المساعد الشخصي الرقمي

مشاهدة النسخة كاملة : والله تعبت :( 2



أوركيد 22
05/07/2008, 03:26 AM
مرحبا بنات شخباركم ... أنا كتبت من قبل موضوع في هذا القسم اذا تذكرون عن عدم تفاهمي أنا زوجي والمشاكل إلي أواجها بسبب هذا الشيء وما قصرتو اقترحتو على أشياء خففت المشاكل الى حد ما... بس مازالت مشكلتي مستمرة والله ما أحس بمشاعر اتجاه زوجي ماأحس إني أحبه أو أشتاق له أو أفتقده يعني لما أروح أزور أهلي مثلا أو اذا سافر سفرت عمل... يمكن علشان طبعه وأشياء وايد فيه ما تعجبني ... كل من يشوفه يقول عنه وسيم ويجنن بس أنا مااشوف هذا الشيء أبدا... هو ما يقصر علي بشيء وشو ما أطلب منه يسوي لي أغلب طلباتي مجابه عنده أحسه يحبني ويبي يرضيني بأي طريقة بس أنا لا حياة لمن تنادي...حاولت وايد إني أتقبله وأحبه بس مو قادرة ... طبعا ما أكره ولا أحبه يعني شعوري اتجاه عادي ... والله أحس بتأنيب الضمير علشانه أحس يكسر خاطري وايد ...ودي أسعده ونعيش مرتاحين بس مو قادرة...في شيء من أول ما تزوجته حسيت إني مو متقبلته والله حاولت وايد بس ما قدرت,,,أنا أقول يمكن علشان شخصياتنا جدا مختلفة ومافي انسجام ....ساعدوني بنات شو الحل والله تعبت من وضعنا ...على فكرة أنا صار لي 4 سنوات متزوجي وعندي ولد

MIYA !!!
05/07/2008, 03:42 AM
بس مازالت مشكلتي مستمرة والله ما أحس بمشاعر اتجاه زوجي ماأحس إني أحبه أو أشتاق له أو أفتقده يعني لما أروح أزور أهلي مثلا أو اذا سافر سفرت عمل... يمكن علشان طبعه وأشياء وايد فيه ما تعجبني ... كل من يشوفه يقول عنه وسيم ويجنن بس أنا مااشوف هذا الشيء أبدا... هو ما يقصر علي بشيء وشو ما أطلب منه يسوي لي أغلب طلباتي مجابه عنده أحسه يحبني ويبي يرضيني بأي طريقة بس أنا لا حياة لمن تناديعلى فكرة أنا صار لي 4 سنوات متزوجي وعندي ولد

طيب شو بدك اكتر من كده ؟؟؟؟؟؟؟؟؟؟؟؟؟؟ احمدي ربنا على الزوج الصالح اللي بيحبك وبيقدرك وبيعاملك بما يرضي الله لا ترفسي النعمة اختي شوفي هنا فقضايا وحلول المشاكل اللي بيعانو منها الاخوات واكيد حتحمدي ربنا على حظك ونصيبك
اختي شوفي انت فكري مع نفسك في ككككككككل اجابيات زوجك وكل الاشياء الكويسة اللي بيعملها معاكي وكمان فكري انه فيوم فجاة يضيع منك زوجك لا سمح الله كيف راح يكون شعورك ؟؟ راح تكملي حياتك عادي ولا راح تحسي انه جزء منك راح؟؟؟فكري كتتتتتتتتير بهالنقطة لان الانسان مابيعرف قيمة اللي معه حتى يضيعه اذن اصحي وانتبهي على زوجك قبل لاتجي وحدة تانية وتاخدو منك وساعتها حتقولي ياريت اللي جرا ماكان اختي انتبهي بسرعة ولا تعملي شي تندمي عليه طول حياتك وربنا معاكي

أوركيد 22
05/07/2008, 03:52 AM
تسلمي عزيزتي على الرد :) ...صح كلامج لازم أحمد ربي على نصيبي أنا أحسن من غيري ... بس الحب من الله مو بيدي ... وشعور جدا صعب إنك تعيشين مع إنسان ما تحبينه ... حتى إني ما أغار عليه من البنات لما يكلمني عنهم أقصد إلي يشتغلون معاه وكل وحده أحلى من الثانية ... وحتى لما نطلع أشوف البنات بياكلونه علشانه وايد وسيم وانا ولا على بالي ساعات أمثل جدامه إني أغار بس من داخلي لا شيء :(

MIYA !!!
05/07/2008, 03:56 AM
طيب دام انك مابتحبيه ليش اخدتيه؟؟؟؟؟ انت تزوجتيه غصب ولا كنتي بتحبي احد تاني؟؟ سامحيني على صراحتيبس موقفك مش مفهوم والله يااختي غيرك مش لاقيين رجال يتزوجوهم واللي متزوجين ازواجهم مابيهتمو فيهم ولا يعاملوهم بمايرضي الله انا مااقدر اقول اكتر من اللي قلتو بس ربنا يصلح احوالكم وانت حاولي تحبيه لانه زوجك وابو ابنك وراح تكملي معه حياتك اذن انتي ملزومة تحبيه ...

عيون غاية
05/07/2008, 04:17 AM
تدرين ... ان قصتج مثل قصتي بالضبط

كانج كاتبة عني انا ... والله انا وزوجي صار لنا متزوجين من خمس سنين

والحمدلله حياتنا مستقرة وهو طيب ويحبني ويحاول يرضيني بشتى الطرق

وانا على قولتج لا حيات لمن تنادي.. يعني ما اكرهه بس في النفس الوقت ما اقدر احبه

مثل ما قلتي بسببب اختلاف شخصياتنا

بس في فرق بيني وبينج .. انا في فترة الملجة لما حسيت اني ما اقدر اتقبله ولا اقدر اكمل وياه

باقي حياتي.. طلبت الطلاق .. وقلت له اني ما اقدر انسجم معاك .. تخيلي رفض طلبي

وقال لي انا اباج ومستحيل افترق عنج

كل اهلي وقفوا ضدي ومنعوني من الطلاق وزوجوني غصب .. الكل يقول الريال ما يعيبه شي..

بس محد فكر في راحتي وقلبي.. والله اني حاولت وما خليت شي ما سويته عشان احبه

بس للاسف ما قدرت...

يعني اللي انا سويته بالنهاية .. واباج تسوين مثلي

اني قلت حق نفسي .. خلاص هذا نصيبي ولازم ارضى فيه وهذي قسمتي في الحياة

وحالي احسن عن حال غيري .. يعني الحمدلله ما يضربني ولا يشتمني ولا يحرمني من اي شي

ومعيشني معززة ومكرمة ولا يرفض لي طلب .. شو ابا اكثر عن جيه .. وايد حريم غيري عايشين

مع رياييل ما يعرفون الرحمة.. ليش احنا ما نحمد ربنا على اللي حنا فيه .. ترى كل شي بأجره

واذا عن الحب والقلب.. خلاص اختي راحت علينا ...لازم نتنازل عن وايد اشيا عشان نرتاح بحياتنا

وهذي هي الدنيا .. محد يحصل كل اللي يبيه

وانشا الله ربي يسعدج ويسخر قلبي وقلبج لرياييلنا ويرزقج السعادة يارب

واسمحيلي اختي

دلوعةحناني
05/07/2008, 04:20 AM
اوركيد حبيبتي
اعصري مخك شوي
وتخيلي تفقدينه؟
او يصير شي يفرقكم
او يخونك مع وحده ما تسوى ظفرك؟
او يتغير عليك وهو الي ما يبادلك الحب؟
هذا تفكير اغلب الحريم او بالمعنى الاصح خيالاتهم الواسعه الي تزيد الحب والشوق وتولعه بقلوبهم
مبين حياتك هاديه ومافيها اكشن ولا مغامرات علشان كذا انتي حاسه بعدم تجدد او نمو الشعور بالحب
والله بقولك سالفه حقيقيه شفتها بعيني تختلف عنك شوي بس بتحسين بقيمة زوجك اذا فكرتي فيها
وحده كان زوجها يعبد التراب الي تمشي عليه يحاول يرضيها بأي شكل وهي دوم تقول تحس اتجاهه بعدم
الحب الجارف الي اغلب الحريم يحسونه اتجاه ازواجهم وكانت دوم تستهزأ فيه بينها وبين نفسها وتتمنى
تغير حياتها وتشتغل وتحس ان مو هاذي حياتها الي تحلم فيها ومرات تحس بتأنيب الضمير اتجاه حبه لها
وشعورها البارد نسبيا اتجاهه.
وفعلا تغيرت حياتها ولكن بمصيبه مرض زوجها وعلى طول نام بالمستشفى لمدة 3 شهور
وما بدت تحس بقيمته الا لما دخل المستشفى وحطته بعيونها وتمنت انه يطيب
بس للاسف حكم الله اقوى ومات زوجها مات الي كان حاطها بعيونه
مات ابو ولدها وبنتها مات الي كانت معتمده عليه بكل شي مات يدها اليمين وعينها وقلبها
اصبحت وحيده منكسره وما لبثت تبكي ندمااا على كل لحظه ضيعتها وهي ما تحس بحبه
عاشت وعانت وحيده رغم وجود اهلها بجانبها ولكن مات هو واكتشفت ان قلبها كان موجود بقلبه
وللحين ما لقت قلبها ليومك هذا رغم زواجها من ثاني بعد يحبها ولكن حب عن حب يختلف
وزوجها الي مات كان يحبها كالقصص الخياليه ويضحي من اجل سعادتها وعارف انها ما تحبه مثل ما هو يحبها
...............................
تحياتي

05/07/2008, 04:35 AM
مشاء الله عليكى ( دلوعه حنانى ) الله يكرمك انصحيها
يا بنت الحلال حد يلاقى فى الزمن ده حب حقيقى ويسيبه من ايده حبييييييه ولا انتى من النوع اللى لما الحاجه تروح من ايدك تحسى بيها ( انا اسفه على جراتى ) بس احنا كلنا هنا اخوات

بنيسا
05/07/2008, 06:47 AM
اختي اوركيد انتي حد جابرك عليه ما جاوبتي على السؤال

زمرده
05/07/2008, 08:57 AM
أختي استعيذي بالله من الشيطان , هذه كلها وساوس
زوجك مشاء الله تبارك الله من خير مايكون , والحب يجي بالعشره
حاولى تنظري له مثل ماغيرك يشوفه انسى موضوع انك مو قادره تحبيه
حاولى تجربي معه بدايه جديده تعرفي عليه من اول وجديد
وصدقيني غالبا مانحس بالنعمه الا لمن نفقدها , وطالما بينكم موده ورحمه احمدي الله وحاولي تكوني سعيده

ادعي الله وكثري من الدعاء انه يجعل بينكم حب , وافهمي كلام (دلوعه حناني)
وربي يسعدك ان شاء الله ويوفقك للخير

كازابلانكا
05/07/2008, 09:13 AM
تبي رأ يي انت اكيد تحبينه لأ، كل الصفات الي ذكرتيها تخلي اي وحدة تحب زوجها الحي الحقيقي يا عزيتي هو الذي يولد مع الايام بالعشرة اما كلام المسلات هذ لايصدقينه ابدا
اما بالنسبة لإختلاف الطباع فهذا شئ طبيعي بين اي زوجين لأن كل واحد اتربى في بيتمختلف عن الثاني
والزوجة الذكية هي الي تعرف كيف تقصر المسافة بينها وبين زوجها
دائما قولي نفسك انا احب زوجي انا اشتاق له اتخيليه وصدقية ولما يغيب قولي نسفك راح اشتاق له وافقتقده
ومع الدعاء في كل ان الله يفتح قلبك لزوجك
تحياتي لك اختي

درب الحياة
05/07/2008, 11:33 AM
قصتك اختي تشبه قصتي لكن معكوسة
خطيبي او زوجي ( لان احنا مملكين) دائما يقولها لي في وجهي انه مايحس بالحب تجاهي يعني مشاعره عادية جدا وهو متاسف لهالشي لانه مابه شي يعيبني بس يقول الحب من الله وش اسوي
وانا بعد ماعرفت مشاعره المتزعزعة صرت ماادري انا احبه او احاول اخبي حبي له عشان لااقط نفسي عليه

أوركيد 22
05/07/2008, 10:02 PM
:) يعطيكم العافية بنات على ردودكم الطيبة ما قصرتو والله وكلامكم أغلبه صحيح... بالنسبة لزواجي كان تقليدي أهلي ما غصبوني عليه بس حسسوني إنه أحسن واحد ممكن يتقدم لي بس أنا ما كنت مقتنعه فيه لكن مع الضغوطات وافقت .... وبصراحة كان بقلبي شخص آخر خطبني قبله يصير أخو صديقتي بس أهلي ما وافقوا عليه لانه مو من مستوانا ... المهم هذي مو قصتنا بس رداا على الأخوات إلي سئلوا

أوركيد 22
05/07/2008, 10:04 PM
عزيزتي عيون غاية تسلمين أختي على مشاركتج لي تجربتج ...الله يعين بس ويهدينا ويألف بين وبين أزواجنا :)

أوركيد 22
05/07/2008, 10:09 PM
دلوعة حناني ياحلو كلامج والله واايد تعجبني ردودج .... صح كلامج الإنسان ما يحس بقيمة إلي عنده إلا لما يروح منه .... بس تصدقين لما يسافر أبدا ما أشتاق له ولما أروح أزور أهلي كم يوم بعد نفس الشيء ماأحس إنه ناقصني شيء ولا مشتاقة نفس الحريم ...والله قلبي يعورني عليه أحس يكسر خاطري :(

اليازيه2010
06/07/2008, 01:10 AM
لا تخلينه يدور لاهتمام عند غيرج........خافي الله فيه.......انتي وياه عايشه العمر كله مب معقوله اتمين

على ها الحال طول العمر.......حبيه غصبن عنج...صدقيني الريال الزين نادر ها الأيام لا تخسرينه

مرموم
06/07/2008, 11:27 AM
أختي طيب بسألك سؤال واحد

لو لا سمح الله جاء واحد و قال لك ( لا قدّر الله ) زوجك عمل حادث و بين الحياة و الموت...

تخيلي معي هالشيء

شو بيكون ردة فعلك ؟

جاوبيني و بتناقش معاكي ...

درب الحياة
06/07/2008, 03:46 PM
أختي طيب بسألك سؤال واحد

لو لا سمح الله جاء واحد و قال لك ( لا قدّر الله ) زوجك عمل حادث و بين الحياة و الموت...

تخيلي معي هالشيء

شو بيكون ردة فعلك ؟

جاوبيني و بتناقش معاكي ...

كلامك خطير :wink: لان انا سالت نفسي هالسؤال وعرفت قيمة زوجي عندي وهذا الي مصبرني عليه :)

بــاربــي
06/07/2008, 04:30 PM
ما اعتقد انج ما تحسين بشي صوبه..!
يمكن تقولين جذي لانج تجوفينه وايد مهمتم فيج..

بس لو لا سمح الله سمعتي ان يكلم بنت غيرج
وبدا شوي شوي ما يهتم فيج..!

تهقين انج ما بتغارين ولا بتهتمين..

بالعكس بتموتين قهر ..

هذا مجرد كلام .. لان كل شي صاير بيدج بس لو بتفقدين شي من هالحب وهالعز الي ما شاء اللله انتي فيه راح تحسين بقيمة ريلج وبيطلع حبه لج..

لان 4 سنوات مو هينة..
:)

أوركيد 22
06/07/2008, 11:54 PM
يعطيكم العافية بنات على ردودكم ما قصرتو والله على مشاركاتكم واهتمامكم :)

أوركيد 22
06/07/2008, 11:59 PM
والله كثير أسأل نفسي هذا السؤال أخت مرموم ... في فترة من فترات زواجنا كنت أحس الإجابة على هذا السؤال مستحيلة ولا حتى أقدر أتخيلها ... بس الحين ما صرت أعرف حقيقية مشاعري في هذا الموقف ...والله أحس بالحرج من إجابتي بس هذي هي الحقيقة...مو معاناه ماراح أزعل مهما يكون هذا أبو ولدي ولا أتمنى أبدا إنه ولدي يخسر أبوه مهما كانت حال العلاقة بينا