المساعد الشخصي الرقمي

مشاهدة النسخة كاملة : من الغلطان أنا ولا خطيبي ؟!!!



أميرة * A *
23/06/2008, 05:45 PM
السلام عليكم ورحمة الله وبركاته

اخبركم بسالفة من سوالفي مع خطيبي

هو عنده حركة اجنننننن اذا سواها

مثلا اتصل فيه يقول انا اشوف مباراة او مع صاحبي او حد معي اقول له تمام لما توصل البيت او لما تنام خبرني

يقول ان شاء الله

واجلس انتظر وانتظر لاااااا حياة لمن تناااااادي

واليوم الثاني لما اسأله يقول نمت بدون ما أحس او فكرتك نمتي خلاص

قلت جرب ارسل اذا نمت ارسل في اليوم الثاني

ما اجلس كذا انتظرك

في النهاية وعدني ما يكررها وما يخليني انتظر اذا مشغول

من كم يوم قلت له قبل ما تنام خبرني لاني كنت ابيه في موضوع قال ان شاء الله

انتظرت وانتظرت مااااااااا رسل :confused:

طنشته كم يوم رسل لي مسج يعاتبني لاني ما اسأل عنه

وقتها انفجرت قلت له عن حركته واني تميت انتظر وهو طنش

قال نمت في مكاني في المجلس بدون ما احس والوالد جاء الصبح ونازعني :ss:

قلت له عالاقل ترسل لي بعدين تخبرني ما كذا طنشتني ايام

قال اكيد لما انا صحيت س 7 انت كنت نايمة :mad:

وش هذا عذر الحين :mad: قلت له يعني لازم اول ما تصحى ارسل في وقت ثاني

قلت له حتى ما تكلف على نفسك وتعتذر قال ما مسألة اعتذار بس ما تجلسي تحاسبيني على كل شي لازم تمشي عشان الحياة تستمر

انا عاتبته لأنه وعدني انه ما يكرر هالحركة لما كررها عارف اني ماخذة في خاطري بس طنش

وتميت ارسل وارسل ولااااااااااا رد علي للحين

بنات الحين انا غلطانة ؟؟؟

اذا تميت امشي اي حركة تضايقني خلاص بيتعود يقول بتتضايق الحين بس بعدين بترضى

مو لازم انبهه على حركات معينة تضايقني ؟؟؟

ما يعتذر من نفسه انا اقول له اعتذر لي لما يشوفني خلاص ابكي وقتها يحس ويعتذر

***ام دلع***
23/06/2008, 05:57 PM
حبيبتي لازم تثقلي شويه
عشان يحس فيكي لانه هو حط في باله انه اذا ماتصل انتي بدقي عليه اذا ما رسل انتي بترسلي حقه خليه كذا يوم من دون ماتسالي وبتشوفي اذا ما ياك يعتذر:Zb_sor1:

MIYA !!!
23/06/2008, 06:30 PM
انت معاكي حق لازم تحاسبيه ومالازم تسكتي على حقك لانه اذا اتعود انك بتسكتي بيتمادى وهو عارف انك ماراح تتكلمي
بس انصحك لاتبعتيلو مسج ولا تكلميه خليها تجي منه ليش انت اللي لازم ديما تكلميه وتسالي عليه كانك انت فاضية مالك شغل الا هو والاخ ولا هنا!!!!!!!!طنشيه ايام متل مابيعمل هو وشوفي وش بيصير لانه انت عودتيه ديما بتتكلمي وتبعتي مسج فهو بيتكل عليك وبيعرف انه حتى اذا ماتكلم انت بتتكلمي طنشيه شوي وشوفي ردة فعله
والله يوفقك ويصلح امورك ويسعدك

كتكوته بس نمروده
23/06/2008, 06:41 PM
انا مع الاخت ام دلع
اثقلي عليه هو شايف انك زعلتي او
ما زعلتي راح تتصلي طنشيه وشوفي
ايش راح يسوي

السـ بنت ـعودية
23/06/2008, 06:52 PM
حبيبتي مالك الا تطنشين ولاتدقين عليه حتى لو اتصل لاتردين من اول مكالمه اعتذري انك مشغوله نايمه اي شي .........وصدقيني راح هو يحس انك تسوين مثله ويبدا يعتذر

وإذا سال ان مومن عادتك تسوين كذا قولي مثلك

وطمنيني عنك

السـ بنت ـعودية
23/06/2008, 06:55 PM
ونسيت اقولك دعواتك لي:wink: بالزواج:eek::D



لاتستغربين هاذي الحركه سوتها صديقتي لزوجها والحمدالله انفعتها والحين ماشاءالله الله يوفقهم ويسخرهم لبعض تزوجوا(f)

almoslimaa
23/06/2008, 07:39 PM
عادي هدا الامر
فهم لا يفكرون مثلنا
ثم صراحة اعطيه مساحة حرية و اتركيه و لا تحاسبيه
لانه ان حاسبتهم يزيدون في التكرار اؤكد لك
انت تريدين اهتماما كبيرا و هو لا يفهم هدا.. هو يحسبه امتلاك و تطفل و سجن.
اتركيه عادي و هو سيشتاق اليك حينها و سيتصل بك
لانه سيعرف حينهل بانه ليس مجبورا على الاتصال بك بل فقط لانه هو يريد. و هدا سيريحه.

درب الحياة
23/06/2008, 07:52 PM
الرجال يقدر يطلع له الف عذر وعذر
بصراحة وبدون زعل الرجال ترى متعمد يطنشك وكانه مو خايف من ردة فعلك
او مو مهتم لدرجة ان يذكر يرسلك او يتصل
انا معاكي ان تحاسبيه او مانقول محاسبة لان الرجال يكره ان المراة تدقق وراه وتحاسبه بينما للاسف هو يحقق ويدقق مع المراة
عموما انتي خفي عليه ولاتساليه ومثل ماقالوا البنات مشي خاصة لفترة عشان يحس بالتغيير
والله يعينك ويوفقك ويسعدك

♥بنوته زايد UAE♥
23/06/2008, 08:01 PM
هلا ..

انا ماعندي خبره في هالامور بس احب اقولج نقطه بشكل عاام ..

انتي يوم تشوفينه طنشج طرشي له مسج ،، الظاهر انك تسيتني فحبيت اذكرك فيني ..

علشان يحس انه طنشج ...

ربي حفظج يالغاليــــه ..

بسمـة أمـل
23/06/2008, 08:29 PM
اختي حاولي ما ترسل له رسالة ولا تسأل عليه كثير

خليه هو لي يجري وراك

واعطيه فسحة ليفكر فيها وما تخليه كل أولوياتك شوفي لك هواية اشغلي وقتك بها


والله يسهل أمورك يارب ويهديه

ღღ دريـــم ويــب ღღ
23/06/2008, 09:01 PM
الله يكون بعونج حبيبتي يمكن اهو نومه ثقيل .. عذريه بعد..


ولا اذا ما نفع معاه صارحيه وعاتبه بس اسلوب الطنااااش لاء لا تستخدميه ..

أميرة * A *
23/06/2008, 10:19 PM
الله يكون بعونج حبيبتي يمكن اهو نومه ثقيل .. عذريه بعد..


ولا اذا ما نفع معاه صارحيه وعاتبه بس اسلوب الطنااااش لاء لا تستخدميه ..


هو من النوع ممكن في لحظة ينام واي اي مكان لو جالس يشوف تلفزيون ينام على الكرسي للصبح :confused:

بس المفروض يخبري في اليوم الثاني من كم يوم هو وعدني ما يعيد هالحركة

ورسل لي مسج قال مثل ما انت تطنشي انا بعد اعرف اطنش .... يعني ما انتبه لسالفة الحركة الي سواها يفكر اني من نفسي جالسة اطنش :(

أميرة * A *
23/06/2008, 10:23 PM
قلت له حتى ما تكلف على نفسك وتعتذر قال ما مسألة اعتذار بس ما تجلسي تحاسبيني على كل شي لازم تمشي عشان الحياة تستمر



اختي...يا ليييييت تركزين فكلامه تراه بمثابة التحذير منه...و الرجال يصبر على السوالف هذي فترة...و بعدين يطفش و يصير يتحاشى حرمته...و يتهرب منها داااااائما و بكل وضووووح بعد...لا تخليه يوصل المرحلة هذي...تراج بتخسرينه كلللللله بزينه و بشينه...انتي يمكن قصدج التنبيه...بس اهو يشوفه نكد و تلزق...آسفة اذا كلامي قاسي...بس انا اتكلم عن تجربة و دروس تلقنتها من حياتي مع خطيبي...

اذا كللللش تقهرج الحركة هذي...عاتبيه بس بدلع و بحب...يعني مثلا...قولي له..حبي ليش ما اتصلت البارحه؟؟؟...اشتقت لك...كنت ابي اسمع صوتك و انت الله يهداك نمت و خليتني...

صدقييييييني...راح يعتذر و بعد فترة يبطل الحركة كللللش...و اذا سواها بيحاول يرضيج بااااااي طريقة...لانج مو بس كلمتيه بانوثة اهو بطبعة كرجل مجذووووب لها و يتأثر فيها بقووووة...بس بعد كلمتيه بحب و بلطف...و هذا الشي يخلي قلب اي انسان يذوووووب فيج...بس طولي بالج شوي...يعني مو من اول و لا ثاني مرة راح يسوي جذي...و يمكن يتغير من اول مرة او مرتين...ما تعرفين... المهم انج تصبرييييين...

...باختصار...خققيه عشان تحصلين اللي تبين...ترى و الله التخقيق يخلق المعجزات بس يبي لج شويت صبر و سيطرة اعصاب :wink::wink::wink:...خخخخخخ



كلامك كله صحيح

دوم يقول اني نكدية واحاسبه على كل حركة بس مو معقولة ما القى منه اهتمام واسكت لازم اعاتبه

ما يعتذر الا اذا شافني ابكي بعده يعتذر ويوعدني ما يكررها

ما ينفع معه جربت الدلع والعصبية كله نفس الشي

طبعه اذا سويت حركة عناد فيه يرد يسوي لي نففففففس الحركة عنااااااااااادا فيني

بصراحة ما شاء الله عليه يموووووووووت فيني كم مرة بغينا نترك بعض لما شافني مطنشة

رد واتصل فيني

بنت السعودية ربي يرزقك بالزوج والذرية الصالحة ويرتاح بالك قريب

لا المتزوجة مرتاحة ولا الي جالسة كذا :confused:

بس شو يعني خققيه ؟؟؟ :o

ام عيون كحيله
23/06/2008, 10:47 PM
انا مع الاخت بسمة امل
حاولي تشغلي نفسك باي حاجه ولاتخليه شغلك الشاغل
انت لسه في البدايه لادمرين احلى ايامك بالزعل حاولي تثقلي عليه
وتنشغلي صدقيني حينقهر ويحاسب نفسه
والله يوفقك ويسعدك يارب

ياميه بنت يامي
23/06/2008, 10:57 PM
اممممممممممممم
الله يعينتج ياعمري
بس شفت ارااى رااائعه انت شوفي اللي يناسبتج وفي نفس الوقت الثقل صنعه
وربي الثقل زيييييييييييييين

اعذريني بس حاولي تفهمينه زين مادااامه يحبتج

وبعدين ادعي له دااااااااااااااااايم يالغاليه وربي يكون بعونتج
ماينفع المشاكل قبل الزواج حاولوا تهدون فديتج


الله يوفق الجميييييييع

اسمي في دقات قلبه
23/06/2008, 10:58 PM
مشكلتط زي مشكلتي بالظبط يااا قهري والله اعاني منها لمدة سنتين بس مو لهالدرجة....
ياما عاتبت وياما طنشت وياما وياما وفي التالي يقولي اسمحيلي حبيبتي كنت مشغووووول دايما عذر الشغل يجي على باله .... بس الحييييييين والله العظيم لا اعاتبه ولا اسأل عنه حتى يسأل عني اهو ويظل يقولي وشفيك ما صرتي متل الاول وما ارد عليه ...خلاص تعودت على هالحركة بعديها يزعل يقولي لا تسالين عني اقوم اقوله مشغوووولة يا عيني بالدراسة ويزيد يتاكد انه كان مقصر وياي.... اصلا هالنوع الي عندك وعندي النوع البااااااااااارد ويا ويلي دمي يفوووور لما يتعامل معي كذا بس اقول حسبي الله ونعم الوكيل تعامل معاك بالبارد تعاملي معاه بالمثلج وراح تشوفين النتيجة حبيبتي ....
الله يعينا

أميرة * A *
23/06/2008, 11:01 PM
انا مع الاخت بسمة امل
حاولي تشغلي نفسك باي حاجه ولاتخليه شغلك الشاغل
انت لسه في البدايه لادمرين احلى ايامك بالزعل حاولي تثقلي عليه
وتنشغلي صدقيني حينقهر ويحاسب نفسه
والله يوفقك ويسعدك يارب


مشكلته يعاملني بعناد

اذا شافني مطنشة بيطنش مثلي واكثر

لو اتصل او رسل وما رديت يعااااااااند اكثر واكثر يقول تطنشي بعمل مثلك واطنش لو هو الغلطان

ولا قادرة افهم هذول الرجال :confused:

يشوفني نكدية ما ابي منه غير شوي اهتمام واذا غلط علي يعتذر قلت له ما راح يقل من قدرك بالعكس بتكبر في عيني اكثر

يقول انت تحاسبيني على كل شي ويطنش اكثر

صرت ما اعرف انا غلط ولا لاااااااااااا :confused:

أميرة * A *
23/06/2008, 11:14 PM
اممممممممممممم
الله يعينتج ياعمري
بس شفت ارااى رااائعه انت شوفي اللي يناسبتج وفي نفس الوقت الثقل صنعه
وربي الثقل زيييييييييييييين

اعذريني بس حاولي تفهمينه زين مادااامه يحبتج

وبعدين ادعي له دااااااااااااااااايم يالغاليه وربي يكون بعونتج
ماينفع المشاكل قبل الزواج حاولوا تهدون فديتج


الله يوفق الجميييييييع
آمين

من كثر ما احبه ما يهون علي اشوفه متضايق له هو الغلطان اروح اكلمه ولا كان شي صار

بس وصلت لحد ما اتحمله

اعترف انه يحبني اكثر من حبي له بس يقول انت نكدية

لا تحاسبيني على كل حركة المفروض تمشيها عشان حياتنا تستمر

بس مو معقولة اتحمل تصرفاته واذا زعلت ما يراضيني يعني لاازن اصيح له عشان يحس

أميرة * A *
23/06/2008, 11:20 PM
مشكلتط زي مشكلتي بالظبط يااا قهري والله اعاني منها لمدة سنتين بس مو لهالدرجة....
ياما عاتبت وياما طنشت وياما وياما وفي التالي يقولي اسمحيلي حبيبتي كنت مشغووووول دايما عذر الشغل يجي على باله .... بس الحييييييين والله العظيم لا اعاتبه ولا اسأل عنه حتى يسأل عني اهو ويظل يقولي وشفيك ما صرتي متل الاول وما ارد عليه ...خلاص تعودت على هالحركة بعديها يزعل يقولي لا تسالين عني اقوم اقوله مشغوووولة يا عيني بالدراسة ويزيد يتاكد انه كان مقصر وياي.... اصلا هالنوع الي عندك وعندي النوع البااااااااااارد ويا ويلي دمي يفوووور لما يتعامل معي كذا بس اقول حسبي الله ونعم الوكيل تعامل معاك بالبارد تعاملي معاه بالمثلج وراح تشوفين النتيجة حبيبتي ....
الله يعينا


ارجووووووووك تعباااااااااااااانة مع تصرفاته صرت اشك اني انا الغلط

مثل ما حقه اني اهتم فيه واراعي مشاعره انا بعد لي الحق بهالشي

بس مشكلتي انفعل بسرعة اذا شلت في داخلي فترة اجي في يوم اطلع كل الي فيني

نفس الكلام دوم اعيده حتى يسكت ما يرد خلاص حفظ الاسطوانة صار يعرف شو يضايقني بس
لما يسويها يقول انت نكدية مع اني من قبل اقول له ان هالحركة تزعجني

ماشي حل غير اني اطنش خليه يحس اني مو سهلة واركض وراه :mad:

lovely rosy
23/06/2008, 11:31 PM
أختي العزيزة حاولي إنك ما تكثري من إتصلاتك وأثقلي عليه ما تتصلي عليه ولا ترسلي مسج ولو إتصل عليك ردي بس حاولي إنك تبيني بتصرفات إنك مشغولة وإن وقتك ما مخصص له فقط لا ترخي ولا تشدي كثير بالحبل خير الأمور أوسطها وترى الرجل على حسب ما عودتيه وحاولي تشغلي وقت بأمور أخرى بهوايات او دورات
والله يسهل وييسر أموركم ويوفقك

نــورة
23/06/2008, 11:36 PM
لا والله الحق معاج اختي لكن مثل ما قالو الاخوات طنشيه وخليه لما هو يتصل صح بيحترق قلبك خصوصا لما تكوني ولهانه عليه لكن تصبري والله يعينك

✿.زهور الريف✿.
23/06/2008, 11:39 PM
هلا اختي .الله يهديكم لبعض ان شاء الله .............وانا مع اختي وغاليه lovely rosy
خخخخخخخخخخخخخخخخخخخخخخخخخ خخخخخخخخخخخ كيفك يا بنت

kholoud_sa
23/06/2008, 11:42 PM
اذا من الحين بتعاتبين ترى بتتعبين
نصيحه عدي الامور البسيطه الحياة اكبر من كذا

أميرة * A *
23/06/2008, 11:51 PM
انا لله وانا اليه لراجعون

قبل شوي توفت عمة أمي والسنة الماضية جدي وجدتي في نفس اليوم :(

ربي ثبتها عند السؤال

اخر مرة شفتها فيه وهي تقول لي ادعي لي ادعي لي :(

أميرة * A *
24/06/2008, 12:04 AM
من السنة الماضية وانا عرسي يتأجل :(

الحمد لله على كل حال

ياميه بنت يامي
24/06/2008, 12:28 AM
الله يكووووووون بعونتج عاااااد تدرين انا زواجي قريب يعني 15 يوم بس مع ذالك ماقد شفتها الا قبل سنتين ولا مرررره كلمته ولاااااااااااااااااااامره وربي مرتاااااااااااااااحه ابتعدي عنه الى يوم الزواج اثقلي وابتعدي عن العاااااطفه الزاااااايد يكفي الدلع والثقل بس
لييييييش تصيحين ياعمري وربي قلبي عورني مو لها الدرجه ارتاحي ياعمرررري

صيحي بروحتج وخلي شخصيتج قووويه فديتج انا طبعا بدوووووووون عصبيه ياقلبي لان الرجال يستانسون على المراه اذا عصبت ويزيد عناده فديت روحتج انا

انتبهي لنفستج وطمنيني شيصير معااااااااااتج اوكي

تقبلي لقااااااافتي ياعمري

ياميه بنت يامي
24/06/2008, 12:30 AM
انا لله و انا اليه راجعون...

الله يرحمها و يغفر لها و يسكنها فسيح جناته

ان شاء الله!!!


يااااااااااااعمري اكيييييد فيها خيره لاتزعلين عمرتج حبيبتي وربي يهونها عليتج
واذا لتج نصيب بهالرجال ان شالله بيتم

ربي يحفظكم لبعض ويهدي قلوبك ويحنن قلبه عليتج ياااااااااااااارب

جمالي ذابحهم
24/06/2008, 01:20 AM
الله يوفقكم

أميرة * A *
24/06/2008, 09:19 AM
قبل شوي رديت من العزاء من س 2 تقريبا ونحن هناك

اضطريت اتصل فيه ابلغه بالخبر كلمني بهدوء وآخر شي قال

اشتقت لي ؟؟؟!!! :ss:

عليهم بروووود هذول الرجال

شكله ولاااااا كان صاير شي من اليوم ورايح ما بكلمه كثير ابيه يحس اني متغيرة وماخذة في خاطري

المشكلة لازم في تنازل من الطرفين اذا هو عنيد وانا عنيدة اضطر الين شوي

بس الحين stooooooop دلعته كثير

واشكر كل وحدة قدمت لي نصيحة

يا رب يفرج عليكم همومكم

أميرة * A *
24/06/2008, 09:26 AM
7abeebat_S

ما شاء الله عليك نبهتيني على اشياء كثيرة

فعلا في اشياء كنت اسويها وجابت نتيجة بس لما رد يسوي الحركات مليت وصرت انفعل

احيانا لما كنت ابي اوصل له فكرة وابيه يطبقها كنت اتنزفز كاني اقول لااااااازم تنفذ فكرتي كان يعاند كالعادة


بس لما اكلمه بهدوء وحنية اتفاجأ انه ياخذ براي مع انه قبل كان يررررررررفض

اعرف مفتاح قلبه وان شاء الله بصبر الى ما اوصل لمبتغاي

كم مرة قال لي انت وشطارتك كيف تريحيني

فعلا كلامه صحيح

ربي يديم الراحة والسعادة عليكم

جزاك الله كل خير

المبدعة
24/06/2008, 09:28 AM
حبيبتي الغاليه
في البداية حبيت اشكرج على طلب المشورة
الشي الثاني انتوا الحين في فترة خطبة .. يعنى ما يجوز شرعاً انك تكلمينه او طرشين له مسجات
اذا صار عاقد قرانه عليكم صرت حلال عليه وفي هالحاله اللى اقدر اقوله لج .. انج تثقلين شوي ولا تعودينه انج انتى اللى تتصلين عليه كل مرة ..
اسألي صح بس لا تعودينه كل شي يي من صوبج .. عقب طبيعي بعاتبج انج ما سألتي عنه ( الريال تعود )

أميرة * A *
24/06/2008, 09:36 AM
ا
العفو اختي اعرف ممكن القى المشورة من الاخوات ما مقرات مع حد

عرف هالشي

بس كيف اعرف على طباعه وشخصيته ما يكفي كلام الاهل لو يجي البيت وجلست معه لازم حد من الاهل يجلس معنا طبعا راح يتكلم بطريقة مثالية قدام اهلي وما بياخذ راحته بالكلام

ما اروح امتلك بعدين اكتشف فيه اشياء ما اقدر عليها واطلب الطلاق !!!!!

الحين ما اجلس معه بس تلفونات

.. لوليـ ..
24/06/2008, 09:47 AM
اسمعي حبيبتي انا اقولك السااالفه مو طنااااشه السالفه ان اغلب الرجال ما يحبون هذي الحركات هههههه

وترى انتي نفس سالفتي احيانا يوقل نسيت واحيانا نمت واحيان مدري وش شغلني لما جا اليوم اللي قلتله حدك ..........زوفهمني ان السااالفه مو طناااش

لا تزعلي ولا تضايقي نفسك خليك على ما انتي عليه واضهري الاهتمام له انا الحمد لله الحمدلله صار هو يرسل ويطمني عليييه وبس ..........

ولا تحاولي تغلطيه ولا تغلطين نفسك السالفه اهون من كذا بكثيييييير بس اصبررررري

دعواتي لك

أميرة الورد1986
24/06/2008, 11:26 AM
أحكيلك شي
خطيبك اناني
ما يفكر براحتك ولا يغلب نفسه حتى يسعدك...لو يحبك صح ما يزعلّك
انا برأيي............. غيري معاملتك معه...وتعاملي بجفاف وماتدلعيه بالحكي أبدا حتى هو يفتح معك الموضوع وناقشيه بهدوء لتوصلوا لحل...قوليله أبي حل

.. لوليـ ..
24/06/2008, 11:40 AM
انا لله وانا اليه لراجعون

قبل شوي توفت عمة أمي والسنة الماضية جدي وجدتي في نفس اليوم :(

ربي ثبتها عند السؤال

اخر مرة شفتها فيه وهي تقول لي ادعي لي ادعي لي :(

الله يرحمهم جميعا ...........

هم السابقون ونحن الاحقون

أميرة * A *
25/06/2008, 01:36 AM
ما اقدر اجامله يعرف فيني شي واهتمامي له من غير نفس

تكلمت معه طبعا طبعا بيقول هو الغلط بس فهمته بهدوء شو غلطه

والحمد لله الامور هديت

عسااااااااه يفهم قصدي ما هي سالفة عصبية وقلة تفكير على قولته

MIYA !!!
25/06/2008, 02:07 AM
الله يرحم موتانا وموتا المسلمين جميعا
والله يهدي خطيبك لك ويهدي سركم ويسعدكم ويوفقكم لختي

أميرة * A *
25/06/2008, 03:41 PM
الله يرحم موتانا وموتا المسلمين جميعا
والله يهدي خطيبك لك ويهدي سركم ويسعدكم ويوفقكم لختي


آمين يارب

جزاك الله خير

بنااات حبيت ابشركم

صرت ما ارسل ولا اتصل فيه صار هو يتصل ولما يخلص رصيده يرد يعبي ويتصل مرة :cool:

سألني اليوم ... ما سألني عني ولا شي !!! :ss:

انا تميت ساكتة قال سالتك سؤال ؟ قلت له ما عندي رد :eek:

يعني لاااااااحظ اني متغيرة وصرت ما اسأل

التطنيش جاب نتيجة معه :wink:

اصلااااااا ما عندي رصيد وما بغيت اخبره اني ما عندي عشان ما يقول لو كان عندها رصيد كانت بتسأل
:tongue:

ربي يجزاكم خير نصائحكم هي الي شجعتني

ربي يهدي الجميع ويرزقكم من خيري الدنيا والاخرة

MIYA !!!
25/06/2008, 05:46 PM
آمين يارب

جزاك الله خير

بنااات حبيت ابشركم

صرت ما ارسل ولا اتصل فيه صار هو يتصل ولما يخلص رصيده يرد يعبي ويتصل مرة :cool:

سألني اليوم ... ما سألني عني ولا شي !!! :ss:

انا تميت ساكتة قال سالتك سؤال ؟ قلت له ما عندي رد :eek:

يعني لاااااااحظ اني متغيرة وصرت ما اسأل

التطنيش جاب نتيجة معه :wink:

اصلااااااا ما عندي رصيد وما بغيت اخبره اني ما عندي عشان ما يقول لو كان عندها رصيد كانت بتسأل
:tongue:

ربي يجزاكم خير نصائحكم هي الي شجعتني

ربي يهدي الجميع ويرزقكم من خيري الدنيا والاخرة

شفتي التطنيش جاب فايدة (y)(y):wink: انت خليكي كده حتى يتعدل معاكي وخليه هو يتصل بس انت لما يعبيلك رصيد بعتيله مسج مرة مرة عشان مايمل خير الامور اوسطها لاتدلعيه زيادة وكمان لا تطنشيه زيادة هههههههه والله ساعتها بيتعلم وبيتعود :)وبيكون متل مابتريدي انت خيتو الله يسعدك ويوفقك حبيبتي

أميرة * A *
25/06/2008, 06:00 PM
ربي يريحكم ويسعد حاااااالكم :)

هو اذا شافني مطنشة بالمرة .. يعاند ويسوي مثلي يقول انا بعد اعرف اطنش

بس وسط مثل ما قلتي اسأل عنه بس مو مثل أول

Ms Dior
25/06/2008, 09:16 PM
لا تجبرين نفسج على مسجاته واتصاله ..

شغلي نفسج في نفسج .. استانسي في حياتج ..

واهوه الي بيركض وراج..

سعوديه جنان
25/06/2008, 10:00 PM
حبيبتي الرجل بطبعه مايحب الي تسأل عنه دايما يحب المراءه الثقيله طنشي مسجاته وادا اتصل لاتردي اول اتصل عليه وتوقعي انه مايرجع بعدها يدق بنفس اليوم بس خليك ثقيله مثل ماقلنا وادا رجع حتى لو بعد يومين ردي وقولي شفت اتصالك بس صراحه كان غالبني النوم وخفت ارد ويطير نومي وكلميه وقبل يستأدن انتي استأدني عشان يحس بالتغير وانسي تتصلين عليه خليه هو الي يبادر بالاتصال كل مره ترا البدايه الاساس لو عودتيه تتصلين كل شوي حيمل وثانيا ماراح تلقين منه الاهتمام ابدا راح يظل ينتظر منك انتي الاهتمام لانه متعود عليه انك انتي بس الي تبادري واي استفسار انا حاضره للحلوين اختك سعوديه جنان

بحرينية أصل
25/06/2008, 11:11 PM
البنات ماقصروا وان شاء الله تقدرين تحلين كل امورج معاه

موفقه حبيبتي

أميرة * A *
26/06/2008, 12:14 AM
فديتك يا سعودية جنان وكل البنات

فعلا لما طنشت صار هو الي يتصل ويسأل ليش انا ما اسأل لاحظ لان ما من عوايدي ما اسأل

جزاكم الله خير وربي يفرج هم كل وحدة ويرزقها بالزوج والذرية الصالحة

بــاربــي
26/06/2008, 01:31 AM
مرحبا..!

http://www.jaralqamr.com/smiles/smile_files/smile2_data/520.gif
مبين عليه خطيبج مثل خطيبي..!
يبى اذا كان يحب الكورة يعني خلاص .. همه الكورة :D

بس ترى والله حبيبتي السالفة ما تسوى
يمكن صج الصبي كان يطالع المباراة ورقد من التعب في مكانه وما صار وقت يتصل فيج..!
عادي .. تيك ات ايزي:D

اذا حبيتي تزعلين زعلي بدلع بس لا تخلين مدة الزعل تطول..!
:)
http://www.jaralqamr.com/smiles/smile_files/smile2_data/520.gif

«·´`·.(*·.¸(`·.¸ ¸.·´)¸.·*).·´`·»
«·´¨*·.¸¸.* ..:: *][باربي][*::.. *.¸¸.·*¨`·»
«·´`·.(¸.·´(¸.·* *·.¸)`·.¸).·´`·»
*(¨`·.·´¨)*
`·.¸.·´
.·*
*·.

أميرة * A *
26/06/2008, 01:56 AM
بس ما اتحمل يوعدني واجلس انتظر وهو ولا في الدنيا


يقدر في اليوم الثاني يعتذر لي

دومنا نحن الغلطانات في نظرهم

اذا يشوف مباراة وقفتي قدام التلفزيون شوفي وش يسوي اذا ما لاااااحك باقرب شي توصل ليده خخخخخخ

اغتراب
26/06/2008, 03:51 AM
[quote=7abeebat_S;6418904]قلت له حتى ما تكلف على نفسك وتعتذر قال ما مسألة اعتذار بس ما تجلسي تحاسبيني على كل شي لازم تمشي عشان الحياة تستمر



اختي...يا ليييييت تركزين فكلامه تراه بمثابة التحذير منه...و الرجال يصبر على السوالف هذي فترة...و بعدين يطفش و يصير يتحاشى حرمته...و يتهرب منها داااااائما و بكل وضووووح بعد...لا تخليه يوصل المرحلة هذي...تراج بتخسرينه كلللللله بزينه و بشينه...انتي يمكن قصدج التنبيه...بس اهو يشوفه نكد و تلزق...آسفة اذا كلامي قاسي...بس انا اتكلم عن تجربة و دروس تلقنتها من حياتي مع خطيبي...

اذا كللللش تقهرج الحركة هذي...عاتبيه بس بدلع و بحب...يعني مثلا...قولي له..حبي ليش ما اتصلت البارحه؟؟؟...اشتقت لك...كنت ابي اسمع صوتك و انت الله يهداك نمت و خليتني...

صدقييييييني...راح يعتذر و بعد فترة يبطل الحركة كللللش...و اذا سواها بيحاول يرضيج بااااااي طريقة...لانج مو بس كلمتيه بانوثة اهو بطبعة كرجل مجذووووب لها و يتأثر فيها بقووووة...بس بعد كلمتيه بحب و بلطف...و هذا الشي يخلي قلب اي انسان يذوووووب فيج...بس طولي بالج شوي...يعني مو من اول و لا ثاني مرة راح يسوي جذي...و يمكن يتغير من اول مرة او مرتين...ما تعرفين... المهم انج تصبرييييين...

...باختصار...خققيه عشان تحصلين اللي تبين...ترى و الله التخقيق يخلق المعجزات بس يبي لج شويت صبر و سيطرة اعصاب :wink::wink::wink:...خخخخخخ [/q

كلامها صحيح 100 ب100(y)


شوفي عزيزتي.....كثر العتاب والتزعل يملل الرجال وان راعاك مره او مرتين مصيره بيمل وماراح يراعيك طول العمر....

ان شفتيه استقبليه احسن استقبال خليه يتعلق فيك خليه اهو اللي يدورك ماينتظرك تذكرينه

انه ملزوم بهالشي....

وحلو يكون لكل واحد مساحة حريه كثر الخنقه مو حلو....وعلى قولة اخواتنا المصريات:)

التئل صنعه....

لازم ياغاليتي تتعلمين في المستقبل السيطرة على مشاعرك ماتبينين الزعل على طول ومد البوز ودموووووع....

ولاتنتظرين الرجال يتأسف انسسسسسسسسسسسسسسسسسي....

الرجال يبين اعتذراه بالفعل مو بكلمة اسف لان طبيعة غير طبيعتك كأنثى فلا تجلسين طول الوقت تحاسبينه وتقارنين نفسك فيه ....وحاولي تقرين اكثر لمصلحتك وربي شاهد عن كيفية معاملة الزوج....وهالكتب والمواضيع هنا بالنت تتكلم عن الرجل وطبيعته وكيفية التعامل معه..

وخصوصا في بعض المواقف راح تلاقينها كثييييييييير ثقفي نفسك وراح يتغير معاك اشياء كثيييييير...

والله يهديكم ويسخركم لبعض يارب...

وتقبلي رأيي ومروي(f)

.. لوليـ ..
26/06/2008, 04:29 AM
الله يصلح الحال يااااااااارب

وان شاء الله زوجك يطففففشك بالاتصالات والرسايل لين ما تنزلين موضوع ثاني تبغين حل لاتصالاته ورسايله

ههههههههههههههههههههههههه هههههههه

أميرة * A *
26/06/2008, 10:58 AM
الله يصلح الحال يااااااااارب

وان شاء الله زوجك يطففففشك بالاتصالات والرسايل لين ما تنزلين موضوع ثاني تبغين حل لاتصالاته ورسايله

ههههههههههههههههههههههههه هههههههه

هههههههه بطنييييييييي :D :D

يعني من قلة الدعاوي ادعي لنا بصلاح الحال

لا لا يا رب ما اجيكم الا وانا ابشركم ان نصائحكم جابت نتائج حلوة :wink:

أميرة * A *
26/06/2008, 11:01 AM
[quote=7abeebat_S;6418904]قلت له حتى ما تكلف على نفسك وتعتذر قال ما مسألة اعتذار بس ما تجلسي تحاسبيني على كل شي لازم تمشي عشان الحياة تستمر



اختي...يا ليييييت تركزين فكلامه تراه بمثابة التحذير منه...و الرجال يصبر على السوالف هذي فترة...و بعدين يطفش و يصير يتحاشى حرمته...و يتهرب منها داااااائما و بكل وضووووح بعد...لا تخليه يوصل المرحلة هذي...تراج بتخسرينه كلللللله بزينه و بشينه...انتي يمكن قصدج التنبيه...بس اهو يشوفه نكد و تلزق...آسفة اذا كلامي قاسي...بس انا اتكلم عن تجربة و دروس تلقنتها من حياتي مع خطيبي...

اذا كللللش تقهرج الحركة هذي...عاتبيه بس بدلع و بحب...يعني مثلا...قولي له..حبي ليش ما اتصلت البارحه؟؟؟...اشتقت لك...كنت ابي اسمع صوتك و انت الله يهداك نمت و خليتني...

صدقييييييني...راح يعتذر و بعد فترة يبطل الحركة كللللش...و اذا سواها بيحاول يرضيج بااااااي طريقة...لانج مو بس كلمتيه بانوثة اهو بطبعة كرجل مجذووووب لها و يتأثر فيها بقووووة...بس بعد كلمتيه بحب و بلطف...و هذا الشي يخلي قلب اي انسان يذوووووب فيج...بس طولي بالج شوي...يعني مو من اول و لا ثاني مرة راح يسوي جذي...و يمكن يتغير من اول مرة او مرتين...ما تعرفين... المهم انج تصبرييييين...

...باختصار...خققيه عشان تحصلين اللي تبين...ترى و الله التخقيق يخلق المعجزات بس يبي لج شويت صبر و سيطرة اعصاب :wink::wink::wink:...خخخخخخ [/q

كلامها صحيح 100 ب100(y)


شوفي عزيزتي.....كثر العتاب والتزعل يملل الرجال وان راعاك مره او مرتين مصيره بيمل وماراح يراعيك طول العمر....

ان شفتيه استقبليه احسن استقبال خليه يتعلق فيك خليه اهو اللي يدورك ماينتظرك تذكرينه

انه ملزوم بهالشي....

وحلو يكون لكل واحد مساحة حريه كثر الخنقه مو حلو....وعلى قولة اخواتنا المصريات:)

التئل صنعه....

لازم ياغاليتي تتعلمين في المستقبل السيطرة على مشاعرك ماتبينين الزعل على طول ومد البوز ودموووووع....

ولاتنتظرين الرجال يتأسف انسسسسسسسسسسسسسسسسسي....

الرجال يبين اعتذراه بالفعل مو بكلمة اسف لان طبيعة غير طبيعتك كأنثى فلا تجلسين طول الوقت تحاسبينه وتقارنين نفسك فيه ....وحاولي تقرين اكثر لمصلحتك وربي شاهد عن كيفية معاملة الزوج....وهالكتب والمواضيع هنا بالنت تتكلم عن الرجل وطبيعته وكيفية التعامل معه..

وخصوصا في بعض المواقف راح تلاقينها كثييييييييير ثقفي نفسك وراح يتغير معاك اشياء كثيييييير...

والله يهديكم ويسخركم لبعض يارب...

وتقبلي رأيي ومروي(f)


ما عارفة كيف اشكركم لانكم عطيتوني من وقتكم :confused:

فعلا تذكرت مواقف صارت بيننا فعلا كان يعتذر بس بطرق ثانية بدون ما يقول آسف وكنت فعلا لحظتها انسى الزعل مع انه ما قال آسف

يبيلي ويبيلي عشان افهم الرجال

من يوم ما عرفني وهو ماذخ فكرة عني اني نكدية من كثر ما احاسبه وما يعجبني العجب :ss:

اقرا كثير في في لحظة الحدث من الانفعال انسى كل الي تعلمته

جزاكم الله خير الجزاء ورزقكم السعادة في الداريين :)

أميرة عند زوجي
26/06/2008, 05:20 PM
ههههههه والله احنا يا البنات طيوباات

ولاحظيي ترى كلنا نعاني من نفس المشكله تقريبا بس بنسب

ومن خبرتي <<يلي يسمع عشر سننين
الرجال ما يحب المراه الضعيفه يلي كلمه توديها وكلمه تجيبها

ولا يحب المراه يلي تركض وراه

اهو ما يحبها ويطنشها وفي نفس الوقت المراه ذابحه روحها عليه مسكينه واعليه

خخخخخخخ

يعني المراه الذكيه شنو تسوي طنش تعش تنتعش

بس اذا دق عليها او طرش ليها الف مسج

لازم ترد لانه

كثر الدق يفج اللحام

يعني لا تزوديها

رديي بس بدلع وانهيي السالفه الى صالحج

حتى لو انتي غلطانه


لازم هوو يلي يعرف قيمة زوجته ولا يستهين فيها

طُهْر النّدَى ,.
26/06/2008, 05:32 PM
سوري ما اقدر أفيدج بس حبيبتي

ثقلي شوي و لآ تدزين ادري بتنفجرين أذا ما دز بس نطري

أميرة * A *
26/06/2008, 06:40 PM
ههههههه والله احنا يا البنات طيوباات

ولاحظيي ترى كلنا نعاني من نفس المشكله تقريبا بس بنسب

ومن خبرتي <<يلي يسمع عشر سننين
الرجال ما يحب المراه الضعيفه يلي كلمه توديها وكلمه تجيبها

ولا يحب المراه يلي تركض وراه

اهو ما يحبها ويطنشها وفي نفس الوقت المراه ذابحه روحها عليه مسكينه واعليه

خخخخخخخ

يعني المراه الذكيه شنو تسوي طنش تعش تنتعش

بس اذا دق عليها او طرش ليها الف مسج

لازم ترد لانه

كثر الدق يفج اللحام

يعني لا تزوديها

رديي بس بدلع وانهيي السالفه الى صالحج

حتى لو انتي غلطانه


لازم هوو يلي يعرف قيمة زوجته ولا يستهين فيها

لما اعاتبه يغثني بهالجملة

طنش تعش تنتعش :mad:

يجنن جنوني وقتها :confused:

بس الحمد لله يقول عني ذكية بس قلبي طيب اسامح بسرعة لو هو الغلطان :(

خلاص سالفة العزاء انهت المشكلة

مصائب قوم عند قوم فوائد :)

أميرة * A *
26/06/2008, 06:42 PM
سوري ما اقدر أفيدج بس حبيبتي

ثقلي شوي و لآ تدزين ادري بتنفجرين أذا ما دز بس نطري

كأني في اختبار للنظر الخط واللون ياااا عيني :ss:

ثقلت عليه وطنشت صحيح كنت بنفجر لما شفته مطنش

بس الحمد لله جابت نتيجة وصار هو يسأل كل شوي ويقول ليش ما تسألي عني لاحظ تطنيشي له

بس طبعا ما راح اطنشه على طول بيمل وبيسوي نفس حركتي

يكفي مرورك ونصيحتك الصغيرة

ربي يوفقكم ويسعدكم :)

فيء
26/06/2008, 06:46 PM
عادي هدا الامر
فهم لا يفكرون مثلنا
ثم صراحة اعطيه مساحة حرية و اتركيه و لا تحاسبيه
لانه ان حاسبتهم يزيدون في التكرار اؤكد لك
انت تريدين اهتماما كبيرا و هو لا يفهم هدا.. هو يحسبه امتلاك و تطفل و سجن.
اتركيه عادي و هو سيشتاق اليك حينها و سيتصل بك
لانه سيعرف حينهل بانه ليس مجبورا على الاتصال بك بل فقط لانه هو يريد. و هدا سيريحه.

100%

^_^

أميرة * A *
26/06/2008, 06:50 PM
100%

^_^

تسلمي على المرور عرفتي الحين ليش كنت متضايقة :wink:

niceheart
26/06/2008, 06:55 PM
حبيبتى هو الراجل كده لما يلاقيكى بتجرى وراه يتقل اوى خليكى انتى كمان تقيله اوووووووووووى وهو اللى يتصل ويسال ويحب دايما يتطمن عليكى وربنا يوفقكو ويهديكو لبعض يارب

عشيقة فلسطين
26/06/2008, 06:58 PM
لا تسكت اذا ضليتك تسكتي مره ع مره بتعود
لا لازم تنبيه على العاده هاي قبل ما تتزوجوا
انا بنصحك ؟
انا مره صارت معي انا وخطيبي مره طلع على مكان بعيد ونسي يحكيلي
عاتبته عليها هلا ما بطلع ع مكان بعيد الا لازم يحكي
وهيدا كمان من اداب والاحترام اصلا كل واحد بصير يحترم ثاني وبعيشوا حياه سعيدة
كمان نصيحة اليك
لا ترني عليه يوم لما يكون مع اصحابه لانه بضايق واصحابه بصير يتمسخروا عليه

أميرة * A *
26/06/2008, 07:00 PM
حبيبتى هو الراجل كده لما يلاقيكى بتجرى وراه يتقل اوى خليكى انتى كمان تقيله اوووووووووووى وهو اللى يتصل ويسال ويحب دايما يتطمن عليكى وربنا يوفقكو ويهديكو لبعض يارب

كده يعني :D

بس كذا طبعنا البنات نتبع مشاعرها الرجال مشغولين بالحياة نحن نفكر فيهم ليل نهار ونبيعهم يتفرغوا لنا بس :ss:

ان شاء الله حبوبات بتبع نصائحكم من اول مرة جابت نصائحكم نتيجة :wink:

ربي يحفظكم وما يحرمني منك

أميرة * A *
26/06/2008, 07:03 PM
لا تسكت اذا ضليتك تسكتي مره ع مره بتعود
لا لازم تنبيه على العاده هاي قبل ما تتزوجوا
انا بنصحك ؟
انا مره صارت معي انا وخطيبي مره طلع على مكان بعيد ونسي يحكيلي
عاتبته عليها هلا ما بطلع ع مكان بعيد الا لازم يحكي
وهيدا كمان من اداب والاحترام اصلا كل واحد بصير يحترم ثاني وبعيشوا حياه سعيدة
كمان نصيحة اليك
لا ترني عليه يوم لما يكون مع اصحابه لانه بضايق واصحابه بصير يتمسخروا عليه

فعلا صحيح

وضحت له هالنقطة مثل ما تبيني احترم مشاعرك واهتم فيك انا بعد من حقي تحترم مشاعري

وعرف اني الصح واعتذر لي :wink:

لما اتصل ويكون معاه حد اغلق التلفون على طول يبين من صوته انه عالق على طول اعرف انه ما بروحه :)
بس هو لو حد جنبي يشوفني عالقة يقول ما اغلق الخط ويتكلم ويتكلم وانا ما اعرف اردعنييييييد بشكل

اقول له اغلق شوي اروح مكان ثاني يقول لا ما بغلق روحي مكان ثاني اذا غلقت ما بتصل مرة
:mad:

فيء
26/06/2008, 07:05 PM
تسلمي على المرور عرفتي الحين ليش كنت متضايقة :wink:

الله يسلمك حبيبتي

:cool:

عرفت :confused:

الله يعينك

بقولك شي <<<<<<<<<<< أغلب الشباب كذا :confused:

believe me حبي

هذا اللي أشوفه قدامي وأسمعه

يعني لا تعوري راسك واجد

(f):cool:(f)

الله يصلح ما بينكم يالغالية ويألف بين قلوبكم ويجمعكم عاجلا غير آجل يــــــــــــــــارب

>>>> تراها من القلب :15:

أميرة * A *
26/06/2008, 11:03 PM
الله يسلمك حبيبتي

:cool:

عرفت :confused:

الله يعينك

بقولك شي <<<<<<<<<<< أغلب الشباب كذا :confused:

believe me حبي

هذا اللي أشوفه قدامي وأسمعه

يعني لا تعوري راسك واجد

(f):cool:(f)

الله يصلح ما بينكم يالغالية ويألف بين قلوبكم ويجمعكم عاجلا غير آجل يــــــــــــــــارب

>>>> تراها من القلب :15:

ربي يزجاك خير

يا رب كل شي يتم على خير ويجمعك بشريك حياتك قريبا :)

حبيبت... نفسها
26/06/2008, 11:38 PM
:confusedQUOTE=أميرة * A *;6417113]
السلام عليكم ورحمة الله وبركاته

اخبركم بسالفة من سوالفي مع خطيبي

هو عنده حركة اجنننننن اذا سواها

مثلا اتصل فيه يقول انا اشوف مباراة او مع صاحبي او حد معي اقول له تمام لما توصل البيت او لما تنام خبرني

يقول ان شاء الله

واجلس انتظر وانتظر لاااااا حياة لمن تناااااادي

واليوم الثاني لما اسأله يقول نمت بدون ما أحس او فكرتك نمتي خلاص

قلت جرب ارسل اذا نمت ارسل في اليوم الثاني

ما اجلس كذا انتظرك

في النهاية وعدني ما يكررها وما يخليني انتظر اذا مشغول

من كم يوم قلت له قبل ما تنام خبرني لاني كنت ابيه في موضوع قال ان شاء الله

انتظرت وانتظرت مااااااااا رسل :confused:

طنشته كم يوم رسل لي مسج يعاتبني لاني ما اسأل عنه

وقتها انفجرت قلت له عن حركته واني تميت انتظر وهو طنش

قال نمت في مكاني في المجلس بدون ما احس والوالد جاء الصبح ونازعني :ss:

قلت له عالاقل ترسل لي بعدين تخبرني ما كذا طنشتني ايام

قال اكيد لما انا صحيت س 7 انت كنت نايمة :mad:

وش هذا عذر الحين :mad: قلت له يعني لازم اول ما تصحى ارسل في وقت ثاني

قلت له حتى ما تكلف على نفسك وتعتذر قال ما مسألة اعتذار بس ما تجلسي تحاسبيني على كل شي لازم تمشي عشان الحياة تستمر

انا عاتبته لأنه وعدني انه ما يكرر هالحركة لما كررها عارف اني ماخذة في خاطري بس طنش

وتميت ارسل وارسل ولااااااااااا رد علي للحين

بنات الحين انا غلطانة ؟؟؟

اذا تميت امشي اي حركة تضايقني خلاص بيتعود يقول بتتضايق الحين بس بعدين بترضى

مو لازم انبهه على حركات معينة تضايقني ؟؟؟

ما يعتذر من نفسه انا اقول له اعتذر لي لما يشوفني خلاص ابكي وقتها يحس ويعتذر[/QUOTE]



لا ياحبيبتى....

مو غلطانه ابدا... ابدا...ابدا

وصح لازم تنبيه على اي حركة تضايققك الحين... قبل الزواج... لان بعد الزواج راح يتعود...


شوفي انا متزوجه من ثلاث سنوات...


انا وقت الملكه ماكلمته ابدا... بس رسائل....

ونفس ما يسوي خطيبك يسوي زوجي....:rolleyes: /يسويها اذا كنت بعيده عنه مثل اذا كنت مسافرة/
بس فيه فرق..... ان زوجي يعترف ويقول ماراح يسويها مرة ثانيه


بس؟؟؟؟؟




يعيدها اكثر من مرة....

شوفي...

انا قلت راح اسوي هذه الحركة فيه... في القريب العاجل..(i)(i)

اذا ابتعد احد عن الثاني.. لاني الحين راجعه عنده يوم الاحد بعد ماجلست عند اهلى فترة شهرين تقريبا بسبب حملى... فا مافيه وقت...


شوفي أهم شي تكونوا راضين من بعض.... بعد فترة من هذه اللي صار....

اذا دق هو عليك...اولا: سلام... ثانيا: كيفكم؟ يعني من هذا الكلام... واذا حسيته راح يدخل في موضوع.. او كان يبغاك ضروري...قولى معليش مشغوله أو عندي برنامج او مسلسل واذا خلص كلمتك.... مع سلامه...


عااااااااد لاتكلمين الى مايدق هو يعني زي مايسوي فيك سو فيه...\ادري صعبه شويه..لان احنا البنات غير الاولاد عااااطفيين بزيادة... بس انت باقي مخطوبه افضل مني متزوجه تقدرين تعودينه على ماتبغين...\

بس اهم شئ... لاتقولين زي ماسويت انت خليك طبيعه...


اذا كانت تحسين انها تناسب شخصية خطيبك سويها.... انا الى الحين ماسويتها زي ماقلت..

وردي منى اذا سويتيها ....

الله يوفقك... ويصلح مابينكم ياااااااارب

True Tears
27/06/2008, 01:00 AM
ايه غلطانه ونصيحه لا تطفشينه منتس الله يهديتس غيري اسلوبتس ربي يسعدتس ويجمع بينكم في خير وسعادة :15:

أميرة * A *
27/06/2008, 02:03 AM
ايه غلطانه ونصيحه لا تطفشينه منتس الله يهديتس غيري اسلوبتس ربي يسعدتس ويجمع بينكم في خير وسعادة :15:


لي الشرف اول مشاركة لك في موضوعي :)

بس حبيبتي اذا كل ما سوى حركة تضتيقني اسكت عنه راح يكررها دوم يفكر عادي عندي ما تأثر فيني مثل ما حركات فيني تضايقه وينبهني انا بعد المفروض اقول له عن عيوبه

هو صحيح نكدية شوي واحاسب على كل شي بس في اشياء صعب اسكت عنها

مثل ما يبيني احترم مشاعره واداريه هو بعد المفروض يعاملني بالمثل

يجزاك خير يا رب

أميرة * A *
27/06/2008, 02:07 AM
:confusedQUOTE=أميرة * A *;6417113]




لا ياحبيبتى....

مو غلطانه ابدا... ابدا...ابدا

وصح لازم تنبيه على اي حركة تضايققك الحين... قبل الزواج... لان بعد الزواج راح يتعود...


شوفي انا متزوجه من ثلاث سنوات...


انا وقت الملكه ماكلمته ابدا... بس رسائل....

ونفس ما يسوي خطيبك يسوي زوجي....:rolleyes: /يسويها اذا كنت بعيده عنه مثل اذا كنت مسافرة/
بس فيه فرق..... ان زوجي يعترف ويقول ماراح يسويها مرة ثانيه


بس؟؟؟؟؟




يعيدها اكثر من مرة....

شوفي...

انا قلت راح اسوي هذه الحركة فيه... في القريب العاجل..(i)(i)

اذا ابتعد احد عن الثاني.. لاني الحين راجعه عنده يوم الاحد بعد ماجلست عند اهلى فترة شهرين تقريبا بسبب حملى... فا مافيه وقت...


شوفي أهم شي تكونوا راضين من بعض.... بعد فترة من هذه اللي صار....

اذا دق هو عليك...اولا: سلام... ثانيا: كيفكم؟ يعني من هذا الكلام... واذا حسيته راح يدخل في موضوع.. او كان يبغاك ضروري...قولى معليش مشغوله أو عندي برنامج او مسلسل واذا خلص كلمتك.... مع سلامه...


عااااااااد لاتكلمين الى مايدق هو يعني زي مايسوي فيك سو فيه...\ادري صعبه شويه..لان احنا البنات غير الاولاد عااااطفيين بزيادة... بس انت باقي مخطوبه افضل مني متزوجه تقدرين تعودينه على ماتبغين...\

بس اهم شئ... لاتقولين زي ماسويت انت خليك طبيعه...


اذا كانت تحسين انها تناسب شخصية خطيبك سويها.... انا الى الحين ماسويتها زي ماقلت..

وردي منى اذا سويتيها ....

الله يوفقك... ويصلح مابينكم ياااااااارب[/QUOTE]

لاحظت اذا قلت له اسوي نفس ما انت تسوي يعصب ويقول تمام ويطنششششششني :confused:

احيانا يعتذر لي ويوعدني ما يكرر الغلط بس يتم يعيد

وبعض الاحيان ما ادري وش يصير فيه ماااااااااا يعتذر لو عارف انه غلط

بارك الله فيك وربي يتمم حملك على خير ويرزقك الذرية الصالحة والسعادة في الداريين