المساعد الشخصي الرقمي

مشاهدة النسخة كاملة : ابي منكم حل لسالفه اخوي ويا حرمته .



ام شهــوده
28/06/2008, 03:12 PM
مرحباااااا عرايس :)
انا اول مره اكتب موضوع فهالقسم ..
بخبركم سالفه اخووووووي فديته وابي منكم الحل لانه طالب مساعدتي ..
<<دشي فالسالفه وفكينا :sm2441:
المهم قبل شوي اخوي دااق علي ويلس يسولف وعقب سالته عن حرمته ( ترى بعدهم مالجين بس ) المهم قالي انا عسب جي اتصلت فيج , قلت له خير في شي قال سالفه بسيطه بس سوت من وراها مشكله , قلت له شو السالفه قال من فتره دقت علي ومارديت عليها لان كان عندي شبااب وعقب انشغلت وماتصلت فيهاا وثاني يوم دقيت عليها ورمستها انها بصيغه ريال لان كان عندي ربيعي وقلت لها خلي واحد من اخوانك يطلع برا لاني بعطيه غرض لك قالت دقيت علك ليش مارديت قال الحين عندي ريال بكلمكم وردت تساله نفس السؤال تقريبا ثلاث مرات وهو يقول لها عندي ريال عقب بتصل المهم عقب قالها خلاص مع السلامه
قامت طرشت له مسج هالحركات مابيها تنعادمره ثانيه , رد وطرش لها مسج اصلا مافي مره ثانيه ردت هي وطرشت له ماتتصور قد شو اكرهك , هو طنش هالمسج وقال يمكن لانها متضايقه طلعت منها هالرمسه , بس شاف مافي فايده استوى لهم اليوم 15 يوم ماكلمو بعض . قالي شو الحل فيها شو اسوي بها
قلت له خلاص انا بدق فيها وبرمسها قال لاتخبرينها عن السالفه قلت له اوكي
واتصلت فيها ويلسنا نسولف وعقب سالتها عن تجهيزاتها وقالت لي الصراحه ارف قلت لها ليش بالعكس احلى شي يوم العروسه تجهز لعرسها قالت ليش نجهز نجهز واخرتها شو عرس انا انقهرت من كلامها وقلت فخاطري دام انج عارفه ان اخرتها عرس ليش وافقتي من البدايه المهم نرجع للسالفه قلت لها اكيد اخرتها عرس وعقب قالت ماعليه شو تجهيزاتكم انتتو قلت لها بعدنا بس سمعت من .... اللي هو اخوي ان العرس احتمال يتاجل شوو تتوقعوون قالت ــــــ قالت والله يكون احسن بعد قلت لها ليش حرام عليج نبا نفرح فيكم ونبا نكشخ ونستانس قالت لا والله لو ياجله يكون احسن وعقب غيرت انا السالفه وسولفنا شوي وصكرت من عندها ودقيت حق اخووي وقلت له اللي صار بينا بالتلفووون .. المهم قال جي ردها قلت له هيه بس تعرف يمكن لان ابوها طالع من المستشفى وحالتها شوي تعبانه فهي متشتته شوي . قالي لا انتي ماتعرفيهااا هالبنيه مررره عااااااااصيه
.. اممم وماعرف شقولكم بعد بس والله اخوي مب مقصر وياها يطرش لها ورد وييب لها هداياا يعني لو حسبنا الهدايا اللي ييبها لها خلال شهر توصل 4500 غير الاتصالات والزيارات
امممممممممممممم اعرف طولت بس شوووو الحل انا كنت ابي اقوول حق اخوي طرش لها مسج قول لها اذا بتمين جي نفترق احسن والا شو تبين بانسان تكرهينه وعقب قلت اخااف يقول بدل ماتكحلينها تعمينهاا
ماعرف ابي شوووركم شو اقوول حق اخوي لانه كاسر خاطري شو التصرف اللي لازم يتصرفه اترياااكم ترا مالي حد غيركم لانه هو مايبا حد من البيت يعرف السالفه
اتترياكم

عمة حامد
28/06/2008, 03:19 PM
والله حاله ،،، الصراحة كل الريايل يسون مثل ماسوى اخوج يوم يكون عندهم ريال هي ليش ماتفهم
وبعدين اخوج ماغلطت ابدا ،، اما هي يمكن عصبت لنها تحسبت انه عداله وحدة
بس ماعليه يعذرها بعد خليه هو العاقل والفاهم ،، وبعدين شو ينفصلون ،، لا احسها قويه على سالفة سخيفة مثل هاذي
بس اسمحيلي احسها هي شوي متكبره مابا اظلمها بس يمكن عشان ظروفها مثل ماقلتي
انا من رايي انه يطرشلها مسج حليو ،، ويخلي ظروفها تعدي ،، وعقب يتفاهم وياها تراهم مالجين مب خاطبين
يعني حرام شو ذنبه اخوج يخسر كل هالمخاسير واخر شي ينفصلون ،، ولا انتي شو رايج ؟

السموحة منج وتحتاتي ^^

ام شهــوده
28/06/2008, 03:25 PM
والله حاله ،،، الصراحة كل الريايل يسون مثل ماسوى اخوج يوم يكون عندهم ريال هي ليش ماتفهم
وبعدين اخوج ماغلطت ابدا ،، اما هي يمكن عصبت لنها تحسبت انه عداله وحدة
بس ماعليه يعذرها بعد خليه هو العاقل والفاهم ،، وبعدين شو ينفصلون ،، لا احسها قويه على سالفة سخيفة مثل هاذي
بس اسمحيلي احسها هي شوي متكبره مابا اظلمها بس يمكن عشان ظروفها مثل ماقلتي
انا من رايي انه يطرشلها مسج حليو ،، ويخلي ظروفها تعدي ،، وعقب يتفاهم وياها تراهم مالجين مب خاطبين
يعني حرام شو ذنبه اخوج يخسر كل هالمخاسير واخر شي ينفصلون ،، ولا انتي شو رايج ؟

السموحة منج وتحتاتي ^^
اولا مشكووره عالرد .
من ناحيه انها متكبره هي وااااااايد متكبره حتى اهلنا يوم عرفوا انه اخوي خذاااها قالو انتو غلطانين لان هي مرتين ملجه وكله تتطلق بس قلنا يمكن العيب من الريايل مب منها .
ماعرف والله شو الحل صدق اخوي ماله ذنب بس اذا هي الحين وتسوي جي عقب شو بتسوي هذا كلام اخوي والله يعين
تسلمين حبووبه عالرد
والله لايحرمني من ردودج الطيبه .

بدر 14
28/06/2008, 03:37 PM
اذا بقت على حالها ينفصلوا أحسن عشان شكله أخوك طيب وهي شكلها وااااااايد متكبرة
وطفشانين منها اثنين بعد!!

الله يعين أخوك اذا تزوجها

روح ملكية
28/06/2008, 04:19 PM
واضح ان البنت سليطه اللسان مررررره
واخوك مايقدر على زي هالاشكال من مالناس اللي لسانهم طويييل ..
فعلا بيتعب وياها كثيييير
صعبه واحد هادي ياخذ وحده لسانها طويل ..

انا لو هو اخوي .. اقوله وشو اللي حدك عالمر عااااد ..
اذا هي هذا اسلوبها من الاول .. شلون بيصير اسلوبها بعدين ..
مو بس وياه .. حتى وياكم انتوا بعد بتتعبون وياها كثير

ام فجرBH
28/06/2008, 04:55 PM
واضح ان البنت سليطه اللسان مررررره
واخوك مايقدر على زي هالاشكال من مالناس اللي لسانهم طويييل ..
فعلا بيتعب وياها كثيييير
صعبه واحد هادي ياخذ وحده لسانها طويل ..

انا لو هو اخوي .. اقوله وشو اللي حدك عالمر عااااد ..
اذا هي هذا اسلوبها من الاول .. شلون بيصير اسلوبها بعدين ..
مو بس وياه .. حتى وياكم انتوا بعد بتتعبون وياها كثير

نفس كلام روح ملكيه

وش اللي حاده على المر ؟؟؟

♥بنوته زايد UAE♥
28/06/2008, 05:06 PM
هلا والله ..

يمكن يا اختي هي مضايجه منه لانه اتصلت فيه وهو مارد عليهاا ...

لحظه ضيقه وعصبيه طرشتله انا اكرهك ..

حسيت من اسلوبه ويا حرمته انه هو انسان عاقل ويتفاهم ..

خليه يكلمهاا بالهدواه ويشوف شو فيهاا ،،

واذا يسمح لهم الوضع يروح يشوفهاا في البيت ويتكلمون على راحتهم ..

يا حبيبتي لا تخربين على اخوج وقوليله يتفاهم وياهاا وبهداوه ..

او انتي دقي عليهاا وشوفي شو فيهاا ؟؟ يمكن مضايجه من اخوج ،، الله اعلم ..

♥بنوته زايد UAE♥
28/06/2008, 05:09 PM
قلت له هيه بس تعرف يمكن لان ابوها طالع من المستشفى وحالتها شوي تعبانه فهي متشتته شوي .

يمكن هذا سبب اسلوبهاا مع ريلهاا ..

ما اعتقد بتقول اكرهك مني والدرب ......

بــاربــي
28/06/2008, 06:05 PM
اذا هذي بدايتها
قلعتها:P

Big smile
28/06/2008, 06:21 PM
انا اقول يكلمها ويتفاهم وياها ويقولها مايصير المره تصير جذي ويمكن لي كلمها تتغير شوووي يعطيها بعض النصايح مثلا .. والله يوفقهم

zumerdah
28/06/2008, 10:21 PM
المشكلة مو صعبة

والحل بيد اخوج

انا براي انه اخووج يتنازل شوي ويبدا هو بالصلح ويروح يكلمها ويراضيها بكلام حلووو يمكن هي تسوي جدي عشان تدلع عليه او يمكن فعلا هي متضايقة وتمر بفترة صعبة شوي ومحتاجة اخوج يكون جنبها ولما تتصل فيه يرد عليها عشان ما تضايق اكثر اذا ماقدر يرد عليها ..

واذا في جانس انه يروح يشوفها ويقعد معاها او يطلعون مع بعض وانتي معاهم عشان يتكلمون ويا بعض يكون احسن بعد ..

بس الانفصال مو حل مثل ماقالو بعض البنات ..

whitetooth
28/06/2008, 10:29 PM
صعبه من البدايه تكلمه بهتاطريقه و تكلمك انتي كمان بهالطريقه

مافي غير انه يتصل عليها و يسالها بوضوح ليش قالت اللي قالته و رايها في العلاقة و الزواج اذا بيتم
و بعدها يفكر و يقرر

@نورينااا@
28/06/2008, 10:38 PM
بصراحه ما فيها شي لو كلمها على انها وحده ليش يسوي نفسه يكلم واحد الا اذا كان قاعد ويا وحده و ما يبي اللي وياه تعرف ان يكلم وحده ثانيه ...

بعدين يمكن هو مطنشها وايد وهي ما عندها حد تفضفض له ..

بعدين شنو 4500 هالايام ماتسوي شي ...يمكن بس جوال و خاتم الماس صغير ...
لا تسمعين كلام البنات اللي حرضوج و خليه يستسمح منها و يعتذر و يفهمها الموقف

ياميه بنت يامي
28/06/2008, 10:51 PM
اممممم
فيه اراى جد راائعه بس وااااااي متكبره تدرين اختي انتي مبينه طيييييبه حييييل
والحل اتوقع..........

ان اخوتج يتفاهم معها كاعااااادته لايتغير بعقل عشان ماتقول انتج تدرين ودازته عليهاا اوكي

بعدين اذا ترااضوا انتي روحي للبنت وتفاهمي معاااااااااهاا العقل طبعا بدووووووون ماتدري ان اخوتج قالتج شي تعرفين الحرررريم وغيرتهم الله يعينهم
عاااااااااد اذا لقى ردت فعلهااااا ززززينه معه اوكي حلوووو اذا راح لها البيت وتكبرت هذي ؟؟؟؟؟
يعني اهو اكيييد بيعرف اذا كان دلع او لا
والله يعينكم عليييييها من اللحين والله
الله يوفقكــــــــــــــم كلكم اميييييين

مثل العسل55
28/06/2008, 11:00 PM
أنا من رايي انه يخلي الرجال يتفاهم مع زوجته
يمكن شي مظايقها فيه
لاني كنت امر بهالحاله النفسيه
كنت مااتقبله بسبة شي فيه مب عشان تصرفاته وهالشي لازم يتغير عشان اسمح لمشاعري تنطلق
كنت اي خطأ يسويه امسك عليه وابغي الاه عشان اتكلم
كنت مااحس ان احنا شخص واحد ومااقول انه مقصر علي لاوالله
بس انا ابي هالشي يتغير فيه عشان احس بالراحه فهمتي
يمكن البنت تحس نفس احساسي كنت اتمنى ان يتاجل العرس ماكنت ابي اعرس
بس ماادري
انا اقول خلوهم يتفاهمون احسن ويشوفها ليش متظايقه يكلمها بطيب بحب انا فاقده هالشي والله
انا عمري ماقلت له اكرهك بس هو مايعرف اشلون يكسبني مشكلتي صعب الواحد يعرفني واذا عرفني وعرف اشلون يتعامل معاي اعطيه حب ماصار
المهم خلوهم يتفاهمون وانصحيه يكلمها بالطيب بالحب
والله ايسر

حبيسة الدمع
28/06/2008, 11:07 PM
انا راي البنت مهما صار الموقف مع خطيبها ماتكون دفشه جي وبعدين من كلامكم تحس انها تبا تسيطر علي وفوق كل هذا عشان مايظلمها يعطيها فرصه يروحلها ويتفاهمون ويقول على اطباعه وهو بعد يعرف اطباعهلأن ليش سو فترة الخطوبه عشان يتعرفون عالبعض اكثر .....
بالتوفيق ان شا الله

آخر العنقوود
29/06/2008, 12:54 AM
لازم يكلمــها ويتفاهمـــون




بالتفاهـــــم كل شي ينحــل





شكلـــه اخوج وااايد طيب ومسالم

دلوعةحناني
29/06/2008, 02:38 AM
يا سلام صج انتوا بنات تحبون الخير
سبحان الله ولا كأن هالبنت من جنسكم وبنت مثلكم كلكم ذميتوها وحطيتوا الغلط فيها
حبيبتي صاحبة المشكله اسعي بالخير افضل
وهاذي يمكن اول مشكله بينهم وحرام يخربون الي بينهم بسبب شي تافه
وبعدين انتي ضايقتيها اكثر يوم قلتي اخوي بيأجل العرس شتبينها ترد عليك وهي اساسا زعلانه منه؟
تبين تترجاكم لا تأجلونها ؟؟
اكيد لا كل وحده بمكانها بترد نفس الرد وما تذل كرامتها
انتي ذكرتي ان ابوها تعبان وهي بهالفتره محتاجه لاخوك كثيرررررررر وهذا دليل انها تحبه موت بس هو
ظروفه صارت ضده وما كلمها يعني البنت معذوره يالغاليه وحطي نفسك مكانها
لما تتضايقين مين تبين يكون جنبك؟
اكيد شريك حياتك وزوجك
واذا ما كان معها بتحس بالقهر وخيبة الامل
بعدين 15 يوم كثير المفروض اخوك يتصل فيها ويصالحها ويشوف خاطرها وبتشوفين كيف بتتعامل معه
بكل طيبه لان حست باهميتها عنده...ولو استفسر عن المسج بتشوفين انها بتغتذر منه وبتقول كنت متضايقه بس سكوته يقهر الصراحه واكيد هي بتحس انه ما يحبها ولا مهتم فيها وتركها بفتره حرجة جدا
تحياتي

ام شهــوده
29/06/2008, 02:14 PM
اذا بقت على حالها ينفصلوا أحسن عشان شكله أخوك طيب وهي شكلها وااااااايد متكبرة
وطفشانين منها اثنين بعد!!

الله يعين أخوك اذا تزوجها

حتى انا اقوول جي
بس الله يعينه عليها
يعطيج العافيه عالرد

ام شهــوده
29/06/2008, 02:58 PM
واضح ان البنت سليطه اللسان مررررره
واخوك مايقدر على زي هالاشكال من مالناس اللي لسانهم طويييل ..
فعلا بيتعب وياها كثيييير
صعبه واحد هادي ياخذ وحده لسانها طويل ..

انا لو هو اخوي .. اقوله وشو اللي حدك عالمر عااااد ..
اذا هي هذا اسلوبها من الاول .. شلون بيصير اسلوبها بعدين ..
مو بس وياه .. حتى وياكم انتوا بعد بتتعبون وياها كثير

اللله يهديها
اذا السالفه بتكون بينها وبين اخوي عادي انا خايفه
عقب تشووف نفسها على امي وتسوي لها مشاكل
الله يعينا بس .
يعطيج العافيه عالرد

ام شهــوده
29/06/2008, 02:59 PM
نفس كلام روح ملكيه

وش اللي حاده على المر ؟؟؟
يعطيج العافيه حبوبه :)

ام شهــوده
29/06/2008, 03:03 PM
هلا والله ..

يمكن يا اختي هي مضايجه منه لانه اتصلت فيه وهو مارد عليهاا ...

لحظه ضيقه وعصبيه طرشتله انا اكرهك ..

حسيت من اسلوبه ويا حرمته انه هو انسان عاقل ويتفاهم ..

خليه يكلمهاا بالهدواه ويشوف شو فيهاا ،،

واذا يسمح لهم الوضع يروح يشوفهاا في البيت ويتكلمون على راحتهم ..

يا حبيبتي لا تخربين على اخوج وقوليله يتفاهم وياهاا وبهداوه ..

او انتي دقي عليهاا وشوفي شو فيهاا ؟؟ يمكن مضايجه من اخوج ،، الله اعلم ..
انا قلت له كلمهاا او طرش لها مسج قال مب كل مره انا اللي اتنازل
مابيها تتعود عجي ..
اما سالفه ان يروح لهم البيت ماياخذ راحته وياها لان اخوانها كلهم يكونون يالسين فالميلس
الله يعين بس
تسلمين غناتي عالرد الحلو :)

ام شهــوده
29/06/2008, 03:05 PM
يمكن هذا سبب اسلوبهاا مع ريلهاا ..

ما اعتقد بتقول اكرهك مني والدرب ......

يمكن بس الحين صار لابوها شهر ونص من طلع من المستشفى وانا قلت هالرمسه لاخوي عسب يهدي ..
ترا خلاص قالتها بس المفرووض انها اطرش مسج عالاقل تعتذر عن هالكلمه
تسلمين حبوبه عالمشاركه :)

ام شهــوده
29/06/2008, 03:06 PM
اذا هذي بدايتها
قلعتها:P

يعطيج الاعافيه
والله يهديها

ام شهــوده
29/06/2008, 03:07 PM
انا اقول يكلمها ويتفاهم وياها ويقولها مايصير المره تصير جذي ويمكن لي كلمها تتغير شوووي يعطيها بعض النصايح مثلا .. والله يوفقهم
ويوفقج حبوبه
بس هو مب راضي انه يتصل
يقوول مفروض هي تتصل
وهو عنده حق
شكرا فديتج عالمرور :)

ام شهــوده
29/06/2008, 03:10 PM
المشكلة مو صعبة

والحل بيد اخوج

انا براي انه اخووج يتنازل شوي ويبدا هو بالصلح ويروح يكلمها ويراضيها بكلام حلووو يمكن هي تسوي جدي عشان تدلع عليه او يمكن فعلا هي متضايقة وتمر بفترة صعبة شوي ومحتاجة اخوج يكون جنبها ولما تتصل فيه يرد عليها عشان ما تضايق اكثر اذا ماقدر يرد عليها ..

واذا في جانس انه يروح يشوفها ويقعد معاها او يطلعون مع بعض وانتي معاهم عشان يتكلمون ويا بعض يكون احسن بعد ..

بس الانفصال مو حل مثل ماقالو بعض البنات ..


ماعرف والله شقوول بس المفرووض تكوون لبقه معاه شوي
واذا انها كانت مضايقه او شي بامكانه اطرش مسج وتقول انا مضايقه وابي ارمسك دق لي << اسلوبي قبل
عالعموم تسلمين عالمشاركه الحلوه
الله يهديها

ام شهــوده
29/06/2008, 03:11 PM
صعبه من البدايه تكلمه بهتاطريقه و تكلمك انتي كمان بهالطريقه

مافي غير انه يتصل عليها و يسالها بوضوح ليش قالت اللي قالته و رايها في العلاقة و الزواج اذا بيتم
و بعدها يفكر و يقرر


الله يعين
تسلمين عالمرور حبوبه

ام شهــوده
29/06/2008, 03:15 PM
بصراحه ما فيها شي لو كلمها على انها وحده ليش يسوي نفسه يكلم واحد الا اذا كان قاعد ويا وحده و ما يبي اللي وياه تعرف ان يكلم وحده ثانيه ...

بعدين يمكن هو مطنشها وايد وهي ما عندها حد تفضفض له ..

بعدين شنو 4500 هالايام ماتسوي شي ...يمكن بس جوال و خاتم الماس صغير ...
لا تسمعين كلام البنات اللي حرضوج و خليه يستسمح منها و يعتذر و يفهمها الموقف
لا حبيبتي انا عن نفسي ريلي اذا عنده حد يكلمني بصيغه اني ريال مب معناه ان عنده وحده ..
وبعدين مب اخوي اللي مطنش العكس صحيح لان كل مايدق لها تقول له البطاريه مفضيه ..

واذا عن الــ4500 انا حددت انها خلال شهر طبعا غير الموبايل وفواتيره

عالعموم يعطيج العافيه حبوبه :)

ام شهــوده
29/06/2008, 03:18 PM
اممممم
فيه اراى جد راائعه بس وااااااي متكبره تدرين اختي انتي مبينه طيييييبه حييييل
والحل اتوقع..........

ان اخوتج يتفاهم معها كاعااااادته لايتغير بعقل عشان ماتقول انتج تدرين ودازته عليهاا اوكي

بعدين اذا ترااضوا انتي روحي للبنت وتفاهمي معاااااااااهاا العقل طبعا بدووووووون ماتدري ان اخوتج قالتج شي تعرفين الحرررريم وغيرتهم الله يعينهم
عاااااااااد اذا لقى ردت فعلهااااا ززززينه معه اوكي حلوووو اذا راح لها البيت وتكبرت هذي ؟؟؟؟؟
يعني اهو اكيييد بيعرف اذا كان دلع او لا
والله يعينكم عليييييها من اللحين والله
الله يوفقكــــــــــــــم كلكم اميييييين

ويوفقج حبوبه
تسلمين يالغلا عالرد والله لايحرمنا من ردودج الحلوه :)

ام شهــوده
29/06/2008, 03:19 PM
عطشت بسير اشرب ماي وبرد اكمل باقي الردووود :D

ألوان الربيع
29/06/2008, 03:28 PM
انتوا مقتنعين ف البنت من البدايه ؟؟؟؟؟

SummerTime
29/06/2008, 04:55 PM
أنا و الله العظيم ما أحب أخرب على حد و صح أبغض الحلال عند الله الطلاق بس أنا بقولج خذي العظه من قصتي و يه مرت إخوي الي بتشوفينها في مشاركاتي .... و كان جزأ من المشكلة مالتنا أن أحنى ما أنتبهنى لحركاتها أيام الملجة و الحين بينهم طفل و هي ميوده إخوي من رقبته عسب الياهل .... أنا ما أقولج بتكون نفسها بس نصيحة إذا تبون تعرفون إسؤلو أكثر عن البنت و شوفي ربيعتها و إسؤلو عن أخلاقها مرة ثانية و لا تقولين سألنا لأن البنت وايد صعب الواحد يعرف عنها شي مب مثل الشباب ينعرفون أكثر ....


و الله أموت قهر من هاي الحريم و الله أقول في بنات وايد يستاهلون رياييل نفس أخوي و أخوج و مساكين يعنسون في بيت أهاليهم و الله أعرف بنات جنه في الأخلاق و ما حد يدق بابهم >>>> جني بعدني ما عرست و ياسه أرمس عن غيري خخخخخخ بس ماعليه أنا بعدني صغيرة 23 سنة خليني أكون مستقبلي أول >>>> و إحنا شو دخلنا في قصت حياتج خخخخخخخ

الله يعينكم بس حبيبتي و لا تخلين إخوج يتسرع بعد بس خلي يقعد و يه نفسه و يشوف يقدر يستحملها أو لأ


و بعدين إنقهرت من الي قالت 4500 و لا شي هاي الإيام يعني تبين شهريا هدايا بس بنص مليون و الله إخوج مدلعنها و نصيحة أخرى خلي إخوج يود إيده شوي لأن عقب لو إستوتله ظروف و ما قدر إيب لها بتلعن بو خامسه


الله و ياكم حبيبتي و الله من رمستج حسيتج أنا و إخوج إخوي .... الله لا يقطع الود بينكم بس

هند يوسف
29/06/2008, 06:10 PM
لازم يفهمها انه ريال وفي اي وقت يمكن ينشغل ويحاول يكلمها مع حزم واصرار ولو اضطر انه يهجرها لبعض الوقت اشويه عسب تحس الدنيا ماتمشي على كيفها واذا مابتغير من اسلوبها يمكن يفترقون لا سمح الله والله يهديها ويوفقهم

الجوهرة
29/06/2008, 06:39 PM
خليهم يتفاهمون مع بعض أحسن ولااتدخلين لا الحين ولاعقب

الرياييل أعقل ويفهمون حبيبتي

ولو انه طيب لكن صدقيني اهو عاجبه هالشي منها والا كان قال مايبيها

حتى لو عاصيه على قولته ليش مايتفاهم معاها لحياتهم المستقبليه

وعلى فكره اهو يقدر يسنعها لو مب الحين عقب لي يات بيته

نصيحه أخيرة: اطلعي منها ولااتدخلين الا بالخير

والله يوفق الجميع للخير

ياميه بنت يامي
30/06/2008, 02:19 AM
أنا و الله العظيم ما أحب أخرب على حد و صح أبغض الحلال عند الله الطلاق بس أنا بقولج خذي العظه من قصتي و يه مرت إخوي الي بتشوفينها في مشاركاتي .... و كان جزأ من المشكلة مالتنا أن أحنى ما أنتبهنى لحركاتها أيام الملجة و الحين بينهم طفل و هي ميوده إخوي من رقبته عسب الياهل .... أنا ما أقولج بتكون نفسها بس نصيحة إذا تبون تعرفون إسؤلو أكثر عن البنت و شوفي ربيعتها و إسؤلو عن أخلاقها مرة ثانية و لا تقولين سألنا لأن البنت وايد صعب الواحد يعرف عنها شي مب مثل الشباب ينعرفون أكثر ....


و الله أموت قهر من هاي الحريم و الله أقول في بنات وايد يستاهلون رياييل نفس أخوي و أخوج و مساكين يعنسون في بيت أهاليهم و الله أعرف بنات جنه في الأخلاق و ما حد يدق بابهم >>>> جني بعدني ما عرست و ياسه أرمس عن غيري خخخخخخ بس ماعليه أنا بعدني صغيرة 23 سنة خليني أكون مستقبلي أول >>>> و إحنا شو دخلنا في قصت حياتج خخخخخخخ

الله يعينكم بس حبيبتي و لا تخلين إخوج يتسرع بعد بس خلي يقعد و يه نفسه و يشوف يقدر يستحملها أو لأ


و بعدين إنقهرت من الي قالت 4500 و لا شي هاي الإيام يعني تبين شهريا هدايا بس بنص مليون و الله إخوج مدلعنها و نصيحة أخرى خلي إخوج يود إيده شوي لأن عقب لو إستوتله ظروف و ما قدر إيب لها بتلعن بو خامسه


الله و ياكم حبيبتي و الله من رمستج حسيتج أنا و إخوج إخوي .... الله لا يقطع الود بينكم بس



صراااااااااااااااحه كلاااااااامتج درررر
بعدين صح صعبه يستحملها العمر كله لازم تركدون وتفكرون مره ثااانيه
و4500 وربي كثير خلوووو عنكم الدلع اهو كم راتبه اصلا يعني راتبه يروح بالهدااايا صعبه وربي

الله يدلكم على الخير وخلي اخوتج يصلي ركعتين استخاااره

ياميه بنت يامي
30/06/2008, 02:41 AM
خليهم يتفاهمون مع بعض أحسن ولااتدخلين لا الحين ولاعقب

الرياييل أعقل ويفهمون حبيبتي

ولو انه طيب لكن صدقيني اهو عاجبه هالشي منها والا كان قال مايبيها

حتى لو عاصيه على قولته ليش مايتفاهم معاها لحياتهم المستقبليه

وعلى فكره اهو يقدر يسنعها لو مب الحين عقب لي يات بيته

نصيحه أخيرة: اطلعي منها ولااتدخلين الا بالخير

والله يوفق الجميع للخير

بصرااحه صعبه ان اخته ماتساعده
عاد والله خالي كان بيطلق امرته كذا مره بس لولا تدخل امي كان من زمان منفصلين
لاااا وبعد دايم تذكر امي انها مراح تنسا هالشياءلهاا
واخرتهااا تدرين وش سوت؟؟؟
تقوول لناااس ان امي اللي خربت بينها وبين زوجها وامي ساكته لهاا
مانست انه لولا امي كان تطلقت كذا مره بسب اسلووووبه الزفت وغرووورهاا
وترد عليه الكلمه بعشره
وربي انا ماحب هالسالفه احد يدري فيهاا لاكن انقهرت من ردتج يالغاليه انتي يمكن ماتدرين وش صاير عند اغلب الناااس
بعدين لو لاحظتي ان الولد طفش ولا مالجاء لاخته يعني البنت نفرته وطفشته
بعدين ليش يتنزال لهااا الدرجه هو رجااال وله المعامله الزينه مثل مايعاملها
ولاتنسين انها مملكه مرتين قبل ومطفشه غيره

يعني صعبه تقولين اخته مالها شغل وربي امي تحاول تقرب ابوي من خواته رغم اسلوبهم الشين معها
وانا بسوي مثل امي ان شالله حتى لو كانو موكويسين فاتخيلي اهله طيوبين مثل ام شهوده يعني اهلهااااا اولا واخيراا

"" المرااه تغير لااااكن الاهل مايتغيرووون والله"""
ام شهوده الامر بيدتج وانتي ماكتبيتي الموووضوع الا لانتج تبين مصلحت اخوووتج اكيييييد

الله يوفقكم كلكم يااااااارب ولاحد يزعل من رااااائي

تولي
30/06/2008, 03:20 AM
الله يهديها واذا فيها خير الله يجعلها من نصيب اخوج واذا فيها شر الله يبعدها عنه بصراحة انا كرهتها الله يعين اخوج

عقل ورزانه
30/06/2008, 04:17 AM
يكلمها ويشوف اذا تبغاه ... ولا فعلا مو طايقته وتكرهه ؟؟؟

ولو ما تبغاه يتركون بعض احسن لهم ...

واخوك الف وحده تتمناه ...

و يفترقون من أول الطريق ولا من اخره ...

وخليه يستخيــر ربه قبل كل شي ..

والله يكتب له الخير يارب ...

دفاية زيت
30/06/2008, 04:58 AM
قلبي هاي مو متكبره ولا مغروره
لامتسلـــــــــــــــــــ ــــــــــطه وتبي تمشي الكل بدون اسلوب لو بطريقه خطأ
ومافيه الاان اخوك يستعمل القوه معها ويمشيها صح من البدايه ولا والله راح يتبهذل معاها طووول عمره
والله يعينه يارب

ام شهــوده
30/06/2008, 04:08 PM
انتوا مقتنعين ف البنت من البدايه ؟؟؟؟؟

هيه الوالده الين الحين وهي تمدح فيها بس اللي يصير العكس
الله يهديها ويعين اخوي عليها ..

ام شهــوده
30/06/2008, 04:10 PM
أنا و الله العظيم ما أحب أخرب على حد و صح أبغض الحلال عند الله الطلاق بس أنا بقولج خذي العظه من قصتي و يه مرت إخوي الي بتشوفينها في مشاركاتي .... و كان جزأ من المشكلة مالتنا أن أحنى ما أنتبهنى لحركاتها أيام الملجة و الحين بينهم طفل و هي ميوده إخوي من رقبته عسب الياهل .... أنا ما أقولج بتكون نفسها بس نصيحة إذا تبون تعرفون إسؤلو أكثر عن البنت و شوفي ربيعتها و إسؤلو عن أخلاقها مرة ثانية و لا تقولين سألنا لأن البنت وايد صعب الواحد يعرف عنها شي مب مثل الشباب ينعرفون أكثر ....


و الله أموت قهر من هاي الحريم و الله أقول في بنات وايد يستاهلون رياييل نفس أخوي و أخوج و مساكين يعنسون في بيت أهاليهم و الله أعرف بنات جنه في الأخلاق و ما حد يدق بابهم >>>> جني بعدني ما عرست و ياسه أرمس عن غيري خخخخخخ بس ماعليه أنا بعدني صغيرة 23 سنة خليني أكون مستقبلي أول >>>> و إحنا شو دخلنا في قصت حياتج خخخخخخخ

الله يعينكم بس حبيبتي و لا تخلين إخوج يتسرع بعد بس خلي يقعد و يه نفسه و يشوف يقدر يستحملها أو لأ


و بعدين إنقهرت من الي قالت 4500 و لا شي هاي الإيام يعني تبين شهريا هدايا بس بنص مليون و الله إخوج مدلعنها و نصيحة أخرى خلي إخوج يود إيده شوي لأن عقب لو إستوتله ظروف و ما قدر إيب لها بتلعن بو خامسه


الله و ياكم حبيبتي و الله من رمستج حسيتج أنا و إخوج إخوي .... الله لا يقطع الود بينكم بس


يعطيج العافيه حبيبتي والله ردج ريحني
وانا كلمت اخوي يكلم حد من اخوانها اذا
مااصطلبت بيستوي شي ثاااني مافي غير هالحل
عالعموم تسلمين حبوبه عالرد .

ام شهــوده
30/06/2008, 04:11 PM
لازم يفهمها انه ريال وفي اي وقت يمكن ينشغل ويحاول يكلمها مع حزم واصرار ولو اضطر انه يهجرها لبعض الوقت اشويه عسب تحس الدنيا ماتمشي على كيفها واذا مابتغير من اسلوبها يمكن يفترقون لا سمح الله والله يهديها ويوفقهم
امين ويوفقج حبوبه
تسلمين عالمشاركه حبوبه

ام شهــوده
30/06/2008, 04:13 PM
خليهم يتفاهمون مع بعض أحسن ولااتدخلين لا الحين ولاعقب

الرياييل أعقل ويفهمون حبيبتي

ولو انه طيب لكن صدقيني اهو عاجبه هالشي منها والا كان قال مايبيها

حتى لو عاصيه على قولته ليش مايتفاهم معاها لحياتهم المستقبليه

وعلى فكره اهو يقدر يسنعها لو مب الحين عقب لي يات بيته

نصيحه أخيرة: اطلعي منها ولااتدخلين الا بالخير

والله يوفق الجميع للخير

يعطيج العافيه .
بس اخوي اذا تحمل الحين عقب يمكن مايتحمل
فليش مانتدخل من الحين قبل مايطيح الفاس بالراس

ام شهــوده
30/06/2008, 04:16 PM
صراااااااااااااااحه كلاااااااامتج درررر
بعدين صح صعبه يستحملها العمر كله لازم تركدون وتفكرون مره ثااانيه
و4500 وربي كثير خلوووو عنكم الدلع اهو كم راتبه اصلا يعني راتبه يروح بالهدااايا صعبه وربي

الله يدلكم على الخير وخلي اخوتج يصلي ركعتين استخاااره
هيه والله صدقج
تصصدقين اخوي ماصلى الاستخاره قبل وهي بعد ماصلت اتصلنا لاهلها الصبح والضهر ردو لنا خبر
الله يعين بس .

ام شهــوده
30/06/2008, 04:17 PM
بصرااحه صعبه ان اخته ماتساعده
عاد والله خالي كان بيطلق امرته كذا مره بس لولا تدخل امي كان من زمان منفصلين
لاااا وبعد دايم تذكر امي انها مراح تنسا هالشياءلهاا
واخرتهااا تدرين وش سوت؟؟؟
تقوول لناااس ان امي اللي خربت بينها وبين زوجها وامي ساكته لهاا
مانست انه لولا امي كان تطلقت كذا مره بسب اسلووووبه الزفت وغرووورهاا
وترد عليه الكلمه بعشره
وربي انا ماحب هالسالفه احد يدري فيهاا لاكن انقهرت من ردتج يالغاليه انتي يمكن ماتدرين وش صاير عند اغلب الناااس
بعدين لو لاحظتي ان الولد طفش ولا مالجاء لاخته يعني البنت نفرته وطفشته
بعدين ليش يتنزال لهااا الدرجه هو رجااال وله المعامله الزينه مثل مايعاملها
ولاتنسين انها مملكه مرتين قبل ومطفشه غيره

يعني صعبه تقولين اخته مالها شغل وربي امي تحاول تقرب ابوي من خواته رغم اسلوبهم الشين معها
وانا بسوي مثل امي ان شالله حتى لو كانو موكويسين فاتخيلي اهله طيوبين مثل ام شهوده يعني اهلهااااا اولا واخيراا

"" المرااه تغير لااااكن الاهل مايتغيرووون والله"""
ام شهوده الامر بيدتج وانتي ماكتبيتي الموووضوع الا لانتج تبين مصلحت اخوووتج اكيييييد

الله يوفقكم كلكم يااااااارب ولاحد يزعل من رااااائي

يعطيج العافيه ها من طيب اصلج حبوووبه
والردوود كلها احترامها طبعا

ام شهــوده
30/06/2008, 04:18 PM
الله يهديها واذا فيها خير الله يجعلها من نصيب اخوج واذا فيها شر الله يبعدها عنه بصراحة انا كرهتها الله يعين اخوج
امين
يعطيج العافيه غناتي

فاقدأحبابي
30/06/2008, 07:32 PM
يتصل فيها ويراضيها ويفهمها انه كان عنده رياييل وهالزعل ما يرزى ولكمتين طيبات وبترضى ،،

أما ان عاندت و بالغت بالزعل فها شي ثاني ..




والله يهديها

israe
30/06/2008, 07:58 PM
اختي انا اضن ان البنت دامها من البداية طالعة في السالفة ما تصلح له والله اعلم اعملي صلاة استخارة احسن

عود و بخور
30/06/2008, 11:11 PM
السلام عليكم

بصراحة هذا اول مشاركة لي.. و حبيت ارد لاني ما ارضى ان الرجال ينزل مستواه عشان وحدة ما تستاهله...

و مرت علي قضية زي كذا.. و نصيحة لوجه الله.. نصيحة من اخت ... تقعد بيت ابوها احسن و من الكلام الي قلتيه هذي البنية داشة طمع و امبين انها مب شايفة خير... و خصوصا انها اطلقت مرتين..انا سمعت بنفس ذي الحالة في الامارات من وحدة ابنها كان خاطب وحدة مثل ذي النوعية و بعد مدة طلقها بعد ما خسر قرابة ال200 الف درهم عليها و بس ملجة.. و بعده انكشفت البنية و اهي توافق عالعريس و بعد ما تاخذ ما فوقه و ما تحته اطفشه عشان يطلقها و تاخذ واحد ثاني و على هذا الحال

و الله يرزقه ببنت الحلال الي تسعده و ترضيه... و يرزق كل شباب و بنات امة محمد

امي رحلت
01/07/2008, 12:52 AM
(f):اسلام ايام الخطوبة دايم ندق عليهم ومايردون عادي بس شكل مررررة اخوك هذي شايفة نفسها بمرةةةة لا تزعلين مني ليش من الاساس تخطبونها دام انها شايفة نفسها ومطلقة مرتين واسفة على الاطاله
لا تزعلون مني بس الكلام مو مفهوم اشوي علشان الهجة اشوي صعبة والخط بعد واسفة مره ثانية:o

الجوهرة
02/07/2008, 03:15 PM
وربي انا ماحب هالسالفه احد يدري فيهاا لاكن انقهرت من ردتج يالغاليه انتي يمكن ماتدرين وش صاير عند اغلب الناااس
الله يوفقكم كلكم يااااااارب ولاحد يزعل من رااااائي

ليش أنا عايشة في المريخ؟؟؟؟؟؟؟؟؟

وبعدين بروحك قلتي ان مرت خالك الحين محتره من امك بالرغم من انها لها الفضل ان ريلها ماطلقها

شفتي شلون؟؟

أنا ردي كاتبته من تجربة ، وأكيد عندي تجارب أكثر منك

والأفضل صاحبة المشكله اللي ترد مب غيرها عشان لااتأثر بأفكار غيرها والمجتمعات مختلفه

عموما الله يسوي لهم الخير

ام شهــوده
07/07/2008, 07:00 PM
بناااات الحمد الله اخوي رمس اخوها وعقب رد اتصل فيها ردت المياه الى مجاريها بس بعدني خايفه من اللي بيي
الله يجمعهم للي فيه الخير

نجوم
07/07/2008, 08:18 PM
أصـــلا عيب عليها جييه تسوي ..

اخوج وايد عاطنها ويه ..

يرمسها ب جد ..

واذا ما تبغيه خلي تولي ..

ترا هي اللي بتكون مطلقه و الريال ما يعيبه شي ..

سخيفه هاي ..

و السمــــــــــــــــــوحه ...

اليازيه2010
08/07/2008, 02:26 AM
خليه يهملها شوي ويطنشها وهيه بتركض وراه ... ولا تخلينه يطاوعها على كلى كل شي

من الحين خليه يعرف حدودها وهيه تعرف حدوده....ولا تكون انانيه

moonوامون
08/07/2008, 02:59 AM
انا اقول يكلمها ويتفاهم وياها ويقولها مايصير المره تصير جذي ويمكن لي كلمها تتغير شوووي يعطيها بعض النصايح مثلا .. والله يوفقهم

nicolramii
08/07/2008, 04:11 AM
اذا قبل الزواج هيك لكان بعد الزواج شو رح يصير انا رايي اخوكي ينفذ بجلده احسن ويدعي ربي يرزقه بوحدة تعرف قيمته وتحبه مو تكرهه يالله في وحدة بتقول لخطيبها اكرهك؟؟؟؟؟؟؟؟؟؟ هذه المراة رح تتعب اخوكي معها كتير .

rose_rose7788
08/07/2008, 08:06 AM
انسب حل اختي انه اخوووووووووووج يكلمها بنفسه حتى لو هاي المرة وعقبها يشوف طينتها عدل .... انتي حاولي انه هو اللي يبادر بهل الشي واسعي بينهم بالخير واذا شافوا عمارهم مو لي اهناك مع بعض هم لهم حرية الاختيار .. يا الانفصال يا انهم يكملون مشوارهم ... والله ايسر عل الجميع يا رب

imglad1981
08/07/2008, 10:01 AM
حبيبتي الظاهر انو اخوكي طيب وراقي بتعاملو ما شا الله عنو ... انا من رأيي ما في غير المصارحة يتكلم مع خطيبتو ويعرف شو اللي مدايقها ويناقشها فيه ...وبعدها لو الغلط طلع منها بيكون عداه العيب ... عن تجربة شخصية صار موقف مع اخوي وخطيبتو ( اللي هيي مرتو حاليا) فهمتو خطيبتو غلط ولما ناقشها ووضح وجهة نظرو اقتنعت وعدت المشكلة على خير والحين ما شا الله سمن على عسل ... نصيحتي اختي لأخوكي مرة ثانية يتناقشو وما يخلو الشيطان يدخل بيناتهم والله يوفقهم

صدى الامارات
08/07/2008, 11:03 AM
الســــــــــــلام عليكم ورحمة الله وبركاتـــــــــــــــة،،، ،

اولا شحالج الغاليه ام شهودة ماراح اطول الغاليه بدخل فالموضوع ...


الغاليه انا اشوف انه حرمته شاكه فيه شو فيها لو كلمها جدال اربيعه على اساس انها حرمه وقالها انه راح ايكلمها بعدين ما فيهاااا شيء....

البنت غلطانه بعد مدام طرشت مسج وقالتله انها تكره من المفروض انها تتعذر بعد ما تهدى اعصابهاااا
اخوج شكله مب مرتاح وياهااااااا لانه فكر بتاجيل العرس وهذي ما تصير الا نادراً وخاصاً عدنا فالامارات


اتمنى من اخوج يسالها يابنت الناس تبغيني هي او لا ويخليهاااااااا تفكر لمده 10 ايام واذا ما تبغيه تقول حق اهلها ولا يطلق الا بعد ما يحلون الموضوع اهلهاا اذا ما شيء فايده خلاص كل واحد يروح فطريق


والله يوفقهم ويعقلهاااااااااااا الحين الوحده تتمنى تعرس وهي الله يهديها من المفروض اتفكر مطلقه مرتين
وبعد تتدلع الله يكون فعونكم الواحد يسال قبل عن البنت بس اكثر الاهل همهم جمال البنت واسم العايله وكيف بيتهم وبس واخرتها حتى قرص بيض ما تعرف اتسويه ... عافان الله اللهم لا شماته

لمبه سهاري
09/07/2008, 03:10 AM
1.انا اقول يستخير بالموضوع
2.ويجلس معها جلسه جديه ويسألها اذا كانت تبيه او لا يمكن البنت مجبوره عليه او ماقتنعت فيه لانها من اسلوبها مبين اللي مومقتنعه فيه...
بس صدقيني ينفصلون هلحين ولابعد العرس وبعد مايجيهم عيال ..