المساعد الشخصي الرقمي

مشاهدة النسخة كاملة : شهر 12 بيجي وبتدمر حياتي كلها دخيلج ساعديني



العمانية
04/07/2008, 01:20 AM
السلام عليكم اختي ساعة غروب


انا ببدأ في مشكلتي على طول.. انا كنت ادرس في الكلية وتقريبا لحقت بس كورس ونص وبعدين طردوني بسبب المعدل وايد ضعيف... ومن هذيك اللحظة بدت مأساتي... طبعا ما قلت حق امي لانها بتذبحني بس خبرت ابوي وما قصر سوا كل اللي عليه وكلم كل مسؤول يعرفه بس ما رضوا يرجعوني :confused:


المهم انا وااااااايد استحيت من ابوي لاني حسيته ذل نفسه عشاني وانا ما استاهل وخصوصا ان الوالد مركزه كبير ومعروف بين الناس..المهم انا قلت له خلاص انا بتصرف وبحاول احل الموضوع داخل الكلية وان شالله يرجعوني.. طبعا ما رضوا ابد بس انا كذبت على ابوي وقلت له خلاص رجعت وصرت اروح واجي الكلية عادي واقعد مع صديقاتي في وقت البريك مالهم وارجع لما يخلصون... المشكلة الحين صارلها سنتين تخيلي وانا اكذب علييييهم!!! انا مب راضية عن نفسي ابد ولا راضية عن هالشي بس غصب عني والله.. المشكلة شووو؟؟؟ ان شهر 12هالسنة المفروض اتخرج يعني المفروض اكون مع خريجات هالدفعة وهنا تكمن المشكلة!! انا شلوووون اتصرف مع اهلي وشو اسوي يبون يحضرون حفل التخرج والله يتقطع قلبي عليهم لما اشوفهم ينتظروا هاليوم بفارغ الصبر...


دخييييلج ساعديني احس اني خلااااااااااص تعباااانة من كل شي تخيلي سنتين وانا كاااتمة هالشي... لا تقولين اخبرهم لان هالشي مستحيل مستحييييل ابي حل يخفف عني عذاب تأنيب الضمير وحل لهالمشكلةالله يوفقج فحياتج ويسددلج في كل خطوة رزق وخير وبركة

ساعة غروب
04/07/2008, 07:32 PM
هلا حبيبتي

ادري انه ردي او نصيحتي قويه عليج بس لا بد من الصراحة لانه خلاص ما في فايدة الكذب

صارحيهم بالشي هذا وانتي لازم تتحملين العقاب لانج غلطتي ولازم تتكلمين

مو عيب انج تغلطين العيب انج تستمرين في الغلط نفسه

حاولي انج تقدمين اوراقج في جامعه غير او في نفس جامعتج مثلاً اذا كان النظام يسمح انج تدرسين من اول ويديد او تقدمين في معهد او ما شابه المهم انج تدرسين حتى لو انج تدرسين انتساب

واذا خفتي من المواجهة كلمي اختج الكبيرة او خالتج او عمتج او احد قرايبج اللي لهم معزة عند الوالد والوالدة

وان شاء الله ما يصير الا الخير

العمانية
05/07/2008, 11:29 AM
انا ادري ان غلطتي وايد كبيرة ولازم اتحمل اللي بيجيني بعدين بس انا ماعندي اخت كبيرة وماعندي عمة وخالاتي كلهم بعيد عني ومافي وحدة اقدر اني اتكلم وياها...


عالعموم شكرا وجزاج الله ألف خير