المساعد الشخصي الرقمي

مشاهدة النسخة كاملة : حالتي مع اهل زوجي



زوجة حبيبهاااا
21/06/2008, 02:33 PM
السلااام عليكم .. بنات اكيد انتوا عارفين مشكلتي من قبل ما اقولها والوضع هذا مرره صعب ومؤلم للنفس وما ينطااق بصرااحه .. انا علاقتي مرره رسميه مع اهل زوجي والحمدلله محترمتهم وماقد غلطت عليهم وبشهادتهم هم على الكلام هذا ويقولون عني اني طيبه وبنت ناس اجوااد لكن تصرفاتهم معي غير كلامهم والطيب ما يثمر فيهم بصرااحه .. كل ما رحتلهم او طلعت معاهم لازم ارجع وانا زعلانه ومتنكده منهم ويحاولون دايما يدقون فيني وفي اني مااجيب اولاد لاني ماحملت وانا صارلي سنتين من تزوجت مع انهم هم عندهم في عائلتهم كلهم يتاخرون في الحمل يعني وراثه ولدهم مثلهم مو منى انا تاخر الحمل .. ويحاولون يضغطووني ويزعلوني في الكلاام واحنا بنزوج ولدنا لو ماتجيبين اولاد واذا هو في العيب اصبري عليه شووفوا الظلم كيف .. ويحاولون يدقون في اصلي وفصلي وبعدين يقولون انتي طيبه وبنت ناس طيبين وحنا نمزح بس .. بالله فيه مزح زي كذاا انا احسها ثقالة دم احد مقهور منك يغاار منى ويحاول يزعلني لاني احسن منه وانا داايم كذا ازعل وابكي وزوجي يقوللي انتي حساسه وتسوين مشكله من اي شي وانا والله انجرح وانقهر من كلامهم انا اهلي ما يسوون كذا مع زوجي يحبونه ويحترمونه ويذبحونله اول ما يجي وهاتك يا سوالف وضحك وهو يعترف بكذا ويحب امي وابوي ويمووت عليهم .. طيب اقولله ليه اهلك ما يصيرون كذا معي تخيل لو اقول لاهلي يعاملونك بالمثل وش بيكون موقفك مو تزعل وتقول انا اش سويتلهم ليه يعاملووني كذاااا .. واخوااته مدري شفيهم اا مو قادره احبهم او انسجم معهم بالمررره وهم يشوفون اني مغرورة وشايفه نفسي وانا مدري وش اسوي انا يابنات طيبه لكن اكراام النفس هواها .. مااحبهم ربي ماحط في قلبي حبهم بس انا ماابين اجاامل واجي على نفسي كثير عشاان زوجي احبه وابي ارضيه لكن ما يبااان ودايم ادعي ان ربي يبعدني عنهم ويكفيني شرهم وادعي ان ربي يصلح الاحواال وانشالله ربي يستجيب .. ياارب اذا حملت تتغير الاوضااع انا عندي امل في كذاا .. اسفه اذا طولت عليكم بس حبيت اتكلم وافضفض لاني بنفجر بصرااحه (( ياحي ياقيوم برحمتك استغيث اصلح لي شاني كله ولا تكلني الى نفسي طرفة عين ))

حامدة ربها
21/06/2008, 02:48 PM
هلا حبيبتي شوفي اختصري كل الكلام الي ينقال عنك مدام هم يقولو عنك طيبه بس لان هم يبو يشوفو لولدهم ضنا يبو يحفزوش عشان تتعالجي بس الله كريم الله يرزقك ويرزقني وجميع المومنين امين

زوجة حبيبهاااا
21/06/2008, 03:05 PM
حبيبتي انا وزوجي مافينا شي الحمدلله كل شي تمام هذا شي من عند ربي مو مني ولا منه ولا منهم بس هم ما يفهمون واذا يبون لولدهم ظنا ليه يزعلووني انا وش ذنبي كنت مرتاحه ببيت اهلي ليه يصير فيني كذا انا اش سويت ابي افهم افهمووني الله يخليكم .. انا ابي المعامله الطيبه ابي احس انهم يحبوني ويخافون علي مو كذا يطفشوني ويكرهوني فيهم

هايدي فتاة الألب
21/06/2008, 03:10 PM
الله يرزقك الذرية الصالحة عاجلآ غير آجل آآآآآمين,أختي لاتتضايقين من تصرفاتهم وتذكري أن كل قوي فيه الي أقوى منه،ومافيه بيت يخلا من المشاكل ،وتذكري المثل الي يقول (أحبب حبيبك هونا عسى أن يكون عدوك يوما ما,وأبغض عدوك هونا عسى أن يكون حبيبك يوما ما)وأتمنى لك حياة سعيدة

دبدوبه بس حبوبه
21/06/2008, 03:34 PM
يا حبيبتي مساله الانجاب اذا كنتي متفهمه مع زوجك فهذا من جد اريحلك

ويمكن على اللي يسوونه اهل زوجك يمكنهم غايرين منك

خلاص لا تروحين لهم دايما واهم شي عندك هو زوجك وحاولي تكسبينه لأن الرجال يتغير لو فر عقله احد فما بالك باهله روحي لهم يوم واحد بالاسبوع

وبالتوفيق يا قلبي والله يعينك ويسعدك دنيا واخره ويسخرلك زوجك

اندلسيه
21/06/2008, 03:42 PM
لازم اهل الرجل يكون معهم مشاكل...
على العموم .اكون معهم رسميه.....اهم شئ ان مايصير الخطأ مني وبسلمتهم هم
ولايتحسف الا راعي الرديه ...يعني راعي المشاكل....

♥بنوته زايد UAE♥
21/06/2008, 03:44 PM
يالغاليه .. هم يمكن مضايقين ان بعدج ماحملتي وهم عارفين ان انتي مالج ذنب وحتى ولدهم ماله ذنب ..

يبون يفرحون في ولدهم ،، اكيد كل الناس جي ..

يا اختي كل مايقولون لج نفس هالكلام قولي لهم ان كل شئ بيد الله سبحانه وتعالى ..

وحاولي انج تتصدقين بنيه ان علاقتج مع اهل زوجج تتحسن للاحسن ...

وانتي لا تقعدين اتصيحين جدام زوجج ،، لان شفيتيه شو قالج ،، قالج انتي حساسه و تسوين مشكله من ولا شئ ..

مهما يصير الزوج مايحب ان زوجته تقول شئ عن اهله وبالاخص الام والاب ...

دايم حاولي تمدحين فيهم جدام زوجج ...

وبعدين يا اختي كل انسان يحب ان الناس تعامله بالطيب .. بس كل شخص وعلى حسب ..

كفايه ان زوجج يحب امج وابوج ... وانتي حاولي ماتحتكين وياهم وااااااايد .....ز صدقيني بيملون ..

وان شاء الله تحملين وتترسين لهم البيت عيال ...........

زوجة حبيبهاااا
21/06/2008, 03:53 PM
الله يعطيكم العافيه كلكم ويوفقكم ويصلح احوالكم ويسخر لكم ازواجكم هذا اللي ابي اسمعه الكلاام الطيب وانتوا ما قصرتوا والله يرزقني ويرزق كل بنت بالحمل ياارب قبل رمضاان يااكرم الاكرمين يالله

girl_love4ever
21/06/2008, 04:13 PM
الله يرزقك الذريه الصالحة

اخت اختها
21/06/2008, 09:26 PM
اثقلي عليهم وحاولي انك تبعدي عنهم قدر الامكان ولو صار واجتمعتوا
لا تسولفين معهم اذا احد سالك جاوبيه وبس
يعني لاتعطيهم وجه وتخلينهم يدخلون في خصوصياتك
انا مثلك وماعطي احد وجه
وبكذا راح يتعدلون

مغروره بس مجبوره
21/06/2008, 11:34 PM
كلامج جا في الصميم اي والله ما اكره هالنوع من الناس يرفعون الضغط يمكن فاضيين ماعندهم سالفه الا مرت ولدنا هالمسكينه اللي ماترد علينا ؟؟؟؟؟
بس انتي الغلطانه المفروض تعطيهم حبتين وردي ودافعي عن نفسج لا تخلين شي فقلبج وتتضايقين وتبكين وبعدين لاصار فيج مرض محد راح ينفعج ترى اللي يكتم ويخبي في قلبه تييه امراض الله يستر منها
خليج قويه وسكتي كل واحد يحاول ايضايقج وبتشوفي اشلون

دلوعةحناني
22/06/2008, 04:17 AM
ما حك ظهرك الا ظفرك
حبيبتي الغاليه الله يعنيك على ما بلاك
مشاكل اهل الزوج ما تنتهي من قالك اذا حملتي بينتهي الموضوع؟
بيطلعون لك بسالفه جديده اما سالفة بنت وولد او سالفة السكن او او
انتي لازم توقفين كل وحده فيهم عند حدها لا تسكتين لان السكوت والكتمه تجيب الامراض والله يبعدك عن الامراض.........
سكوت المرأه عن حقها وتكتمها يجيب القولون العصبي الصداع المزمن الاكتئاب
وترى الشكوى للزوج بتزيد القهر اكثر لان بيوقف تلقائيا مع اهله وشنو السبب للحين انا محتاره؟؟؟
كلهم كذاااااااااااااااااا كل الرجال والعياذ بالله ما يصدقون على اهلهم شي وربي اني مفقوعه من القهر
كلشي يسوون اهل الزوج بنظره صح وعادي وما يقصدون وانتي حساسه
واذا البنت غلطت بعفويه صارت كريهه وشريره وتتقصد تجرح اهله
شفيني انا قمت اتكلم عن نفسي وقهري ههههههههههههههههههه
نرجع لك انتي
حبيبتي واجهيهم من هالحين وكوني قوية الشخصيه وخليهم يخافون من ردودك عليهم بهالطريقه بيسكتون
ويخافون يتحرشون فيك.
تحياتي

#روحـ مغليها#
22/06/2008, 07:01 AM
الله يرزقك ويصلح احوالك
وانتي تقولين انك ماتحبين خواته (وهم ماسوو لك شي) وماتبين تضغطين على نفسك
ربي ماحط في قلبك حبهم
قيسي عليهم نفس الشي .! ممكن يكونون مايحبونك ومايبون يضغطون على انفسهم

الله يصلح الحال والااحوال ويرزقك بالضني الي يسعدك مع زوجك ويملي حياااتك عاجلآ ,,