
عادي حبيبتي لا تهتمين..!

ترى مشكلتج مثل مشكلتي تماماً..!

انه الحمدلله
ام خطيبي وخواته يحبوني والحمدلله
وما يرضون علي ابداً..

بس في شلة بنات بعائلة خطيبي ما يدانووووني ابداً
يعني كذا مرة اشوفهم بمكان يحتقروني.. او انهم يسوون حركات تبط الجبد
او حتى ساعات يجون يزورونا يسلمون على وحدة وحدة وانه يطوفوني ما يعطوني فيس يعني حتى ما يسلمون ع اساس انهم ما يحبوني يعني حتى ما يقدرون يجاملوني ههه..!

يمكن في البداية كنت احط بخاطري
بس بعدين خطيبي وامه كلموني والحمدلله الحين صرت ما اهتم
حتى ان قررت حتى لو يوم شفتهم ومدو يدهم يسلمون انه ما امد يدي لهم..!

خلهم على حركاتهم
مردهم بيتعبون..
:D

انه علي من خطيبي وامه واخواته
والباقين خلهم ..!

يعني باختصار خلج ولا تهتمين هع هع

الله يكون بعوونج

ماعرف شو بيحصلوون من ورا هالحركات

الله يهديهم ومشكووره غنااااتي عالرد

سماري0
08/07/2008, 09:38 AM
ربي يحفظج ويسعدج انتي وزوجج وطنش تعش


ويحفظظظج من كل شر

ما منج اقصوور

سماري0
08/07/2008, 09:42 AM
اختي لاترسلون الصور لهم ولا شي حافظي على زوجك وبيتك لاتقهرينهم زيادة (خاصة ان هم اهل سحر )
اشتري حرص زوجك عليكي وحبه لكي بكل كنوز الدنيا
حاولي لا تثيرينهم او تدفعينم للانتقام او تخريب حياتكم
وانصحك باذكار الصباح والمساء والمعوذات على طول وعلمي زوجك يقراها في كل مرة يروح لهم
طمنينا عليكي يالغالية

هيه والله الغاااليه صدقج
انا روحي خايفه منهم بس اخته قالت هالكلام ما قهرها وحليله اتعزني وااايد
وريلي قال لي قبل لا لااهتم فيهم خاصة انه يعرفهم عدل

خير ان شاء الله ربيي يجدم اللي فيه الخير
مشكووره اختي

سماري0
08/07/2008, 09:44 AM
اختي الحقران يقطع المصران
طنشيهم ودوم اقري على روحج وعلى زوجك
ترا كل المتزوجات عندهم حد ما يدانيهم
بس وش على الذيب
لا يهمج حد ريحي بالج

ان شاء الله الغاااليه

الحمدلله اني ابعييده عنهم ولا ما يندرى شو كان بيصيرر
مشكووره اختي

سماري0
08/07/2008, 09:49 AM
اختيه هاذيلا اللى داخلين فى حياتج شيز ومالهم خص ..طنشيهم لأنهم ماعندهم سالفه ..ويبون يسون أكشن فى حياتهم..
دام أنتي وريلج مرتاحين ..وعلاقتج مع هله زينه والحمدلله .. لاتعطينهن ويه ..
ولاتخلينهم ينغصون عليج حياتج ..استانسي ولاتسمعين كلامهم ..والمفروض ريلج مايعطيهم مجال حق الرمسه..
بالتوفيق ..

كل يوم رمسه بدون سبب صدق شي يغث بس مثل ما قلتوا اطنشششششش

اووونه شووو هو ولد خالتنا وخالنا وماخذ وحده غريبه اللي هي انا يعني

مشكووؤة ختي

سماري0
08/07/2008, 10:02 AM
أختي العزيزة
مثل ما قال لك زوجك طنشيهم ( ريلي قال انتي لاتسوين شي بالعكس كل ما تسكيين هي بتأكل بعمرها وخلييج اكبر عنها بعقلج وباخلاقج )
وشو أكثر من هذا الكلام وزوجك أدرى بهن ويعرف أخلاقهن
لا تنزلي نفسك لمستواهم ولو رديتي عليهن بتسعديهم ويستانسوا إنك صرتي مثلهن بالمستوى ولا تتصلي بزوج فلانه أو علانه (كما نصحتك أحد الأخوات ) ولو أنقلب الموضوع عليك وكذبوك أو صار مشاكل بينهم وتطلقوا بتزيد من إلتصاقها بزوجك وبتحاول تحطمك وبتطيح بكبدك
أهم شيء زوجك وأهله رأضين عنك وصلي قيام الليل وكثري من الدعاء والأستغفار والصدقة ولا تنسي من أذكار الصباح والمساء يبعد عنك السحر والعين والحسد
وأنصحك لا تذكري زوجك بخير أو بشر أمام أحد ولا تدعي أخته ترسل وتخبر لهن عن سعادتك وتفاهمك مع زوجك لا أمامهن ولا أمام غيرهم
والله يسخركم ويوفقكم لبعض ويسهل وييسر أموركم يا رب العالمين

هيه والله ريلي وحليله كل ما يقول لي عن موقف ولا يوصلني كلاااام
يحاول يريحني ويواسيييني ما قصر يووم ..ودومه يدافع عني واايد يبرد خاطري برودوه عليهم
ما يعطيييهم مجاال ابدن

ما بقول لريلها مش ناقصه مشاكل وانا متأكده الاخت يوم انها شارت علي بهالشوورمن قهرها ع
حالي والكلاام اللي يغث بس ان شاء الله هالشي ما بيصير ولا اطر اسوويه ..

مشكووورة غناااتي كلامج ريحني واايد

يزاج الله خييير اختي

سماري0
08/07/2008, 10:08 AM
اختي لا تخلين بينهم وبينج اي شي، لا تحرينهم ولا تغيضينهم، بالعكس لو طرشتي لهم الصور بيستانسون لانهم بيعتقدون انج دخلتي وياهم في المعركة << شدعوة داحس والغبرا
لو تسكتين عنهم بيغتاضووووووووووووون، صج هم ببينون للكل العكس، وانج ضعيفة وانج ما تردين ووو، بس في داخلهم نااااااااااار تاكلهم كلاهم الدود
والمهم زوجج حبيبتي، عندج البيت باسمج شتبين بعد هههههههههههه، امزح جبيبتي، صج المهم زوجج يحبج ويعزج وحاطج في عينه، شعليج من كلامهم وخرابيطهم،،
وما عليج من احد انتي احلى منهم<< صج ما شفتج بس دوم الناقص يعيب عالكامل والكامل الله
الله يوفقج ويا زوجج ولا تهتمين لهم حبيبتي

تعرفيين اانا اعتقد انا حرنهم اكثر موضوع البييت والشركه
ليش وليش؟اونه هي غريبه ؟
وكيف ولد خالتنا يسوي جذه
تعرفيين انا ريلي قبل كااان غييييييييير واايد غير كان طيب وكل شي
بس اوونه كان يحب يعيش يومه ويشوف الدنيا
وهم يعرفونه ع هالاساس ومقهورات ليش تغير يوم عرفني
وحلووه هاااي داحس والغبراا خليتني اتحمس من الخاطر خخخخ^_^

مشكووره الغاليه

سماري0
08/07/2008, 10:12 AM
سماري حبيبتي.. اذكري الله ولاتخلين ناس مثل هذولا يخربون حياتج

مثل ماقلت لج قبل.. انتي دايما حصني نفسج وزوجج بالاذكار وبالرقيه..

وباذن الله مايقدرون عليكم لابسحر ولا بغيره والله يرد كيدهم في نحرهم

حبيبتي اهم شي زوجج انه مقتنع فيج ويحبج والباقي خليهم يولون يشربوووون من البحر



والله يسخركم لبعض ويرزقكم الذريه الصالحه يارب

لا اله الا انت سبحانك اني كنت من الظالمين
استغفر الله واتوب اليك
يامثبت القلوب ثبت قلبي وقلب زوجي على دينك

ان شاء الله الغاااليه ,,يزاج الله خير

انتي ما قصرتي وياي ابدن سألتي عني اول باول والله هذا من طييب اصلج

والله يوفقج وييسر امووورج دووم يالغاااليه

^^

سماري0
08/07/2008, 10:23 AM
طنشيهم هم اصلا كل هدفهم يعصبوكي ويخربو علاقتك بزوجك انت خليهم يموتو من قهرهم ولا تهتمي بيهم مدام زوجك بيحبك وبيموت فيكي خلاص هو ده المهم وربنا يسعدكم

ان شاء الله الغاااليه

ما منج اقصووور ^^

سماري0
08/07/2008, 11:05 AM
هههههههه
والله يا سمارى ضحكتيني
انتي بطلة القصه من كل النواحي والمنتصره ليش القهر؟
او الضيق
صدقيني سكوتك وحكمتك بتخلي زوجك خاتم في اصبعك وهو الي يدافع عنك ويثلج صدرك وتحسين
شكثر هو يحبك ويموت فيك وكل ما هم سووا كذا وانتي سكتي الخير بيجيك من تحت الارض
وبتزيد معزتك بقلب زوجك لان طيبه وبنت اصول مش سوقيه ومنحله مثل عالبنات خرابات البيوت
انتي بس ادعي دوم الله يشغلهن بنفسهن وتفتكين من شرهم
تجاهليهم نهائيا ونصيحة زوجك لك هي الكلام السليم
اسمعي كلامه واستمتعي بحنانه ووبسماع قصص الغيره الي توصلك وحطي رجل على رجل واستانسي
تحياتي

حلوه منج كلمه البطله هااي خخخخخ صدقت عمري ترا ^__^

كلاااامج ينطق حكمه فديييتج وان شاء الله بسوي مثل ما قلتي سكووتي بيقهرهم ويحليني بعيون
ريلي
مشكوووره غناتي ما قصرتي ^_^

سماري0
08/07/2008, 11:08 AM
مـــاقصررررن البناااااااااات

والله يوفقج


وياااج اختي

مشكووره

tamarah
08/07/2008, 12:10 PM
اختي لا تهتميلهم ولاتردي على كلامهم واذا خايفه من حسدهم وسحرهم وكيدهم دايما اقرأي ببيتك سورة البقرة وخصوصا غرفة النوم واهتمي بقراءة اذكار الصباح والمساء وخلي زوجك يقرأها لانه اذا قرأها ان شاء الله ما يأثر فيه السحر لا سمح الله ونصيحتي الك اذا بدك تكيديهم اهتمي بنفسك وزوجك اكثر واكثر ودايما كوني متأنقه ومتجددة وحاطة ميك اب وعطر ومغيرة لون شعرك خلهم يطقون غيرة منك ............. الله يوفقك مع زوجك اختي

سماري0
09/07/2008, 07:49 AM
^
^
^

ان شاء الله الغااااليه

ما اقص عليج حالي حال اي بنت اتحب اتغايظ اللي بس اطالع الانسان اللي هي تحبه فما بالج بريل

تعرفيين انا الحمدلله ملامحي حلوه وعيوني كبار وريلي متعود كل ما يشووفني يقول فديت عيونج ^_^
عسب جيه دووم ارمس اعيوني وخاصة يوم يكونون موجودين وريلي لاشعوريا ما يقصر
فديتج عيونج والله يعلني افداج ومن هالكلام يدامهم وما اشوف الا نيران تطلع منهم
الله المستعان

مشكوور غناتي ع النصايح
يزاج الله خير الغاليه

uae bride
09/07/2008, 08:02 AM
هلا والله بسماري شحالج وشخبارج....
حبيبتي انتي ما عليج من حد طنشيهم مدام ريلج يحبج وما بشوف غيرج خلهم يولون...والناس هذا طبعهم بيرمسون واخر شي بيسكتون كوني احسن عنهم....
الله يرزقج بالذرية.....

سماري0
10/07/2008, 09:36 AM
هلا ومسهله غناتي انا ابخير وسهاله ربي يعافيج ويحفظج
وان شاء الله ختي بطنش وانا اللي مريحني اكثر ريلي اللي مايرضى علي

الله يهديهم ويسمع منج (الله يرزقج بالذرية.....)