المساعد الشخصي الرقمي

مشاهدة النسخة كاملة : !!!



عاشقة عبود
15/05/2003, 12:05 AM
بنات ساعدوني
انا عندي مشكلة كبيرة بحياتي
زوجي حبيته وتزوجنا بعد قصة حب دامت لأكثر من سنة ورغم كل الظروف اللي احاطت فينا الا انا تخطيناها وعاندنا كتير ناس مشان نرتبط وبالنهاية توفقنا وتزوجنا
هلأ عندي مشكلة كبيرة اني كتير عصبية وكتير غيورة
يعني بعصب من اقل شيء انا زوجي بشتغل بالسعودية ودايما بتصل فيه وبحكي معه، وببعت له مسجات بس المشكلة انه هو ما برد على المسجات اللي انا ببعتها بصراحة انا الغيرة ابتدت تاكل بقلبي ليش ما برد علي ويا مصيبتي اذا اتصلت فيه وكان جواله مشغول. برجع ارن عليه مرة تانية وتالتة بس مشان اخانق عليه وهو قلبه بارد كتير ما برد علي بالمرة وبضل ساكت وانا بنقهر كتير من سكوته، فهمته اكتر من مرة انه لازم يرد ولو بكلمة بس هو بضله مصر على موقفه ومش مستعد يفش خلقي لو بكلمة
انا تعبانة كتير والمشكلة الأكبر انه يوم الثلاثاء كان عيد ميلاده واتصلت فيه بس لقيت جواله مشغول وبعدين ما كان يرد علي بحجة انه قاعد مع اصحابه ومع اني كنت كتير مبسوطة وبدي اسعده بس كل شيء انقلب لخناقة الها اول وما الها اخر وهلأ صار لنا يومين ما حكى معي ولا حاول انه يراضيني وانا كمان لسا معندة وبتهمه بانه بخوني وبعرف واحدة تانية وانه بهتم بزوجته الأولى اكتر مني والمشاكل كل يوم بتزيد مع العلم اني متزوجة بس من 5 اشهر
والله مش عارفه مين الغلط انا والا هو
وشو اعمل كرامتي ما بتسمح لي اني اتصل واراضيه
ومش عارفة شو اعمل
بليز (u)

ذوق
15/05/2003, 07:10 AM
الله يهدييج انتي اتعرفين ان اسلوبج هذا كله غلط!!! وطفشيين زوجج منج واتقولين ليش وشو السبب!!!!
الريال بطبيعته يا حبيبتي مايفكر بقلبه مثل الحريم ولا بالرومنسيه فلا تزعلين اذا سويتي شي و مالقيتي شي بالمقبل...انتي على كلامج يوم هو بعيد تتهاوشون وين عيل يوم تتقابلون!!!
لا حبيبتي كبري عقلج شوي و خفي الاتصالات الي ممكن تحرج زوجج جدام ربعه او في الشغل ولا تنسين انه بعيد عنجج يعني تكفيه ضوغوطات الشغل والبعد ولا تزيدينه هم.....
خلي قلبج حلو واتاسفي له وقوليله يسامحج لانه ضروف شغله وبعده عنج سببتلج هالمشاكل والنفسيه التعبانه....
يوم ايي البيت استقبليه استقبال حلو والمنتدى ما يخلو من الحركات الرومنسيه يوم اتكلمينه قوليله كلام حلو وادعيله بان الله يوفقه وغيري اسلووبج السابق معاه وشووووفي النتيجه:)
والله يبعد الشيطان عنج ولا اتوسوسين

عاشقة عبود
17/05/2003, 10:57 PM
شكرا كتير عزيزتي ذوق هاد فعلا اللي صار بس تصوري انه كل خميس بتلفن لي ويوم الخميس اللي فات ما حكى معي. اتصلت فيه واعتذرت له وطلبت يسامحني بس هو كان كتير زعلان وحتى ما سامحني وحاولت بكل الطرق لكنه ماخد على خاطره مني كتير
:confused:
انا تعبت كتير وهو زعلان وبنقهر كتير لما اعرف انه حكى مع مرته الاولى وطنشني انا مع انه ما تزوج عليها الا لانه مش متفاهم معاها وفي بينهم مشاكل دايما، انا تعبانة اكتر لاني سببت له زعل وتعب كتير يعني ندمانة على اللي عملته وهو ما برضى بسهولة

على كل حال شكرا للنصيحة الله يوفقك

كاري
20/05/2003, 12:18 PM
أنا من رايي تكوني ثقيله شوي معاه .. مثل ما هو بيعمل .. حتى يشعر بنفس شعورك ويبدأ هو يتحرك.. ويتصل..

وبدك تشغلي نفسك باشياء تانيه وتنجزي أشياء مفيده حتى تخبريه فيها علشان يعرف انك بدأت تلهي عنه وما تفكري فيه زي الأول.. حتى يحس بشخصيتك واستقلاليتك..

تحياتي

قمرالليالي
20/05/2003, 05:05 PM
الله يهديكِ لاتظنيين ظن السوء يمكن مايخونك

حاولي تصالحيه

ولاتضيعينه من ايديك بهالمشاكل والظنون اللي يمكن مالها اساس

ذوق
20/05/2003, 05:13 PM
هلا حبيبتي...اسمحيلي بس انا ماكنت عارفه انه عنده زوجه اولى...
ياحبيبتي لاتغاريين...مثل ماانتي تبين حقوقج الاولى الها حقوق بعد ..لاتزعجين نفسج وتفكرين في اشيا ثانيه خليج في حالج اريحلج ومثل ماقالت الاخت الكريمه اشغلي نفسج في امور ثانيه واذا اتصل فيج انسي انج مضايقه او انه لسا يعني زعلان اتكلمي معاه في مواضيع ثانيه ولا تتكلمين في امور اتحسين انها بتزعجه;)
يا عبوود هذا الي ذابحنج:D :D هونها وتهون;)
سلام حبيبتي وطمنينا على اخبارج :)

عاشقة عبود
20/05/2003, 11:07 PM
شكرا عزيزاتي
الله لا يحرمني منكم
للحقيقة هاد المنتدى كتير بخفف من المشاكل والضغوطات علي بالنسبة إلي لأنه في أشياء ما بنقدر نحكيه للناس اللي حوالينا وقريبين منا والله وحده بعلم السبب
اشكركم واتمنى اني مااكون تقلت عليكم
رح احاول اخد بنصيحتكم واعمل فيها وان شاء الله خير

:shy:

ذوق
21/05/2003, 11:37 AM
:clap::clap::clap: :up::up: