المساعد الشخصي الرقمي

مشاهدة النسخة كاملة : اوريفلام ووجهة نظر



habibaB
05/07/2008, 09:54 PM
ازيكم يا بنات ايه اخباركم

عايزين هنا نعمل استفتاء لأحسن واسوأ منجات اوريفلام وكل واحدة تكتب عن تجربتها مع توضيح نوع البشرة

وانا عن نفسى احسن حاجة استعملتها من اوريفلام مجموعة اوبتيمالز للبشرة الدهنية بس بينى وبينكم بجيبها لما بينزل عليها خصومات عشان الميزانية متخرمش :wink:

اما اسوأ حاجة فهو شامبو الشعر من اوريفلام

ويارب نتواصل

sweet_angel
05/07/2008, 10:01 PM
هاى يا جميل بما انى عضوة فى اوريفليم حقولكم انا جربت ايه وعجبنى وايه معجبنيش
اللى عجبنى
كريم even out face cream ده للاماكن الغامقة اللى بتبقى فى الوش حوالين الفم وعند الجبهه
شامبو القطن والورد البلدى شعرى ارتاح عليه اوى مع ان اختى جربته ومعجبهاش
فى ماسك الشعر اللى بجنين القمح
سكرب للجسم بالتوت
صابونة التفتيح جميلة جدا
وبالنسبة للبرفانات جوردانى جولد ووايت
و اكليبس وفاير وميد سمر
اللى معجبنيش
شاور جيل المانجو و الزبادى مش شايفة انه مختلف عن اى شاور جيل عادى
ماسك الطحالب معملش اى حاجة
بس لو افتكرت اى حاجة تانية حبقى اقولكم

سما الحياه
05/07/2008, 10:26 PM
موضوعك حلو واسمحولى اشارك معاكم انا لسه عضوه جديده فى المنتدى وبما ان عضوه فى اوفلام يبقى اقولكم على اللى عجبنى
شامبو الشعر المموج
الكرات الروز للخدود
اساس جوردانى
وماسك الطماطم للبشره الدهنيه
برفان لوشيا ودفاين وجوردانى وايت
وكريم البقع الغامقه
واللى مش عجبنى فعلا
بلسم الشعر المموج

بنوتة سكر
05/07/2008, 10:43 PM
انا جربت كريم التفتيح والصابونه وكانو تحفه
وجيبت مانكير واى شادو فيجنز وبرده عجبونى

والماسكرا بتاعه فيجنز الجديده حلوة اوى
واساس جوردانى جبار

لوشن الجسم بتاع الحرير حلو

بس اللى معجبنيش الشاور جيل بتاعه ولا منتجات الشعر

habibaB
06/07/2008, 01:00 AM
انا على فكرة لست عضوة في اوريفلام وانما جربت حاجات منها كتير

sweet_angel
06/07/2008, 12:52 PM
بنات مين جرب منتجات سيلك اند سموث اللى نزلت الشهر اللى فات وبالتحديد معطر بالكرة الدوارة لتخفيف نمو الشعر علشان انا عايزة اشتريها بس مش عارفة اذا كانت حلوة ولا لأ؟