المساعد الشخصي الرقمي

مشاهدة النسخة كاملة : ارجوا النصيحه ... محتاجه لنصيحتكم ..



بذرة قطر
23/06/2008, 10:55 AM
السلااام عليكم ورحمه الله وبركاته ..

اختي الغاليه عندي مشكله ومحتارة فيها

انا انخطبت من شهر 1 وطبعا هم كانوا طالبيني لودهم من سنه وكنت ارفض لاني اعرف صفات البنت اللي يبغى يتزوجها بان تكون ضعيفه

وانا اعرفه انه انسان عصبي بس هذا اللي اعرف عنه

المهم تمت الخطبه وانا وافقت على موافقة امي وابوي اولا

ولانه فيه مشاكل ببيتنا بسبب طلاق امي وابوي قلت يمكن ارتاح

كانت فترة خطوبتنا حلوة ومتفاهمين بس من نهايه شهر 5 بدت المشاكل بينا كانت خفيفه وبس مرة زعل علي وطالت المدة تقريبا اسبوع ماقدرت استحمل كلمت امه علشان تكلمه بس الموضوع كبر

اكبر واكبر بعد تدخل الأهل ..

الحين تراضينا بس ظل قلبه شايل علي مع انه غلط لي انا نسيت او تناسيت علشان حياتي تمشي

لانه بسبب هالمشاكل فكرت بالطلاق وهو يدري بالموضوع

وقال لامه انه يبني ويحبني بس ليش قلبه شايل علي مدري

كلامه واسلوبه الجاف يجرحني وابتعد عني بس علشان ماتكون بينا مشاكل لحد يوم الزواج هذا قراره

انا تعبت نفسيا لانه امور تجهيزاتي متعبتني لانه كل اسويه بروحي واحاول ابين له هالشئ علشان يحس


بس احس كلام امه مسيطر عليه

لانه مرة قلت لامه اذا ريلي ما احترمني انا ماراح احترمه

هذا حقي اطالب باحترامه لي

قالت لي غلط اللي تقولينه ليش ما ادري

وين الغلط وقال لي انا ماراح انسى لج هالكلمه طوول عمري

وين الغلط ابي افهم من حقي ولا لاء !!؟؟!

تعبت نفسيا والله افكر بالطلاق

وافكر انا تطلقت راح اتعب اكثر مع ابوي

مدري


هو طيب وحنون بس كلام الغير ياثر عليه

كرهت امه والله :(

وهو صار مايبي يجي بيتنا ليش ما ادري

قلت له اذا ماتبيني قول علشان خلااص انهي كل شئ

بس رد علي وقال ما اقدر اجاوبج :(


يتصل يسال عني

بس لما اساله يجاوبني بجفاء

تعبت اختي ياريت تنصحيني

لو سمحتي اختي اذا الموضوع مب مكانه بالقسم ممكن تحذفينه لانه مابي ينعرض على العضوات


وشكرا

ساعة غروب
23/06/2008, 12:09 PM
هلا حبيبتي

شوفي حبوبة مبين انج تعبانه حيل

انا حاسه فيج بس نصحتي لا تخلين فكرة الطلاق تسيطر عليج كلش شيليها من راسج

واذا فكرت يوم في الطلاق لا تبينين له هالشي لا تتكلمين عن الموضوع بالمرة معاه
الريال ما يحب انه ينقاله هالكلام

وبعدين شنو اذا ما احترمج ما تحترمينه هذا اكبر غلط انج تقولين له هالكلام تدرين انتي شنو قاعدة تسوين

تدرين انج قاعده تهدمين وتزيدين في الشرح الي بعدين راح تشوفين نتايجه في حياتج تبين تنفصلين وتقعدين عند اهلج وتصيرين علج بحج الاوادم

شوفي عزيزتي المراة ما لها الا بيت ريلها حاولي تتقربين منه اكثر واحترميه وصدقيني اذا انتي احترمته وتقربت منه وحاولتي تذبين الجليد اللي بنكم صدقيني راح يحترمج وقدرج ويحطج فوق راسه بعد

الريال يحب يكون دنجوان عصر وزمانه عيشيه الدور فهميه ان حياتج ظلام بدونه حسسيه بقيمته عندج

الله يوفقج وخلني اطمن عليج تواصلي معاي

بذرة قطر
23/06/2008, 02:01 PM
تمسلين حبيبتي والله مب عارفه اشلون اشكرج انتي الوحيدة اللي بينتي له معنى كلامي

انا قلت هالشئ لانه مابي يكون نسخه من ابوي اللي ما احترم امي


المهم انا اليوم بحاول اكلمه ابي اكسبه لانه باقي على زواجي اقل من شهر وادعي لي

وراح اقولج وش صار معاي

بذرة قطر
24/06/2008, 07:41 AM
صباح الخير اختي ...

امس اتصل فيني علشان البطايق العرس ولاا سال عني لما قرب من بيتنا طلبت منه انه ينزل لانه صار لي شهر من ما جفته من بدت المشاكل .. طبعا رفض بحجه المشاكل اللي صارت وقال انه يبي يبتعد استغربت من كلامه وقلت له صار لك فترة طويله تزورني وكنت نتنظر اليوم اللي راح تجيني فيه طبعا كان يجني كل جمعه


المهم رفض وانا حسيت ان شايل على امي من زمان مع انها ماكلمته كلش بس بسبب امه كانت تفهمه اللي تقوله امي غلط :(

حاولت معاه ينزل وقلت محتاجه لك وابيك تجي تسولف معاي وصحت بس قال اطلبي اي شئ حتى عيوني بعطيج اياها الا اني ازورج


سكت عنه ماعرفت وش اقوله حاولت اسولف معاه واساله مثل تحبني ولاا لاء دووم يجاوبني ما اقدر اجاوبج او مدري ..

المهم لما جاه راحوا له اخواني الصغار اعمارهم 8 سنين طبعا صار لهم فترة ماجافوه واستحوا يسلمون عليه وماسلموا الا بعد ماطلب منهم


ورد كلمني وقالي اخوانج تغيروا علي قلت هذولاا يهال وانت مثل اخوهم الكبير هاوشهم اذا ما اسلموا يمكن استحوا منك لانه من زمان ماجافوك وسكت

قلت له اذا استمرينا على هذا الحال راح تكون حياتنا باردة قال لي لاء انا ما احب الحياة الباردة

حاولت احسسه انه محتاجه له قال مب جاي وانا الحين اسمعج بالتلفون قلت لما اشوفك غير

كنت ابيه يقعد معاي ومع هلي علشان مايحس انه فيه شئ مافيه فايدة يقول لما تجيبن البيت عندي راح اقعد معاح وش الفايدة وانا بروحي خايفه من تعامله معاي بعد العرس


لما اساله انت شايل بقلبك على امي قال لي لاء مع انه ادري واحس بهذا الشئ وقلت لامي وامه بعد

رفض يعترف

وامس اعترف وقال امج قالت ماتبني اجي وامي ماقالت هالكلام بس هذا كلام امه

امي بنفسها تقول لي خليه يجيج او اطلعي معاه وتفاهموا

مدري لمتى بظل حياتنا جذيه

ورد بكلمه انتي قلتي اذا ما احترمتني ما راح احترمك قلت له انا عمري ماتكلمت مع شخص غيرك ولاا عرفت الحب الا معاك اهنيه سكت تحججت انه ما اعرف اتعامل معاها قبل بس الحين اتعلم واسال اهنيه سكت مارد علي

وبس حاولت اني ما اعصب عليه ودووم اقوله حبيبي

واخر شئ قال لي انا بقلبي شئ بانه يحس انه امه شايله بقلبها واني مقصرة معاها

قلت له صح انا مقصرة لاني تضايقت وايد من بعد المشكله اللي صارت وقلت ادري انك تعزها وانا اعزها قبل لااعرفك وعزيتها اكثر بعد ماعرفتك << قلت هالكلام وانا بصراحه متضايقه من تدخلها فيني مابيها تتدخل الا ليش تروحين المجمع مع صديقتج رديت عليها قلت لها ريلي راضي

ولاا انتي ماضعفتي الا كرشتج ولاا ريليج وقالت هالكلام قدام ولدها فشلتني قدامه

انا مادريت عليها سكت بس صج صج تضايقت ما احبها ومستحيل احبها بس ما اكرها

علشان جذيه بخلي علاقتي معاه سطحيه بعد العرس وماراح اطلع من غرفتي الا مع ريلي

شاريج تفكيري صح لانه مابيها تدخل بحياتي انا دخلتها قبل وتحسفت والحين مابيها

وبينت له انه امي واخواني مالي غيرهم بهدالدنيا سكت يعني يبني اراضي امه وامي لاء راح يبتعد عنها


تمللت من التفكير حتى العرس ماني فرحانه فيه

حسبي الله ونعم الوكيل باللي وهقني بحياة احسها تعيسه لاا انام الا بمنوم محد حاس فيني :confused:

ساعة غروب
24/06/2008, 08:27 AM
هلا حبيبتي بذرة قطر

افى شالحجي اللي تقولينه شوفي حبيبتي

الريال عموما ً تبين تكسبينه لازم اول شي تكسبين اهله

شوفي امه لازم بتدخل هذا ولدها وانتي بعد بتسكنين عندهم يعني لازم تستحملين اللي بيصير هذا انت من اولها بتقعدين في دارج ولا بتطلعين منها الا معاه شالكلام افى بس افى خلج عاقله وسوي اللي بقولج عنه

امه في اسرع وقت تزورينها ولا تنسين تشترين لها هديه معاج وما وصيج بالكلام الزين الذرب اللي ينقط عسل ابيها تفهم ان مكانتها عندج عاليه وانها مثل امج واكثر بعد ،، استحملي اذا كنتي تبين حياتج تستمر باستقرار

ثانيا ً قعدي مع امج وتكلمي معاها وقولي لها ( حفظيه وقولي لها الكلام اللي بقولج اياه ) يمه فلان ( خطيبج ) من زمان ما يانا ولا زارنا شرايج تتصلين فيه وتشرهين عليه شوي وتعزمينه على غداء او عشاء ، يمه داخلتج بالله كلميه خليه يحس انه مو غريب يمه لا تنسين اني زوجته وكلها شهر وبروح بيتي عنج خالنحاول نكسبه ونكسر الحاجز اللي صار من قبل خل ترجع النفوس مثل اول يمه ترى هذا ولدج وله حق عليج عشاني يمه تكفين كلميه.

انزين بعدين انتي لا تيبين له طاري عنه ييته الا تعال ابي اشوفك الا انت زعلان من امي غيرى هالنغمة شوفي دايما ً قولي له وحشتني وايد مثلاً امس وانا قاعده اشوف فليم تخيلت نفسي معاك اعيش قصة الفلم طبعا ً شوفي قصة رومنسيه ، امي تسلم عليك وتقولك من زمان ما زرتها اذا سكت او رد وقالج ما ادري او ما ابي ايي بيتكم قولي له والله انا مالي شغل انت وعمتك تنيازون انا اهم شي عندي انك في قلبي وماليه عيني من شوفتك واهم شي اني مو مقصره مع خالتي الغاليه ام الغالي وانت اذا عندك كلام تنياز مع عمتك قولها هالكلام

ما عندج اخوان كبار في سنه او ليش مو امج تكلم الوالد انه لما يجي عند بابك يلزم عليه يدخل

تعرفين شنو انا ارمي بالكلام هذا انا ابي خطيبج يحس انه مو غريب عنكم انه واحد منكم وفيكم خلي المشاكل اللي صارت وخلي الاحترام ودايما حسسيه انج محترمته وله تقدير عندج وان المشاكل اللي مرت فيكم كانت خير برهان على حبكم لبعض وتمسكم في بعض ابدا ً لا تندمين على مشكلة صارت ترى هذا اختبار من رب العالمين لعزمكم وصبركم ولا تحسبين على امه ترى هي ام في الاول والاخير وهذا الشعور بتحسين فيه لما الله يعطيج الولد ان شاء الله بتعرفين شكثر انتي غلطت في حق هالانسانه

ابيج تعزينها وتطبين خاطرها حتى لو غلطت عليج هذا امه جنته وناره واللي ما فيه خير في امه ما في خير في زوجته والناس

يالله عاد انا طولت عليج وبشريني بالنتايج

بذرة قطر
24/06/2008, 08:48 AM
كلاام وايد يريحني وفكرتج انه امي تتصل فيه وايد اعجبتني بس لو اتصلت فيه امي اليوم اخاف يحط بباله اني قلت لها الكلاام اللي قاله لي اليوم هو بروحه مابيني اقول لامي شئ واما طبعا ماقلت لها

اما بالنسبه لامه والله كنت احبها قبل لاتاخذني لودها بس هم مايحسون بالتعب اللي انا فيه يتفقون معاي على شئ واخر شئ يورطوني مثلا الفرقه قالوا شوفي الفرقه اللي تبينها واحنا بندفع واخر شئ قالوا لاء انتي تحملي المبلغ وانا بنفسي متحمله اشياء وايد وحاولت ابين لها ظروفي بس هي تحسب لظروف ولدها قلت معليش وشليت الفرقه وبعدها جات على التصوير وقلت معليش بس وابتعدت عنها علشان ماتحذف على اشياء ثانيه لانه المعروف عندنا المعرس هو اللي يتكفل بكل شئ وانا بينت لهم من البدايه اني مابي عرس دام ريلي ماعنده امكانيه للعرس
وكنت بس هم اللي اصروا على هذا الشئ


مدري اخاف امي تتصل فيه ويشك اني قلت لها شئ وانا خلاص تبت ما عاد اقول لامه ولاا لامي شئ :(



عندي اخووو اصغر مني بسنه ودووم يسولف معاه بس مابي اقوله لانه بيعايرني بعدين

بعد كم يوم بخلي امي تكلمه احسن صح وبقولها تسال عنه وتعزمه

بالنسبه لامه بحاول اتصل فيها واسال عنها


اما اني ازورها ما اقدر لانه الحين ممنوع

وانا قبل ازورها واقدم لها الهدايا بس امي تقول دام هم مايجبون لج هدايا ليش تعطينهم يكفي انج تعاملينهم بالزين يعني اكبسيهم بطيبتج مب بالهدايا لانه يعتقدون اني اسرف فلوسي على الفاضي :ss:


وبالنسبه اساله بانه متى بتجي ماراح اطلب منه كلش لانه امس يوم جفت رفضه قلت براحتك بس حط ببالك اني محتاجه لو جودك معاي الحين لانه تعبانه نفسيا من العرس
..

ساعة غروب
24/06/2008, 08:59 AM
اوكي حبيبتي انتي صح هالمرة

وكلام امج عين العقل لا تودين هدايا بس عاد مو بالمرة لا في المناسبات الاعياد امه يايه من الحج يايه من العمرة يعني مناسبات وبس

واخوج لا تكلمينه انتي خلي امج تقوله احسن يعني على انها تعلمه السنع مثلا ً تقوله روح حق ريل اختك خله يدخل شدعوه قاعد تسولف معاه ولا قلطته ولا شرب شاي او قهوة يعني من هالكلام

الله يهديكم لبعض وخليكم لبعض ولا يغير عليكم قولي آمين

بذرة قطر
24/06/2008, 09:13 AM
آآآمين

انا قبل لااسافر واجي البحرين كنت اتصلت على امه وقلت لها اني بسافر وطلبت منها انها تدعي لنا

هذا الأسبوع اللي طاف

بس الحين اخلي امي تتصل فيه بعد كم يوم احسن ... :)


ومشكورة اختي وما قصرتي معاي والله يوفقج بس خلج معاي :o

بذرة قطر
24/06/2008, 12:04 PM
رجعت كلمت امي بخصوص تكلمه وتتشهره علي انه مايجي ولاا يسال عنها لانه بمثابه امه وانها تعزمه على عشى او غدا


بس شكلها مب مقتنعه تقول اخاف يكبر راسه علينا انا قلت لاا قلت يمه اكسبيه لبيتنا علشان بعد شهر بعيش عندهم بس ما اذكرت لي الموضوع كلش اليوم مدري وش اسوي ؟!!!

المهم

اليوم طرش لي مسج الصبح وقال صباح النور من شهر ماطرش لي مثل هالمسج قبل كل يوم الساعه 6 الصبح اما يتصل او مسج طبعا بالكلام الرومانسي

بس صج قال صباح النور بجفى بس احمد ربي لانها بدايه خير ان شاء الله ...!!

ساعة غروب
24/06/2008, 01:04 PM
الحمدلله الحمدلله اهم شي ان في بدايه منه الله يكتب لكم السعاد آمين

واذا عن امج ترى امج انسانة حكيمة واذا شايفت ان هالشي اللي بتسويه يصب في مصلحتج حتى لو مو مقتنعة بتسويه عشان بنتها العروس الحلوة

اقولج شي

خطيبج ترى يحبج وما وده يخسرج ولا تخلين اعباء العرس تأثر على مكانته بقلبج ترى هو انسان طيب وحنون وفي قلبه لج اكبر دليل على حبه

بذرة قطر
24/06/2008, 01:29 PM
واخيرا امي كلمته لقيتهاحافظ الرقم عندها اول شئ قالت لي مارد علي وبعدين هو اتصل فيها وقالت له شفيك زعلان علينا امس تمر علينا ولاا تنزل وتسلم واذا زعلان مع مرتك بكيفك معاها بس انا وش دخلني ماتسال عني ولاا تسلم وانا وامك مالنا خص فيكم وهذي حياتكم وماراح نتدخل فيها

قال لها مب زعلان ولاا شئ وان شاء الله مرة عليكم قريب << ما اظن لانه ماينسى

المهم ارتحت شوي والحمد لله والباقي على انا اتصل بكرة بامه مدري عاد وش اقولها

هو قالي ما بيج تتاسفين لها بس ابيج ماتقصرين معاها وتعاملينها مثل امج طبعا انا شرحت له وقلت ترى اعز امك قبل لااعرفك ... الخ


بس مدري اخاف يظن اني قلت لامي او اشتكيت عندها ههههههههههههههه الله كريم
اقولج شي

خطيبج ترى يحبج وما وده يخسرج ولا تخلين اعباء العرس تأثر على مكانته بقلبج ترى هو انسان طيب وحنون وفي قلبه لج اكبر دليل على حبه


شلون عرفتي انا ماتكلمت عنه وايد

ساعة غروب
24/06/2008, 01:44 PM
وايد زين ان امج كلمته

اذا اسألج قولي له ما ادري يمكن حست انك زعلان لا تنسى انها ام وتحس بعيالها بس لا تقولين له انج كلمتي امج تكلمه تحملي اوكي اياج ثم اياج تقولين

وامه كلميها عادي سألي عنها وعن صحتها ولا تيبين طاري الزعل واذا اسألتج عن العرس والترتيبات بيني لها انج قاعده تحضرين للعرس وقولي لها اذا انا احتجت شي حق العرس ما بلقى غيرج يسندني انت سندنا وعزوتنا الله يخليج لي يا اغلى ام اوكي خلج ذربه معاها ترى مهما يكون هذي ام ريلج وجدة اعيالج في المستقبل ومالكم الا رضا الوالدين عليكم

اما شلون عرفت انه يحبج ليش عيل انا اخصائية اجتماعية جذي حسيت هذا كله من بين السطور اللي كتبتيلي فيها رسايلج

وعلى فكرة انتي بعد تحبينه بس تكابرون وايد الله يوفقكم

بذرة قطر
24/06/2008, 01:52 PM
صح نكابر واااايد

وهو اكثر يعني يطرش لي مسجات عتاب بس لما اتصل فيه واحد ثاني كلش غير :ss:

واكيد ماراح اقوله عن شئ بقوله مدرررري :)


والله يوفقج دنيا واخر يارب

وبكرة بقولج وش صار لي مع امه

على فكرة انا انادي امه ب يمه مب خالتي وهذا طلب امي مني
مع اني دووم اقول لامي هذي الكلمه ماتنقال لو حده غيرج يامه تقول لاء بعد قول لي لها

بذرة قطر
26/06/2008, 11:40 PM
مساء الخير اختي

شلونج ؟؟!!

بعد ماترردت صار لي كم يوم مدري ماودي اتصل فيها لاني وايد تضايقت من تصارفتها معاي المهم اليوم اتصلت فيها ماردت علي

حتى مابينت لخطيبي هالشئ مدري اقوله علشان يعرف اني اتصل بس هي ماترد ..

انا وايد متضايقه مدري شلون راح اعيش ببيتها بصراحه ..

مع انها قبل لاتخطبني ماكانت جذيه معاي :(

وبالنسبه لريلي يتصل فيني ويسال عني طبعا مب مثل قبل المشاكل بس احسن من بعد ماتصالحنا لما حسسته اني محتاجه لوجوده معاي بكل وقت يتصل ويطرش مسج ويقول لي انتي وين ؟؟

الحمد لله

روجعت اسمعه كلام حلوو مثل قبل اما هو لاء كلام نفس الشئ مدري زين يعني بحدود وايد

ادري يبلي اصبر علشان يرجع مثل قبل ..

بس في شئ قالت لي عمتي باني ما اخذ ملابسي كلها هناك ببيتهم اخذ معاي شوي وكل ما احتاج ارجع اللي عندي واخذ الجديد من بيت ابوي تقول خايفه مب مرتاحه لامه كلش


وهذا بعد مخوفني مع ودي استقر بمكاني وبملابسي وانا من النوع ما احب انثر اغراضي بكل مكان

ساعة غروب
27/06/2008, 01:10 PM
هلا حبوبه

بالنسبة لاتصالج بأمه قولي له عنه بس بطريقة انج تسألين عنها مثلا ً شلون خالتي شخبارها وايد ولهانه عليها طبعا ً هو بيقولج اتسلي فيها سألي عنها وبعدين ردي عليه قولي له والله اتصلت بس ما ردت علي بس ولا يهمك اتصل فيها مرة ثانيه

وبالنسبه لاغراضج عادي نقليهم عشان انتي تحسين بالاستقرار النفسي ولا عليج من امه دامج تعاملينها بالزين اهم شي هو معاج

بذرة قطر
27/06/2008, 04:02 PM
اوكيه فكرة حلوة بسويها ..

بالنسبه لعلاقته معاي تتغير شوي شوي

وبعدين انا صرت ما ازعل او اتحسس بمعاملته معاي مخليته على راحته وصار يتصل حتى 3 بالليل

يسال نمت ولا لاء وصار يسال اروح الرياضه ولاا لاء مع انه قبل يقول خلااص انا راضي فيج مثل ما انتي ..

بذرة قطر
27/06/2008, 04:58 PM
اتصلت وقلت شخبار امي واختك قالي تساليني ليش ماتتصلين لهم قلت اتصلت ماردت علي قال لي من قلت له امي اهنيه سكت حسيت انه انحرج

انا على طوول غيرت الموضوع وقلت اخبارك بعد .. وبس

:)

بذرة قطر
27/06/2008, 10:28 PM
والله مدري احترت مع هالانسان احسه صار متردد

اليوم بعث لي مسج وقال بجاي اليوم تقريبا اخر مرة جافني في 23-5

قلت له حياك الله

ورحت لامي مصدومه انه ريلي راح يجي قالت خلااص استقبليه

المهم رجعت لجوال جفت رد صدمني اكثر وكاتب لاء خلااص

حسيت بالفشيله وش اقول لامي

ردت عليه قلت له انا قلت لامي انك بتجي وكنسلت مواعيدي اليوم

ليرد علي ماسحيت بالفرحه اني راح اجيج

رديت عليه شلون بتحس بالمسج

المهم

بين تردده وانا مخليته على راحته


اخر شئ قال بصراحه ودي اجي بس مدري

اخر مسج بروح ابدل وباجي لج

انا اتصلت علشان اتاكد مالي خلق لصدامته قلت


كلمني وقال شخبارج وبتطلعين ولا لاء :eek: وهو يدري اني كنلست كل شئ

المهم جاه بعد ساعه وظل ربع ساعه برع يسولف بالتلفون واتصل فيني وقال تبيني ادخل ولاا لاء


جاه وجلس ساكت يفكر

حاولت معاه اضحكه اسولف معاه نفس الشئ

اقوله وش فيك ير د مافيني شئ

المهم ظل عندي ربع ساعه جاتني الصيحه من بروده مسكت نفسي

وصرت اسولف ولا كانه فيه شئ

طلع

رحت انسى اللي صار شفت اتصاله يسولف معاي قلت له امرك عجيب لما كنت موجود كانك زعلان
والحين تسولف معاي يقول انا لحد الحين شايل بقلبي

طلبت منه انه ياجل العرس لحد ماشيل اللي بقلبه

قال عادي بنطول لين انحدد الموعد الثاني

قلت له مب مشكله المهم تصفى القلوب

رد علي برد صدمني يقول انتي رفستي النعمه ربريلج قلت له وش اللي قدمتوه لي وانا رفضته

ليرد لاا مب هاي القصد اقصد اسلوبي معاج قبل

قلت له اللي صار سبب اتفاق كان معاكم انتوا قلتوا لاء وخليتوا كل شئ علي وانا انضريت بالنهايه مب انت

ودبرت نفسي مثل ماقلت لي لما شكيت عندك


قام يحن يبي يعرف من وين جبت فلوس التصوير والفرقه

قلت له مايهم المهم اني دبرت نفسي مثل ماطلبت مني وما اقدر اقولك شلون دبرت

قال اوكيه لاتزعلين اذا ماغيرت اسلوبي معاج


:confused:


ذبحني مدري متى يكبر عقله


مابي اعطيه شئ ما بي اقوله شئ

دام هو مايعلمني ودووم يقول ماعندي شئ اقوله ابكون مثله

نفذت له رغبته وضعفت حرمت نفسي من اشياء علشانه

اكثر من جذيه ما اقدر

اقدم له شئ دام مافي شئ من صووبه

ساعة غروب
29/06/2008, 11:32 AM
شوفي حبيبتي ريلج حساس وفي نفس الوقت عنيد

لا تدخلين معاه بتاهات تخسرينه بعدين شوفي

بالنسبة لزعله وييته وتردده تدرين شنو كان يبي منج كان يبي منج تكونين ملهوفه على شوفته وطايرة من الاناسه لانه بزورج

مرة ثانيه اذا كان يبي يزروج سوي اللي بقولج اياه شوفي

اذا قال انا بايي اللحين ردي عليه سوى بمسج او اذا اتصل صج والله قول والله بيي اخيرا ً بكحل عيني بشوفك انزين شنو تبي اسوي لك على العشاء مثلا ً

مثلاً اليوم بيكون اسعد يوم في حياتي عشان انك بتيي لي وبشوفك يا امير قلبي وبعد عيني انت

وبالنسبة للفلوس حق التصوير والفرقة قولي له عنهم لا تبدين حياتج معاه بالتخشش خلج صريحه معاه بس لا تحاولين تحطين اللوم عليه او على اهله خلاص انتي تدبرت الامر واللي صار صار وبعدين اذا قالت انتي تحسين ان اهلي وهقوج بالمصاريف قولي له عادي اذا انا ما ساعدت ريلي حبيبي في احلى ليله بتجمعني معاه متى عيل اساعده

ولا تأجلين العرس بالعكس حسسيه انج تبين هالشي بسرعة عشان تستقر حيتكم وبعدين فهميه انج ما تقدرين بعد تعيشين بعيد عنه اكثر

تعرفين ريلج من النوع اللي يحب يتدعل ويحب انه يحس انه مهم في حياتج انتي بذات

بذرة قطر
29/06/2008, 12:07 PM
:)سبحان الله تغير اختي من بعد هذي الليله لما جافني مصممه على تاجيل العرس لحد مايغير اسلوبه معاي واللي شايله بقلبه يرررروح


طبعا بنفس الليله بالليل مااتصلت فيه قبل لانام مثل ماعودته

ولاا كلمته ثاني يوم

لما دخلت المسن رحب فيني وقال اخبارج ؟ وين بتروحين اليوم ؟ جاوبته على قد سؤاله

وسالني متى العرس قلت له مدري !!

المهم

اتصل فيني بعدين وقال وين رايحه قلت بروح الرياضه وسالني ترى ما اتصلتي فيني امس قلت له ايوه ..:)


والمهم بالرياضه كلمني وقال اليوم ملجته ولدي عمي اهنيه تذكرت يوم ملجتي قلت وش تنطر روح الحلاق واكشخ لو لد عمك وخلك معاها

المهم احسه تغير كلش بانه تذكر يوم ملجتنا وطرش لي مسج احبك بااااااااااااااال من زمان ماجفت الكلمه منه


حتى كان يسال عني بالمسج اخبار مرتي ؟!:eek: قلت له من زمان ماسمحت على طووول اتصل

بس تغير وااااااااااايد رجع لي واخيرا


طبعا اهله لاحس ولاا خبر وانا عادي دووم اسال عنهم عنده ولاا عاد يكرر ويقولي اتصلي فيهم ههههه

الحمد لله معاه كل شئ اووكيه وان شاء الله دوووم :)


وهذي الوردة لج (f)

ساعة غروب
29/06/2008, 07:31 PM
الله يهدي سركم

ويجمعكم بالحب والخير

آمين

بذرة قطر
03/07/2008, 07:31 AM
آمين

الحين مشكلتي مع امه اتصلت فيها بس علشان اسلم ومايقول اني مقصرة وفوق هذا كله لانه احبها بس

بس بعد ماترد علي :ss: قلت لامي وماقلت له طبعا مستحيل اقوله :(


ابي حل قولي لي الله يخليج

ساعة غروب
03/07/2008, 08:15 AM
هلا حبوبه

عادي اذا ما ترد عليك حاولي تتصلين فيها في وقت ثاني واذا ما ردت عليج بعد

عادي لا تهتمين خليها على راحتها وبعدين ما بقى شي عن العرس اهتمي بحفلتج وتجهيزاتج

بذرة قطر
03/07/2008, 09:58 AM
المشكله بعيش معاهم وش اسوي ما احب اعيش ببيت احس اني مب مرغوبه مع انهم هم اللي مختارين لودلهم اول شئ

ومن بدوا بتجهيز العرس طريقته كلامهم بس هذا يكفيج من عدد المعازيم والولد ماعنده ومدري وشو

واحنا انساعده والله هو قال لي بنفسه انا مسويه العرس كله محد ساعدني

انا ماطلبت اللي من حق اي عروس تطلبه ووتدلع كل شئ باختيارهم


استغفر الله الفلوس تروح وتجي لمتى بكنزونها مدر ي

مشكلتي انا عكسهم هم كل شئ اسراف وتبذير انا لااااا العكس اهم شئ وناستي اذا عندي فلوس ماهمني

وحاولت ابين لولدهم هالشئ

اما هم لانه ملتزمين بالدين واااايد فاسراف وتبذير وعلى كيفهم للي مايعجبهم اما اذا عجبهم عادي

مثل اختي سالفه طلعتي مع صديقتي لمجمع بعد موافقه ريلي طبعا وامي

كنا نشترى اغراض مهمه وبنطلع

اتصلت امه تقول شلون تروحين بدون محرم قلت لها ريلي موافق وامي بعد اهنيه اسكتت ..

بس بعد اسابيع شفتها بالسوق مع بينتها بدون محرم على قولتهم مع سايق وخادمه خاطري اعرف من محرم فيهم ؟؟!!!

ساعة غروب
04/07/2008, 07:08 PM
هلا حبوبه

عادي طنشي مشي الحياة عادي

وخليهم عنج ترى كلما كنتي مبرده على قلبج كلما مشت حياتج

خليج في تجهيز العرس اللحين ولا تفكرين في شي ثاني

بذرة قطر
06/07/2008, 07:18 AM
الحمد لله اموري مشايه بالتجهيزات

والله الموفق

بذرة قطر
25/08/2008, 07:55 AM
صباااااااااح الخير اختي اخبارج رجعت لج بعد العرس

آآآآآآآآه تعبت من لسانه الطويل واستحملته من وقت شهر العسل لحد مارديت بلادي

وحط لي شروط في زيارات اهلي مرة بالاسبوع ومافي مبيت حاولت معاه وقلت اوكيه على اساس يمكن يغير رايه بعدين


والحين يعايرني باهلي وابوي وقلت لاتكلم عنهم زعل وقال ومافي روحه لهم

يبي يتحكم فيني وخليني عنده على طوول يقول لي انسي بيت اهلج

حتى برمضان مافيه زيارة مليت وانا احب اهلي احس اي ما اقدر استغنى عنهم

بس صاير صعب التعامل يقول انا اتفاهم معاج وهو كانه يصدر اوامر لي

قبل كان يزعل على اتفهه الاسباب وكنت اراضيه بس بعدها مليت صرت اخليه متى مارضى رضى بس الحين لاء صار مايزعل مثل قبل


بس انا ما بي انحرم من هلي

مع اني دووم مع اهله وعلاقتي فيهم تحسنت وشايفين اغلاط ولدهم علي ومب راضين

بس افكر الحين دام اني ساكنه معاهم ما اطلع لهم الا يوم السبت واهلي اروح لهم يوم الجمعه يمكن يحس بنفسه

مع في فترة الخطوبه قالي مابي وحده تمنعني عن اهلي ومابي امنعها عن اهلها ..


صاير انسان صعب التعامل معاه امه تبيني اغيره شلون ؟!!!!!!!!!

وايد افكر بالطلاق اقول هلي محتاجين لي اكثر وانا بعد محتاجه لهم

اكذب عليج اذا قلت اني مب مرتاحه بمكاني الجديد بالعكس مرتاحه بغرفتي راحه لامسؤوليه ولاا شئ مب مثل بيت اهلي


بس مدري وش اسوي ؟؟! ابي حل

ساعة غروب
07/09/2008, 11:09 AM
شوفي حبيبتي

عليج تسايرينه وصدقيني لما تجين له بالطريقة اللي هو يبيها راح يعطيج راحتج

مثل ما قلت لج ريلج عنيد بس يحبج وهذا كله صوبعة في فنجان تعرفين يبي يصيطر عليج ويفرض شخصيته فقط لا غير يبي يسمع منج كلمه ان شاء الله وحاضر على امرك ما يبي احد يرد عليه

بذرة قطر
08/09/2008, 10:52 AM
شوفي حبيبتي

عليج تسايرينه وصدقيني لما تجين له بالطريقة اللي هو يبيها راح يعطيج راحتج

مثل ما قلت لج ريلج عنيد بس يحبج وهذا كله صوبعة في فنجان تعرفين يبي يصيطر عليج ويفرض شخصيته فقط لا غير يبي يسمع منج كلمه ان شاء الله وحاضر على امرك ما يبي احد يرد عليه

صح مثل ماقلتي اقوله ان شاء الله واسمع كلامه بس هذا يسبب ضغط يعني انحرم من الأشياء اللي احبها ما اقدر استغني عنها مثل زيارة هلي يعني حتى ساعات مايبني اروح لهم يوم الجمعه اللي حدده لي يبني اكون عنده بالبيت



واذا كنت ببيت اهلي يسدرني بالتلفونات يشوفني وش اسوي واذا مارديت ياويلي والله يزعل كم يوم

واما ببيت اهله لاا ينساني ولاا يسال


وبعدين اختي كلمه ان شاء الله اذا قلتها له دووم يعني مالي شخصيه كل شئ بطاوعه انا مابي افرض شخصيتي عليه لانه ريال بس انا لي احساسي


انا اقوله ان شاء الله في اشياء معقوله ..

الله يكون بالعون والله بعد الزواج صرت حنانه وشكايه كرهت نفسي احسها مب حاله مب شخصيتي

في كلمه دووم يقولها لي هلج مب نافعينج انا اللي راح اكون معاج

بس بعقلي دووم اقول محد بينفعني لا انت ولاا اهلي لانه لما يزعل مايدري عني خير شر اكون مريضه مايراعيني ولاا يدري اذا نايمه اوا اكلت او لاا لو يزعل ما اكل شئ ب 3 ايام نفسيتي تتعب

وااايد وطبعا مايعتذر اذا غلط بحقي ويحط اللوم علي وانا ارد عليه اقوله انت السبب بكل شئ

الله يكون بالعون يارب

ساعة غروب
16/09/2008, 11:11 AM
ما عليه حبيبتي الحياة الزوجيه جذي انتي توج عروس والحياة يبيلها صبر

وكلمه ان شاء الله ما تعني انج ما عندج شخصية بس الرجل الشرقي يحب انه يفرض سيطرته على مرته ويحبها خاضعه له طبعا الواحد يقول ان شاء الله في بداية الامر بس حبيبتي وين ذكاءج يوم تكونون مرتاحين وتحسين انه جو مناسب تناقشينه في اشياء مهمة بالنسبة لج مثل زيارتج لاهلج ناقشية بهدوء ولين ومن غير عصبية

يعني نقول ان شاء الله وبعدين اناقش اوكي

الله يعينيج وصبرج

بذرة قطر
12/10/2008, 10:59 AM
ما عليه حبيبتي الحياة الزوجيه جذي انتي توج عروس والحياة يبيلها صبر

وكلمه ان شاء الله ما تعني انج ما عندج شخصية بس الرجل الشرقي يحب انه يفرض سيطرته على مرته ويحبها خاضعه له طبعا الواحد يقول ان شاء الله في بداية الامر بس حبيبتي وين ذكاءج يوم تكونون مرتاحين وتحسين انه جو مناسب تناقشينه في اشياء مهمة بالنسبة لج مثل زيارتج لاهلج ناقشية بهدوء ولين ومن غير عصبية

يعني نقول ان شاء الله وبعدين اناقش اوكي

الله يعينيج وصبرج

صباح الخير .. رجعت بهمومي :confused:

آآه وش اقولج تمر علينا ايام حلوة ويدلعني وادلعه بس بعدها تصير مشكله بسيطه ما اقدر احلها معاه

لانه حلوله معقدة باني اطلع واخذ اغراضي معاي ونفس المشكله زياراتي لهلي صرت اسكت واصبر علشان يتكرم علي ويقول روحي عند هلج انا اروح بروحي حتى مايوصلني يقولي علاقتي مع امج مب اوكيه امي تحاول تبين له انه مثل ولدها هو كلش

امس اقوله امي بترد من السفر وعطني يوم اروح اساعد خواتي انظف معاهم البيت يقول لي انتي مب خدامه

قلت هذا بيت اهلي اذا انا نظفته وصرت خدامه عيل انا بعد خدامه عندك لاني انظف غرفتك وصالتك مب راضي صار يغلط على امي يقول انها راعيه مشاكل كرهته بعد هذي الكلمه

مايحترم امي مع اني محترمه امه وشايلتها اروح المطبخ اساعدها مب مثل اخته بس هو مزاجي

تمللت انا ارتاح لما اشوف هلي وبالعكس ارد من عندهم مستانسه وهو يدري بهذا الشئ صار يتعمد لما يكون الوقت اللي اروح لهم يسوي لي مشكله ويحذف على كلام اني مقصرة وانا كاشخه لهم ومرة قلت له ليش تسوي فيني جذيه يقول لي تبين اخليج تستانسين معاهم وانا بعيد :eek: قهرني والله سكت عنه

مدري الحل الطلاق انا ما ودي بس اللي حولي قالوا لي خلصونا من مشاكلكم اللي هم ابوي وابوه وامه

وامي تقولي اصبري

وانا قلبي مجروح منه والله يحذف على كلاام يقهرني ويجرحني والله والحين يقول انا عرفت شخصيتج انتي مصلحجيه والله اني ما اطالبه بمصروف ولاا شئ انا اصرف على نفسي ولاا اني بمقابل الدلع ابي شئ منه دووم انا ابادرة بالهديه العيد

لما توفت جدتي تدرين وش سوى وقف عند باب الغرفه وقال عظم الله اجرج وراح
قهرني

وخلاني بس اروح يوم واحد لعزاها مرضى على الأقل 3 ايام طاح من عين هلي والله

اناني وعديم المسؤوليه حسافه عطته اغلى شئ عندي

بذرة قطر
02/11/2008, 08:12 AM
ابشرج طلقني والحين حاس بغلطته علشان خسر مايقدر يتعوض اللي اخسره بالعرس اللهم لاشماته

والحين يحاول يرجعني انا مابيه وسبب الطلاق علشان سيارتي يبي ياخذها حلف اذا ما قلت لابوي مايتدخل بحياتي ولاا انا طالق ب 3

الحمد لله جات منه

وامه الداعيه طلعت على حقيقتها حسبي الله ونعم الوكيل اطعنت بشرفي هي وبنتها

حسبي الله ونعم الوكيل جعل كيدهم في نحورهم هي وبنتها وعيالها

يارب انصرني عليهم

ساعة غروب
05/11/2008, 12:17 PM
الله يساعدج والله عورتي قلبي

صج رفس النعمة

حسبي الله ونعم الوكيل

الله ينصرج عليهم

حبيبتي الله بعوضج عن الصبر وطيبة قلبج وما يضيع حقج ان شاء الله

بذرة قطر
29/11/2009, 12:12 AM
مرحبا اختي ،، اذا تذكرين مشكلتي كملت السنه ولحد الحين ماحصلت طلاقي

حسبي الله ونعم الوكيل

واللي سمعته عنه انه تزوج مغربية وهو مرتبط فيها بسبب السحر

جعل كيدهم في نحورهم

ويارب احصل طلاقي :(

ادعي لي