المساعد الشخصي الرقمي

مشاهدة النسخة كاملة : مشكله أخوي .. حلوها بليز ..



أميره الذوق
18/06/2008, 07:30 PM
والله أكتب المشكله و انا قلبي يعورني لاسباب وايده .. المهم مابي اطول عليكم :

مرت أخوي طيبه ووويانه و مع زوجها و اجد .. مب حلوه بس اذا تعدلت اوكيه و الجمال كلش مب مهم .. أهم شي انها تعرف ربها وطيبه و تحبنا و احنا نحبها وتحترم زوجها .. بس في مشكله .. أنها ريحتها مب حلوه .. يعني يمكن يكون مرض وهاي الي كاسر خاطري يعني استغفر الله الغرفه كلها تنحشر بالريحه اذا قعدت ويانا .. قلبي يعورني والله بس شاسوي .. احس انه أخوي متأزم بس يقول عادي وماشم >>مره وحده بس اختي الكبيره اسألته .. خاسف اذا قال يجرحها او شي ... قولوا لي اشلون انصحها او حل المشكله بدون ما جرحها .. أمي دايما تقول جدامها انا في اليوم اتسبح مرتين واتعطر ومن هالسوالف عشان يمكن التغير بس ما في فايده ؟؟؟ شالحل ؟؟

مرموم
18/06/2008, 07:32 PM
الحل إنكم ما تتركوها أختي

هذا الداء بيبعد الناس عنها...و أكيد أخوكي مستحمل...

ممكن يستحمل يوم يومين 10...بس مش طول العمر

أكيد إنتوا عندكم طريقة تقدروا تكلموها فيها لوحدها بدون الناس ما تحس...

يعني أكتر واحدة منكم قريبة منها تقدر تصارحها...علشان ما يتأثر بيتها بس بهذه المشكلة و تخلي نيتها لله تعالى..

بالتوفيق أختي

سحــآب
18/06/2008, 07:35 PM
شوف حبيبتي ...


بدأية ترى أحس أنه أهم شي نظـآفه الشخص

وبـ/ النسبه لي ممكن أكره شخص والسبه ريحته ...




بس أنتي تقدري تجيبي لهـآ هديه مجموعة أشيــآء للنظـآفه ممكن تستخدمهــآ



وبعد ادا مره أزمت ممكن أحد يكلمهـآ أو يدقها بـ/ الهرج


أنو في وحده زوجها طلقهـآ عشان مو قادر يعيش معاها لانها مو مهتمه بـ/ نظـآفتها



يعني حاولوا تقولوا أيي شي بطريفه غير مبـآشره ...




والله يكون في عون زوجهـآ الأول والأخير


وعونكمـ ...

وحيده وسط هالي
18/06/2008, 07:36 PM
هلا اختي
قدمي لها هدية سلة صابون وعطور
يعني تخبريها بس بطرقة رقيقة
والله يصلح الامور

✿.زهور الريف✿.
18/06/2008, 07:49 PM
هلا اختي ....................اخبرك ورحي اي مكان يبعون متجات طبيعيه اي صابونات وريج الجسم خذي اثنييييييين اوكي ورحي عندها خبريها انك سمعتي ان هذا النوع جدا حلو ومعروف وكل ناس تجربه انا اخذ لي واحد وجربته وطلع يهبل ويجنن وريحته واااااااجد حلوه وانت خذيه وجربيه وخبريني بس لازم تجلسي عليه فتره علشان يجيب مفعوله احلى .............واشوي اشوي خذيها معاكي سوق واشروا اغراض الجسم وملابس وكذا

خالتو
18/06/2008, 07:58 PM
حبيبتي احسن شي انكم اتصارحوها لان هيه يمكن متعرف انتي علميها

~Mrs $ugar~
18/06/2008, 08:06 PM
سلام عليكم

ماادري بس انا احس ان اخوج اهو المفروض الي يكلمها

لان الكلام لو اجى منكم راح تستحي منكم وايد وتنحرج

بس اهو زوجها و يعرف اسلوبها والاوقات الي تكون فيها نفسيتها اوكي

او انه يقدر يعودها على النظاف من غير مايقول لها شي

مثل ان قبل الجماع يسبحون مع بعض
قبل لايظهرون من بيتهم يزهب لها الروب وثيابها والعطور الي يحبها و يجهز لها الحمام

طبعا هذا الشي لفترة على ماتتعود على النظافه والريحة الحلوه وقتها ماراح اهي تتحمل ريحتها

سولارا
18/06/2008, 08:14 PM
اختي افكار الاخوات كويسه لكن لو كان الي فيها مرض يعني مش معقول دايما تقابلكم وهي مش متسبحه ولااعتقد اخوك رايح يبخل عليها باادوات النظافه او الصوابين اذاكان متظررمنها لكن هناك امراظ تخلي ريحة الجسم سيئه او الاكل مثل البهارات والشطه او المعده فيها مشكله وفيه مرظ في الظهر يخلي ريحة الجسم معفنه واحيانا يكون نوع من السحر حتى تتطلق ولاتستغربين لان بنت الجيران حصل معها كذا وقالها شيخ تتطلق منه وبتروح الريحه وفعلا لماطلقها انتهت منها المشكله ثم اسالي هذه المشكله طلعت بعد الزواج لاني مااظن بتخطبونها وفيها الريحه ولاماشميتموها يمكن المشكله في المناطق الحساسه او التهابات قويه عندها فخلي اخوك يسوي لها تحاليل ويشوف ومعليش تتكلم معها وحده منكم احسن من تسير سيرة على كل لسان فهذا العيب بيوصل لاولادها اذاكبرو .او اكتبو لها رساله من غير ماتعرف مين الي كتبها منعا للاحراج او احد من صديقاتك يكلمها ويقوله بكل ادب بحيث انها ماتعرف الصوت .وتذكري ياختي ان اقسى شيء على الانسان هواحراجه في شكله اوريحته.وخبرينا وش يصير معاك.

#..# ام ساارونه #..#
18/06/2008, 09:12 PM
يمكن لو سمح الله فيهاا مرض ،،

هاي السالفه يوم كانت صغيره ،، وحتى يوم كبرت نفس الشئ ..

اربيعت اختي نفس حالت حرمه اخوج ،، مع انهاا تسبح ،، وفي يوم اخوي دخل البيت قعد يعلق على الريحه ،، يقول شو هالريحه الخايسه واربيعت اختي حست فقالت حق اختي ان انا هرموناتي زايده ..


والله من يومهاا وهي من اتي البيت وتسمع صوت اخوي اتقول خلاص بروح ..

فإشترينالهاا هديه فيهاا صابونات وعطور فرنسيه مع بودي لوشن ،، وفوق هذا كله نفس الشئ ..

بالعكس احس انه الريحه اتزيد لان تختلط ريحتهاا بيريحه العطور والكريمات ..

ليش ماتروحين اتعالجونهاا ..

لا تظلمونهاا ،، خلي الوالده اتفهمهاا بطريقتهاا الخاصه ..

شيماء22
18/06/2008, 09:16 PM
اختي خذيها على جني وقوليلها انو انت فيك مرض لاسمح الله لانو من فترة تغيرت ريحتك اخاف يصبك مكروه ومن هالحكي واذا زعلت معناتو غبية وما تعرف مصلحتها والله يكون بالعون

موشومة بجرح
18/06/2008, 09:51 PM
هلا اختي .. المسألة مو مسألة نظافه...

يمكن يكون طبيعة جسمها كذا او الهرمونات عندها زايده..

خالتي كذا مع انها تحاول انها تكون نظيفه وريحتها حلوه بس ماتقدر وهذا الشي يخليها ترفض الخطاب ولا تزوجت

خليها تقرا مواضيع بالمنتديات أو قولي لها ان وحده من صديقاتي تعاني من ريحه في جسمها وراحت للدكتوره وعطتها حل..

يعني حاولي توصلين لها بطريقه غير مباشره... أكيد هي تعاني بس محتاجه احد يوجهها ويعلمها...


الله يوفقها مع اخوك ويوفقك ويوفق بنات المسلمين أجمعين..

تقبلي مروري

ღღ دريـــم ويــب ღღ
18/06/2008, 09:54 PM
خليها تبتعد عن اكل الثوم والبصل والبهارات زي الكاري..


او تستشير اخصائية جلديه تعطيها حل


الله يشفيها يارب

نورا83
18/06/2008, 11:58 PM
جيبي هدايا عطور ومطهرات واديها لأخوكى يقدمها ليها هديه لأن اككيد اخوكى بش حيعرف يشترى الحاجات ديه وخليه يكلمها هو ف الموضوع عشان ما تخدش منكم جنب واكيد دة جوزها وحتتقبل منه اي حاجة يقولها او يعملها

شمس 31116
19/06/2008, 01:22 AM
لازم وحدة منكم تقول لها بأسلوووب حـلوو

قولي لها عن نوعيات مسحات جديدة وزينه وامدحو مزيل العرق قدامها بقوة ودخلوها معاكم بالنقاش وكل وحده تقول شنو النوعيه اللي تستخدمها واللي تحس انها زينه وفعاله واسألوها انتي شنو تستخدمين اي ماركه مثلا

بتقول لكم شئ قولوا لها اشتري واشتري واشتري وبتشوفين النتيجه يعني كأن سوالف عاااديه وانشاء الله خير
انا كانت عندي وحدة من القرايب مشالله آخر كشخه ورقه ونعومة بس الريحه قاطعه ومدري صراحه شسوت لأن من تزوجت ماصرت اشوف شئ يعني الحمد الله

دلوعةحناني
19/06/2008, 01:59 AM
شوفي حبيبتي
يمكن اهي اتسبح بس تلبس نفس اللبس بدون غسيل كثير يسوون هالشي وتطلع فيهم ريحه اعوذ بالله
الافضل للجميع ولها ان زوجك يكلم امها قسما بالله هذا هو الحل يكلم امها بالموضوع وهي تكلمها وتفهمها
صدقيني اعرف وحده اخت زوجها قالتلي نفس المشكله ويوم الاخ كلم ام مرته تغير الوضع كثير وصارت تهتم
يعني ظلم لها ولكم ولاخوكي بالاخص ان تبقى هالمشكله معلقه وتطلع عليها سمعه انها ام ريحه
الافضل اخوك يكلم امها ويشرح الوضع وهي تفهمها وانتوا اشتروا لها مزيل رائحه من النوع الممتاز وادعوا انه يبيض
الابط وممتاز وكلكم بتستخدمونه وبيكون الوضع اوكي
تحياتي

*درب المحبه*
19/06/2008, 02:13 AM
ويي الله يعينكم

شوفي اول شي هل الريحه بسبب عدم الاهتمام بالنظافه ولا سبب مرضي ؟!!

اذا هي ماتهتم بنظافتها لازم تخبرونها وتقولون لها

اما اذا سبب مرضي مالكم الا علاج طبي

وبعد في شي
لاتخلونها تاكل شي فيه ثوم او بهارات قويه او حلبه لان هالشي له تأثير قوي على افرازات الجسم

اشوف زوجها يخبرها احسن
لان بين الازواج مافيه اي حواجز

lulu-b777r
19/06/2008, 02:34 AM
انا رفيجتي كانت نفس السالفه بس عقب كلمتها بروحها ومحد ويانا وقلت لها فلانه انتي اتعرفين انا شكثر احبج ولا عمري جرحتج ولا غلطت عليج

وقالت اي صح وانا بعد احبج وايد واحسج ساعات مثل اختي

المهم عقب قلت لها جوفي انا لاني احبج بقولج شي مب زين فيج عشان تعدلينه ويضايقني ويضايق الي حولج من دون ماتحسين <<<< ومن هالكلام

وتميت معاها اتناقش عن اشلون اتصير لها الريحة (عرق الابط)

واخر شي اكتشفت انها ماتحط مزيل عرق على اساس انها اكبر البنات وامها ماعلمتها ان هالشي ضروري فعلمتها عن الانواع وان السبوح مب كافي عشان ايوخر الريحه لازم تحطين مزيل ولا شبه ولا... إلخ

والحمد الله ليحين احنا ربع وليحين تحبني

^_^

الله يخلينا لبعض ويخليها رفيقة درب صالحة لي آمين

اغتراب
19/06/2008, 03:55 AM
سلام عليكم

ماادري بس انا احس ان اخوج اهو المفروض الي يكلمها

لان الكلام لو اجى منكم راح تستحي منكم وايد وتنحرج

بس اهو زوجها و يعرف اسلوبها والاوقات الي تكون فيها نفسيتها اوكي

او انه يقدر يعودها على النظاف من غير مايقول لها شي

مثل ان قبل الجماع يسبحون مع بعض
قبل لايظهرون من بيتهم يزهب لها الروب وثيابها والعطور الي يحبها و يجهز لها الحمام

طبعا هذا الشي لفترة على ماتتعود على النظافه والريحة الحلوه وقتها ماراح اهي تتحمل ريحتها


فعلا انا معاها.....

زوجها ستر وغطى عليها......

تزعل منه شويه بس في الاخير راح تتقبل منه......

ومو على كل حال انها غير نظيفه...... فيه ناس يشيلوا المنطقه بالموس والموس يسبب

مصييييييييييييييبه.......وفي ناس يكون هالشي مرضي .....

يكلمها بالموضوع بس لايخبرها ان اهله قالوا شي عنها....

هيتاف
19/06/2008, 04:10 AM
الحل اميره تاخذينها ايت يوم لصالون وتسوين معاها حمام مغربي وحببيها بهل حمام علشان تحس بحلاوة النظافه وجذي حركه اشتري من بدي شوب شاور جل الي بريحة التوت جنان وعطيهياه وقوليلها نصيحه جبريه بتدعيلي اخوي الي هو زوجها بيحبج لانه يحب ريحته

امونه 2008
21/06/2008, 09:32 AM
الله يكون في عونك

عيون وليد
21/06/2008, 09:58 AM
لا تصارحونهااااااااا كذاااا على طووووول لانها راح تنجرح

بس يوم وانتم جالسين انتي وهي وخواتك اسئلي اختك وش تستخدمي مزيل عرق وغسووول عاد اختك بتقلك ووجهي لهاااااا السؤال نفسه وشوفي وش راح تقووول بعدين قولي لاختك جيبي لي مثل المنتجات الي تستخدميهااااااا اختك راح تجيب لزوجة اخوووك من باب انهااا كانت جالسه معاكم

وش رايك بس :)

كلمات من قصائد
21/06/2008, 10:03 AM
مرحبا اختي...


شوفي جربي وانتووو قاعدين مره من المرات انكم تتكلمون عن العناية بالجسم والبشره

وانج قريتي في المنتدى عن شي يخلي ريحه المره حلوووة وتهبل


وعندي لج طريقه ترى صج حلوووة وانا مجربتها والله

انها تترس البانيوو ماي وتصب فيه بياله خل التفاح وبياله ماي ورد وتتنقع فيه لمده ربع ساعه

وبعدها للما تخلص الربع ساعه تغسل جسمها بماي مخلوط مع ماي وردددد


ترى صج تخلي ريحه الجسم حلوووة وماتخليها تحتاج مزيل العرق...

انتي قولي لها انج جربتي الطريقه وزوووج عجبته الريحه :wink:


وموفقين يارب



سبحانك اني ظلمت نفسي فاغفر لي فانه لايغفر الذنوب الا انت (f)

Unusual
21/06/2008, 04:28 PM
اختيه في مرض جيني يخلي الانسان تطلع منه ريحه مب حلوة بس ما تكون ريحة صنان يعني عرق
يعني تكون مثل ريحة الشي الميت ...يعني اخس من العرق ...لو كانت حرمة اخوج جيه هذا ماله حل

وانتي شوفي اول ما تزوج كانت ريحتها جيه ولا لا؟
إذا لا ..
معناتها يا انها عندها تعرق بزياده ويبالها علاج ..او انها مهمله عمرها ...وما تستخدم ديودرنت..
خذيها على ينب وكليمها قوليلها شو ناقصنج ما شي ...ادب واخلاق والكل يحبج..بس في شي يظايقنا إلي هي
ريحتج قوليلها انج تعرفين انها تتسبح وتتنظف ..لكن يمكن فيه خللل في جسمها وسيروا وشوفوا دكتورة جلدية

Unusual
21/06/2008, 04:30 PM
وحد من العلماء قالوا ...ان في طريقة تقدر تبعد الريحة الوصخه عن الجسم وهي

نعناع ...وزعتر بري وخل وتنطبخ في ماي بعدها تحطينها في ماي البانيو ويتودن فيها الشخص
نص ساعه اول اقل بشوي ..وهالطريقة كفيله تبعد الريحه الوصخه اسبوعين

أمانيـــز
21/06/2008, 05:03 PM
انا رفيجتي كانت نفس السالفه بس عقب كلمتها بروحها ومحد ويانا وقلت لها فلانه انتي اتعرفين انا شكثر احبج ولا عمري جرحتج ولا غلطت عليج

وقالت اي صح وانا بعد احبج وايد واحسج ساعات مثل اختي

المهم عقب قلت لها جوفي انا لاني احبج بقولج شي مب زين فيج عشان تعدلينه ويضايقني ويضايق الي حولج من دون ماتحسين <<<< ومن هالكلام

وتميت معاها اتناقش عن اشلون اتصير لها الريحة (عرق الابط)

واخر شي اكتشفت انها ماتحط مزيل عرق على اساس انها اكبر البنات وامها ماعلمتها ان هالشي ضروري فعلمتها عن الانواع وان السبوح مب كافي عشان ايوخر الريحه لازم تحطين مزيل ولا شبه ولا... إلخ

والحمد الله ليحين احنا ربع وليحين تحبني

^_^

الله يخلينا لبعض ويخليها رفيقة درب صالحة لي آمين

(y)

غرام القلب
21/06/2008, 05:36 PM
بعض الروائح ما تشيلها العطور و الصوابين و البخور لأن تكون نابعه من أكل معين او مرض جلدي أو افرازات خادة في غدد العرق، أنا اشوف ان لازم تروحين معاها الدكتور لان في ابره للباط تشيل ريحة العرق نهائيا او يمكن الدكتور يكون عنده علاج افضل، انا اقول ناديها و خلها تقعد معاج على الانترنت بحجة انج تبينها تدور معاج على علاج للروائح و قوليلها ان صديقتج تبي حل لمشكلتها و لنج تبين تساعدين صديقتج و شوي شوي راح تسولفون عن الموضوع و قوليلها شو رايج نروح نكشف او شي من هالقبيل..