المساعد الشخصي الرقمي

مشاهدة النسخة كاملة : ادخلواا بلييز



الحلاكله بدون سكر
30/06/2008, 10:50 PM
:oالسلام عليكم
بناات مره منحرجه منكم بس ياليت ياليت تفيدوني
انا توني ولدت والمستشفى ماخيطوني وماوسعوحتى
وفي ناس قالولي ازين وفي ناس قالو لا مو ازين
ياليت احد يفيدني كذا كويس ولا لا
ومشكلتي الثانيه ان المنطقة مره مسوده :o:o:o
وش الحل:confused::ss:
الله يجزاكم خير ويفرجلكم ردوعلي

كلارنس
30/06/2008, 10:55 PM
السلام عليكم
اختي لاتشيلين هم
بس عليك بالنفاس المضبوط بلا خرابيط و غسول المرة
وترا مافيك شي لانك بكر
وماتشوفين شر

كايدة
01/07/2008, 05:33 AM
ماشاء الله لا قوة الا بالله

طبعا انا ما تزوجت لكن اللي اعرفه ان هذه نعمة كبيرة تستحق الشكر

يا اختي ليش الخوف انتي ولدتي الولادة اللي كانوا عليها النساء من آدم حتى عصر جداتنا

لا خياط ولا عمليات<<<<<<<<<<< الحمد لله على كل حال

اهم شي التغذية الجيدة والدفا

وغسول الماء والملح وممكن المرة مثل ما ذكرت اختي كلارنس

الف مبروك والحمد لله على السلامة

ju7aina7
01/07/2008, 08:23 AM
اول شي الحمد لله على سلامتك بالنسبه لك عادي اختي مو لازم توسعه وعشان ترجعين مثل اول تشطفي بالماء الدافي مع المر والقرض ( القرض يغلى ويصفى المر ينقع ) ويفضل الجلوس في البانيو او الكروانه لمدة 10 دقائق ولسواد المنطقه اغسلي بصابونة ( فرجنتي ) كلما ذهبتي للحمام ... وتقومين بالسلامه

نبضات الأمل
01/07/2008, 08:54 AM
حبيبتي مثل ما قالوا خواتي
اهم شي اهتمي بعمرج وقت النفاس
وانا استخدمت صابونه فرجيتني
وايد فادتني
والغاليه بعد كل حمام 000 عزكم الله 00
لازم تنشفين المنطقه من الماي لان الرطوبه السبب الرئيسي في السواد
وياليت بعد ما التنشيف تا خذين شويه من زيت الاطفال وترطبين المنطقه لان الجفاف بعد يسود وتدرين حنا الحين في الصيف والجو حار00
وغير ملابسج الداخليه على الاقل من مرتين الى ثلاث
وياليت تكون لونها ابيض على اساس تساعدج تتخلصين من السواد بسرعه
وفي خلطه جدا رائعه انا استخدمتها
الله يجزيها كل خير الللي قالتها
وهي
تاخذين كميه ملح بسيطه وتذوبينها مع قلييييييييييييييييييييل من الماء
وثلاث ملاعق زيت زيتون
كوب ماء الورد
نصف كوب بودره التالك00 بودره الاطفال00
تحطينهم مع بعض في قدر على نار هاديه عشان تمتزج
يعني لاتخلينها تغلي من 2الى 3 دقايق
لما تدفا خذي قدر حاجتك وافركي المنطقه بلطف
وخليها عشر دقايق او اكثر وبعدين ارجعي وغسليها
ولاتنسين التنشيف والترطيب اهم شي000
والباقي من الخلطه احتفظي فبه في علبه زجاج في الثلاجه
وكل ما بغيتي خذي شويه ودفيها وبعدين استخدميها00
وافضل انج تسوين الخلطه عقب النفاس احسن00
وهالله هالله فيها 00 المنطقه 00تراها اهم شي 000هههه
موفقه الغاليه00

اخر الاحزان
01/07/2008, 02:15 PM
مبورك اختي والحمدلله على السلامة
ومشكورات خواتي على هالمعلومات القيمة

الحلاكله بدون سكر
02/07/2008, 07:09 PM
ماقصرتوا الله يجزاكم خير طمنتوني وافدتوني
والله يسلمكم اجمعين يبارك فيكم

ريما الخليجية
03/07/2008, 01:11 PM
انا استفدت من البنات وحبيت ابارك على الولاده




الف مبروك والحمدلله على سلامتج وسلامة البيبي