المساعد الشخصي الرقمي

مشاهدة النسخة كاملة : غيرتي على زوجــــــــــي بتملله مني ..



رغـد
05/07/2008, 09:46 PM
السلام عليكم ورحمة الله وبركاته ..

مرحبا أختي ,, بصراحه انا ما اعرف ايش اقول .. وتحمليني الاسلوب عندي مو ذاك الزود

لاني متضايقه ومو عارفه ايش أسوي


فقلت مالي الا الله ثم منتديات عروس .. يمكن تقدر تساعدني في المشكله ..

انا الحمد الله متزوجه من سنه ونص تقريبا .. وانا حامل حاليا في الشهر الثامن ..

انا انسانه غيوره على زوجي .. بقولها حتى تسهل شوي ..


زوجي الحمد الله متوظف وماعنده اي مشاكل لا مع اهله ولا معاي انا الحمد الله ..


علاقتي معاه زينه .. لانه انسان متفتح ومثقف ومو راعي خربطه .. وبيفهم في التعامل معاي . .



لكن المشكله , اني دااااااااايما اخاف عليه من العلاقات الخارجيه مع البنات يعني :( ..


لكن ماعندي دليل واضح على هالشي واحيانا تصير معاي مواقف احس انه كذا ..


مثلا فيه مره حصلت في الرسائل المرسله بجهازه .. مرسل رقم بطاقة شحن

ويسالها اذا وصلت او لا .. ويعتذر على التأخير ,,

وكان وقت الارسال الصباح الساعه 9 ونص ..

ويوم اني سالته عنه وواجهته قال انه واحد من أصحابه مو هو .. وانه اخذ جوالي

وانا في الاستراحه وارسل له وقلت له وقت الارسال كان الصبح

وصرفني كالعاده .. قال انه غير توقيت الجوال .. .. وجلس يقنعني بأعذار وانا صدقت

وغصب علي بصدق لانه زوجي وما ابي مشاكل ..


وحاليا انا اشوف رقم بجواله .. باسم واحد من أصحابه .. والحين نفس الرقم بأسم واحد ثاني .


( شفت في السجل انه كان مكلمه ساعه كامله وهو في الدوام .. وفي هالساعه
انا وهو متفقين انه يصحيني من النوم :) لكن اعتذر انو كان عنده قضيه صعبه وتاخر ما اتصل



وجالس عليها ,, استغربت منه يعني ماراح ياخذ من وقته لو اتصل وسكر :( )


تكفين ساعديني أبي أتأكد ومو عارفه ليه
اخاف اسوي شي واهدم بيتي فوق راسي ,,


مرره متضايقه ومو عارفه ايش أسوي ,,,

(( زوجي من النوع اللي مايحب اني اراقب اتصالاته

ومين كلم ومين لا .. يحب يكون عايش بحياته لوحده

دون مضايقات مني .. ))


يمكن رسالتي ماراح تهمك لانك اكيد توصلك مشاكل

اصعب من مشكلتي بوااجد ..


لكن ارجووك اختي .. دليني ع الصح ..

انا ماعندي احد ألجأ له الا زوجي ..

وصاحباتي كلهم مو قريبات مني .. وما ابي اطلع اسرار بيتي للناس ..

ان شاء الله تكوني فهمتي قصدي وماوجعت راسك بكثر القرقه :o



تحياااااااااااااتي ,,

انتظر الرد ..

ساعة غروب
06/07/2008, 08:09 PM
هلا حبوبه
دام زوجج وايد زين معاج ليش تدورين من وراه
وتتجسسين عليه

خليه على راحته وبعدين انتي عيشي حياتج معاه وخلي عنج التجسس والدواره من وراه خلج واثقه منه

وخلي ثقتج بنفسج اكبر من جذي

اتمنى انج تريحين نفسج من الوساوس والشكوك ترى انتي بهالشكوك راح تهدمين بيتج

وتخسرين نفسج

تعوذي من ابليس وخلي ايمانج بربج اكبر

رغـد
07/07/2008, 12:00 AM
يابعد عمري والله انو كلامك صحيح ,,

المشكله اني عارفه ,, لو بسوي كذا بيتملل مني ويطفش :(


الله يكتب اللي فيه الخير ويوفقك يارب

ريحتيني ياقلبي .. وبحااااااااول اسوي اللي قلتي عليه واريح عمري ...

اعوذ بالله من الشيطان الرجيم ..


:$ الف شكر لك

رغـد
06/11/2008, 07:49 AM
حبيبتي لحظة غروب ..

مرة علي أزمـــــــــه مو عالم فيها الا رب العالمين ..


في اخر حملي قبل ولادتي بثلاث ايام .. حصلت اللي خايفه منه ..

حصلت بسيارة زوجي ( جهاز جواله القديم ) كان مخبيه اااااااااااااااااه مابتصدقي الصدمه اللي عشتها ..


اخذته بسكات وطلع البيت .. وهو بيمشي للاستراحه كالعاده ..

اول مادخلت البيت فتحته والا الاقي الصدمه فيه ارقام بنااااااااااااااااااااات وكلام يضيق الخااطر ,,


والا الاقيه يرجع يركض بسرعه ... انا مسويه نفسي ماشفت شي.. استقبلته كالعاده ببتسامه وضميته

واسولف وكني ماشفت شي ... ( لاني ابي أتأكد بالاول )

هوا مبين عليه .. انه خااايف .. اخذ شنطتي يدور فيها اكيد ع الجوال .. ويسوي نفسه يطالع موديل الشنطه ..


ماحصل شي ,, رجع طلع براة البيت ..

كملت قرائتي للجوال .. حصلت له علاقات مع بنات من السعويه وخارج السعوديه


أنهرت بكييييييييييييت ليمن جفت دموعي ,,


بعدها بساعه ونصف ... رجع للبيت ,, وطبعا مسويه نفسي ماشفت شي .. ومأجله أواجهه لبعدين ..

جلس عند التلفزيون وباله مشغوووول ..


ما انتظرت ... قدمت له الجوال ونزلت وبوسته وشكرته بسسس وطلعت غرفتي ..

قالي : بفهمك الموضوع وانا من الصدمه مافي دموع ولا شي بوجوده .. قلت مابي اسمع شي ؟


لكن باختصار ... فهمني انه كان له علاقه معاها من يومه بالجامعه وانه حاول يتركها لكن ماقدر ..
تركها اول ايام الزواج .. لكن رجع من جديد ..

الحمد اله ولدت الحين .. ولي شهرين .. لكن نفسيتي مره تعبانه .. واحس الخيانه بعيونه ..


ماصدقته رغم كلامه لي ووعوووده

مجروووحه وربي ياغرووووب ..


ابغي حل .. ابغي زوجي لي لوحدي .. وابعده عن بنات الحرام .... قريت واجد مواضيع بالمنتديات ..


لكن ابغي حل منك ... مرتاحه لك .. وربي .. انا عمري 20 سنه مابغي مشاكل ووجع راااس كفايه الحساسيه اللي عندي .... متعبتني ...



(( مو قادره اعرف هو صادق و لا ... لكن اذا شافني متضايقه دايما يكلمني عن انه لو بننفصل ماراح يعي من دوني ومن هالكلام ... |)))


وربي دوختك معاي لكن من حرقي ماقادره اركز . ..

رغـد
06/11/2008, 07:53 AM
على فكره انا طاوعتك وتركت التجسس .. لكن ظليت حاااسه بشي مو طبيعي خاصه باواخر حملي ...


وكنت الوم نفسي ليه اني مو واثقه فيه .. هو مو كذا ..


لكن للأسف ثقتي ماصارت بمحلها ..


وطلع كل شي حسيت فيه بمكااانه ..


وكيف حصلت الجوال مو عن طريق التجسس لا صدفه وربي صدفه كأن ربي دالني عليه ... :(

ساعة غروب
12/11/2008, 01:35 PM
اول شيء الحمدلله على السلامة ويتربى او تتربى في عزكم وحضنكم

انا من رايي عطيه فرصه ثانية يثبت لج صدق نواياه

اقعدي معاه وقولي له" انا بصراحة مأثر علي الموقف اللي طاف وانا بصدقك هالمرة لاني احس انك صادق وتبي تفتح صفحة جديدة

بس عاد لا يتكرر هالموقف لاني هالمرة كنت هادية المرة الياية راح اكون غير يمكن حتى انا بتفاجأ من ردة فعلي

انا بعطيك هالفرصة مو عشان انك طيب وزين معاي ولا عشان هالطفل اللي بينا لاء انا بعطيك هالفرصة لاني فعلا ً احبك وابغي اكمل حياتي معاك"

قولي له هالكلام نصيا ُ حفظيه وقوليه صدقيني راح ما يقدر يخونك مرة ثانية

الله يوفقك والحمدلله على سلامتك مرة ثانية