المساعد الشخصي الرقمي

مشاهدة النسخة كاملة : هلا



رنو *
24/06/2008, 11:12 AM
السلام عليكم بحاول اعطيك فكره مبسطه عن الاسره عشان تفهمي مشكلتي

اولا عددنا 7 اب وام و 4 بنات وولد وترتيب الولد بينا هو الرابع والبنت الاخيره عمرها صغير مايتجاوز 4 سنوات وانا الكبيره بينهم

المشكله اللحين في هذا الولد تمادى في الخطا بصور فضيعه وجربنا معاه كل الطرق بس مافادانا لاحظت انه سلوكه تغير من المرحله المتوسطه ، ايامها بدء يصاحب رفقاء سوء وكنا نعتقد انه سلوكه كان بسببهم بس بعدين اتضح انه هو يحب هذا الشي بدليل انه كل اصاحبه كذا احنا كنا في السعوديه وانتقلنا لدبي من كم سنه ونفس الشي سولكه ماتغير بلعكس للاسوءوتعرفي انه دبي غير السعوديه كل شي مفتوح ..وهنا الخوفالمهم اقمنا بدبي فتره 2 سنه وبعد كذا رجعنا الرياض عشان الجامعه لانه كان باقي لي سنتين وماقدرت اكملهم بدبي وقررنا انه بعد مانخلص جامعه نرد دبي عند الوالد طيب انا خلصت الجامعه ومقرره ارد دبي وهو وقتها كان متخرج من الثانويه والوالد اقترح عليه يكمل جامعه بدبي عوده للفتره الي كنا فيها بالرياض وهي ( بعد العوده من دبي ) طبعا خلال هذي الفتره كان الوالد في دبي ويجي عندنا على طول يعني مايمر اسبوعين الا وهو في بس طبعا مو مثل لما يكون متواجد بالبيت على طولهذي الفتره كان فيها قمه بسوء الخلق وبدء يهمل دراسته تدريجيا ويصاحب ناس سيئين بدليل سلوكه ولاحظت انه كل ماتجي تواجهيه او تنصحيه وتجلسي معاه يلف عقلك بالكلام من انه فاهم وكبير وانه صح كلامك يعني يسمعك كلام مافي احلى منه وتقولي ماشاءالله عليه بس هي ثواني ويرجع لطبعه الوالده ماكانت قادره عليه لانها تقوله مثلا رد الساعه الفلانيه يرد على وجه الفجر يعني تبلد فضيع راحته وطلعته اهم شي حتى لما كنا نطلب منه شي للبيت او مستشفى يعني شي ضروري ابدا واذا طلعك بتافف ويسب طول الطريق هذا اذا ماخلق مشكله وبطل الطلعه وطبعا يطلع هو....اللحين هو خلص اول سنه جامعه بدبي طبعا مااقولك كيف سلوكه انا المشكله خايفه انه يكون يمشي مع بنات او يشرب لان سلوكه يوحي بهذا الشيمثلا مره اتصل من الشرطه وطلب انه الوالد يروح له وكانت القصه انه متمشكل مع اصحابه يقول انه صديقه جاء فجاه ضربه وهو طبعا رد الضرب له ( وشو السبب ليه ترك صديقه ) هو يقول انه هو ترك اصحابه وقاطعهم لانه عرف انهم شله خمر وسكر وصديقه بالشرطه قال العكس قال انه هو اللي راعي خمر وسكر عشان كذا تركه ولين اللحين مو عارفين الصدق من الكذب بكمل برساله ثانيه اخاف ماترسل لانها طويله ....

رنو *
24/06/2008, 11:27 AM
اكمل اللحين موضوع الشرطه انتهى بدون مانعرف الصدق وكل فتره له صاحب ومره يطلع بسالفه انه رايح حفله لفلان وكلها طبعا ديسكو ...ومره رايح البحر ليه .؟؟؟ عشان يعمل برونزاج ...ومتى يوم الجمعه ؟ وقبل الصلاه
انا مو ضد انه يطلع بالعكس بس لما تشوفي السلوك خطا تعرفي انه طلعته خطا وهذا مايحتاج لانه واضح يعني كتاب مايفتح ورسب باول سنه بماده وهو لسه تحضيري ....والمواد الثانيه على الحافه وهذا غير انه ياخذ منك فلوس ومايرد لو في باقي حتى لو كان المبلغ كبير ومره كذب عليا وطلب مني مبلغ لتسديد فاتوره وانا بحسن نيه عطيته ولما رد الوالد قلت له انا سددت الفاتوره الفلانيه وكان مبلغها كذا قال ابدا هي اقل من كذا واخويا كان في وعلى طول الوالد قاله عطيها بسرعه الفرق وهو جلس يحاول يبغى يقنعني انه خلاص انسى واانه عندي فلوس كثير لا تضيق عينك عليها بتساليني الوالد فين عنه بقولك انه اخاف يصير بالوالد شي بسببه لانه جرب معاه الطرق كلها حاول يكسبه كصديق حاول الشده معاه عطاه الثقه كل الطرق مافي فايده بقولك موقف صار امس وهو الصراحه اللي خلاني اكتب هو طلع ع اساس رايح المطعم مع اصحابه المهم الساعه كانت على 11ونص وقتها دق جوال الوالد قمت اشوف الرقم لانه كان نايم / شفت رقم اخويا قمت رديت الا اسمع صوت واحد ثاني ويقول ممكن اكلم ابو فلان قلت له سوري هو نايم اللحين بخبره وان شاءالله يرد يكلمك ... انا وقتها توقعت انه هذا رقم شخص ثاني وانا اللي غلطت وفكرت انه رقم اخويا ورحت اتاكد من الرقم الا هو نفسه رقم اخويا المهم ويرد يتصل مره ثانيه انا رديت قام يقولي الولد انا فلان صديق اخوك واحنا ردينا من المطعم وهو نام بالسياره وانا مااحبيت اصحيه وهو كان كل الطريق يقول ابوي ابو ي وانا رديته معايا البيت وحتى طلعته وهو مو حاس نايم ان قلت بقولكم عشان تعرفو اذا تحبي ممكن ارده عندكم عادي انا قلت له عطيني اخويا قال اصحيه قلت له ايه اسمعه يقول له فلان فلان اختك وهو على طول رد وصوته ابدا مو صوت واحد نايم ولا حتى استغرب اني اكلمه ولا شي وقلت له كلمه روح البيت وقال طيب ورد بعد نص ساعه ودخل وماقال شي بس وشكله ابدا مو شكل واحد كان نايم ونام بدون مايتكلم انا الصبح على طول قلت للوالد لانه الموضوع ارعبني انا خفت لما كلمني الولد بالبدايه توقعت انه صار حادث او شي ماادري اختي في امور كثيره ومواقف له بس اللي حابه اسالك ياه هل في امل انه ينعدل وشو الطريقه ؟؟؟انا احيانا اقول بكيفه وهو مو صغير واحيانا اقول لا لازم انصحه لين مايصير اوكيمادري هل مشكلتي تستحق النظر فيها او لا لانه المشكله انه مشاكله وطلعاته تاثر علينا كلنا بصوره سلبيه شكرا

ساعة غروب
24/06/2008, 01:21 PM
هلا حبيبتي رنو

شوفي اخوكي عنده حاله من التوتر كونه الولد الوحيد من بين البنات يبي يلفت الانتباه في حين انه مو محتاج يلفت انتباه خصوصا انه وحيد

وبسبب سن المراهقة واثبات الذات يحاول انه يثبت لكم انه رجل ومسؤول عن نفسه ولا احد يحاسبه .

ايضا ً تنقلكم من بين المجتمع المغلق والمجتمع المفتوح كان له اثر كبير على التغير اللي حدث

الحل انه ابوك يقعد معاه مرة ثانيه مو في البيت لا في اي مكان ( مطعم ، كوفي شوب، استراحة ) ويكلمه عن ذاته وعن طموحه وهل انه يحب ان يعمل في الفترة المسائية حتى يستطيع ان يكتسب الخبرات في مجال العمل ويثبت رجولته بها

ومطلوب من الوالد العزيز ان يصطحبه معاه في المناسبات او في الدواوين ( المجالس ) حتى يختلط مع الرجال

ان شاء الله يهديه ويصلحه

رنو *
24/06/2008, 09:42 PM
مشكوره ياعسل بالنسبه للانه يبغى يثبت انه رجل هذا الشي احنا اللي نسعى له قبل مايكون هو يسعى لهذا الشيبمعنى احنا نحاول نحسسه دايم انه مهم وانه الحمايه والسند لنا بالفعل وبالقول يعني دوم اقوله انت اخونا الوحيد وانت صورتنا لبرى وسمعتك من سمعتنا ولا تخلي الله يعاقبنا بسبب افعالك بس ابدا لا حياه لمن تناديوبالنسبه للوالد هو جلس معاه اكثر من ميه مره والكلام اللي كان يدور بينهم مافي احسن منه يعني لا يعصب عليه ولا شي بالعكس كانه يكلم اخوه صديقه مو ابنه وبالنسبه للدوام هو فعلا داوم فتره عند الوالد بالشركه وبرغبه منه وكان بالبدايه مهتم بشغله ( فتره الصيف قبل مايلتحق بالجامعه ويكون صداقات ) وبعد مادخل الجامعه طبعا انقطع واوقات الاجازه ماكان يحب يجي يفضل انه يطلع مع اصحابه ... الخوف اللحين من انه وصل حده بالخطا من شرب وبنات ومااستبعد امور اخرى اليوم مثلا الوالد كلمه بخصوص موضوع امس (عن انه نام بالسياره مع صاحبه ) وقال له معاك خيارين اصحابك او احنا وتخيلي اللحين الساعه 11 ولين اللحين مارد وهو لا عنده دوام ولا شغل ولا شي يعني اختار اصحابه ؟؟؟؟الوالد يقولي كيف اتصرف اللحين معاه ؟؟لانه بعد كذا تسيب وقله ادب اعتقد انه رد فعل الوالد راح تكون قويه بليززز كيف ممكن يكون عقابه ؟؟لا تقولي حوار لانه كذاب ومايلتزم بشي..هذا يحتاج عقاب يخليه يعرف انه الله حقشكرا

رنو *
25/06/2008, 09:42 AM
هلا اختي ساعه غروب حياتي انا تعبتك معايا بس بقولك اخر التطورات ؟؟ امس اخويا مارد البيت وهذي اول مره تصير انه يطنشنا وينام برى البيت لا اتخاصم ولا انضرب ولا شي يخليه ينام برى البيت ولين اللحين مااتصل ولا سال ولا شي انا ماادري هو يتعاطى شي ولا شو السالفه ؟؟خلاص صرت طول الوقت افكر واحلل ؟؟هذا راح يخرب البيت الله يهديه ويهدي المسلمين اجمعين

ساعة غروب
25/06/2008, 12:49 PM
ليش تخلين الوساوس تلعب براسج

حاولي تقنعين الوالد انه يصتحبه للكشف الطبي عشان يعرف اذا كان يتعاطى شي لا سمح الله

وعلى اساسه يشوف التصرف المناسب

رنو *
25/06/2008, 01:38 PM
اختي اعتقد صعب شوي انه ناخذه للفحص الطبيماادري اخاف تكون رده الفعل عكسيه ولا اعتقد بابا راح يوافق على كذا فكره وبعدين بخصوص البنات وغيره هو كلامه يقول كذا مثلا مره مر الدوام عند الوالد قمت قلت صلي اذن العصرقالي مو متوضي قلت له طيب توضأ شو المشكله قال لا ماينفع قلت ليه ماينفع لماا ارد البيت بصلي وطبعا بيكون وقت الصلاه راح قلت له العجز هنا في حمام وانت بكرامه قوم توضاه قالي لا لا شي اكبر ماينفع له وضوء ومره كنا نتكلم انا وياه بخصوص الشباب هل الايام وكيف اخلاقهم قلت له انا مثلا مستحيل ارضى بواحد زنا ولا شي من قبل لانه الزاني لا ياخذ الا زانيه وانا مب زانيه عشان اخذه قالي مستحيل تلاقي واحد مو مجرب مستحيل قلت مابتزوج والله يعوضني يقول انه الولد لازم يجرب؟

رنو *
25/06/2008, 01:41 PM
يعني ثقه وانعطت له سياره واخذ جامعه ومصاريف وماقصرنا معاه يطلع يدخل ماحد يقوله شي بس المطلوب منه الالتزام وحس المسؤوليه