المساعد الشخصي الرقمي

مشاهدة النسخة كاملة : دخلو هني وساعدوني ..



NISSAN
03/07/2008, 03:28 PM
سلام يا بنات

انا من قبل حطيت موضوع عن مشكلة عندي وهذا هو الموضوع للي يبي يعرف القصة ..

http://www.3roos.com/forums/showthread.php?t=355964

الحين يا بنات اخر التطورات انه انا وخطيبي خلاص اتفقنا على الانفصال واهو خبر اهله بس انا لحين ماقلت حق اهلي

امي هي بس الي تدري بالموضوع ونبي نخبر ابوي بس خايفة وايد من ردة فعله ..

يا ناس انا اتخذت قراري وواثقة منه بس خايفة من ردة فعل ابوووي وفوق هذا خايفة من كلام الناس ..

بس في المقابل امي واقفةوياي وهي مشجعتني على هالشي ..


بس انا مادري خايفة وايد من المستقبل .. خايفة شنو بكون مصيري بعدين بعد هالانفصال ,, معنى حياتي وراحتي النفسية تكمن بهالانفصال يعني برتاح واايد ..

شسوي يا بنات .. شورو علي ساعدوني ..

الله يخليكم ادعوووا لي بالتيسير وتعدي السالفة على خير والله يوفقني ويسهل لي اموري .. ادعو تكفون ...

لا طنشوني الله يخليكم انا وايد محتارة ...

MIYA !!!
03/07/2008, 03:39 PM
حبيبتي اظن هذا احسن حل انا تابعتك في موضوهك الاول وعطيتك رايي والحين اقولك بماانكم اتفقتو على الانفصال خلاص مافي نصيب وقولي لامك تكلم ابوكي وتفهمو الموضوع وان شاء الله هو بيتفهم
اختي بالنسبة لخوفك من المستقبل فحابة اقولك انما علم الغيب عند الله كلنا مش عارفين شو مخبيلنا المستقبل بس متكلين على الله وحده قادر على كل شيء وهو مابينسى عباده فلاتخافي
وبالنسبة لخوفك من كلام الناس ولا يهمك منهم انت شو الاهم عندك راحتك ولا كلام الناس ؟؟؟اكيد راحتك واستقرارك فلا تهتمي لكلام الناس اللي مش راح يفيدك فشي اعملي اللي بيريحك ولاتشيلي هم احد
بعدين امك واقفة معاكي فلا تخافي وكوني قوية ولا تخلي هالموضوع يهز ثقتك في نفسك عادي ماصار شي الزواج قسمة ونصيب وانت نصيبك مش مع هذا وان شاء الله ربنا بيرزقك باللي يسعدك ويهنيكي ويعوضك عن كل شي وربنا ييسرلك امورك ويكون كا شي متل مابدك امين يارب

بــاربــي
03/07/2008, 06:35 PM
انتي جم صار لج من انخطبتي؟؟

الجوكره
03/07/2008, 06:47 PM
انتي درستي الموضوع مزيان لانه الطلاق مو شي سهل
قعدي مع نفسك وشوفي اذا انتي مستعدة لتعايش مع هذا لحل ولا بس كلام

احس من اسلوبك انك توك صغيرة وهم زوجك صح ولا انا غلطانة

ميسم الورد
03/07/2008, 07:37 PM
حبيبتي دام هالشي فيه راحت بال لج و انتي تعرفي و مقتنعه بقرارج.. احسن لج من الحين تصارحي والدك و ان شاء الله راح يتفهم هالشي لانه في النهايه هذي حياة بنته... حياتك بعدين معاه مو حد غيرك و بعدين الخطوبه ما صارلها زمان يعني مو سنه و لا سنتين لان ذاك الوقت الناس راح تتكلم كثير.. بس يالله اللي فيه الخير بيصير وان شاء الله تلاقين واحد احسن عنه و اللي يريحج و يسعدج.


و مثل ما قلت لج هذي حياتج انتي يعني لو ضليتي معاه انتي اللي راح يتعب و يتبهدل محد غيرج...

والله يفرج همج وكربج ياااااااا رب

دفاية زيت
03/07/2008, 10:31 PM
حبيبتي
الناس خليهم اخرررررررررررر همك
وابوك ممكن يزعل شوي بس عشان خايفك عليك ويبي لك السعاده وانتي بيني له كل شي ووظحي الصوره
بس انتبهي تجبررررررررري نفسك على شي عشان غيرك
والله يوفقك يارب

شمعة جلاس
03/07/2008, 11:25 PM
http://i72.photobucket.com/albums/i185/glittergus/hearts/heart_90.gif

الجوهرة
04/07/2008, 01:46 AM
الله يسوي اللي فيه خير ويعوضك أحسن منه

مادام انتِ مب مرتاحه انفصلي أحسن من الحين أحسن من عقب

والله الرزاق

دلوعةحناني
04/07/2008, 04:52 AM
حبيبتي
الزواج اساسه الموده والرحمه
وليس رضى الناس
انسي سالفة الناس لان رضاهم غايه لا تدرك ومو علشان تخافين من كلامهم تعيشين بجحيم
وانتي ذكرتي انه قال لاهله يعني قرارك لا رجعه فيه اتصور الا اذا رجع هو واهله وحاول يرضايكي
هنا الكلام يتغير ويمكن يكون هذا نصيبك للاسف .
بالنسبه لابوك انصحك انتي كلميه محد بيوصل الي بقلبك الا انتي
ما حك ظهرك الا ظفرك
كلميه بقلب مفتوح قولي له يا بابا انا جاملته كثير على حساب اعصابي علشان ما يجي هاليوم واوقف قدامك هالموقف بس ما اقدر ابداااا استحمل واشرحي له الاسباب والظروف وقولي له كل شي بالتفصيل علشان يفتنع تماما ان قرارك سليم وصدقيني هو بعد بيوقف معك لان ما همه الا راحتك .
وقولي له بعد انك كلمتي خطيبك على الانفصال ووافق وقال لاهله يعني بايع والي يبيعني ابيعه
الله يسخرلك اولاد الحلال وييسر امورك للخير
تحياتي

**ام يارا**
04/07/2008, 08:10 AM
قال تعالى (وجعلنا بينكم موده ورحمه )
حبيبتي اذا من اللحين ماافي تفااهم بينك وبينه فالافضل الانفصال من اللحين قبل مايسير في اطفال بينكم ,
لاتخاافي من المستقبل كلن يصيبنا ماكتب الله لنا ,,, ولاتفكري في كلام النااس( لان ارضاه الناس غايه لاتدرك )
حبيبتي في هاذا الزمن راحه البال اهم شي ان شاء الله بكره يجيكي واحد يقدرك ويرفعك فوق راسه ,,,

موفقه حبيبت قلبي والله يكتب لك الي في الخير *

booha
04/07/2008, 10:28 AM
الله يكون في عونك اختي

Miss S.A
05/07/2008, 10:16 PM
إن شاء الله ربي ييسر أمورك
بس الشيء في بدايته صعب أكيد و شوي شوي ستتحسن الأمور و كأن شيئاً لم يكن
و واضح أنك فتاة قادرة على اتخاذ قرارات سليمة مثل ما يقولون قدها وقدود و الحمد لله أمك واقفة بجانبك الله يخليها لك

♥بنوته زايد UAE♥
05/07/2008, 11:59 PM
انا احب اقولج معلومه الي بيفكر في كلام الناس عمره ما يقدر يعيش صح ،،،،،،، تعرفين ليش؟

لانج يمكن اتفكرين في الناس وتنسين نفسج ،، ورضى الناس غايه لا تدرك ..

وحطي في بالج دامج مب مرتاح ليش اتفكرين في الغير فكري في نفسج وبس ،،

ويمكن هذا الي ربي كاتبه لج ،،

فكري انتي وامج في وقت يكون ابوج رايق ،، اتروحين اتكلمينه ،، يمكن يعصب بس مع مرور الايام بيعرف ،،

وانتي عاد قوليله يا ابوي انا مب مرتاحه وياه وما ابي اعيش مع انسان انا مب مرتاحه وكله مشاكل بينا .

وردة الدوحة
06/07/2008, 03:02 AM
حبيبتي اهم شي تكونين مرتاحة
ودام انك مو مرتاحة معاه
ومع المشاكل اللي ذكرتيها شلون تتوقعين تكون حياتج بعدين؟؟؟؟؟

فكري فيها عدل ... أهم شي تكونين مرتاحة

وتوكلي على الله وخلي امج تخبر ابوج واخوانج بقرارج

الله يسعدج ويوفقج في الحياة