المساعد الشخصي الرقمي

مشاهدة النسخة كاملة : ورده قست عليها الايادى



ورده قست عليها الايادى
25/06/2008, 02:35 AM
السلام عليكم ورحمه الله وبركاته

انا انسانه مبقتش عارفه حاجه فى اى حاجه

حاسه بضياع وخوف

وانا عمرى 10 سنين اتعرضت لعمليه اغتصاب كان في بيت جدتى من انسان عديم الضمير شاب بيطلع يقدم مساعدته لجدتى بعد وفاه جدى الله يرحمه
وقتها جدتى طلبت منى انى لازم اخفى الموضوع وانا اصلا مكنتش فاهمه اى حاجه ولاعارفه اى حاجه بس كلامها ( اوعى تقولى لماما لتدبحك ) وفضلت كاتمه السر ودخلت اعدادى وكنت من المتفوقين ولما دخلت الثانوى فهمت حاجات كتير اوى وعرفت وقتها انه ضاع منى اغلى حاجه ممكن البنت تحتفظ بيها
ومن وقتها واجهت جدتى وخصوصا فى جروح فى جسمى وفضلت تبكى وفهمتنى كل حاجه ومن ضمنها انسى انى اتجوز والحل ادامى اتفوق واسافر اى بلد اشتغل
وفعلا تفوقت ودخلت السياحه والفنادق وكنت فرحانه اوى ومشيت تمام بالكليه وروحت اشتغلت جمب الكليه
علشان اجمع مصاريف واسافر اول ماتيجى الفرص
لاحظى ان ده كله شايله همى جوايا ومحدش يعرف غير جدتى
هتقولى كان لازم اصارح والدتى
اصارحها ازاى وهى عندها لو الام حضنت بنتها يبقى البنت هتدلع
اصارحها ازاى وهى مريضه خبر زى ده يموتها
وكمان اخاف على اخواتى كلهم بنات وسمعتهم
علشان كده كان جرحى جوايا انا بس وكان لازم اتحمل نتيجه حتى لو مكنش ليا زنب
واشتغلت فى شركه بجانب دراستى ويومها شفته
شفت الانسان اللى دخل قلبى من غير استاذان وحبيته بجد
لكن كان فيه مانع انى ارتبطت بيه
وصارحته بكل اللى حصلى
وقالى انه مش من حقه انه يحاسبنى على حاجه مليش يد فيها
قلت يالله اخيرا ربنا هيسترنىالحمد لله
وقلت لاهلى وقتها انى بحب انسان واتمنى انه يكون شريك حياتى
بعد فتره لقيته كل شويه يقولى انه زنى مع وحده وانه مريض
وبيضعف
سامحته مره واتنين وعشره وقلت يمكن الجواز يبعده عن كده
وف مره شفته ماشى مع وحده بطريقه مخجله
وقتها قلتله انا جبت اخرى
وسيبته
وفضلت 6 سنين
قافله قلبى
ومؤمنه ان اللى زى مينفعش تحب ولاتتحب
وعشت لحد ماخلصت كليتى
لحد مااتعرفت على شاب حبنى بس مقدرش اقول حبيته
كان تعود زى الادمان لانه وقف جمبى فى محنتى
واتخطبنا فعلا بعد مابرده حكتله كل شىء
سنه خطوبه والاخر سابنى
سابنى لانه مش عاوز يظلمنى جمبه لانه مش قادر يعمل حاجه
وادى الصدمه التانيه
وعايشه على المهدئات والحمد لله ربنا ابتلانى بمرض الصدفيه ربنا يبعده عن المسلمين يارب

والحمد لله على كل شىء بقى جسمى كمان مشوه
ومن حالتى بقى يجيلى اكتئاب واطلع غلى فى الاكل لحد مابقى وزنى 100 كيلو

وخناقات دايمه بين والدى ووالدتى بتوصل للضرب
مفيش امان ولاحنان
واى خناقه بسيطه مع اخواتى يعايرونى بجسمى التخين ومرضى

وبقى يحصلى نزيف دايم حتى الصلاه مبقتش عارفه اصليها لان النزيف بيستمر شهر او اكتر

ادى حياتى وادى دنتيتى

مبقتش حاسه بامان
حاسه بضياع
ومش عارفه اتغير
ولااغير حاجه فى حياتى

كل امنيتى دلوقتى فى الدنيا
اسافر بره واشتغل واتبنى طفله تكمل حياتى

بس حتى السفر صعب لانى لااملك من المال اى شىء

مبقتش عارفه حاجه

انا طولت عليكى سامحينى مستنيه ردك

ورده قست عليها الايادى

ساعة غروب
25/06/2008, 12:34 PM
هلا حبيبتي

بالنسبة لموضوع الاغتصاب ادري انه مأثر بشكل كبير في حياتج بس ترى انتي لما اللحين ما التقيتي بالزوج اللي يقدر حق تقدير وانه الشي الذي فقدتيه صحيح شي غالي بس مو نهاية العالم

شيلي من بالج الافكار السوداوية واقبلي على الحياة بالنسبة لمرض الصدفيه هذا اكيد له علاج تعالجي منه
وأبدأي بعمل حميه لتخفيف الوزن
لا تخلين الاحزان تقصي على بصيص الامل داخلج

لازم تعرفين ان الله حق وان ابتلاءه لك فيه حكمة

الله يوفقج

ومنيني عليج

ورده قست عليها الايادى
30/06/2008, 06:10 AM
هلا حبيبتي

بالنسبة لموضوع الاغتصاب ادري انه مأثر بشكل كبير في حياتج بس ترى انتي لما اللحين ما التقيتي بالزوج اللي يقدر حق تقدير وانه الشي الذي فقدتيه صحيح شي غالي بس مو نهاية العالم

شيلي من بالج الافكار السوداوية واقبلي على الحياة بالنسبة لمرض الصدفيه هذا اكيد له علاج تعالجي منه
وأبدأي بعمل حميه لتخفيف الوزن
لا تخلين الاحزان تقصي على بصيص الامل داخلج

لازم تعرفين ان الله حق وان ابتلاءه لك فيه حكمة

الله يوفقج

ومنيني عليج



تعرفى الحمد لله والله انى محبوبه من ناس كتير وده بيهون عليا كتير
بس دايما حاسه بالعجز
وانى لو عملت حاجه يبقى هفشل
يعنى انا بكتب خواطر وكتير بيمدح فى الخواطر وبنزلها فى منتديات كثيره وبفرح لما بحس انى ناجحه فى حاجه

بس بقيت اخاف من النتيجه واقول انى هفشل
ساعات بيجلى وقت
اقوم اشم هوا الصبح
واقول انا لازم اتغير واعمل ريجيم
واشتغل وغيره وغيره
وف لحظه احس بالياس والخوف
زى اللى بيجيلى صدى صوت
يقولى لا مش هتخسى وهتفشلى


حبيبتى انا عارفه انى بتعبك معايا بس والله اعتبرتك اختى وبفضفض ليكى كل اللى جوايا

ساعة غروب
01/07/2008, 11:24 AM
شوفي حبوبه


انتي ما فيج الا العافيه بس هذا من ابليس اللي يوسوس لك

شوفي كل ما تفكرين في شي تعمليه اعمليه على طول واذا وسوسلك الشيطان انك بتفشبي اكيد قولي لنفسك طيب خل نجرب وخوضي المعركة لا توقفين مكتوفه الايدي وتقولين اكيد الفشل مصيري هذا كلام الناس الكسلانه والعاجزة مش اللي مثلك عنها طاقات كاه تستحق انه تطلع على السطع وقب على وجه الدنيا مثل ما يقولوا المصرين

لا تخلي دوافعج وعزيمتج ترضخ لوساوس مالها من الصحة اساس

ورده قست عليها الايادى
13/01/2009, 01:52 AM
حبيت اطمن عليكى واقولك انك وحشتينى

واقولك ان ربنا رزقنى بانسان بدعى من ربنا انه يكون من نصيبى

وقريب هروح عند دكتوره علشان وزنى

ادعيلى واسمحيلى اطمن عليكى كل فتره واحتاج لمشورتك

ربى يعطيكى على اد نيتك ويرزقك امين يارب العالمين

ساعة غروب
14/01/2009, 11:50 AM
هلا والله

الحمدلله على النعمه

وانتي انسانة تستاهلي كل خير

الله يسعدك يا رب

وفي اي وقت ممكن تطمني علي وانا قلبي مفتوح لك دايما ً

ورده قست عليها الايادى
15/02/2009, 12:03 AM
اختى الغاليه كيفك اتمنى من الله ان تكونى بخير

من قبل شرحت اليكى اننى ارتبطت بانسان

الانسان ده اول ماعرفته كان بيعمل كل حاجه غلط

سامحينى فى الكلام

كان بيشرب مخدرات وغيره وغيره وستات

والحق يقال انه من ساعه ماعرفنى كل ده سابه لدرجه انه كان اول مره يصوم فى حياته رمضان اللى فات

وجه لاهلى واتكلم معاهم عنى

وفرحت لمصارحته ليا وقلتله مش مهم اننا غلطنا المهم نتعلم من الغلط

ودايما بقف جمبه فى الامور الصعبه قبل السهله

وبكون ليه الاخت والصديقه والحبيبه الى ان ياذن الله واكون زوجته


ولكن هو متعرض الفتره دى لضائقه ماليه كبيره جدا ولقيته بيقولى انه حتى مش لاقى الشغل والظاهر ان فلوس اللى بتجيى من الحرام بتكون اسرع


قلتله استغفر ربك ولو بتحبنى اوعى تقول كده

وانا مش عارفه اتصرف ولا بايدى حاجه

وخايفه يلجا للحرام

مع انه لو عمل اى حاجه هيقولى حتى لو كانت غلط

مش هقدر اخبى عليكى انا حبيته وبحاول احوط عليه زى الطفل الصغير وفعلا بقاله فتره كبيرررررررره عمره ماعمل حاجه غلط ولاحرام

قوليلى يااختى اتعامل مع المواقف دى ازاى واساعده ازاى

ساعة غروب
15/02/2009, 02:22 PM
هلا اختي

انا اقولج انج دايما وانتي بتسمعي له عن انه الحرام اسهل ومن الكلام ده دايما ً قولي له انه اللي بيمر فيه اختبار من رب العالمين يشوفه فيه ازاي حيصبر وخففي عليه بانك دايما ً تذكريه انه اقوى من اي شده وهي مجرد سحابة صيف وحتعدي

فكريه بعفو ربنا عنه والتوبه النصوح عن الحرام

فكرية بالجنه وانه لما يشوف ربنا في كل حاجة بيعملها انه الله راح يعطيه اجر عظيم

صبريه وقولي له خلك جامد وعندك عزم لقهر الظروف الصعبة هي اختبار لصبرك

وان الله اذا احب عبد ابتلاه

الله يوفقكم لما يحب الله ويرضاه

ورده قست عليها الايادى
16/02/2009, 02:20 AM
امبارح قبل ماانام كنت خايفه اوى وفضلت اقرا السور الصغيره اللى حفظاها لحد مانمت وقمت بفضل الله صليت قيام الليل وفضلت قاعده للفجر حسيت ان نفسيتى هديت وقررت اكلمه اول مااصحى
قلتله انه كان ماشى فى الحرام والغلط واختار الحلال فربنا بيختبره فيه بيصبر ويقول استحاله ارجع للحرام
وفيه من اول ريح بتمر عليه بيقع

وفعلا سمعنى

عاوزة الحق انا يالى اسمى بنت لما بيكون مش معايا فلوس بكون مخنوقه

تخيلى ده شاب

ادعيلى وربنا يحفظك اللهم امين

ساعة غروب
16/02/2009, 02:09 PM
الله يوفقك ويسعدك ويجعل كل ما تفعليه مع هالشاب في ميزان حسناتك

وهو الله يهديه ويثبته على الدين

ورده قست عليها الايادى
29/04/2009, 01:41 PM
حبيبتى كيفك اتمنى من الله ان تكونى بخير ويجعلك الله فى عون كل من يحتاج اليكى امين يارب العالمين



من فتره مش كبيره يعنى اسبوع او عشر ايام
انا بطبعى نومى متلخبط هذه الايام
فكنت نايمه يعنى على فتره المغرب كده كان وقتها عنددى صداع لانى بعدت عن المهدئات فالصداع دايما يجينى ونومى قليل ومابصدق انى انام
المهم
جت اختى اللى اصغر منى صحتنى و فرجتنى على لبس هى اشترته وكانت فرحانه كتير لان اللبس ده من اول راتب هى اخدته بوظيفتها الجديده

وقلت ليها حلوووووينننن مبروكين عليكى

وجيت انام تانى ماعرفت انتى عارفه لما الواحد يصحى من نومه ممكن يصعب عليه ينام تانى
فقلت اكلم الانسان اللى مرتبطه بيه اطمن عليه واتصلت بيه قلتله انى تعبانه ومش عارفه انام
قالى استعيذى من الشيطان
وقومى اتوضى وصلى واقرى قراءن او قصه من القصص اللى بتحبيهم

قلتله عندك حق والله

وفعلا قمت وصليت وقعدت اقرا كتاب

لقيت اختى دخلت عليا تانى ولفت بالاوضه وقالتلى طلعلى الفلوس اللى سرقتيهم قلتلها انا سرقتك؟ حرام عليكى ده انا لسه قايمه من على سجاده الصلاه
قامت قالتلى اه مثلى دور البريئه مش باخد على دموعك دى
وخرجت ادام اخواتى واهلى وفضلت تزعق وتقول ماانتى لو بتشتغلى وعارفه قيمه الفلوس لكن انتى قاعده تاكلى وتشربى وتنامى
وقتها مسكت المصحف وحلفت عليه انى ماقربت من فلوسها دى


المهم
من بعدها واهلى بقوا يخبوا من امامى شنتطهم وموابايلاتهم كانهم بيقولولى انتى حراميه مينفعش نحط حاجه ادامك
احساس صعب لما الاقى امى تشيل شنتطها من ادامى واخواتى الصغار لما يلاقونى داخله الحجره
يجروا يخبوا موبايلاتهم وشنطهم
الاقى دموعى نزلت منى
نفسى اصرخ واقول كفايه ظلم
كفايه قلوب قاسيه
ياقلوب عمرها ماعرفت معنى رحمه
يارب رحمتك


سامحينى يااختى طولت عليكى سامحينى

ساعة غروب
29/04/2009, 03:09 PM
هلا اختي

انتي هدأي من روعك شويه وخليك مع الله لانه بيعرف كل حاجة وبيعرف اد ايه انتي مظلومة

ولا يهمكيش حد سبيهم لله هو اللي حينصرك

وماتتحسسييش من هالمواقف اللي بتحرق الاعصاب واختي ادعي لها بأن الله يهديها ويبعد شرها عنك


متزعليش نفسك ولا تخلي دمعتك تنزل ومصير الحق حيبان

ورده قست عليها الايادى
30/04/2009, 11:01 AM
ربى يحفظك

ورده قست عليها الايادى
10/05/2009, 09:40 PM
اختى الغاليه اللى دايما بلجا ليها بعد الله فى مشاكلى وهمومى


الشاب اللى بتمنى من الله ان يجمعنى به بالحلال واللى قلت ان الدنيا راضتنى بعد العذاب
حسيت من فتره قليله يعنى اسبوع انه اتغير معايا شويه او يمكن من اللى شفته بحياتى من خيانات وزواج ابى باخرى
بيخلينى دايما بشك فيه
والتغير بيكون مثلا انه كان متعود يرنلى اول مابيصحى وبنتكلم كتير
مبقاش يرنلى
ومبقناش نتكلم كتير


ميزة الانسان ده انه مبيهموش حد يعنى لو مش عاوزنى هيقولى مش عاوزك


اجى اساله مالك يقولى هموم ومشاكل وقله الفلوس مش هتخليه يكمل اخر سنه بكليته


قلت يمكن مخنوق من الشىء ده فمضغطتش عليه وبالعكس اصبره

لكن احساس المراءه

قلتله بصراحه انت لسه بتحبنى ولاحبك قل وانا هحترم رائيك

قالى طبعا لسه بحبك ولو مكنتش عاوزك كنت هقولك


بس برده احساسى بيقولى انه عاوز يبعد عنى معرفش ليه الاحساس ده

كلمته من شويه قلتله انت عاوز تبعد عنى قالى يووووووووووووة واتنرفز وقالى لما افوق من النوم نتكلم



اختى بالله عليكى

عاوزة اعرف منه هو عاوزنى ولالاء لانى والله العظيم تعبت من كتر الجراح بس مش عارفه اجبهاله ازاى لانى بطبعى مابعرف اتكلم


ولو طلع عاوزنى اتعامل معاه ازاى

ولو رفض حبى ربنا مايحطنى بالموقف ده اتعامل ازاى


وامانه تدعيلى ان ربنا مايفرقنا والله يااختى اموت فيها

ورده قست عليها الايادى
12/05/2009, 01:19 AM
حبيبتى اختى اللى ظلمتنى خاتمها الدهب وقع وكانت هتتهمنى بانى اخدته وكنت نايمه وقتها برده ولكن سبحان الله خلاها تلاقى الخاتم وافتكرت انها نسيته وهى بتستحمى

وقتها جت تكلمنى زى اللى ندمانه صحيح هى مش اتاسفت ليا بس مجرد انها بدات كلامها معايا وجيبالى سودانى شيكولاته تصالحنى بيه

حسيت انها ندمت وعرفت من جواها انها ظلمتنى

ورده قست عليها الايادى
12/05/2009, 01:22 AM
وكلمت حبيبى اللى بدعى من ربى يكون زوجى قالى انه بيحبنى بجد بس معصب لان كل شىء بيروح منه ومش هيعرف يكمل اخر سنه ليه فى الجامعه



ممكن الشىء ده ياثر عليه بالشكل ده؟ ويتغير معاملته ويكون حزين بهذا الشكل؟


وعرفينى اختى المفروض اعمل معاه ايه هذه الايام

وخصوصا عاوزة افرحه وانسيه همومه ويوم ميلاده قرب قلت فرصه

لكن تنصحينى بايه كلامى يكون ازاى معاه

ساعة غروب
12/05/2009, 08:40 AM
هلا اختي


الحمدلله انه ظهر الحق وزهق الباطل واختك عرفت غلطها وجاتلك

اما بالنسبة لحبيبك يارب يكون زوج المستقبل وتتهنوا مع بعض

شوفي يا اختي الحبيبة

الرجال عموما ً لما بيحسوا او بيوقعوا في مشكلة وخصوصا ً شيء يخص مستقبلهم والسبب قلة الفلوس بيكون عندهم نهاية العالم بيفضلوا زعلانين معصبين وسرحانين طول الوقت وهذا لا يعني انه ما بيحبكيش بس هو بيمر في ازمة بالنسبة له ولازم تصبريه وتحاولي توقفي جنبه ومن غير ما تسأليه عن حبك ومداه

فكري معاه في حل وخليك جنبه وحسسيه انك فهماه وعاوزة تفكري معاه في موضوع الدراسة عشان امره بيهمك ومستقبله بهمك

وبالنسبة لعيد ميلادة احتفلي معاه وحاولي ان الاحتفال يكون بسيط جداً في الامكانيات وايضاً ما تقدميش هديه غاليه عشان ما يتحسس من الحفله وخصوصاً انه بيمر في ازمة ماليه

ربنا يوفقك ويكون من نصيبك قولي آمين


انا في انتظارك

ورده قست عليها الايادى
17/05/2009, 03:08 AM
حبيبتى ازيك يارب تكونى بخير والله يااختى احبك فى الله فانتى احن عليا من امى واختى والله يشهد




يااااااه يااختى نفسى اخد نفس عمييييييييييييق واقول بحبك يااااااارب

من ساعه موضوع الانسان اللى مرنبطه بيه ودايما بدعى وبستغفر والله يااختى

امبارح صليت الفجر ودعيت ربنا وقلتله انا واثقه ان فرجك قريب يارب

وكلمت حبيبى الفجر قلتله ربنا مش هسيبك ويرزقك


ونمت

لقيت جاتنى رساله على الموبايل وقت اذان الظهر

(انا فى شغل وادعيلى)


يالله فرحت لان ربنا وقف جمبنا
فرحت لان ربنا خلانى انتصر على شيطانه لانى كنت دايما بصبره واقوله اصبر انت بعدت عن الحرام ربنا هيكافئك بالحلال

فرحت لانه بيقولى ادعيلى وبكيت
والله بكيت من الكلمه

قولت لنفسى شوفى انتى كنتى بتشكى فيه

شوفى انتى كنتى بتحسى انه بعيد عنك

اول مادخل طريق بالحلال قالك ادعيلى؟

لجاء اليكى انتى بعد ربنا

كنت طايره بالكلمه وبالرساله وفضلت فاتحه رسالته وانا بصلى الضهر وبستغفر
كانها هديه واغلى من اى هديه


ورجع من شغله الساعه 10

وكلمنى قلتله ايه الحكااايه قالى جالى شغل من واحد صحبى والحمد لله بمرتب حلو


قلتله شفت ربك حليم وكريم ازاى قالى الحمد لله

وسالته عن الشغل قالى بمحل اكسسوارات وفيه بنت بتقف معاه

خفت وقلبى خاف

قالى بنت رخمه واقفه معايا وحاولت تظهر معاه هو مااعطاها وجه

قلتله انا بثق فيك حتى لو وسط مليون وحده جميله

بثق فيك


صدقينى انا بثق فيه

لكن خوووووووووووووووووووووووف شريط بيمر امامى

اغتصابى

خيانه اول حبيب لى

زواج ابى على امى

خيانات خيانات


بخاف غصب عنى

لكن محاولتش ابين لى اى شىء قلتله امشى بمايرضى الله وانا واثقه فيك وربى يحفظك

وقمت ضحكت وقلتله من هنا ورايح تعطينى كل اول شهر جزء من الراتب علشان نحوش ونتجوز قالى طبعا مش انتى مراتى ياااااه بتسعدنى كلماته والله وبفرح واقول ربى عوض صبرى خير


حبيبتى طولت عليكى لكن اتعامل معاه ازاى

فهمانى؟


عاوزة احسسه انى واثقه فيه حتى لو جاب سيره هذى البنت

عاوزة احافظ عليه حتى بشغله
يعنى انتى رائيك بالخطوه الجديده

ابعتله رساله مثلا وهو بالشغل تفكره بيا

ولااتعامل معاه ازاى عاوزة اعرف اخباره واخبار البنت بس مش بطريق مباشر علشان مايحس انى بخنقه

وربى يسعدك لوقوفك جمبى ونصايحك الغاليه وادعيلى حبيبتى

ساعة غروب
17/05/2009, 10:25 AM
هلا حبيبتي

الله يوفقكم لما يحب ربنا ويرضاه وتتجوزوا يا رب


شوفي انتي تسأليه عن شغله وبس ملكيش دعوة بالبنت اللي معاه هو بيحبك انتي ومالوش داعي ترسليله مسج تفكره بيك كل يوم لاء ارسلي له مسج بين فترة والتانية يعني مش بشكل ملحوظ وخلي الرسايل بينكم عادي في اي وقت

ربنا يوفقكم ويحفظو ليك يا اختي

ورده قست عليها الايادى
24/05/2009, 01:38 PM
اكتب اليكى الان ودموعى تسابقنى لدرجه اننى لم ارى حتى حروفى

انا يااختى اصبحت جثه هامده لا تقوى حتى على الحركه

لدرجه اننى اصبحت لااصلى لانى مش قادره حتى اقوم

انا مخبتش عنك اى حاجه وكنت دايما بحكيلك واشكيلك اللى جوايا

انا تعبت يااختى

تعبت من الدنيا

مش لاقيه حد جمبى

بحاول ارضى كل اللى حواليا ومش لاقيه حد حتى يسال عنى


بحاول ارضى امى ومش لقياها

بحاول ارضى ابويا وبيقسى عليا

بحاول ارضى الانسان اللى بتمناه من الدنيا لكن مفيش كلمه شكر


صحيح اللى بيعمل بيكون مش مستنى كلمه شكر من مخلوق

لكن انا فين منهم؟

عمرى مااتمنيت حاجه كبيره

عمرى مااتمنيت ولاسياره ولافيلا

ولافلوس فى بنوك

اتمنيت الستر وانسان يعوضنى كل اللى شفته

والله يااختى ماطالبه من الدنيا غير كده


دايما بشيل همومه وبقف جمبه وبستحمله فى وقت عصبيته واقول معلش ظروفه صعبه استحميله

لكن مين يشيل همى مين يمسحلى دموعى

من صغرى وانا شايله هموم الدنيا

ماشفت يوم راحه

نفسى افرح يااختى

هى الفرحه كتيره عليا؟


مابقاش عندى ولاملكى حاجه غير دموعى

بدخل هنا وبحاول اساعد واشارك لاجل اسمع دعوة حلوة مش بسمعها من اهلى

مبقتش قادره اعمل حاجه

ساعة غروب
24/05/2009, 02:42 PM
هو في ايه
ايه اللي حصل لك ؟

ورده قست عليها الايادى
24/05/2009, 03:54 PM
مش حاسه باهتمام من حد خالص والله يااختى

الاب مشغول فى حياته وشايف ان الامان بالفلوس وزوجته التانيه

الام فى مناقره الاب ليل نهار ولو روحت كلمته تدعى عليا وتغضب منى

اختى وانتى عارفه علطوول معايره شويه كويسه وشويه لا

كريم (الانسان اللى بحبه)

بيتعصب عليا دايما

عملت ليه فى حفله عيد ميلاده وكنت بحضر ليها وفرحانه

المهم وقتها كان محتاج لمصاريف لامتحانته زى ماقلتلك

فقلتله جبتلك حاجات جميله ويارب تعجبك

قالى كان ممكن تعطينى الفلوس ادخل بيها الامتحان قلتله صح والله بس ماجه فى بالى خااالص

واهدى وربنا يفرجها ومتضيعش لحظه فرحتنا

دخل امبارح الامتحان وطردوة لعدم دفع المصاريف

كلمته واطمنت عليه قالى على اللى حصل

قلتله معلش ربك يدبرها والله


جه بليل كانت اعصابه متنرفز

وبيتخلق ليا لا سبب

قالى انه مبتقش تفرق معاه اى حاجه فى الدنيا

قلتله حتى انا؟

قالى انتى بتدخلى نفسك ليه فى الموضوع وطبعا بزعيق

ويتعصب جااااااااااااااااااااااام د وانا بسكت لانى بطبعى لما بلاقى حد متنرفز امامى بسكت

بحس وقتها ان العلاقه بتكون زى الحبل لو شديت انا كمان هينقطع

هو علطول لما بيتنرفز انا بسكت ولما بيهدى بيصالحنى لكن انا ليا طاقه والله وتعبت

وياريت بايدى شىء كنت ساعدته والله يااختى

انا والدى مابيدينى اى شىء

ومفيش حد بيصرف عليا

حتى الدوا احيانا والدى بيتعصب ويقولى ماتشتغلى بقى وتصرفى على نفسك


واكتم بنفسى يااختى فين الحنان اللى بالدنيا من اقرب الناس لينا

ليه احيانا بنلاقى الحنان مع الغريب ومش نلاقيه من القريب

وبقالى كام يوم كل ماازعل او اتعب قلبى يوجعنى واحس بتنميل شديد بالناحيه اليسرى من جسدى


تعبانه يااختى ومحدش حاسس بيا

تعبانه وبنجرح ورغم كده بحاول اقوم اقف تانى
ومش معايا ولافلوس اصرف بيها على نفسى وعلى علاجى

ولاقادره استحمل ظلم وجرح اللى حواليا

ورده قست عليها الايادى
25/05/2009, 02:25 AM
اتكلمنا من شويه كالعاده بعد مابيرجع من شغله

انا حاسه باللى جواه

قالى انه عارف انه رخم معايا وبيظلمنى كتير من الاخر هو عيل

قلتله اوعى تقول على نفسك كده انت عندى احسن راجل بالدنيا

قالى ممكن اقولك حاجه ومتزعليش

قلتله قول

قالى انا مش عارف انتى صابره ازاى عليا ومكمله معايا لحد دلوقتى؟ سكت ومنطقتش بكلمه

قلتله كريم انت عاوز تبعد عنى؟

مش عاوز تكمل معايا؟


قالى انا عارف دماغك يعنى لو مش عاوزك هخاف منك لا هقولهالك علطول







طب ليه بيشككنى فى حبه ليا

انا يااختى والله مابنام

ولاهنام

قلتله انت بتحبنى قالى انتى عارفه ردى كويس


قوليلى يااختى معنى كلامه ايه

طمنينى انه ما هيفارقنى

طمنينى ان روحى مش هتغيب عن جسمى

قوليله اقوله ايه

ورده قست عليها الايادى
25/05/2009, 08:29 AM
صباح الخير حبيبتى

انا حبيت اقولك على الكلام اللى هقوله ليه النهارده باذن الله

هو مستغرب انى بصبر عليه بيقولى مافيه كتير بيحبوا بعض لكن ممكن يملوا ويزهقوا



هقوله لانى حبيتك بجد
يمكن كتير بيحبوا وبيرتبطوا ولما الطرف التانى بيجرحهم كتير بيسبوهم ويعيشوا حياتهم

لكن دول مفهموش معنى الحب الحقيقى

الحب هو الرحمه والطيبه
الحب هو الصبر والتسامح

وانا لو مستحملتكش مين يستحملك

صحيح بتجرحنى كتير وبتيجى عليا بس لما بتهدى بتصالحنى وده المهم
وكون انك بتصالحنى يبقى تكون عرفت انك غلطت بحقى ودى كفايه عندى

وبسامحك لان الحب تسامح

مش هقولك انى مختلفه عن غيرى لان صبرى ده معناه انى شرياك لاخر مدى




انتى ايه رائيك اقوله ايه تانى

ساعة غروب
25/05/2009, 02:22 PM
هلا اختي


بس
ما تقوليلوش حاقة زياده كلامك وافي وكافي

والله حتى انا اتأثرت بيه

ربنا يوفقك

ورده قست عليها الايادى
26/05/2009, 02:41 PM
حبيبتى معرفتش اقوله الكلام ده لاانه رجع متاخر من الشغل قلت اقولهوله النهارده


فيه حاجه كمان نسيت اقولهالك من فتره كده يعنى اسبوعين او اكتر شويه



قالى عاوز اقولك حاجه بس مش تزعلى ومتدخهاش بحساسيه قلتله قول عمرى ماازعل

قالى نفسى تخسى يالميس

انتى اموره اوى بس هتتخنى مع الجواز

انا زعلت بس قلتله عيونى ياقلبى ده حقك وده ميزعلنيش

وبصراحه لقيت عنده حق يعنى انا شكل ليلى علوى بالظبط بس وزنى تخينه ليه مخسش وقلت هبدا واظبط نفسى

وكويس انه قالى ونبهنى اهو احسن مايبص لغيرى


فيه حاجه بقى عاوزة اخد رائيك فيها
عاوزاه يحس انى مرغوب فيا فهمانى؟

هو بيغير عليا جدا لدرجه انه مانعنى من اى مناسبات زى الافراح والسينما والخروجات وصدقينى انا فرحانه بكده


بس عاوزاه يحس انى وحده مرغوب فيا اعمل ايه؟

وكمان عاوزة اتقل عليه بالنسبه لموضوع التليفون انا بصحيه الصبح يروح شغله يعنى دى مكالمه مقدرش امنعها لانه بيعتمد عليا انى اصحيه

وبنتكلم شويه بليل لما بيرجع الساعه 11 مكلهموش بليل؟ ولا المكالمه دى عاديه


عاوزاه يشتاق ليا
هتقوليلى مش تتقابلوا

هقولك والله هو من القاهره وانا بنها يعنى بينى وبينه سفر 3 ساعات ومش بنشوف بعض الا مره او اتنين فى الشهر

بس اغلبيه المقابلات انا اللى بطلبها
هو صحيح بيطلب بس قليل

اعمل ايه اخليه يقولى هموت واشوفك؟


وكمان قررت حاجه عاوزة اخد رائيك فيها

انا قررت اعمل تغير شامل فيا ريجيم واهتمام بشعر وبشره وامنع مقابلات هاجى على نفسى ومش اطلب لمده شهر كده

اكون خسيت واتغيرت انتى ايه رائيك؟




يعنى قوليلى خطوات كده امشى عليها معاه

ساعة غروب
26/05/2009, 03:18 PM
هلا اختي


شوفي المكالمات خليها زي ما هيه لانه محتاج حد يتكلم معاه

وبعدين اهتمي بنفسك واعملي رجيم مثل اللي انتي اولتي عليه وماتشفهوش الا لما تحسي ان نتيجة التغير بدأت تظهر وتشوفي انك خسيتي

اما بالنسبة انك عاوزة تحسسيه انك مرغوب فيكي فهو عارف هالشيء وعلى اساسه مانعك من الخروجات والمناسبات عشان هو بيغير وعشان برضوا انه عارف انك جميلة وامورة والكل يتمنى التراب اللي بتمشي عليه

خليك بعيد عن الشكوك والراجل ما تثيريش غيرته

ربنا يوفقك

ورده قست عليها الايادى
27/05/2009, 11:02 PM
السلام عليكم

يااطيب قلب كان احن عليا من اقرب الناس

جيت اقولك يمكن مدخلش فتره ويمكن علطول

انا تعبتك معايا كتير جدا

بس معلش ربنا هيجزيكى على اد تعبك معايا



انا حاولت اعيش فى الدنيا لكن الدنيا رفضانى

جه الوقت اللى لازم ابعد فيه عنها

ابعد عن كل الناس


اشوفكم على خير

ساعة غروب
28/05/2009, 09:46 AM
شنو يعني ما فهمت اللي انتي كاتبته

وشنو يعني حاولت اعيش الدنيا والدنيا رافضاني

ممكن توضحي لي

ورده قست عليها الايادى
28/06/2009, 02:17 PM
السلام عليكم

وحشتينى جدا جدا واعذرينى على فتره غيابى من غير مااطمنك

كنت وخده حذر من المنتدى لانى قلت ان الثقافه الجنسيه تعلمها حلال علشان البنت تكون فاهمه بس بعدها اخدت حذر وانفك اليوم

حبيبت اطمن عليكى واقولك وحشتينى جدا

انا الحمد لله الفتره اللى فاتت عملت ريجيم ونزلت شويه
وامورى يعنى هحكهالك وحده وحده

باذن الله