المساعد الشخصي الرقمي

مشاهدة النسخة كاملة : تكفون بنات سعدوني زوجي يعرف بنت



عروس القصيــــم
26/06/2008, 08:55 AM
السلام عليكم اخواتي العزيزات انا مررررره مقهوره والله حاسه اني ابنفجر زوجي مدمن انترنت من يقوم الى مين ينام والله مايتعدا الجهاز ,,
والمشكله الجديد هي اني اكتشفت انه يتكلم مع بنت !!!!!وش اسوي تكفون دلوني
ابقولكم شغله انا كلمته بالموضوع وقالي (انتي شكاكه وكل حياتك ضن والي بيني وبينه شي عام كاي اثنين على النت )اااااه
والله تعبت سعدوني
تفول اختي تقول انتي تتركينه الحاله عند النت ,,طيب وش اسوي مومعقول اقعد طول اليوم جنبه انا عندي بيت وعيال!!!!!
طبعن عندي كلام كثير بس والله من الارتباك ماني قادره اكتب

معلومه
انا متزوجه لي 16 سنه واكيد كاي زوجه كنت مقصره في امور بس احاول اصحح من اخطائي

لاحول ولا قوة الابالله .....حسبي الله ونعم الوكيل

شموخ فتاة
26/06/2008, 10:16 AM
الله يعينك انا ابي اقولك شي الزوج اذا مالقي عند زوجته شي معين بيدوره برا شوفي انتي
في ايش مقصرة معاه وحاولي ترجعي زوجك لك ولبيتك ولعيالك
قبل مايفوت الاوان ساعتها ماينفع الندم
والله يوفقك ويصلح بينكم عاجلا غير اجلا
ياااااااااااااااااااااااا ااااااااااااااااااااااااا اااااااارب

الخوافي
26/06/2008, 11:11 AM
حاولي أختي ماتخلينه بروحه على النت قعدي جنبه أربع وعشرين ساعه لين يطفش ويخلي النت

وحاولي تلهينه وتبعدينه بشي تطلعون ولا تروحون زيارات لين يبعد شوي عن النت ويصير عادي عنده

أو خذي الكمبوتر وخشيه مكان أو حاولي تخربين شي فيه عل شان مايشتغل


والله يهديه لج

7zn
26/06/2008, 12:42 PM
لا حول ولا قوة الا بالله
اختي لا تحاولين تخلينه يترك النت بأسلوب الضغط والتهديد لأنه ممكن يعاندك او يجرح مشاعرك بأنه يقولك بوجهك انه يكلم بنت وعادي عنده
اخذيه بالسياسه فالرجال هم اطفال في صورة رجال حاولي تجاريه وفي نفس الوقت تسحبيه شوي شوي بدون مايحس
رتبي بعض الرحلات للخروج برا البيت معا اطفالك ومعه ، حاول تعزميه على عشا برا البيت او تربي عشا رومانسي بالبيت ، حاولي تلهينه بشتى الطرق والله يكون في عونك

حبي الغالي
26/06/2008, 12:52 PM
هلا اختي

والله ماادري شقول ليش

بس لله يكون في عونش

هالنت خراب

وخرب بيووت وااااجد وعوائل وااااجد

انتين قعدي معاااه وصارحيييه

قولي لييه ليش تكمل وحدة غيري ؟؟

انت شايف فيها شي أحسن مني ؟؟ لو هيي فيها شي عاجبنك فيها واني مافيي ؟؟

اخذي وأعطيه معاااه

ولاتكلمينه بصرااااخ وهواش وأخذيه بالهدااااوه

قولي ليي له انت ترضى اني اخونك مع شخص غيرك ؟؟

اذا ماترضى اني بعد ما أرضى انك تخوني وتكلم وحدة غيري

ولله يهديه ويسخره لش ياااااارب

عروس القصيــــم
26/06/2008, 02:17 PM
حاولي أختي ماتخلينه بروحه على النت قعدي جنبه أربع وعشرين ساعه لين يطفش ويخلي النت

مشكوره اختي الخوافي على المساعده

والله احاول اجلس بس تعبت يعني هو يجلس حوالي 18 ساعه في اليوم ,,,

يعني مااقدر كل هالوقت اجلس معاه
وحاولي تلهينه وتبعدينه بشي تطلعون ولا تروحون زيارات لين يبعد شوي عن النت ويصير عادي عنده

وبنسبه لطلعات هي عدوه الدود ,,,,,ينجن لو اقوله خل نطلع



أو خذي الكمبوتر وخشيه مكان أو حاولي تخربين شي فيه عل شان مايشتغل


والله يهديه لج

شكرررررا لك ياقلبي على الوقف معي والله لا يوريك مكروه بحياتك

..★شـــااانيل★..
26/06/2008, 03:21 PM
اقلبي حياتك فوق تحت
وغيري استايلك من جديد
ابهريه
طلعي انوثتك كلها
غيري روتين بيتك
غيري ستايل بيتك
الله الله بقمصان النوم والدلع والمياعه الي على كيفك
وقابليني اذا ما تغير
ننتظرك بعد التغيرات وعلمينا شو صاااااااااااااار

بسمـة أمـل
26/06/2008, 03:32 PM
الله يفرج همك يا أختي


حاولي تكلميه تقنعيه بأن لي يعمله حرام

وما يرضي الله وقريبي له حاولي تفهميه وتكون دائما جنبه

واستمعي لكلامه حتى ينتهي

لأنه أكيد مع البنت الثانية يتكلم بدون قيود

حاولي تقربي له

والله يفرج همك يا أختي

raneemmig
26/06/2008, 03:52 PM
بنصحك يااااا عمري انك تهوني على نفسك وترحي عند اهلك يومين عشان تريحي اعصابك بس من غير حرد او زعل عادي روحي عند اهلك كالمعتاد ونامي عندهم وفي هالفتره غيري كل اشي في حالك اشتري ملابس جديده بلاطين بلايز شورتات حتى لو اولادك كبار البسيهم في غرفه النوم اشتري كل اشي بسيط ومش مكلف وغريب وقمصان نوم جديده طبعا ابتعدي على القمصان التقليديه اشتري اكسسورات جديده ولاتنسي غيري حتى العطور يعني غيري كل اشي ولا تنسي انك تغيري شكلك غيري لون شعرك وغيري طريقه مكياجك غيري طريقه لبسك ومن شان الله ابتعدي انت وكل البنات عن الملا بس الفضفافه حتى لو كنت مليانه وازا كنت مليانه خففي من اكلك عشان تنحفي هلا الاهم من كل هدا انك تغيري بحركاتك ادلعي عليه معلش اولها بيستغرب الموضوع بس بعدين عادي غيري بكلامك دلعيه باسماء عمرك ما ناديته فيها ولا تنسي حركات الليل و انك تطاوعيه بكل اشي وعمرك ما تمانعي ازا طلبك للفراش حتى لو انت تعبانه وهلكانه معليش جاريه حاولي تفكري بالايام الحلوه اللي قضيتيها معاه اما بالنسبه للنت اولا ما تمنعيه من النت في البيت لانو راح يقعد عليه سوا بالبيت او برى البيت لأ خليه عنك وتحت عيونك احسن فيكي تشوفي بالهستوري على ايش دخل زوجك او في التمبروري فايلز وازا كان في فعلا اشي لا يطاق سعتها الك حق انك توجهيه وبقوه حاولي اشغلي وقته مثلا خليه يساعدك في شغل البيت تحضير السفره تصليح اشياء في البيت ابعتي بنتك او اولادك عنده خصوصي لما يكون قاعد على النت حاولي شجعيه يحفظهم قران و يسمعلهم حطي كسيت محاظرات دينيه بتشير للانترنت وحرمت اللي بيعمله وخليها بطريقه يسمعهاوهدا اللي الله قدرني عليه انشالله اكون افدتك يااااااااارب

✿.زهور الريف✿.
26/06/2008, 04:13 PM
لاحول ولا قوته الا بالله
والله ما تعرفوووووووون الرجال شو يبغوووووووووون صدج طمااااااااااعين ......
اختي غيري اسلوب حياتك بالمره بكل شي حاولي ؟...............اكيد في سبب خله زوجك يكلم بنت اكيد..............الدور عليكي الحين انتي تكتشفي شو الاسباب الي دفعت زوجك يتعرف على بنت .........ونصحيه ما تاخذي مع زوجك جدال على هذا الموضوع لان عمر رجال يعترفون بالحقيقه دائما يحتفظون الماضي في اعماقهم اهم فقط.................

ღღ دريـــم ويــب ღღ
26/06/2008, 04:15 PM
قطعي سلك النت وخربيه .. خربي جهازة خخخخ ماعندي حل غير التخريب


الله يهديه

♥بنوته زايد UAE♥
26/06/2008, 04:54 PM
هلا فيــــــج ...

حاولي اتناقشينه ،، وتعرفين شو السبب ؟؟

✿.زهور الريف✿.
26/06/2008, 05:06 PM
قطعي سلك النت وخربيه .. خربي جهازة خخخخ ماعندي حل غير التخريب


الله يهديه

ههههههههههههههههههههههههه هههههههههههههه والله انك تحفه حلو حلك ولا اجمل الحلول
الله يهديه بس

أميرة عند زوجي
26/06/2008, 05:08 PM
اول شي يا اختي ذكري الله

وابدأي بنفسج وغيري نفسج

وانتي ما تقدري تغيري زوجج بيوم وليله

صح لو لا

مثل ما قالو الاخوات ماقصرووا

لا تحطين عوائق جدامج لا تقولين انه اللحين عندي اولاد كبار او من هذه الاعذار

زوجج اله حق عليج

المهم ابدأي غيري في البيت خاصه غرفه النوم غيري الشرشف

حطي شموع وعطري المكان
سووي ليالي رومنسيه

وغيري من حالج شعرش الميكب اللبس

حتى الكلام زيدي الدلع والكلام المعسول

وانتي تجوفي اليوم التلفزيونات وبرى البيت شنو فيه بلاويي!!

فالمرأه لازم تحارب وتسوي المستحيل حتى تكسب الرجل!!

وزوج اكيد اكيد بلاحظ

ثاني شي حاولي نكم تكثرو من طلعاتكم برى البيت مثلا

تسوي رحله الى الساحل او مطعم او اي شي من باب الترفيه وبنفس الوقت تقللين من قعدته على النت:tongue::tongue:

وتطلعو انتيي وعيالج مرات تسافرو سفرات خفيفه

ولازم تخصصين وقت حق الطلعات بروحكم تروحون مطعم رومانسي او تقضون ليله في فندق

ولا تقولين كبرت على هالسوالف

و انتي اولى من اي احد يسويي ليه هالحركات

ترى بلاوي في النت والعياذ بالله

بس اكيد كلشي خطوه خطوه

وشي مهم اكثري من قرأة القران وصلاة الليل والادعية

وزوجج راح يلاحظ وتتحسن اوضاعكم

وادعيي اختي

عروس القصيــــم
26/06/2008, 05:32 PM
الله يعينك انا ابي اقولك شي الزوج اذا مالقي عند زوجته شي معين بيدوره برا شوفي انتي
في ايش مقصرة معاه وحاولي ترجعي زوجك لك ولبيتك ولعيالك
قبل مايفوت الاوان ساعتها ماينفع الندم
والله يوفقك ويصلح بينكم عاجلا غير اجلا
ياااااااااااااااااااااااا ااااااااااااااااااااااااا اااااااارب


شكرا لك اختي شموخ فتاه

والله انا اقرا كثير عشان اطور نفسي ,,,,,بس يبقى الرجل يحب العلاقات الحرام اكثر وهذا من ضعف الايمان

عروس القصيــــم
26/06/2008, 05:37 PM
لا حول ولا قوة الا بالله
اختي لا تحاولين تخلينه يترك النت بأسلوب الضغط والتهديد لأنه ممكن يعاندك او يجرح مشاعرك بأنه يقولك بوجهك انه يكلم بنت وعادي عنده
اخذيه بالسياسه فالرجال هم اطفال في صورة رجال حاولي تجاريه وفي نفس الوقت تسحبيه شوي شوي بدون مايحس
رتبي بعض الرحلات للخروج برا البيت معا اطفالك ومعه ، حاول تعزميه على عشا برا البيت او تربي عشا رومانسي بالبيت ، حاولي تلهينه بشتى الطرق والله يكون في عونك


اختي 7zn

مشكوره على الكلمات

زوجي مايحب يتعدا كمبيوتره الى اي مكان ,,,والله تعبت يعني الموضوع ادمااااااااااان يعني لو اوخره نص ساعه عن الجهاز رجى على طول


يعني برايكم اجلس كل الوقت احول ,,,,تعبت تعبت تعبت

المجدليه
26/06/2008, 06:55 PM
والله مدري وش اقول لك

انا زوجي نفس زوجك بالضبط مايقوم من على الجهاز

لا ويواصل ويداوم ويجي الظهر ينام بوقت انا مااقدر انام علشان البيت وعلشان بنتي

ويسهر بالليل على النت

وانا مو مقصره معاه بأي شي بشهادته هو واهتم بشكلي واوفر له كل وسائل الراحه

بس يبقى الحظ هو اللي يلعب دروه

اذا لقيتي حل علميني

.. لوليـ ..
26/06/2008, 06:56 PM
الله يصلح الحااااال يارب

R&A
26/06/2008, 07:00 PM
بنصحك يااااا عمري انك تهوني على نفسك وترحي عند اهلك يومين عشان تريحي اعصابك بس من غير حرد او زعل عادي روحي عند اهلك كالمعتاد ونامي عندهم وفي هالفتره غيري كل اشي في حالك اشتري ملابس جديده بلاطين بلايز شورتات حتى لو اولادك كبار البسيهم في غرفه النوم اشتري كل اشي بسيط ومش مكلف وغريب وقمصان نوم جديده طبعا ابتعدي على القمصان التقليديه اشتري اكسسورات جديده ولاتنسي غيري حتى العطور يعني غيري كل اشي ولا تنسي انك تغيري شكلك غيري لون شعرك وغيري طريقه مكياجك غيري طريقه لبسك ومن شان الله ابتعدي انت وكل البنات عن الملا بس الفضفافه حتى لو كنت مليانه وازا كنت مليانه خففي من اكلك عشان تنحفي هلا الاهم من كل هدا انك تغيري بحركاتك ادلعي عليه معلش اولها بيستغرب الموضوع بس بعدين عادي غيري بكلامك دلعيه باسماء عمرك ما ناديته فيها ولا تنسي حركات الليل و انك تطاوعيه بكل اشي وعمرك ما تمانعي ازا طلبك للفراش حتى لو انت تعبانه وهلكانه معليش جاريه حاولي تفكري بالايام الحلوه اللي قضيتيها معاه اما بالنسبه للنت اولا ما تمنعيه من النت في البيت لانو راح يقعد عليه سوا بالبيت او برى البيت لأ خليه عنك وتحت عيونك احسن فيكي تشوفي بالهستوري على ايش دخل زوجك او في التمبروري فايلز وازا كان في فعلا اشي لا يطاق سعتها الك حق انك توجهيه وبقوه حاولي اشغلي وقته مثلا خليه يساعدك في شغل البيت تحضير السفره تصليح اشياء في البيت ابعتي بنتك او اولادك عنده خصوصي لما يكون قاعد على النت حاولي شجعيه يحفظهم قران و يسمعلهم حطي كسيت محاظرات دينيه بتشير للانترنت وحرمت اللي بيعمله وخليها بطريقه يسمعهاوهدا اللي الله قدرني عليه انشالله اكون افدتك يااااااااارب

^

^
خوووووووووش رد

قي امان الله

asma_59
26/06/2008, 07:31 PM
عزيزتي قرات مشكلتك وتضايقت كتير عليكي اختي طبعا النت صار مشكله العصر ومساوئه اكثر من حسانته وخاصه عندنا احنا العرب بدل مايستفيدوا منه وياخذوا حسناته يلجاوا لكل المساوئه ومحرماته فمثلا انتي متزوجه من 16 سنه واكيد صار الملل والروتين يدخل لبيتك وخاصه زوجك والرجل مثل ماتعرفي مثل الطفل ابتسامه بتاخد عقله انا من وجهه نظري اكيد في تقصير من جهتك خلت زوجك يتجهه الي هذه الطريقه للتعبير عن الكبت اللي بداخله والان جاء دورك لاعاده المياه لمجاريها انصحك في يوم بعد ان يناموا الاولاد اعملي له عشاء جميل وشموع
وحركات حلوه ثم اذهبي للصالون غير ش تسريحه شعرك واعملي مكياج وي بدكير ومانكير وتعطري البس فستان
يحبه عليكي وشوفي ايش الاشياء اللي كان زوجك يحبها فيكي اول ماتزوجتو او وانتو مخطوبين سويها
طبعا لما يرجع ويشوف اللوك لجديد راح ينبهر وبعد العشاء خذيه لغرفه النوم وبنعومه ودلع اطلبي احكيلوا بدي
تقولي ايش اللي تغير فيني بايش انا مقصره معاك عشان اغير للاحسن وبكلمات حب وغنج طبعا راح يبوح باللي بخاطره واذا حكالك سلبياتك اوعديه انك راح تغيريها وفعلا غيريها كل يوم فستان غير قميص نوم غير جينز
وذا كنتي اختي اهملتي برشاقتك اتمني انك تسجلي بنادي رياضي وتتبعي حميه لتخسري زياده الوزن لانوا
رجال الايام هذه بحبو النساء الرشيقات ولما تشوفيه جالس علي النت خليه يجلس مثلا نصف ساعه ولا ساعه
وبعدين لبسي وتشيكي وتعطري وروحي جمبه والعبي بشعره واهمسي باذنه انك مشتاقه اله وامسكي ايده وسكري النت وخذي زوجك وريحيه وكل يوم حركه راح يحس انه لما يجلس علي النت راح يشتاقلك وخاصه انه لما يشوفك متشيكه ومارحتيله يعني تجيبيله كاس عصير وتروحي وبعد شوي قطعه حلو وتقربي جمبه وتروحي
وبعدها قوليله تصبح علي خير ابي اروح انام محتاج شي طبعا هو ماراح يقاوم ويلحق وبين فتره وفتر عرفيه انه هالشي حرام وانه ربنا راح يغضب عليه بس ياختي طولي بالك يمكن ياخذ هالشي وقت بس اخرته واكيد راح يرجع ولاتنسي الصبح قبله الوداع لما يروح علي شغله ولما يوصل اتصلي فيه تطمني عليه وقوليله اشتقتلك
لانه امبارح اكتير كنت مبسوطه معاك وياتري انت كمان انبسط وخلال فتره الدوام ابعتيله مسج حلو علي نقاله
انك مستعجله لشوفته وانه في مفاجاه محضرتيها طبعا ماراح يصدق انه الدوام يخلص ويرجع علي البيت
بس حبيبتي اهم شي انو تنظمي وقتك الاولاد تنظمي موعد نومهم بدري عشان تتفرغي لزوجك ونظافه البيت وهدوءه راح يعطوه انطباع بالسعاده واللهفه للرجوع للبيت واتمني انه نصايحي تحوز علي رضاكي .

بــاربــي
26/06/2008, 07:39 PM
لا حول الله
والله يساعدج ويعينج على مشكلتج..!

الله يهديه بس..

نبضات الأمل
26/06/2008, 07:44 PM
السلام عليكم اختي عرووس القصيم
بكلمج بصرااحه شويه
هو سؤال وياليت تجاوبيني عشان اقدر اساعدك
يمكن محرج اشويه
بس لازم منه
زوجك تحسينه مرتاح معاك في غرفه النوم؟
وانتي ما تشتكين من اي مشاكل ..؟؟
في المنطقه الحساسه اسفه بس اللي لفتني انج قلتي صارلكم متزوجين 16 ( اتمنى تفهمين قصدي )
العمر كللله ان شاء الله وربي يدوم المحبه امبينكم..
جاوبيني ...
لاني بساعدك
عن تجربه خاصه
وبقولج انه زوجي صار ما يلمس الكومبيوتر...
وعلى فكره موجود جدا م عيونه 24 ساعه بس ما يلمسه عشاني..الحمد لله كله فضل من الرحمن
والسموحه....

هـذيـان
26/06/2008, 08:15 PM
وشلون عرفتين؟

يمكن شكك مو فن مكانه

واذا عندك الدليل ، حاولي تتفاهمين وياه وتقولين ليه تكلم بنت غيري؟
واذا قال انك مقصرة في اي ناحيه من نواحي حياتي
حاولي تملين هالناحيه

دانه دبي
26/06/2008, 09:32 PM
الله يهديهم ازوااااااااااااجنا ويهدينا ويااااااااااااااااااااااه م

حبيبتي اهدئي وريحي اعصابج وخلصي شغل بيتج وسيري عند المراااااااااااااايه ربيعتي المرايه:wink:

واعملي ميك اب خفيف وغير ي من تسريحه شعرج واتبخري ااااااااااااااااخ اهم شي البخور له سحر عظيم عليهم

ورشي عطر فانتازيا احب هاي العطر انا هههههههههه

وسوي كيكه ولا بسكوت والشاهي الحليب وسيري عنده واجلسي حذاله وانتي مبتسمه

واذا مايبيج تيلسين عنده عادي اعطيه بوسه حاره وخليــــــــــــه بكل بروده والله ثم والله انج بتسحرينه باسلوبج

هااااي وصدقيني حبيبتي انتي الخير والبركه الريال عايش وياج 16 سنه وجلوسه في النت او معرفته ببنت

صدقيني مجرد ظياع وقت لو تدرين ان الريال يحتقر البنت اللي تغازله لان خلاف لما تهده وتسير لغيره واكيد

بيمل والله بيمل وبيرد لج وبيعشقج موت واذكريني خلاف وادعيلي

كل اللي ابي اقوله لج طنشيــــــــــــــــــــه طنشيـــــــــــــــــــه وخليه في حاله وبيرد لج بس انتي اصبر عليه

عروس القصيــــم
27/06/2008, 12:35 AM
[QUOTE=جنتي بناتي;6449904]السلام عليكم اختي عرووس القصيم
بكلمج بصرااحه شويه
هو سؤال وياليت تجاوبيني عشان اقدر اساعدك
يمكن محرج اشويه
بس لازم منه
زوجك تحسينه مرتاح معاك في غرفه النوم؟
وانتي ما تشتكين من اي مشاكل ..؟؟
في المنطقه الحساسه اسفه بس اللي لفتني انج قلتي صارلكم متزوجين 16 ( اتمنى تفهمين قصدي )
العمر كللله ان شاء الله وربي يدوم المحبه امبينكم..
جاوبيني ...
لاني بساعدك
عن تجربه خاصه
وبقولج انه زوجي صار ما يلمس الكومبيوتر...
وعلى فكره موجود جدا م عيونه 24 ساعه بس ما يلمسه عشاني..الحمد لله كله فضل من الرحمن
والسموحه....[/QUOT


هلا
والله فيك اختي الكريمه (((جنتي بناتي)))

والله شوفي انا لي فتره طويله متزوجه وكنت في البدايه عندي تقصير في موضوع غرفة النوم

ولاكني الان الحمدلله عدلت كل اخطائي اسابقه ,,,,

والان لله الحمد انا كويسه ماشاء الله بشهادته هو

وسوالك عن المنطقه ال......الحمدلله مااقولك بنت لا بس ماشي حاله :o

بحرينية أصل
27/06/2008, 12:43 AM
اللهم صل على محمد وآل محمد

اختي ... اول شي لازم اتسوينه انج تحاولين تعوضينه عن كل النقص وتبيني اهتمامج فيه وخلج دايما قريبة منه خصوصا لما يكون على النت

حاةلي تملين فراغه بوجودج جنبه عشان مايروح للنت

لاتعطين هالاشياء فرصة اتخرب بيتج وحياتج

اكسبي حب زوجج من الحين وحاولي تكونين كل شي في حياته

ولازم تكلمينه بجدية اكثر عن هالاشياء

والله يسخر لج زوجج ويهديه بحق محمد وآل محمد

kholoud_sa
27/06/2008, 02:24 AM
الله يهديه لك يارب

الرفاه
27/06/2008, 09:39 PM
ياعالم ومن هو الرجل في هالايام الي مايعرف بت او حتى مره او عجوز والله ثم والله انه حتى العجايز صارو يطاردون الرجال

لا وحده تجيني تقول زوجي طاهر مايعرف هالاشياء باقولها معليش ياحبيبتي المجتمع في طريق متعرج مخيف طالما صايرين نشوف هالعبايات القذره والتسريحات النافره والله لايعف رجل او امرأه الا من رحم ربي

لا عاد نكذب على بعض الموضوع صار شائك وليس له علاقه بجمال الزوجه او اهتمامها بنفسها فوالله اني اعرف اجمل الجميلات جمال وثقافه وادب ولباقه وعز ومال ونسب يشرف وتفاجئ يوم ان زوجها يعرف بنات وكله ثغرات في المجتمع وزوغة عين الرجل وخاصة مجتمعنا يساعد الرجل انه مايعيبك شي لو شو ماصار لكن البنت مثل الزجاج اي شي يصير يشرخها ولاعاد تليق بيك


انا لاادعو للرذيله بان تتجرأ الفتاه وتقول ليش احنا مو مثلهم فاحب اذكرها ان تتقي الله

ومن وجهة نظري ياعروس القصيم طالما ان زوجك يصلي ولايزني او يشرب مسكرات فتجاوزي عن هذه الثغره التي اصبح الرجال يتجاهرون بها وكأنها مفخره وفيه رب يحاسبه ان ماخاف ربه ماراح يخافك ادعي ربك له بالهدايه ولشباب وشابات المسلمين الي ماترتاح الا تتعرف على متزوج عشان ترضي قذارتها ةتدمر بيت محفوظ باذن الله ولاهي او غيرها بيقدر يهدم بيتك الا برضاك وفيه حكايات كثيره لنساء حكيمات قدروا يخرجو ازواجهن من غياهب الرذيله الى الصلاح وكلها بالعقل والحكمه مو الديكور الخارجي الي قد يضر اكثر من نفعه

سجــــى
28/06/2008, 12:30 AM
اقلبي حياتك فوق تحت
وغيري استايلك من جديد
ابهريه
طلعي انوثتك كلها
غيري روتين بيتك
غيري ستايل بيتك
الله الله بقمصان النوم والدلع والمياعه الي على كيفك
وقابليني اذا ما تغير
ننتظرك بعد التغيرات وعلمينا شو صاااااااااااااار

احســــــــــن حــــــــــل

وحــــاولي معه مرة واثنين وثلاثة

والطـــلعات قولي للاولادك يروحوا عنده ويكلمونه

والله يهديه ان شاء الله

ملكةالإحساس
28/06/2008, 01:40 AM
انتي مرات حاولي تجلسي معاه تضيقي عليه من ناحيه ومن ناحية تانيه خليكي مره طيبه عليه عشان يانبوا ضميروا ومرات قوليلوا تعال نتمشى وفي الطريق شغلي شريط ديني يذكروا بالاخره والاهم من هاذا كلو عليك بالدعاء وخاصة اخر الليل فسهام الليل لاتخطي الله يوفقك ويسعدكم ويعلكم قرة عين لبعض

عروس القصيــــم
28/06/2008, 01:55 AM
شكرررررررا لكم جميعا اخواتي والله انكم افتتوني كثثثثير

مااقول الا الله يجزيكم الف الف خير وان لا يريكم مكروه

ودمتم بالف خير

المجدليه
28/06/2008, 02:02 AM
ياعالم ومن هو الرجل في هالايام الي مايعرف بت او حتى مره او عجوز والله ثم والله انه حتى العجايز صارو يطاردون الرجال

لا وحده تجيني تقول زوجي طاهر مايعرف هالاشياء

صح لسانك يااختي الرفاه

انا معك بكل شيئ كتبتيه

نبضات الأمل
28/06/2008, 05:31 PM
مرحبا حبيبتي عرووس

ما شاااء الله بناتنا ما قصروا
انا حبيبتي اللي قصدته انه يمكن عندج توسع في المنطقه
ترى اهم شي المنطقه والله
انا عن نفسي وصلت لحالتج لان كان عندي التهاب فيها


اتعالج ويرجع
وكله بسبب قله شرب السوايل
يعني البدايه كانت مع الحمل
وعقب يبت توأم 000الله يحفظهم0000
فكان كل وقتي لهم
اهملت نفسي وزوجي 00
اللي
ما لقى الاالنت هو الحل
شات
ثم تعرف على وحده

واستوى يكلمها
انا حسيت بس ما تكلمت
اكثرت من الدعاء والاستغفار
لين يه اليوم اللي كشفته جدامي يكلمها
طبعا زعلت وايد بس ما تركت بيتي
كلمته باسلوب
ووضحتله اني قصرت
بس هذا ما يجعله انه يكلم غيري
لانه عارف وشايف كيف حياتي مع التوأم
وللعلم
عندي بنت اكبر منهم بسنتين ونص
وما عندي خادمه
يعني قايمه بكل شي بروحي يعني المفروض كا ن يوقف وياي مب يستوي هو والزمن ضدي000
يعني كلميه باسلوب تحسسينه بالذنب عشان يتاثر كلميه عن وقفتج وياه في كل الظروف الزينه والشينه

قولي له هذا يزاي ؟
هالمكافاه اللي اترياه منك عقب كا هالعمر
؟؟؟؟؟
يعني حسسيه بالندم عاد انتي وشطارتج ياقمر
و00 شددي عليه بامر الدين صلاه وغيره طبعا بالترغيب مب بالترهيب
دايما كلميه عن عقاب الله للي ما يخاف ويذنب 000الخ
بس هااااا لاتحسسينه انه المقصود يعني خليها سوالف
وعلى طول غيري حياتج 180 درجه
تجددي في كل شي
كل شي
كل شي
اهم شي هالله هالله بعمرج
صدقيني تغيري وكل شي راح يتغير
هيه نسيت بالنسبه للمنطقه ياليت لو تسويين عمليه تضويييق واذا تحسيينها صعبه عليج بتمارين كيجل00
والله يسعدج ويبعد عنج الهم والضيق
ادعي لي اختي الله يسعدني في حياتي00000
والسموحه 000

عروس ديرتي
28/06/2008, 05:39 PM
الله يساعدج اختي

حاولي تسووين شي يحبه
وقعدي ومدحي فيه وفي تصرفاته وسوويه جنه مافي احد مثله في الدنيا حسسيه بغلاه عندج

وان شاءالله خير

عروس القصيــــم
30/06/2008, 07:32 AM
اختي جنتي بناتي

مشكووووووووره ياقلبي على الكلام ,,,واكيد ابسوي كل الي نصحتوني فيه

والله يوفقك في الدنيا والاخره ,,,,ويحقق لك كل الي تتمنينه

tamarah
30/06/2008, 03:26 PM
حبيبتي اهتمي فيه كتير لبسي اولادك ورتبيهم ورتبي حالك واقنعيه تطلعو زيارات مع بعض حتى لو اضطريتي تخترعي مناسبات وهميه عشان تزورو اهلك واهله لازم تهتمي بحالك اكتر (نظافه وترتيب وعطر و.....) وتحاولي تجذبي اهتمامه حتى يترك النت واذا اصر يضله قاعد اعملي حالك بتطمني عليه كل شوي جيبيله اكل او تسالي او مشروب واقعدي جنبه شوي .... عزيزتي جربي كل الطرق غير المشاكل والصوت العالي ترى بهدمو البيوت وحاولي ترجعي زوجك الك واوعي تتركي لوحده غيرك ... وكمان ضلي ادعي بصلاتك الله يهديه ويرجعه الك وخلي حدا صالح يدعيلكم ........ يارب يهدي زوجك ويرجعلك اياه موفقه اختي

فاقدأحبابي
30/06/2008, 07:38 PM
خذي فتره نقاهة من البيت والعيال ونسيه النت واللي بالنت ... خلج عرووس يديده بمعنى الكلمه


وحاولي انج تيلسين وياه فترة جلوسه ع النت وما تخلينه لحاله ..



والله يهديه

عروس القصيــــم
02/07/2008, 02:39 AM
الله يجزيكم الجنه جميعا على وقفتكم معي

لمبه سهاري
02/07/2008, 02:56 AM
خليها على ربتس وادعي انه يسخره لك وادعيله بالصلاح والهدايه اذا ماأصلحه ربتس ماقدرتي تصلحينه

عــ.:ــيون حسيـــ؟ـــن
02/07/2008, 03:52 AM
اختي البنات ماقصروا والله يعينك على بلواك

لاكن اخذيها نصيحه مني (( انتي وحدك تقدرين تخلين زوجك بيدك ومايناظر لبرا )) لاكن الطريقه كيف ؟؟؟

اول شي لازم تسوينه


روحي الصالون وغيري اللوك تبعك سوي هايلايت وصبغه وقصي شعرك

بعدها إذا تقدرين طبعا سويي حمام مغربي وتحني كأنك عروس جديده خلي الحنا حنا عروس



روحي السوق واشتري لك كم قيص نوم منوم شي ساتر وشي عاري وشي وجودوده مثل عدمه


وغير كذا اشتري لك نكهات (( اظن تعرفيها )) هي مثل المرهم لها طعم قابل للأكل توضع عالجسم


ولاتنسي تشتري بلايز بألوان فرحه ويفضل اغلبها يكون عاري والبنطلاونات اكيد

مو شرط تشتري كثير 2 او حتى وحده تكفي بالغرض


حنا نبيه يلاحظ التغير تدريجيا


المهم

اول مايرجع زوجك للبيت في الليل وش تسوين تهيأين الجو المناسب لكم انتو الاثنين

تبعدين عيالك واي شي يشغله ... كيف ؟؟؟

انا اقولك روحي جهزي نفسك ولبسي لبس عاري وتعطري وسوي شعرك وخلك عروسه

وبعدها وهو جالس ع النت قدمي له كعكه وشاهي والأفضل انك تنحنين لما تجي تقدمي الصينيه عشان يلاحظ منطقه الصدر >>>> عذرا للجرأه

او انك تسوي نفسك دخل شي برجلك وانتي تعورتي وتبين تعرفين وش هذا اللي ألمك ولا تنسين انك تتأوهين بالحظه هذي

وقبل لا تمشين من عنده عطيه بوسه ع جبينه وقولي له حبيبي تآمرني بحاجه قبل لا امشي


وشوفي عيونه كيف بتصير


.
.


هذا طبعا اول ليله تحاولي تأخذيه من النت


والباقي عليك وانتي وشطارتك

المهم لاأوصيلك كل ليله سوي له شكل جديد وحركه جديده

جددي ايام شهر العسل ... وغير كذا اشتري بدله رقص وارقصي له

مو شرط تكوني ماهره بالرقص اهم شي تهزي لو على خفيف غيري جو معه يعني

وإذا حابه اي مساعده في امور ثانيه(( فاهمه قصدي طبعا ))

وتحبي افديك فيها راسليني ع الخاص وانا بالشوفه


اتمنى لك اختي كل التوفيق

سعودية أصلية
02/07/2008, 04:10 AM
حاولي تذكرينة بطريقة غير مباشرة ان الدنيا سلف يوم لك ويوم عليك الي تسوية في بنات الناس راح يصير لزوجتك او اختك او بنتك ((أفضل تستخدمين القصة لبيان هذا الشي له))

دقات قلبFي
02/07/2008, 04:15 AM
الله يهديه لك ويصفح قلبه عن الحراااااااام يارب

الله يكره الى قلبة الحرام كما يكرة انا يقذف في النار يااااااااااااااااااااارب

الله يرده لك بكامل حبه وحنانه واخلاصه

دعواتي لك والبنات ماقصروا

عروس القصيــــم
02/07/2008, 01:16 PM
والله اني عاجزه عن شكركم اخواتي الحبيبات لاكن اسئل الله ان يجعل لكم بكل حرف اجر

وان لا يريكم مكروه ,وان يحفظ لكم ازواجكم من كل شر

..M!ss-P!nk..
02/07/2008, 01:43 PM
الله يفرج همك ويخلي لك زوجك ..

وجعله مايشوف غيرك بهالدنيا ..

اميرة زوجي
02/07/2008, 05:04 PM
ياقلبي عليك يعرف بنت وحده بس
يا حبيبتي انا زوجي يعرف بنااااااااااااااااااااااا اااااااااااااات
ومن النت
ياقلبي النت هذا خراب على الرجال انا ليا اربع سنين متزوجه ومن اول سنه خانني
اقول يا قلبي وكلي امرك لربك والله ما احد راح يفيدك غير الدعاء
مع احترامي للاخوات انا ما اقصد شي
انا اقصد ان مهما نصحنا الرجال هم الرجال
ان اشتهى يخون خانك لو قدامك

حواء101
02/07/2008, 05:24 PM
البنات ماقصروا الله يعطيهم العافيه ويسخرلهم ازواجهم

ياسمينه22
03/07/2008, 07:24 AM
بصراحه مشكله كبيره هم يخونون ويكلمون وانتو تقولون البسو تعطرو غيرو الستايل
طيب كل هذااا سويته صح نفع في نفس اللجضات بس بعدين
يعني يكون مبسوط معي ولمى يطلع لاي عذر يكلمهاااااا
ويرجع ينام بحضني ويقولي احبك بس والله احس مو معي ابداااااااااااااااااا

عروس القصيــــم
03/07/2008, 06:17 PM
عن جد ماقصرتو الله يعطيكم العافيه ,ويوفقكم وخليلكم ازواجكم

والكلام الي قلتوه يكتب بماء الذهب

وان شاء الله استفيد انا وغيري ممن يعنين نفس مشكيلتي

sagaa
03/07/2008, 06:50 PM
اختي العزيزة استعيدي من الشيطان الرجيم وريحي شوية اعصابك اني نفس المشكلة عندي وصارلي اربع سنوات متزوجة ومكدرت اسوي شئ بس احب انقلك بعض المعلومات استفيدي منه لتخليه يحس انتي تعرفين بهالشئ لان بس يعرف انتي تدرين راح يغير كلشي بس تجين يمه خلي الشي عادي والشي الثاني العلاقات الي على النت كلها علاقات مو ناجحة صدكيني تلقائيا هوه راح يترك هالشي بس يراد صبر ومنين انجيب الصبر وحاولي تعرفين الرقم السري لاميله ومنه راح تعرفين كلشي ادا كانت علاقة عابرة او فيه شئ اهتمي بمضهرك وغيري من لبس نومك هدا الشي جربته ونجح ويايه ولتنسين دكر رب العالمين لان الله يساعدنه على هالوكت المزين
وشكرا اختك سجى

عروس القصيــــم
04/07/2008, 10:41 AM
مشكوووره اختي سجى

والله يكون ابعوننا جميعا ,المشكله اني ماقدر اصبر ,يعني اقصى شي صبرته اسبوعين:confused:


يعني ماشاء الله عليك الي قادره تصبرين كل هالمده ,,,,والله اهنيك منكل قلبي


والله يحفظ لك زوجك من كل شر ويخليه لك

سماهر1
04/07/2008, 06:01 PM
حبيبتي انا كثير حنيت عليك وانصحك تكتبي رساله للاخصائيه الجتماعيه ساعة غروب كلامها ونصايحها تجنن شوفيها اول الصفحهفي منتدا عروس

دفاية زيت
04/07/2008, 08:00 PM
ياقلبي انتي
الله يعينك
الرجال اول مايحس ببعد زوجته وانشغلها يبحث عن البديل
انتي حاولي تقررررررررربي اكثر
وتوجهي لرب العالمين بالدعاء واكثري الاستغفار والله بعونك انشاء الله

((دمعة أمل))
06/07/2008, 07:56 AM
احتفظي بزوجك قبل يضيع منك

بالنفس الوقت اقطعي الشك باليقين

حاولي تشغلين وقته واجلسي معاه

وبين فتره وفتره اجلسي معاه على النت

واطلبي منه يفتح لك مواقع مفيده ومواقع دينيه

شوي شوي الى انك تغيرين منه

بس ترا مافيه شي يجي بالساهل
يبي لك شوية صبر

والله يكون بعونك

رونق روحي
06/07/2008, 11:03 AM
لاحول ولا قوة الابالله .....حسبي الله ونعم الوكيل

عروس القصيــــم
05/09/2008, 05:13 AM
اشكركم اخواتي على الوقفه الكبيره طوااااااااال الفتره السابقه

والله يجعله في موازين اعمالكم

شمعة محبة
06/09/2008, 04:09 PM
لا حول ولا قوة إلا بالله ...
والله الخيانه صعبه ... ومثل السم ...
حبيبتي الله يسخر لج ريلج وما يشوف غيرج بالدنيا كلها ...
حبيبتي كرري هالأدعيه والله ان لها مفعول في حياتي ... بعد ما اكتشفت ان ريلي يكلم وحده لا وخاطبنها بعد ... ونحن في هاك الوقت يوم اكتشفت هالشي كنا مكملين سنتين ونص بس من زواجنا ..
" ربنا هب لنا من أزواجنا وذرياتنا قرة أعين واجعلنا للمتقين إماما " ..
" اللهم عظمني في قلب زوجي واجعلني ماء عينه ودم قلبه ودفئ حياته وقرة عين له ، واجعله ماء عيني ودم قلبي ودفئ حياتي وقرة عين لي ، وأسعدني ولا تشقيني معه يا أرحم الراحمين "
وأكثري استغفااااااااااااااااااار ...
الله يفرج عليج .. ويسخر لكل وحده زوجها وما يشوف وحده غيرها بالدنيا ...
والله يسخر لي ريلي ويبعد عنا هذيك البنت و أي بنت غيرها ياااااااااارب العالمين ...

..لمعة عين..
06/09/2008, 04:28 PM
اي غيري اسلوب حياتج..اعزميه على عشا..

خبريه يطلع العيال..اشغليه بأمور البيت..

و هو ما عنده دوام عشان يقعد 18 ساعة..!

غيري نفسج...ملابسك قصة شعرج و الميك اب..ورجعي ذكرياتكم

الله يصبرج

حكايه حلم
06/09/2008, 04:32 PM
شوفي اذا الرجال حط براسه شي راح يسويه

حتى لو منعتيه راح يطلع يستخدم النت برع

ولو كسرتي الجهاز راح يشتري غيره

فرغي نفسج له شوي نضمي وقت سوي برنامج خاص

اذا اطفالك صغار عوديهم ينامون بدري

واستغلي باقي الوقت له

غيري في نفسك واهتمي بنفسك اكثر

او اخذيهم عند اهلج كم يوم وتفرغي له

اطلعو رحله لوحدكم تكلمو وتفاهمو بهدوء

فكري شو الشي اللي يحبه وايد واجذبيه منه

انشغالج مع الاولاد ما اعطاج وقت تتفرغين له

فهو دور على الاهتمام في النت

فتره وتعدي والله يصلح حاله ويسعد قلبج